|
من ناحيتي ما فيه مشكله تطلع ثلاث مرات بالأسبوع
يعني موب مره بالأسبوع ولا كل يوم خير الأمور اوسطها وبعدين وراه الحين لا قمتو وقعدتو قلتو التربيه وشهي التربيه معطينه اكبر من حجمه تراه كله كلمتين وخلاص |
اقتباس:
اقتباس:
وكأني بك تتحدث عن نفسك فقط ..! |
انا عن نفسي مغتربه عن اهلي وماعرف بالشرقيه احد مافي الا انا وزوجي مقابلين بعض وتقريباً كل يوم نطلع مع بعض يالكورنيش يالهاف مون يا اسواق يامطاعم والحمد لله على النعمه والصحه والعافيه والله لايغير علينا انا ماشوف فيها مشكله مكبر الموضوع من لاشيء العوائل تختلف ب اختلاف المعيشه والطبايع ب اختلاف حجم العائله ماتقارن طلعات المرأة اللي موجوده بديرة اهلها وبديرة اهل زوجها يعني كلهم عندها بطلعات المرأة اللي جالسه بديرة لا تعرف به احد ولا تقعد مع احد غيير زوجها بالشهر والشهرين وبالمثل ماتقارن طلعه اللي مالهم احد يدرس بطلعات اللي لها اولاد يدرسون غالبا اللي لهم اولاد يدرسون مقتصره طلعاتهم على الاربعاء والخميس والجمعه اما اللي ماعندهم لا دراسه ولا شيء لهم طلعات وسط الاسبوع مره للسوق ومره ل اهلها ومره ل اهل زوجها وهكذا ماشوف فيها شيء دام مافيه ضرر ولا تاثر على بيتهم وحياتهم الحمد لله ربي معطينا نعمه الصحه والعافيه والله يديمه على المسلمين ونعمه الحياة اللي حنا فيها من ترفيه ووو والله يقدرنا على تقدير النعمه |
بعد مشاهدتي لردود مره ثآآنيه تبين ان بعض الرجال مالهم شخصيه على حريمهم ..!
لان فيه رجال ردو اعرف حريمهم مششاء الله اربعين ساعه عند آهله ولا كشتات وطلعت ووسفرات وهو برده على الموضوع لا يويد خروج الزوجه الا لضروره ..! وحريمهم لا حاجه ولا شي وش يمسى هذا ؟؟ |
اقتباس:
ربما . . . ! والواقع يصدّق هذا أو يكذّبه ! |
اقتباس:
أنا لست معك بـ 20 يوم أو شهر ما تطلعين بل لا بد من ترويح النفس ومعك في كرهك لطلعة السوق لأنه زبالة المدينة . أما لو يحصل لك كل يوم فهي مشكلة . لأن القضية ليست خروج فقط وإنما هي أمور تترتب على الخروج فإلى أين سيكون ؟ ومع من ؟ وهل وقت الخروج سيكون خارج دائرة الحساب ؟ أتمنى وأرجو أن تكون فكرة وخلاصة ما أريده قد وصلك . |
أخ سامي اشكر مابدر منك من غيره علينا تكتسي محياك إذا كانت هذه نيتك الخوف عليهن وليس المشقة من طلباتهن فجعله في ميزان حسناتك ولكن الحكمة من الأيه ليس هنا التصريح في هذه الأيه لاتخرجن ولكن المقصود هو الخوف عليهن من الفتن التي تصيبهن أو ان يفتن وأفعالهن اليوم الذي يندب له الجبين من همسات لايرضى بها الله ولو كانت نساءنا بكامل الستر والعفاف فهنا اسمح لها بالخروج متى شاءت ولكن اليوم مخالف تماما وبالنسبة لي اخرج يوميا لدراستي الجامعية وفي عطلة الاسبوع اخرج نزهة استراحة أو بر وماإلى ذلك ولكن خروجي ياإستراحة وكأنه بيتي الثاني والنزهة البرية مع ابي وتحت مراقبته هنا أعتقد ليس البلية بالخروج البلية تكمن هنا حصن النفس من الفتن والدنس كم من نساء التزمن البيت وهن في قمة الحثالة بتصرفاتهن البشعة على التكنولوجيا وماإلى ذلك شاكره لك بحجم السماء |
اقتباس:
أشكرك على هذه الإطالة المفيدة إن شاء الله نحن أمة وسطية فلا إفراط ولا تفريط الرجال مستعدون لقضاء حاجات أهلهم وأولادهم ولكن لكل شخص طاقة وللخروج حدود فلا يكون الخروج إلا للضرورة فقط أما ما نراه اليوم من البعض فخروج يكاد يكون عديم الفائدة بل إن وراءه من المشاكل ما لايعلمها إلا الله فلم يعد يقتصر الخروج على الضروري فقط بل تعداه إلى الترفيه الزائد أنا لا أعذّر للرجال خروجهم الدائم ومكوثهم أكثر أوقاتهم خارج المنزل بل أقول لابد للرجل من جلسة في بيته بين أهله وأولاده وهنا لست أطالب بمحاسبة المرأة عن خروجها للتضييق بل للضبط فقط أي يكون خروجها للحاجة فقط ويحدد الحاجة من عدمها ويقدرها الرجل الذي هو مسؤول البيت وجزاك الله خيرا |
المرأة تلزم بيتهآ وكفى !
|
بس للكليه
والاربعاء والخميس اما السوق على حسب احيانا اربع شهور ثلاث على حسب المناسبات اللي عندنا وأحيانا ست شهور بس لاطلعت أشري من الى ونرتاح من الدوران اللي ماله داعي |
اقتباس:
إي والله إنك صادق ضاعت بعض الشنبات تصدق إني أكون أحيانا بالسوق مع أهلي وأتضايق من بعض هالحريم تزاحم وبكل بجاحة وأحاول أهج عنها وأبلش بالثانيات من بني جلدتها بصراحة إن من تروح للسوق من غير شغل ألف مليون غلطانة وأي فتنة تصير هي المسؤولة والله يصبر الرجال عليها ويكفيهم شرها جزاك الله خيرا والله ما قصرت ببيان وجهة نظرك |
عجبي للبعض يقول حرام عليكم حلال علينا
وهل خروج الرجل من بيته يفتن الناس ؟؟ حريم من تالي ما ينفع لهن إلا الصلابة والحكمة |
لا إفراط ولا تفريط ...
|
اقتباس:
بالطبع خروج الرجل لايفتن والكل يعلم ذلك لكن ثلاث أرباع خروجهم للترفيه .. ألا يحق للنساء الترفيه أيضًا ؟!! |
| الساعة الآن +4: 09:04 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.