جزاك الله كل خير اختي ديوان ليتك تتكلمين لي اكثر عن خياطة الكبس هل تؤلم اثناء مايخيطون ومتى تطيح الخيوط وهل اقدر امشي زين بعد الولادة عكس الخياط العادي اللي امشي حبة ونص وهل يحطون لي بنج اثناء ما يخيطون وبالنسبة للدكتورة اللي تولد هل انا اطلب دكتورة معينة اولازم تولدني الدكتورةالمناوبة وش رايك بالدكتورة ندىومن ترشحين لي احسن دكتورة بالحبيب وعلى كلامك خياطة تجميلية من الخارج هل هي عكس التجميلية العادية يعني تضيق ذيك المنطقة اسفة طولت الاسئلة عليك ولا اسئلة اختبار بس امانة ردي علي لاني والله مو من المنطقة لذلك اسئل كثير وقرة عينك بضناك وجزاك الله الفردوس الاعلى انت وجميع المسلمين0:rolleyes::106:

اهلا وحياك الله اختِ والله يسهل عليك ويرزقك ساعة التساهيل يارب , خياطة الكبس زي ماشرحتها في ردي السابق , اثناء الخياطة فماتحسين بألم لانه فيه بنج والدكتورة كانت تسألني باستمرار فيه الم واذا حسيت بوخزة ولو بسيطة زادت البنج ومازادته الا مرة بمعنى ماحسيت بشي الحمد لله , اما متى تطيح الخيوط فهي من النوع الي يذوب فما تحسين فيها , والخرزة الي فوق ماتطيح الا بعد شهرين تقريبا بس صدقيني ماتحسين فيها ابدا حتى مع ؟؟ لذلك لاتخافين :d
وطبعا تقدرين تمشين عادي بعد الولادة عكس الخياطة العادية تماما بس الي يعوقك تفكك العظام مو الخياطة :eek5
عادي ياتطلبين دكتورة معينة او تجيك الدكتورة المناوبة اذا كان الرحم مفتوح 4سم وفوق فما يمدي اذا كان بوقت مناوبة , وصدقيني من تجربة قريباتي طبيبات الحبيب ممتازات , وخياطتهم وحده وماهرات فيها , فتطمني ,,
اما الخياطة فزي ماقتلتك تجميلية من الخارج فقط يعني مافيه اي خياطة داخلية (بعنق الرحم ) لذلك لاتعتبر تجميلية من الداخل وبذلك لاتضيق المنطقة من الداخل ,, فعليك العناية والاهتمام بفترة النفاس للترميم :)

وجزاك الله خير يالغالية , ولو انا بالخدمة والله يسهل عليك ويقومك بالسلامة ,,


مشكورة اختِ الله يسعدك ويسهل عليك ويقومك بالسلامة ويقر عينك بشوفة ضناك سالم يارب ...

افيدوني
عن جنيني توقف النبض عنده
وقالوا لي بنعطيك طلق صناعي ورفضت وطلعت
مع العلم اني ماانفتح الرحم عندي
وعمره 3 شهور افيدوني ايش اسوي
ضروري
ولكم دعوة بظهر الغييييييييييييييييب
مشكوووووووووووورات

الله يخلف عليك اختِ قصمنجية , ويعوضك خير ويقومك بالسلامة ,,

للامانة ماعندي خلفية , المشكلة دام ما معك طلق فما اقدر افتيك , حماتي جربت العنزروت والحمد لله طاح الجنين وتنظَف الرحم وما احتاجت المستشفى لكن ما احب الاشياء الشعبية مهما كان صحتك الزم من اي اعتبار ثاني ,

خليك على كلام المستشفى افضل او راجعي دكتورة ثانية للاطمئنان وتوكلي على الله اختِ ,,

سعوديه ماركه

يقولون العسل افضل علاج للشرخ
صديقتي استخدمته وماشاءالله راح بسرعه

جزاك الله خير اختي ديوان وبيض الله وجهك ماقصرتي وجزاك الله الفردوس الأعلى0

ديوان مشكوووووووووووووووورة
الله يعطيك العافية وبرزقك من حيث لاتحتسبين
وخدمك المال والبنون والزوج الحنون
تشكري
ماركة سعودية الحمد لله ع السلامة ويتربى بعزك وجعله الله من حفظة كتابه
مشكوووووووووووووورة الله يعطيك ألف عافية
ويوفقك


وجعلكن ماتشوفن اللي شفته آميييييييييييييييييييين


والله يكون بعوني
لاتنسوني من دعائكم بالتسهيل

افيدوني
عن جنيني توقف النبض عنده
وقالوا لي بنعطيك طلق صناعي ورفضت وطلعت
مع العلم اني ماانفتح الرحم عندي
وعمره 3 شهور افيدوني ايش اسوي
ضروري
ولكم دعوة بظهر الغييييييييييييييييب
مشكوووووووووووورات

روحي للمستشفى وش تنتظرين !!

بس ماأعتقد يعطونك طلق وأنتي بالثالث الجنين صغير

ممكن يسوون لك تنظيف ببنج طبعا الله يعوضك خير :eek5

السلااااااام عليكم ورحمة الله وبركاتة...
الله يسعدكن ياخواتي انا بكرية وخايفة ومحتاره وين اولد ؟؟
اختي ديوان الحمد لله على السلاااامة ويتربى بعزكم يااارب ابي اسال بكم تكاليف الولادة بالحبيب من فتح الملف الى خروجك من المستشفى الله يجزاك كل خير...
والي ولدت باقصيم الوطني او بالوفاء او بالفريح تطوني الله يسخر لكن ازواجكن ويصلح ذرياتكن يااارب..

الحمد لله على السلاااااامة سعودية ماركة
الله يجزاك كل خير ويسخر لك زوجك ويصلح ذريتك ياااارب...