|
الفتاة المتدينة هي رمز العفة و هي المرأة بكل المقاييس، فكما قال سيدنا داوود*اللهم أرزقني زوجة صالحة تعينني على دنياي و أخرتي*
|
اقتباس:
انااا ماقلت هالمقوله صحيحه أنا اقول الكثير < او القليل علشان مايجي احد ويقول لا مب كل الشباب يعتقد ان هالمقوله صحيحه |
اقتباس:
ااامين الظاهر أني بالموضوع ماكتبت أني جالس أتكلم عن نفسي أتمنى مره ثااانيه تنتبه يالغالي |
اقتباس:
اشكررررك على التوضيح للي مافهموا لأن بعض الناس لازم شرح دقيق ويمكن ماتفهم بعد إيه أكيد قصدي الاهتمام ولا الجمال هذا من الله محد يقدر يسوي فيه |
من أي كوكب أنت ؟؟
نعيش في القصيم .. بريدة .. ولم نشاهد ولم نسمع ولم نر ما تقول . !! نحن في هذا المجتمع السعودي ولم نشاهد كل ما تتفوه به . !! نحن في المجتمع العربي ولم نسمع ما تقوله .. !! نحن من على كوكب الأرض ولم نر ولم نسمع ولم نشاهد ما تقول عنه !! فلا أعلم هل كل ما تقوله موجود على كوكب المريخ أم الزهرة ..؟ دم بخير . |
غير صحيح اطلقا ان الشاب لايريد فتاة متدينه
ولم اسمع في حياتي هذا الكلام من اي شاب بالعكس تجد احيانن من الشباب من يعزف عن الزواج بسبب ان الفتاة المتدينه يوجد لديها اخت اكبر منها سن وهو ينتظرها ان تتزوج كي يخطب اختها او لم يتزوج لعدم وجود فتاة ملتزمه بين اقاربه وهو في حالة البحث عنها ويترقب من البعيد والرقيب لعله يجدها |
الظاهر اكثر اللي ردوا ماقروا الموووضوع
بس يجون يشوفووون الردووود ويللا مع الخير ياشقرا |
كلامكـ صحيح نوعا ما ... قريب لي .. جا يتزوج وقال ابي وحده متـفـتحه ومتحضره مابي دينه...وهو ايقاله مطوع وامام !! بس الله يخلف من المظاهر الخداعة وبعض البنات تقول مابي مطوع ابلبس واروح واجي !! والطامة الي تقول اكره اللحية<< استغفر الله العظيم هذي نظرة سلبية للمتدينين !!! يحسبون الامر على ماهو قبل عشرين سنة.. لكن نقول لهذولا الي يبون متفتحات ومتفتحين... ( ستبدي لك الأيام ما كنت جاهل ) ومع ذلك الحين فيه توجه كبير للمتدينين بحسب ظني وآسفه على الإطاله |
صراحه عن نفسي ماابي مطوع ابي واحد متوسط
لأني انا مانب مطوعه فَ ليش اجبر نفسي واغير من نفسي عشان شخص مايناسبن ابي واحد نفس مستواي متناسبه طباعه مع طباعي ,! وزياده أغلب اهلي مو مطاوعه يعني وش لون اغير طباعي ؟ واصير مطوعه عشان حضرته ! |
اللي نظرتهم قاصره , وما بعد أخذوا خبره بالحياة طبيعي بيقولون كذا , وممكن فئة المراهقين اللي تأثرث بما يعرض على الشاشة , التقوى ها هنا , وعمره ماكان المظهر دليل على التدين , تعبت وأنا أصيح عليكم , الرسول اللهم صلي وسلم عليه أشار إلى قلبه وقال : " التقوى ها هنا " , عمره ماكان مطلبي يكون شريك حياتي عنده خبره بالفنانين والفنانات , لأني أضع كلام حبيبي محمد صلى الله عليه وسلم نصب عيني فإني كلما جاء هذا الموضوع أقول الأهم معياري الدين والخلق , ع العموم , ممكن من خلال الردود تعرف ويتضح لك المطلوب , بالتوفييق ,, |
بسم الله وعليه أتوكل ..
ظاهرت اختي كما ذكرت أن المطاوعه المرزام ورا والطاقيه للنص والثوب لنص الساق . هذي اتوقع موب موجودة عندنا ببريدة إلا نادرا جدا .. أما بالنسبه أنا المتدينه متحجرة وماعندها موضه ولا رومنسيه فهذا أعتبره غير صحيح من وجهتي .. قد يكون فيه والله اعلم لأن المتدينات ولله الحمد فيهن الجمال والاخلاق والدين والذي يريد متدينه يبحث .. فالمهتوي يقطع المستوي .. أما بالنسبه للفتيات لا يردن الشاب المتدين.. مااتوقع إلا القليل من الفتيات يردن ذلك .. .. والسلام عليكم |
أول رد على موضوعكـ أعجبني كاتبه , حيث قال : وهل هناك جمال كـ جمال التديّن ؟
فعلاً الجمال هو الجمال الداخلي الباقي في حياتك ,, ليس هو الجمال المزيّف وقت ثم ينتهي ,, |
بالواقع المرأه المتدينه
بالغالب ماتكون اكثر تواضع وبساطه فـ لاتهتم للكماليات بعكس الرجل جل اهتماماته الشكل والزينه فهذا هو ظاهرها ولكن نرى متدينات تهتم بزينتها ولكن بالغالب الغير متدينات اكثر اهتماناً بالشكل وليس شرطاً ان توفق مع الزينه عُري قد يكونوا مواكبه الموضه والازياء وفن الاتيكيت لهذا يعزف بعض الشباب من المتدينه هذا الواقع اما الرجل المتدين غير مطلوب بسبب الاعلام والسيناريوهات صور ان الرجل الملتزم غالباً مايكون متشدد متمسك برأيه وعنيد وشخصيته غالباً ماتكون رسميه وله هيبه ليس لديه احلام واماني يريد اكتساب الاجر بالزواج من المثنى وثلاث ورباع حتى يطبق شرع الله لايحب السفر والمتعه حياته كلها عقد من صعب التفاهم معه واحياناً مايكون شكاكاً باسم الغيره |
أولاً أقول من قال الفتاة المتدينه غير جميل يكفيه جمال الاخلاق
وأعرف كذا وحدة ملتزمه ماشاءالله تبارك الله قمة بالجمال والذوق |
| الساعة الآن +4: 04:28 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.