السلام عليكم جميعا والله يا اخوان مدري وش اقول توفيت قدام عيني مو قادر اوقف على رجليني من هول الموقف :( امس بطريق المدينة قدام وكالة هيونداي كنت بقطع الشارع وواحد الله يهديه مسرع ويكبس بالنور شفته طاير رجعت وقلت الله يستر عليك قبل أكمل كلامي سمعت صوت صبخة آدمي التفت إلا والعباية طايرة جنبي وسبحان الله طاحت بالأرض ومباشرة العباية سترت كل جسمها بدون شعور نزلت للشارع وبديت أأشر بالشارع ابعد السيارات عنها وبثواني اهل الخير قربو منها وبديت اسمع أحد يلقنها الشهادة وانا معطيهم ظهري ابعد السيارات بعدها فيه مستشفى قدامي نسيت اسمه رحت لهم اطلب الاسعاف قالو مافيه هذا مستشفى نسائي بحكم اني ما اقدر ادخل كلمت حارس الأمن وطلبته يساعدنا ويدخلونها رفض او يطلع لها احد رفض - حاولت فيه قلتله اي مبلغ انا اتكفل فيه اذا انتم أهلي بس دخلو الحرمه ساعدوها ورفض قال مالنا دخل وانا ماشي من عنده قطعت الشارع قابلني شاب قال الحين بكلمهم يطلعون لها وخبرني انه مدير المستوصف وانا اسمعه قالهم ممرضه ودكتورة ومساعده الحين يطلعون بعد اتصالات طلعت الممرضه كلمته ورجعت مسرعه اول مادخلت المستوصف وصل الاسعاف من الهلال الأحمر والله يا اخوان الموقف الواحد مايدري وش يسوي شالها الاسعاف وراح وتمنيت تكون بصحة وسلامة اول مارحت كلمت الشباب وحكيت بالسالفة وهول الموقف قالي هذي أحدهم هذي زميلة زوجتي في دار تحفيظ القران معلمة لكتاب الله والله يرحمها برحمته انتقلت إلى رحمة الله اسمها اروى البريدي اللهم ارحمها واسكنها فسيح جناته يارب العالمين أحسن الله عزاء أهلها وذويها البريدي والجمعة وابدلها دار خير واسقها مع نبيك يا الله

يشهد لها أنها من الصالحات التقيات العفيفات الطاهرات
ندر أن ترى مثلها ومثل أخلاقها يشهد لها بالصلاح
ماسمعت الأذن عنها إلا كل الخير عليها رحمات الله
ماتت وهي خارجة من المسجد ما أعظمها من ميته
اللهم إجعلها في الجنان واجعل قبرها روضة من رياض الجنة
وأكرم نزلها ووسع مدخلها واغسلها بالماء والثلج والبرد
ونقها من الذنوب والخطايا يا أرحم الراحمين