اقول استخيري
وانا برايي لا تاخذينه والله يوفقك

يلي تقولين ان البدو ازين من الحضر لا تفكرين يصير ازين من الحضري

الطماطه .....

انابقول لك رأيي وارجوانك تفكرين فيه .

اولا وقبل كل شي كلنا اخوه وكلنا مذهبنا واحد وديننا واحد ولكن نبقى في موضوع العادات والتقاليد .

والله ان بعض البدو افضل من ربعنا الحضر مليون مره انا جربتهم في السفر والعمل فيهم ناس يحبون المساعده والخير والفزعات . ولكن بعض العادات والتقاليد هي مشكلتهم الرئيسيه وانا ابصم بالعشره انها لم ولن تتغير اطلاقا .

طبعا الآن اختلطت الحضر بالبدو. لكن بقي اشياء من عادات وتقاليد البدو لم ولن تتغيرا اطلاقا ..

على شان يكون فيه تقارب في وجهات النظر ويكون كل واحد يعرف عادات وتقاليد واطباع الثاني ويكون التفاهم على اي نقطة خلاف او اختلاف سهل جدا وذلك لكونك انتي وزوجك الذي ينتمي الى قبيلتك او عائلتك ملمين وعارفين مايدور في اجواءكم ومحيط اسرتكم .

ثانيا يمكن تحتاجين وقت طويل على شان تتأقلمين على عاداتهم وتقاليدهم ويمكن تفشلين بااسرع وقت .

من وجهة نظري اقولك استخيري الله .

وان شاء الله يعوضك زوج من نفس محيط عائلتك واسرتك وتكونون ملمين وعارفين عادات وتقاليد واطباع بعض وتكون فترة التأقلم قصيره ومضمونه ان شاء الله .

مبروك مقدما
قد يسمع الابناء عند خوالهم انتم ابوكم بدوي
وعند عمومتهم يبون يسمونهم عيال الحضريه
لان سبحان الله كل واحد عند روحه انه الكامل
ولكن اقول لك
اذا هو رجال وملتزم
لا يهمونك لا اهله والا اهلك
اتكلي على الله ولا تضيعين الرجال
ومثل ماقالوالرجال مايعيبه الا جيبه
جيبه والا ددسنه
<---خرب النصيحه

مبروك والله يوفقكم

شوفي يااختي لايهمك كلام الشباب

انااعرف تجارب كثيرة تعاني ليشششششششششش بسبب انها زوجها يختلف عن عايلتهم
ووووو
وششششششششششششش الفايدة اصوم اصوم وافطر على بصل ما اقصد بني حرب اقصد انها تصب وتصبر وتاخذ شي ماتبيه مكرهه

اصبري ويرزقك الله الي يصلح لك ومن مواخيذكم

انا اعرف واحد من قرابتنا البعيدين اخذ بدويه مواسمها بدوي اجدادها بدو والى الحين راكبها الأسم
وعيللها عيال البدويه وبناتها بنات البدويه

وين الراحه

الحين اهم شي باالزواج
العايله
اصبري بنت خالي تزوجت وعمرها 32 واخذت واحد يسلام وكل المواصفات فيه وكانت رافظه بدوي



عذرا

اول حاجه استخيري
نصيحه..... لاتتزوجه لان العصبيه القبليه منتشره ها يومين بكرا تتزوجينه تجبي اولاد منه لاسمح الله يدخل احدافراد قبيلة زوجك يكون اصلا مارضى ويطلقك من زوجك زي الحصل بدمام اتشردو الاولاد بسبب العصبيه القبليه:i125 :i121
وهم متزوجين من زمان بس بعد موت ابو الام جو اولاد العم وطلقوهم من بعض دون رضى الطرفين:oo
بغصب لاحول ولاقوه الابالله

مــوضوعك حلو لنقــاش وانا اتصفح المنتدى شدني ..
بس راح تلاقين أرئ مختلفه ..يعني خوذي الصائب منها ..

حلو تفكيرك تكـافؤ النسب هو المشكله الاساسيه يعني صعبه انتي من عائلة وتاخذين واحد قبيلي ومن قبيله معروفه وعريقه بعــد
يعني راح تتعبين نفسين بتحسين بالفرق بينكم ..
لكن اذا عائلته متواضعين ممكن يخفف عليك ..

انا صديقتي حربيه ماشاء الله عليه متواضعه ويعجبني كلامها عن قبيلتها بتحسين في فخر بالعزوه ..
وقبيلة حرب معروفين بالشهامه ومن أكثر القبائل المعروف عنها بالطيب ..وخصوصاً نسبها لرسول محمد عليه السلام
في لك فخر والله تتزوجين حربــي .. واذا تزوجتي دوريلي واحد من جماعتهم تكفييييييين ..خخخخخخخ

بالتوفيق لك .. ولاتضيعين ولــد حــرب منك ..

السلام عليكم ..
غاليتي طماطة .. وفقك الله لما يحب ويرضى ..

عندي فقط تعقيب بسيط على كلام الأخت استثنائية ..
والله هذا أساس المشكلة يا استثنائية .. بقولك موقف صار لي مع وحدة حربية الأسبوع الماضي ..
هذي الأخت مع إني أعزه و أحترمه .. إلا إنه اعتدت علي وسبت عائلتي طبعاً سب مغلف ولكن اللبيب بالإشارة يفهم .. وعائلتي الحمد لله من أكبر عوايل بريدة .. طبعاً هي تحتقرنا .. قصده إننا مالنا أصل .. ـ وهذي نظرتهم للحضر ـ ـ طبعاً مو كلهم ـ بس يوم قلت له وشي قبيلتنا سكتت ونزلت راسه بالأرض ..
ولو كان مالي أصل مو من حقه تحتقرنا لأن الله كرم كل الناس .. و الطعن في الأنساب من الكبائر ..
ولا يفهم من كلامي إني أحتقرهم .. لا بالعكس بعضهم طيبيين بالحيل بس المشكلة إنهم يحتقرون اللي يتسمون بالعوايل مو بالقبايل ..

هلا أمــل الحياة ..
ممكن يكون سبب المشكال اللي عندنا بالقصيم هو تعصب قبلي ..
واستحقار القبايل للعوائل ..
هذا اكبر غلط صادقه وخصوصاً كلنا اعيال ادم ..
لكن مافي مانع احد يتكلم عن قبيلته ويتكلم بالأشياء الحلوه فيها .. بدون تجريح لأحــد ..
لكن من المفروض مانخص شخص يتكلم عن قبيله يعني لو البنت اللي قلتي غلطانه مو من المعقول انك تخصين حرب كلهم بهذي الصفــه .. ومافي احد بيمثل قبيلته او عائلته او بلاده بمنع عام الا اذا كان قدوه ويستحــق ..

شكلنا طلعنا عن صــلب الموضوع ..

رئـــــــــــــيي

الله يعافيكم .. وبعدين اشوف البعض راح بعيد عن الموضوع ..
لكن اخر الاخبار لصديقتي انه تم رفض الحربي ولاينقص في حقه شيئا
والله يوفقه ويوفقها
شكرا للجميع