بريدة ستي - عضو تحت الضــوء [ 3 ] مع المشـرف [ مدحت شوقي بريده ]

بريدة ستي (http://www.buraydahcity.net/vb/index.php)

- سـوالـيـف كـشكـولـيـة (http://www.buraydahcity.net/vb/forumdisplay.php?f=29)

- - عضو تحت الضــوء [ 3 ] مع المشـرف [ مدحت شوقي بريده ] (http://www.buraydahcity.net/vb/showthread.php?t=196797)

تراوه إلى الحين وهو مسنتر :113:

^
الله يفكـ اسره .. :113:

ههههههه أبوإبراهيم مرّة وحده، ياويلي يبي يروح فيها مدحتوه (h).
لي رجعة إن شاء الله مع كومة أسئلة قصدي ثلاثة أسئلة :d.
يارب ما أنسى :113:.....

لاتسحب علينا يامدحت ..

ابو ابراهيم هذا السئوال الثاني ( والسئوال لغير الله مذله ) :113:

وش الشي الي ودك يكون بمدينة بريدة البهية حاجة ناقصتها وان وجد يعمل تغير لها ؟

وكذلك حاجة ودك تكون بمنتدى الغالين ( منتدى بريدة ستي ) ؟

هل انت تتغير من جلوسك مع للعالم ؟ او العالم يتغير مع الجلوس معك ؟

اقتباس:

المشاركة الأساسية كتبها أبورزان (المشاركة 2118666)

مدحت الفرغلي :d مشرف كشكول إسم بلا رسم لماذا ؟؟ << واللي تقفوووهـ بها السالفة :d

ابو رازان ..

هلا بالبي ابو رازان ..

حبيب البي ويابعد معاليق ( سر ) شلقة ..

يقول الشاعر .. سليمان بن سعبول .. بديونه ( عصاقيل البعير ) ..
بقصيدة كوعي مارحم بوعي ..

لاتحسب اني يوم اخليك مابيك .. حتى ولو شفتن مدرعم وسايبك ..

انا يالبي عضو بكشكول .. بس بلون ازرق ..
بتلة ادخل .. بس مقصر بالردود والمواضيع ..

على طاري الرسم .. انا اسهل واحد ينرسم ..
ارسم خمس دويرات وكومهن جميع .. وحط عيون بالدويرة اللي فوق ..
ابد تقل تشوفن :d:d:d ..

ابو رازان .(h).

سي يو ..

أبو إبراهيم والله أنك فسحه :)

س| جاري التفكير لــ السوعال

.

بسرررررررعة رد علينا يالزول

.

اقتباس:

المشاركة الأساسية كتبها العاصف (المشاركة 2118681)

أهلييين بمدحت حبيب ألببي .. ياهلا بك ..
سؤالي
1/ وش يعنيك العاصف ..
2/ عطنا آخر المواقف المحرجه
3/ تخيل إنك تاكل وجبه دسمه وفجأة حسيت باثمك طعم غريب
وطلعته وأثره صرصوور .. وأنت آكلن نصه ووش تزين ..
4/ وراك معلق على سيو .
5/ وش معجبك بالمستشار
6 / رفيدزك أبوحماد وش آخر أخباره .
..
إذا سمحوا لي بزيادة أسئلة .. أبشر بسعدك يا ألبي ..

العاصف ..

ياهلا والله و غلا ..

الا أبسألك وينك يوم عرسك .. ماجلست معنا .. هاللحين نجيك من الرياض ..
ونجيبك من بيتكم .. وملاحق بهالسيارات ..
ويوم وصلنا تروح وتخلينا .. ترى عارفين انك جالسن عند الحريم ..
( اجل تبيه يقابل خشك .. اكيد يبي يروح هناك )

<<((== كم مرة قلنا لك انت جايبينك نسألك .. لاتقعد تسألنا .. وش هالنشبة ..

ج 1 /

العاصف .. اطهر قلب واحسن ضحكة ..

ج 2 / آخر موقف محرج يالبي ..

قبل فترة كان عندنا عزاء .. وقدر الله علي وسويت علوم رجال ..
وقلت ابجيب عشاء لأهل المتوفي ..

وجبت العشاء .. قال ولد المتوفي .. ياخي ماله داعي كلفت على روحك ..
قلت يابعدي وش دعوا ( ابرك ساعة ياخي:d ) ..
حسيت انه وده يدعسن بالبادية ..
شكله يناظرن ويقول .. ياحلالات من برك عليك هنا ..

ج 3 /

ياشين اللي يسئل عن الأشياء اللي تصير لوه ..
انت يوم انك تمضغ بهالصارور .. تحسبن ابصير مثلك .. انا يالبي ابحس بوه ..
لأن عنده هاك الشعرتين اللي قدام .. اللي تقول حواجب شايب ..
اول ماتحس بهالشعرتين تدري ان الدعوا به بلا .. الفظه .. مهوب تمضغه يامال الفاري ..

ج 3 /

سي يو .. هذي ياحبيب البي اذا قلته احس اني اعرف انقليزي ..
لأن مامعي من الانقليزي الا ( يس .. و .. نو ) وهالسيو ..

وأحياناً اذا بغيت اروح للمستشفى اوقف اي واحد واقوله ..
لو سمحت ويــن اقرب ( موسك ) هنا ..
لآ .. وامط خشتي مووووسك .. عشان يحس اني اعرف انقليزي ..

ج 4 /

المستشار .. صديق صدوق .. علمن معنى الصداقة وشلون ..
صح ان ( ركبته ) لو تركب له عيون كان ماتفرق بينه وبين وجهه ..

بس ولو احبه هاك الرجال ..
ومع اني اكبر منه الا اني اعتبر انه هو المثل والقدوة لي بحياتي ..

ج 5 /

ابو حماد يالبي انقطعت اخباره عقبك ..
مايجي اول الا علشانك .. يوم انك قطعت قطع بنا ..
يجي علشان يسمعك وانت تضحك ..
والله انه يدق علي ثلاث بالليل يقول وشلون يضحك فلان ..

اسمع عاد .. لاعااااد اشوفك هنا .. كل هالأسئلة وناوي تنكس بعد ..
:d(h)

وه بس ياحبيلك ..

سي يو ..

^^

هبال واسترح :113:

اقتباس:

المشاركة الأساسية كتبها شلّقـــــــــــة (المشاركة 2119328)

الأستاذ القدير مدحت ,,
- جدتك موضى - هل هي شخصية وهمية تمرر بها مواضيعك وإذا كانت كذلك ماالدافع لهاذا ؟
<-- تقل مرسل لمعكوس اللي بجريدة الرياض .. :d

شلقة ..

الأستاذ القدير ..<<((== والله ياهي كايدة استاذ بعد ..
اجل استاذ وقدير .. <<((== حتى ماوصلت ولا قدر .. توي طباقة قدر ..:d

جدتي موضي ..

يابعدي انت .. لو عندي جده اسمه موضي كان ( تعلكن ) ..
جدتي موضي ( وهمية ) ..
<<((== ترى وهمية اخت وهم .. وهم اي بمعنى ( بغى ) ..

مثال ذلك ..
وهم محمد بلفع سليمان .. ( اي .. بغى محمد يلفع سليمان ) ..

أما السبب يالبي .. لأني توهقت مع خالتي ..
نسيت مره وقلت .. قالت خالتي هيلة ..
وعينك ماتشوف الا النور ..

اول ماشافتن قالت .. يقول ولدي ابراهيم انك حاطن اسمي بالكمبيوتر ..:d
قلت له لاتخلينا يا ( اليسا ) .. لاياخالة بس تذكرت سالفة قلتيه .. وكتبته ..

قالت لي .. هما معك علم ان دري ابو صالح انه يبي يعلقك بالمروحة ..

قلت لاخلااااااااص لايدري فرقعين جدي .. خلاص ماعاد اكتب اسمتس ..

من هاك الساعة وانا حاشرن هالموضي ..

ونسلم عليك يالبي ..

سي يو ..

س1- بطاقتك الشخصيه
س2- تمسي على خير

اقتباس:

المشاركة الأساسية كتبها سواق تريلهـ ! (المشاركة 2119458)

مدحت شوقي بريدة !

البطاقة الشخصية ؟
وهو أنت ذاك اللي بالأشرطة ؟

:)

سواق تريله ..

اقتباس:

البطاقة الشخصية ؟

مدحت شوقي الدسوقي .. من خب اسوان جنوب الدعيسة ..

سباك ومختص بتمديد فرشات المسجد ..

احب الفول والطعمية .. وشعاري الطعمية تخليك مية المية ..

اقتباس:

وهو أنت ذاك اللي بالأشرطة ؟

أي اشرطة .. اللي يسمعك يقول 360 شريط ..
تحلف ان العامل اللي بتسجيلات ( أُحد ) ماله شغل الا يصفف اشرطتي ..

يالبي كلهن شريطين .. وكل شريط احسن من الثاني بالغلاف ..

سواق تريلة ..

يسلمو يالبي .

سي يو ..

اقتباس:

المشاركة الأساسية كتبها [ لــمّــآح ] (المشاركة 2119498)

تحب المصريين .. ؟!

لم ... آح ..
لم .. أي ..

اكيد يالبي ..

بحبهم .. دي أم حنفي منهم ..
اه ياألبي يألبهم ..
اهيه اهيه .. ام حنفي عندهم ..
تدودل خشته .. بينهم ..

سي يو ..