|
قاطعو مغاسل الرهدن http://center.jeddahbikers.com/uploa...3146218991.jpg |
ياليت بوه فرع بشمال بريده تعبت وانا رايح جاي
قاطعوه من اللي حادكم عليه وانت يابنت قماشه اللي مايعرف للصقر يشويه وليته يرفعه |
الشرهة ماهيب عليهم !! الشرهة على اللي يروح لمهم ... لو انا بدالكم والله لأتسويه بالبيت وخلووووهن يطززن
نبي نبدا حملة : خلوها تطزز ،،،، للمحلات اللي يرفعن الاسعار على وزن ... خلوها تصدّي... الله يخلف مير علينا ياالعرب صايرين مثل الدجاج كلً يتلقفنا مع شنق....حتى البنقالية والاجناب داسوا مهابتنا وبديارنا بعد،،،، ياعيشة الضيم!!! |
قاطعوهـــم خلوهم يتأدبون شهر بس .... شرط يحطون عرض أغسل ثوبك والثاني مجانا
|
اقتباس:
لا لا خطأ يعني أنت حول الإجابة بس بعيد شوي يعني يمكن بعيد مشوار ساعة يعني تقدر تقول من شمال بريدة ليا مغاسل الرهدن اللي بالجنوب :d |
مقاطعه مقاطعه مقاطعه ......
|
اقتباس:
:d اول مره ادري ان الرهدن للي يدعدعون بس ترا شغلهم ماعليه كلام وش زينه مانغسل ونكوي الا عنده وبعدين هي وقفت على المغاااسل كل الدنيا رافعه الاسعار هذي فرصتهم |
الصراحة ما أحب اغسل ملابسي بالمغسلة كوي وبس
تخيل ملابسك حاطيهن مع الملابس الثانيــة عرق ووسخ وروائح واخرته حاطين لك معطر عشان ما تشم رائحـة الثوب بعد الغسل والمشكلة كذابين يقولون كل واحد ملابسه في غسالة واحدة ... أجل ليش تحطون ارقام على الملابس يا نصابين يلعبون عليكم قاطعوهم لا بوهم لا بو مغسلتهم |
معطين هالمغسلة اكبر من حجمــه قسم بالله لو تقاطعونهـــم أن يحبون رجليكم وأيديكم عشان تغسلون عندهم
واذا عطيتوهم وجه يبي يلعبون بالأسعار ... قــاطعـــوهــم قسم بالله يتأدبون شركة المراعي بكبره ورأسماله ما يقارن بمغسلة تأدبت بسبب المقاطعـة ... لا تخربون على أنفسكم .. وتروحون والله لو أغسل ثوبي بالبيت واكويه ما رحت لهم من باب دعم أخواني في مقاطعتهم خلهم يهشون الذبان |
أناشد فيكم نخوتكم يا أهل بريدة .. أنتم من يملك القرار ويحدد المصير في المقاطعـــة
لو اجتمعنا على أي واحد يرفع الأسعــار ...وقاطعناه تأدبوا المحلات الثانيــة والدور أن شاء الله جاي على المطاعم اللي رافعــه الأسعار حتى الأن نريد توقف تام عن أي هدف نحدده من أجل كسر ظهره وخسارته عشان يعرف من هم أهل بريدة |
استغرب من ردود البعض اللي تقول غسل الملابس يقص الظهر ليش انتي بتغسلينه بيدك ماشاء الله كل البيوت تقريبا فيها غساله اوتوماتك و99% من البيوت فيها شغاله الله يرحم حريم اول ولا غيره تقول وشفيهم يا زينهم كل الناس رافعين الاسعار وقفت على الرهدن ههههههههه شي مضحك بجد اسفي على البعض من الذكور
الله يستر من الزمن القادم |
الله يجزاك خير والله كنت بكتب موضوع عن هالسالفه صحيح استغلال المشكله انها شركه يعني لو مغسله عاديه يمكن نمشيها يعني معقوله الاسعار دبل 100 % انا عن نفسي يوم كتب الفاتوره شفت الاسعار طلعت وخليته اسغلال عيني عينك مع اني ما اغسل الا عنده بالعاده اسعاره عاديه مثله مثل اي مغسله عادي.....
والله مفروض حنا بوقت الاعلام الجديد يعني لو كل واحد يشوف شي غلط لازم يشهر باي وسله فيس بوك تويتر لو حتا برود كاست لازم ونتكاتف ونتعاون دايم زياده واستغلال والنهايه على روسنا . تحياتي لكم وخاصه صاحب الموضوع |
. . . كُنت أنتظر الجميع يبدي رأيه . أما أنا أثناء زيارتي ل بُريدة لا أغسل ملابسي ألا لدى الرهدن والسبب أني لم أرى أفضل وأجود وأحسن وأنظف وأنقى وووو ألا مغاسل الرهدن فقط وأقول الي مايعرف الصقر يشويه وللعلم فقط تجهيز مغسله الرهدن فرع بُريدة كلفت الملاييين ليتهم يفتحون فرع ب منطقه السبيعيه وأرتاح من رح تعال جب رح |
تستاااهلون
الواحد يروح يغسل ثيابه عندهم ويعلق الكيسة ويدور بالشوارع يعني شوفوني اغسل عند الرهدن تتوقعون لو تقاطعونه وش بيسوي؟ |
| الساعة الآن +4: 10:58 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.