|
سمحووا لي كلمة حـــــــــــــــــــــــــــق الحريم يعرضن انفسهن وهن السبب الاول للتماديهمولــــــــــــــــــــــــــوفتحت الباب تحمــــــــــــــــــــــــــل من سرق
|
لماذ ا نحن اذا وقعنا بمشكلة لعنا العالم باكملة وصببنا جام غضبنا على من امامنا سنين طويلة وانا اشري من السوق الداخلى واقسم بالله العظيم ان عمرى ماحصل لى موقف مشين لانى ضابطة نفسى وما عطيته العمالة وجة الى يروح للسوق ينصدم من لبس بناتنا والتفنن بلبس النقاب والى تقدر تميز لون بشرتة من كبر فتحة النقاب او العباة الى اول وش زينة والحين ماتفرق عن مقاس القميص شوفوا طريقة لاكمام والعرض وشلون بدا يتناقص ياناس الى يبى يضبط بنتة يشوف لبسة قبل ماتطلع والى مو مصدقنى يروح يشوف وشلون البنت تشرى من محلات المكياج واسألو الباعة السعوديين وش رايهم بتحشم البنات اكرر البلاء من النساء انفسهن والله يالى ماسكة نفسة ماحد يجية وصراحة مايلامون خاصة ان كانو لادين ولا حياء اقسم بالله انى مرة شفت ام تقول للبايع عندك بلايز حلوة قال للبنت الى معك ضحكت وقالت تراى البس مثل بنتى واحسن ؟ ؟ هم مايجون الا الغرير والى مرخصة روحة بس او الى حاقرة العمالة تحسبهم مافيهم شر وتعالى شوفى وشلون يقالهم ينكتون ويقلدون كلامنا اتركى الى فى يدك وروحى عنهم وشوفى وشلون ينضبطون معك وبعدين ياختى الهيئة انبح حلقة وهى تكلم ومافى فايدة انا باذنى سامعة بنت تقول لرجل الهيئة يوم قالة فتنتينا قالت ياخى غمض ماحد قالك ناضر اى جراءة بالله عليك اقدر لكى غيرتك ونفع الله بكى |
ماطلعنا بنتيجة !!
الشباب يلومون البنات ! البنات يلومون البنات ! ومازال العابث يلم البنات ! |
والله مشكلة ودك من مسكه وعطاه ثمانين جلدة
|
اقتباس:
|
مو بس اليمنين معنه الاكثر
لاكن انا شايفه سعودي لزق بوحده وهي تطلب من المطعم ماينلام شكله مغري وهي مسويه انه توحشت وهجت لم اهله بالطاوله ولا قالت شي هذي ليه ماصرخت بوجهه كان تادب ولا عاجبه يارب لاتبلانااااااااا اختي نبض القصيم كلامك بالصميم والي تستر وتقرى ورده مايجيه شي ان شاء الله بعدين وين الفضيحه لابلغتي الهيئه ماراح تشهربك الله يصلح الحال |
عذرآآ أختي.. والله العظيم انا ولله الحمد ماعمري شفت مثل هذي الحركات..لاني ماعمري رحت الا مع محرم وعبايه سآآترة مايطلع ولا ظفري>>..طبعآآ انا ماامدح روحي بس اقولك لالابد من الستر خآآآآصة الاسوواق..,, والسبب الاول من البنآآت اللي تميلح تحسب احد داري عنه لاطلعت تقل رايحة لعزيمه مكياج ولبس والجوال اللي باالوان فاااقعه.. قسم والله ماله دااااعي..أنا ودي ادري هالي تسوي هالركآآت وش اللي في نيته..!! هل هي تبي تجذب الرجال ولا وش قصصصصده... ولا جاه شيئ انهبببلت وهي اللي جايبه البلى على نفسه. يابنآآت نصيييحه لوجه الله.,,الستر الستر الستر>>ترى التفصخ مايجر ورآآه إلا البلأوي.. . |
الله يهدي بنات المسلمين
|
فيه مثل يقول : المال السايب يعلم السرقه !! وأنا أقول : اللبس الغير محتشم يعلم التحرش والمغازل !! |
شوفوا يا إخوان
أنا أشتم ريحة تشهير وحملة ضد اليمنيين والبعض يستخدم ألفاظ مو لايقة على الإطلاق ويكيل التهم بالجملة ومسوين أنفسنا ملائكة ولا حول ولا قوة إلا بالله .أصبحنا مثل الغرب يعتبرون العرب والمسلمين إما إرهابيين أو شهوانيين مقامرين متخلفين وحنا ما في عندنا سالفة غير اليماني اليماني . أشعر بالخجل إلى وين انحط تفكيرنا .المشكلة في واحد قليل أدب يكون يماني هنيدي بنغالي سعودي يتعاقب وخلصنا السالفة . وكما تدين تدان وأتمنى لو تعرفون وش يقول الشامي واللبناني والمصري وغيرهم عن السعودي وصور نمطية وتعميم مقزز .أتمنى نكون منصفين ونحكم قيم الإسلام اللي عاملين أنفسنا فيها ابن تيمية أو ابن القيم وحسبي الله ونعم الوكيل والمعذرة على الإطالة |
احذر ان تترك اهلك وحدهم في المحل ماتدري ميحصل في دخل المحل
|
أنتي السبب ..... طيب ماينفع اللحين الصوت ......
ليش ماتعلمين اخوك أو أبوك أو اي رجل لانك هكذا لم تستفيدي من شي |
مركز هيئة السوق
3231256 3240005 الصفراء 3822852 3832223 الفايزية 3836668 |
المشكلة ليست في جنسيات معينة
المشكلة موجودة في داخل كل واحد من البشر لكن السعيد من ربى نفسه في تقوى من الله والشقي من عصى وتمادى وتكبر وتجبر وينسى أمثال هؤلاء بأن الله يمهل ولا يهمل وإن ستر عليه مئات المرات سيأتي يوم ويفضحه على رؤوس الملأ لذا أرجو عدم التعميم وإذا جئت وكتبت عن غير السعوديين بسوء سيأتي الأجانب ويكتبون عن السعوديين بأسوأ مما ذكرتيه يا أخية.. من النقاط المهمة أيضا خروج الفتاة أو المرأة بعباءة مخصرة أو أكمام وحتى مزركشة والعيون تسبح يمين يسار وتقول محتشمة .. إذاً طبقن أخياتي معنى التحشم البسن العباءة الشرعية الفضفاضة وبدون إبراز العيون رجاء.. وأنا لا أتهم أختي كاتبة الموضوع بأنها لم تتستر بل قلت ما قلته بسبب رؤيتي لبعض النساء اللواتي يقلن ويحلفن أنهن متسترات وعند النظر إلى عباءاتهن نجدها مخصرة ومزركشة وغيره. المهم إذا الواحدة تعرضت لا قدر الله لمثل تلك المواقف لا يحق لها السكوت والاحتراق بنار الموقف.. والله لو كل واحدة ما نزلت السوق إلا لحاجة ولم تنزل إلا مع رجل أبا كان أو أخا أو زوجا ودخلت في المحلات التي تريد بدل ما تسوع على وجه الأرض واحترمت نفسها بالتزامها بآداب الخروج لما حصلت المنكرات وشاعت الفتن. طوال عمري وأنا في بريدة .. الحمدلله لا أخرج للسوق إلا لحاجة وأكتب سلفا ماذا أريد وفي أي محل سأجده وذلك عن طريق سؤال أخواتي أو صديقاتي لأوفر على نفسي وولي أمري الوقت والجهد.. والحمد لله أبدا لم أتعرض لأي تحرش لا في السوق الداخلي ولا في العثيم ولا حتى النخيل وغيره. مع أني أحيانا أكون لوحدي .. ولا نــنسى دعاء السوق أخياتي والأذكار اليومية .. وما توفيقي إلا بالله.. غربة الخاطر. |
| الساعة الآن +4: 03:28 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.