هه لا بالعكس لاجبتي حاصلك ولاشي .. هذا الواقع .. أجل حاطين حججهم في يوم الامهات بحجة زيارة الأم لطالبتها بالمدرسة .. وهذا يدعم الطالبة وتكون الأم على إطلاع لما يحدث ..

والي نشوفه العكس كله كلام فاضي وجلسة ودردشة وهذي أمك ياحليلك وهذي بنتك مع شوية أوامر من المديرة وبعض الطالبات لأمهاتها هذي المعلمة الشريرة وهذي الطيبة وشفتي واشوف ..

وين الي يقولون عنه متابعة ..

أنا طبعاً ضد هالأيام والمسميات إذا كانت تقام بهذا الشكل وأيضاً ضد الأيام المفتوحة عند العيال اذا كانت كلها ( اكل × أكل ) ..

وأما عن المتابعة ففيه ألف وسيلة ووسيلة لمتابعة الطالبة والآن حنا في تقنية وبإمكان ربة الأسرة متابعة أبنتها على مواقع المدرسة والي المفروض تتواجد وتكون الكترونية وارسائل رسائل خاصة لبعض المعلمات ومتابعتهم وعن مايحدث .. أما طقه وألحقه ماينفع ..

أتمنى ايجاد فائدة واحدة علمية تعود للطالب من خلال هذه الصور ..

كل مافي الموضوع ( ذبح + سلخ + طبخ + أكل ) = النتيجة : ايش ...

وبالأخير يجونك الطلاب يشتكون من البوفيه برفع الأسعار أو مويه مافيه ..

عموماً .. بإمكانهم أخذ زيارة للطلاب في مسلخ بريدة ومشاهدتها على أرض الواقع أو وضع شاشة ومشاهدتها عن طريق اليوتيوب ..

أنا طبعاً مو بخيل ، ولكن من المؤسف أنك تسولف مع شخص عمره 20 سنة تحصل سوالفه وافكاره كلها لاتتجاوز سور المنزل ، مافيه شي جديد .. ماعنده مواهب ، تجده شخص بسيط جداً وهذا شي غلط ، إذا كانت هذه أفكارنا ، ..

بالتوفيق

صعبة يا أخت .. أن تجي خالتها أو عمتها أو قريبتها .. والباقيات يجون أمهاتهم .. راح تسئل البنت وين أمك ومن هالكلام ويكون لها هذا اليوم .. شؤوم ومجرد ذكريات .. واحتمال يكون أحد الأسباب لكره المدرسة ..

ولكن لماذا لايتم تغيير هذا اليوم من يوم ( الأمهات ) ، إلى يوم آخر ومسمى آخر ، بحيث أنه لايحصر على حضور الأم ويفتح المجال ولايكون محدد لأشخاص معينة ..

لامانع من اليوم المفتوح ولكن في بريدة أو المملكة بشكل عام .. أصبح منغلق ( بالأكل ) لاجديد .. أنا مو ضد هذا اليوم ولكن أنا مع الأفكار وتنويع الفكرة ..

مثلا لديكم يالبنات أعتقد أن الطبخ أصبح هو سيد الموقف بهذا اليوم ..

ليش مايكون هنالك مسرح وغرف للرسم والخياطة والانترنت وتمثيل الطالبات داخل الطابور بمعنى زرع فكرة مسرحية والتصاميم وأخذ موعد مع بعض الشخصيات النسائية لزيارة المدرسة والقاء .. وتكون الطالبة حينها مخيرة لزيارة أياً كان من تلك الأقسام .. ويكون يوم مفتوح ومتنوع ..

أما كل وحدة جيبي أكل من بيتكم هه .. وكولوه بالمدرسة .. وبس .. وأنتهى اليوم المفتوح .. أعتقد تعامل سيئ مع هذا اليوم ..

أشكر الأخوة والأخوات المؤيدين وأحترم وجهات النظر المطروحة ..