|
من له الحق في التسمية ؟ الأب ؟ أو الأم ؟ أو الأخوان أو الجد أو الجدة ؟
الام.. هل تؤيد التسمية على الأقارب؟ سواء الأب أو الأم أو أي الأقارب غيرهم ؟ لالالالا مالهم داعي لاقعدو يسمون هل أنت راضي عن اسمك؟ أو تتمنى تغييره؟ نعم لالا اياخي خلن على اسمي اسيل احسن من اغيره هل تؤيد الأسماء الحديثة الموافقة لعصرنا ؟ أو تفضل الأسماء القديمة ؟ ايه ائيدهن الاسماء الحديثه |
اقتباس:
لصارت جايبتن كم واحد ولا سمته على ابوه ؟ اما لوهي ماجابت يمكن نوافق بعدين لاتصرين حار ترى ماينفع التفاهم زين |
اقتباس:
الله يحفظك |
اقتباس:
بس من يسمعتس |
الاب والام يتفقون على الاسم..واحس الرجل العاقل بيقدر زوجته واقل شي يخليها تسمي اللي تبي مقابل لتعبها اثناء الحمل والولادة..
لااؤيد نهائي تدخل احد بالاسم.. اسمي راضيه عنه بقوة لانه حلو وحديث.. اؤيد الاسماء الحديثه اللي معناها حلو.. اذا جاء تدخل من الاجداد وقالوا اذا ودكم تسمون عبدالله او عبدالعزيز يعني اسماء حلوة..وبدون فرض رأي وهم يستاهلون بإمكاني أوافق ..ذيك الساعه.. اما اللي يجيك مسوي نفسه فاهم ويمون والله مايسمى الا صنيتان على ولد خال عم ابوي مثلا..يحتفظ بالاسم بذاكرته لكن يأيس اني بسمي لو زعلوا..مابقي الا هي اتعب واموت ويجي احد بارد مبرد يسمي اسم بايخ.. |
من له الحق في تسمية المولود
الام والاب هل تؤيد على الاقارب لا هل انت راضي عن اسمك نعمم رااضيه وبقووه هل تؤيد الاسماء الحديثه بعضهاا |
من له الحق في التسمية ؟ الأب ؟ أو الأم ؟ أو الأخوان أو الجد أو الجدة ؟ الأب والأم يكون بينهم تشاور على التسميه وإن كنت أرى أن الأم لها النصيب الأكبر من الرأي لأنها هي اللي تعبت وعانت أما أبو الشباب ؛؛ بس ينتظر المستشفى يبشرونه بجنس المولود:mad:.. هل تؤيد التسمية على الأقارب؟ سواء الأب أو الأم أو أي الأقارب غيرهم ؟ لااااااا وألف لا.. هل أنت راضي عن اسمك؟ أو تتمنى تغييره؟ الحمدلله راااضيه ويقولون إن لي من اسمي نصيب:d:p... هل تؤيد الأسماء الحديثة الموافقة لعصرنا ؟ أو تفضل الأسماء القديمة ؟ نعم أؤيد الاسماء الحديثه جميلة النطق والمعنى ... |
اقتباس:
لاتقولي قوله تعالى ( ادعوهم لابائهم ) لان هذا يخص لمن ينتسب الطفل وليس من يسميه .... من رأيي الاتفاق افضل بالتسمية .. وعلى الاب التنازل قدر المستطاع للام .. لان لها ثلاث حقوق والاب حق واحد فقط .. فالام هي من .. حملت .. و لدت .. ارضعت .. ربت وسهرت .. .. اما الاب فكانت مجرد شهوة وضعها وانتهى دوره ...!!! والبعض يكمل في التربية والبعض يتهرب ..!! لا اؤيد التسميه على العائلة الا في نطاق المعقول فالولد من الممكن تسميته على جده او اسرته او احد الاقارب ... اما البنت من الصعب التسميه بالجدة وغيرها لانها اصبحت اسماء قديمة ومخجله للفتيات مع زميلاتهن ... والبر ليس في التسميه .. فالجد والجدة لن يحصلو من الاسم على شي يذكر من الاجر والمثوبه ... الاسماء الجديدة بعضها يناسب البيئة والشخص ومعانيها جميله والبعض لاداعي له تقليد للغرب .. |
^ ^ إذا انتهت المواضيع بـ من باض البيضه ومن جاب الدجاجة فإعلم ان النقاش انتهى مفعوله ماشاء الله حريم هالوقت يبي ياكلن الاخضر و اليابس لكن ليته على سنع للامهات .. الجنة تحت اقدام الامهات للأمهات .. حديث الرسول صلى الله عليه وسلم «من أحق الناس بحسن صحابتي؟ قال: أمك، قال ثم من ؟ قال: أمك ، قال ثم من ؟ قال: أمك، قال ثم من ؟ قال : أبوك» للامهات .. «إن الله يوصيكم بأمهاتكم ثم يوصيكم بآبائكم، ثم يوصيكم بالأقرب فالأقرب» كل هذولي و مستكثرين على الاب حق التسمية ؟؟ كل شيء خذوه لكن تكفون بدون منه لأن المنه لله وحده سبحانه و العبد ماله منة على احد |
يابخت بريدة < ليش يتنازل الاب في التسمية وراه يوم جاء الولد قضى دوره
هل يستطيع الابن العيش من دون اب وهو في صغره لازم يجد أب من يسانده ويستشيرة ويربية على التربية الصحيحة والأم لاننسى فضله لكن الاب له دووور كبير في التربية وله حق التسمية والام بعد بس يكون أتفاق فيما بينهم .............. ادري اني خرجت عن الموضوع :) لكن هاذي نهاية النقاش هوشة وبعدين يغلق بكل موضوع |
اقتباس:
انا من يشكرك بارك الله بعلمك وبعقلك النير ونفع بك معلومة لم اعقلها من جهه شرعية فلله الفضل ثم لك حرم الله يـــــــدا كتبته عن النار ورزقك المولى من حيث لا تحتسب مرة اخرى اشكرك لعودتك الكريمة وللتوضيحك النير فبارك الله مسعـــــــاكـ |
اقتباس:
يالبى قلبتس..انا ولدي بكر..وخالتي سمته على ابوه والثاني ع اسم خالي ماعندي الا اثنين الله يصلحهم ويجعلهم دعاة مصلحين مصلين:eek5 |
من له الحق في التسمية ؟ الأب ؟ أو الأم ؟ أو الأخوان أو الجد أو الجدة ؟
المولود الاول الاب والاخرين الام.... هل تؤيد التسمية على الأقارب؟ سواء الأب أو الأم أو أي الأقارب غيرهم ؟ الاب هل أنت راضي عن اسمك؟ أو تتمنى تغييره؟ اكييييييييييييييييييد اعشقه هل تؤيد الأسماء الحديثة الموافقة لعصرنا ؟ أو تفضل الأسماء القديمة ؟ طبعا الاسماء الحديثه كلن يبي الزين |
الجدة الذكية والتي تريد الحفاظ على مكانتها ( في قلوب زوجات أبنائها ) لاتتدخل أبدا في تسمية المولود ! لأنها لن تعدو أن تكون مجاملة منهن خاصة إن كان المولود بكر والإسم قديم .. فالأولى أن يفهم المجتمع كله أن والديّ الطفل فقط هم من لهم الحق في تسميته .. فكم من قلوب تكسرت بسبب تدخل الجدات أو الأقارب في التسمية .. لكم أن تتخيلوا معي أماً اسمها ندى وابنتها البكر مزنة !! طبعا ماسلف مجرد مثال لكنه ليس بعيد من الواقع ! |
| الساعة الآن +4: 08:10 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.