"نايف على اسمه نايف مخلاء الي خارج المملكه يخاليك

الله يحفظ أبنائنا وأخواننا ..
كلامة صحيح 100 % ـ نفس الكلام صار معي أنا بالذات ,, وربي والله شاهد على كلامي وانا صايم ::

أنا صار معي حادث مع أحد العمالة , وتقرير الحادث مابعد أوتخذ " المهم دار بيننا حوار وحوار وانا قلت ماراح أتنازل لأني عارف أن الخطأ عليه بنسبة كبيرة , المهم قال العسكري ياتتصالحوا يا بكرا تفاهموا مع الضابط ..
أنا قلت بكرا نتفاهم والكلام هذا بمنتصف الليل ..
سألني العسكري قال ؟ معك تأمين قلت لا ..
قال أجل جب كفيل أو ورقة من العمدة , قلت ورقة من العمدة بمنتصف الليل وكفيل والناس نايمة ..
قال براحتك ـ ياكفيل , ياورقة من العمدة , ياالحجز ..
ورب البيت أنا قادر على الكفيل وقادر على ورقة من العمدة لأنه من العائلة الكريمة لكن ماقدر أتحمل الحجز ..
أتصلت بإخوي عسكري برتبة حلوة وجاء وهو مدني ـ أقسم برب البيت أنه رفض كفالة أخوي وقاله جب ورقة من مقر شغلك رد أخوي وقاله مايكفيك زايْ رسمي قال لا :: لازم ورقة من عملك
بالنهاية : كفلني قريب لي من نفس إدارة المرور وإلا إلى اللحين أنا أناقش العسكري اللي مدري كيف توظف ..

تقبلوا مروري :: أخوكم سلومي 2

للظلم نهاية.................وولابد لليل من صبح

ابو ابراهيم تحياتي لك وللاعضاء المشاركين وغير المشاركين

طيب بالعقل يا ابو ابراهيم ما يحتاج امراء ولا وزير داخليه اذا انت تخاف على اخوك وتقول انه حدث وصغير ليه تعطيه سياره يسوق او تعطونه سياره انت من اصلك مخالف
بزارين ملت الشوارع بسيارات واذت المسلمين بتفحيط وعدم رقابه من اهاليهم واذا طبق القانون قامو يصيحون تعالو شوفو قولو
يعني قبل ما تعطونه المفتاح ليه ما فرضو انه بيسوي حادث وكيف تتصرفون وهو كيف يتصرف ووضع القانون فيه لما ايسوي حادث

القانون والحق ما يعرف مواطن ولا اجنبي كلنا بشر والعامل ادمي بلحم وشحم زي اخوك ليه محتقره .

عموما القانون لا يحمي المغفلين مقولة سادة في العالم والعسكري بكل مهنيه قائم بعمله ...