|
الدكتور من حقه يسوي اختبار متى ما بغى اليوم بكرى او بعده وله الحق بعمل اختبارات سريعه بشكل مفاجئ بدون ما يقول لكم هذا شي الشي الثاني انه هو عنده بالجدول الدوام حتى يوم الاربعاء 21-9 ومن بعدها تبدأ الاجازة يعني انت ايها الطالب وانتي ايتها الطالبة ملزومين تداومون حتى آخر يوم احنا تعودنا اخر يوم ما فيه دوام والناس تغيب ومن هالامور بالنسبة لعدم حضور الدكتور قد يكون عنده ضرف منعه من الحضور الدكتور لمن قال فيه اختبار كان همه اجبار الطالبات على الحضور سواء للاختبار أو ربما كان عنده محاضره مهمه ويرغب بحضور الجميع واذا ما قال كذا محد بيجي وسبب تعطل الشاشات الغى موعده معكم فما اقول الا لكل حادث حديث وبعد الاجازة يبان كل شي وانا مو مع الدكتور ولا معكم أنا مع المنطق |
بعيداً عن سالفة هالدكتور .. أنا الى الآن ماأدري ليه الدكتور معطى صلااااااحيات .. يمكن خادم الحرمين مايقدر عليهن .. خادم الحرمين إذا بغى يسوي شي كود يرجع لمستشارين ووزراء وشيل وحط علشان يطلع قرار .. اما هالدكاااااااترة فهم ( مستعبدين ) الخلق .. يأمرون وينهون على راااااحتهم .. وبأشياء تمزع التسبد من القهر .. يأمرون وينهنون على كيف كيفهم .. ولا رادع لهم .. فهم فوق الخطوط الحمراء .. ولكن على قولة القايل .. قال من امرك .. قال من نهان .. سي يو .. |
اقتباس:
أنا معك أن يوم الإربعاء دوام رسمي , لكن سؤال عزيزي عجمان هل دوام السبت مثل دوام الأربعا من ناحية الجد والنشاط ؟:rolleyes: يوم الإربعاء تعقبه إجازة خميس وجمعه , فبعض الناس يحتاج أنه يسحب على دوام يوم الإربعاء لحاجته , كما قرأت في ثنايا هذا الموضوع . أما إنه يتعمد يحط الإختبار بنهاية الدوام عمداً , والله موسعها عليه فهذا الخطأ بعينه ,,,, دمت بود أخي عجمان ..... |
: اولآ : ان يكون الاختبار يوم الاربعاء , هذا شي عادي ما دام فيه دوام رسمي
وإذ صار آخر يوم , يعني ما يكون فيه اختبار , وش العالم البايخه هذه اجل روحوا لادارة التعليم العالي , وقولوا اصدروا قرار يكون آخر يو يوم الغياب هذا شي .. الشي الثاني إنه ما حضر . . . الغايب حجته معاه , ولا اعتقد انه يوجد انسان مسلم وبالشهر الفضيل . . يتوعد الطلابات بالامتحان , ويغيب متعمدآ ,, مع انني لا اعرفه لكن متأكد ان غيابه بسبب ظرف طارى |
أي استعباد خلق الله . . و أي كلام فاضي . .
|
أصــــلاً مفرووووض كل الأسبوووعاللي رااااح عــــــــــــطــــــلـــــــة بس الله يعظم أجرنا
|
هذا نذل لايصير يدرس دين بس هنا المشكله
,,,, |
لا حول ولا قوة .. صدق من قال أمسك مهبولك لا يجيك أهبل منه !! أنا أقول للإخوة المظهرين ( المكشرين ) عن روحهم النظامية وتفانيهم لإرساء قواعد القانون وتماشيهم مع روح الإنضباط الآكاديمي .. أقول لهم تصدقون قبل هالموضوع كنت أحسب يوم الإربعاء مهب من أيام الدراسة .. بس الحمد لله إنكم نبهتوني لها النقطة .. وشلون طافنا هالاكتشاف الخطير !! واللي يقولك هذا من حق الدكتور .. الثاني يتعجب من انقلاب الصواب خطأ والخطأ صواب .. والثالث يبكي على همم الطلاب السابقين وتفانيهم لحب العلم !!!!! << أمحق يا جماعة الخير ... لحظة لحظة وعشان يفهم بعض الإخوة وين الخطأ ووين الصواب ... فتحديد (فترة )الاختبار هو من حق الدكتور ولكن تحديد(زمن) الاختبار هذا من حق الطلبة فيما بينهم ... ففي الجامعات المحترمة ومع الدكاتره الفاهمين يقوم الدكتور بابلاغ الطلاب بفترة الاختبار في شهر رمضان مثلاً أو شعبان وأنتم يا طلاب وحسب جدولتكم المواد ووضع أمزجتكم الخاصة - بعد ما يرشحون لوقو للقاعة - وبعدها يبلغ الدكتور بالموعد المناسب ... وبعض الدكاترة يكون متفهم جداً وأذكر دكتوراً قديراً عمل لبعض الطلبة اختبار أعمال السنة بعد الاختبار النهائي (لأنه متعاون معهم) واللي يقولي هذا من حق الدكتور ... أي حق أي بطيخ صيفي .. يا جماعة الخير أنتم أفهموا ما المقصود الحقيقي من الاختبار ثم حددوا بعدين من معه الحق .. هو مع الدكتور ولا غيره !! فالاختبار أصلاً هو تقييم للتحصيل المعرفي الذي استوعبه الطالب .. بمعنى أنه يقيم مقدار العلم المحصل من قبل الطالب .. فمربط الفرس هو (الطالب) مهب معالي الدكتور الملحط لأن الدكتور سواء جاء ولا ماجاء ما راح تختلف درجة الاختبار بينما الطالب يختلف الوضع .. وعليه فإن الطالب وحده هو من يستطيع تحديد الزمن المناسب له في الاستعداد للاختبار ودخول قاعة الاختبار وشيلة الهم والغم في قلبه . أما الدكتور فليس له من الامر .. سواء أن يكتب الاسئلة وما أن يستعد الطلبه للاختبار يقدم لهم الاسئلة .. وأرجع ثانية (عشان يفهمون اللي يقولون هذا من حق الدكتور) أرجع وأقول أن الدكتور يحق له تحديد فترة الاختبار من شهر رمضان أو غيره والطلاب يراجعون جدولهم ووضعهم ويقررون . وحتى يفهم البعض كلامي كويس (بلا تفسيرات) اقول : تخيلوا لو كان - في هذه الحالة - الاختبار مقرر يوم السبت وقالن الطالبات أو الطلاب أحنا نبغاه يادكتور يوم الإثنين وش اللي يفرررررررق يعني ؟!! والله ما يفرق شيء بالنسبة للدكتور .. تقول الدكتور مرتب وضعه ومنسق .. بلا كلام كبير وفضفاض .. المحاضرة اللي كان يبي يشرحها بعد الاختبار يشرحها بيوم الاختبار المعدل .... وانتهينا! ترى المسألة كلها قراءة من الكتب المقررة والدكتور يدربي الدميجة إيقاله يشرح واللي يقول هذا من حق الدكتور .. يا اخوي أنت شف الجامعات المحترمة كيف يرتبون اختباراتهم ... بعض الجامعات الأميركية إذا حدد يوم الاختبار ودخل الطالب الاختبار وبدأ يجاوب على بعض الاسئلة لكنه أحس وقتها ببعض المشاكل أو كان يعاني من صداع في رأسه .. طلع من دون ما يشاور الدكتور ويكلم الدكتور يعيد له الاختبار من جديد .. لأن الاختبار هو خاص بالطالب نفسه مهب بالدكتور أما في الجامعات السعودية .. احضر اختبار وقل للدكتور والله نفسيتي مش ولابد .. كان يلعن سلسفيلك ويشهر فيك قدام الطلاب ويقعد يسولف على حرمته : اليوم مسحت بطالب البلاط وعطيته صفر ! وأنا أبفهم شيء واحد وش الفرق بين يوم الاربعاء وبيوم الاربعاء في الاسبوع الاول بعد الاجازة .............. لو كان الدكتور تعاون مع الطالبات وقال : خلاص يكون الاختبار الاربعاء اللي بعده !! راح يتوقف الكون ولا يأتي يوم الزلزلة ؟!!! شوي تفكير .. يا جماعة خارج النص : عيال العليان أجاويد وأنا أستغربها من الدكتور فهد ..بس ( من عاشر قوم أربعين يوماً كان منهم !! ) |
والله قهررر واستهتاررر بعد ما أدري وشلون البناااات يتحملون يدرسون معه انا درست معه محاضرة ( الله لا يعيده) :mad: لا بعد ا ختبار ألمادة حقت الترم اللي فااااات !!! إلا يبي يعقدنا ها الدكتوررر ويخلينا نترك الجامعة ؟؟! يا كثررر ها الأشكااال با الجامعة !! حسبي الله ونعم الوكيل |
المفروض مايحط اختبار اولا:عشان رمضان وقت عباده وشهر بالسنه قهر يضيع مذاكره.. وزين من البنات انهم يحظرون:( ثانيا: ما عطاهم الامحاظرتين ليش مستعجل على الاختبار وخابرته يدرس (اداره ) يعني ماتحتاج لاختبار بهالسرعه:( |
يااااااااااااااااااااااااااااااااااااااااااعا لم الي تقول كله ايام دراسه ودوام رسمي
أولا على راي اخوي اللورد الامتحان للطالب مو للدكتور وبعدين الي بيتعب الطالب مو دكتوره لان الدكتور يجيب ورقه ويعطيها المنسوبات ويقومون بالواجب لكن هو حتى ما ارسل الورقه ولو بعد ساعه لو كانت عنده ظرووف لمنسوبات الجامعه وهن يقومن بالواجب .. وبعدين الدكتور الفاهم يدري انه بداية العشر والناس بتعبد وبترووح مكه ليش يضغط على طالباته حبكت يعني الاربعاء وبعدين اكثر الدكاتره اجلو محاظراتهم عارفيين ظرووف البنات ....... ارحمو من في الارض يرحمكم من في السماء |
اقتباس:
|
اقتباس:
|
اقتباس:
ايه والله ضاقت آخر يوم واول العشر ...... |
| الساعة الآن +4: 05:25 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.