بريدة ستي - موقع لجينيات محجوب ...

اكبر دليل على صحة كلامي وتعليقي عليك هو ان احد المشرفين وافقني !!!! اضن ان هذا الشئ يكفي ويدل انني على صواااااااااااااااااب ولله الحمد وكعادتي ( الله يحفظني ويطول بعمري ) (h)

الا على فكره وش سالفة بعض الاعضاء اللي كنت اعتقد انهم ( محشومين ومحترمين ) تغيروا ..!!
هذاك يقول لا احد الاعضاء انت زي الذباب مايقع الا على الاماكن ....................!
وهذا يتلفظ ويستنقص ومن هالقبيل ...........!
وش السالفه هل يعني ان اي شخص كرم ووضع له لقب تحت يوزره يقول اللي يبي ومسموح له ؟؟
هل يعني ان مثل هؤلاء لا ينظر الى تجاوزاتهم وغيرهم من الاعضاء الغير معروفين يتم محاسبتهم ؟
اين الانصااااااااااااف يا مشرفين ؟؟!!

عموماً هذي نظره لما دار بيني وبين الطالب :eek5

اقتباس:

يا أخي لا نريد يوماً للرجال ويوماً للنساء، نريد منع النساء نهائياً لأنهن قاصرات

رديت عليه :

اقتباس:

وين يا اخوي ماتبي النساء يطلعن ؟
من جدك تتكلم انت ؟
ليش مالهن رب يطلعن ويشوفن ؟
تكلم بالعقل الله يرحم والديك بدون تشدد زائد
اذا كان سببك با ان خروجهن للتسكع كيف حكمت عليهن جميع بالهشئ هذا
واذا كان منعهن لهذا السبب فا الأولى منهن الشباب فيهم حقهم
ياليتك مفكر بعقلك اللي تملكه
يا اخواني بالله اطرحوا شئ با اتزان وبعقلانيه بلا تشدد
اوك مانبي اختلاط وانا اول من يؤيد منع الأختلاط لما فيه من مفاسد
اما تقولي النساء مايطلعن ووووووين بالعصر الحجري
اشوى اني مانب حرمه واطيح با ايد احدكم !!!

استغفر الله العظيم

قال تعالى : ( وَكَذَلِكَ جَعَلْنَاكُمْ أُمَّةً وَسَطاً لِتَكُونُوا شُهَدَاءَ عَلَى النَّاسِ وَيَكُونَ الرَّسُولُ عَلَيْكُمْ شَهِيداً )

اعتقد ان ردي هذا مافيه اي مشكله !!! واذا فيه اي خطأ انا مستعد اقدم اعتذاري لمن اخطأت بحقه .

شوف رده علي :

اقتباس:

ياخوي لا تصير هدر وماتفهم كلامي؟ أنا أقول يمنعن من دخول المعرض ما قلت لا يطلعن من البيت.
مع وين تفهم أنت؟؟

شفتوا كيف الحوار معه ؟ مباشره الاستنقاص وهذي حيلة المهزومي ! :eek5

هذا ردي :

اقتباس:

بالله وش شايف بروحك انت
مسوي شيخ زمانه ؟
ياخي حسن الفاظك وش هدر ومدري ايش
انا فاهم تقصد المعرض ولا شئ غيره وانا اقصد المعرض بعد
مثل ما الرجل مسموح له يروح البنت له حق تروح وتشوف بس بحدود كل شئ
اما تقول البنات يمنعن لانهن قاصرات اقول امنع اهلك واخواتك بس اما حنا نبي نودي بناتنا ونكون معاهن ومالك شغل فينا .
اكتشفت ان فيه عقول متحجره مره واولهم انت يالصباخ
من جد اول اميل للمطاوعه بس من ردك ماش حسيت ان فيكم تشدد بقوه
خلوا عنكم تفتح ووسطيه بدون تشدد

بالله اعرف كيف تتكلم وللأسف عضو تعتبر من الاعضاء المميزين

لو سمحت يامشرف اذا تبي تعدل ردي عدل رد الصباخ
ترى اكثر من مره تحذفون رد لي واطوف بالرغم اني ما اشوف في ردي اي مشكله او خطأ !!
مدري المشرف جديد وفرح وبيفرض نفسه بالحذف !!

مسخره والله !!

برضوا ردي مافيه اي مشكله !! وان كان هناك عتب على كلمة متشدد فهي في محله لانه اللي يقول الكلام هذا اعتبره متشدد بعيد عن حاله ان كان هو فعلاً متشدد ام غير ذلك . نحكم على ما نراه ومانقراه . اما انت يا لصباخ متشدد من خلال ردك واكررها للمره المليون الله يهديك :eek5

ثم يرد :

اقتباس:

لا فهمت ردي تعال الله يصلحك ورد علي، ردك هذا كلّه ماله أي دخل بردي.
أنا ماطالبت بالمنع لأني متشدد يا هدر << وللمرة الثانية أقوله لك لأنك فعلاً أثبت هدارتك.

بعد هذا انا اعتذر لمن يتابعوني وينتظرون ردودي بشوق وحماس :eek5 .. كنت اعتقد ان التعبير خانه بالمره الأولى وعذرته لكن يبدو انه متمرس على هذه الكلمات ومثلها وشاطر فيها . :eek5
أنا لا اتكلم ولا اتناقش الا مع رجال محترمين وحتى لو طال النقاش لايام المهم انني سأ غلبه اوانه سيغلبني وبعده ينتهي الحوار وبكذا نستفيد ونخرج بفواائد اما هذا الشخص لا يعرف ابسط الاشياء وهي الحوار وانتقاء الكلمات الطيبه فكيف به ان يتحاور مع شخص مثلي :eek5 ..

يجيني شخص محترم على عيني وراسي اما مثل هذا اسف فا انا اترفع عن هذي الأشكاال .. . لانهم لم يحترموا انفسهم فكيف بهم ان يحترمونا !!
***************
اتمنى من ابو مهند ينظر للأمر هذا بجديه ،، لان اي شخص ما يقبل ألاستنقاص فيه مهما كان . المنتدى وضع للحوار
كنت بالاول اتكلم عن كثرة صغار السن بالمنتدى وردود بعضهم لكن الامر تم تداركه الحمدلله اتمنى ان ينظر الى هؤلاء اصحاب الردود ( الغير محترمه )
اعتذر للجميع الاعضاء والعضوات واللي يعرفوني خاصه اذا ردي صار فيه كلام غير مقبول لكن احيان بعض العقول المتحجره تجبرك الى مثل هذه الردود
الى اللقاء .
بيني وبينك هالرد اخذ ثلث ساعه او اكثر الله يسامحك بس ياليتك تستاهل عاد :eek5

ايه صح والله يا نت تنكت ولو بيدي من الأمر شيئا لكتبت تحت يوزرك ( كاتب ساخر ) درجه اولى :eek5
لاتصدق روحك :eek5

اختم ببيت لطلال الرشيد رحمه الله (h)
ჯ [ ماسفهت من العقول الا الخلي ჯ وماحقرت من الكلام الا النبيح ]
(f)