|
اقتباس:
:d:d:d الله يخليلك عيالك يابنت عز وانتي يام احمد كلام بنت عز صحيح اتوقع علشان هالسبب الله يخليه لك ويصلحه يارب :f: |
بناااات
ولدي يمشي بالسبع شهور طبعاً تغير حليبه للمرحله اللي بعده بعد فتره صار معه امساك بعد فتره اخذت نفس الحليب للامساك ومازال الامساك ابي حل يابنات |
هلا ام احمد الله يخليلك احمد شوفي جربي هالطريقه خففي الحليب 00ترى اذاكان الحليب ثقيل يجيب الأمساك 0وانصحك انك تعصرين له برتقاله طبعا من دون اضافة الماء ممتاز مره للأمساك0
ا ويمكنك مركزه على الحليب 0ما شاء الله با السابع تقدرين تأكلينه -(خظروات ,فواكه ,بسكويت)هذولي ممتازات للي بهالعمر0 |
طيـــــــــــب غيري الحليب لنوع ثانـــــــــي ..اوشوفــــي يمكن هالنوع مدعم بالحديد>>يصيرمكتوب على العلبه
لأنه يسبب امساك... |
بنات ولدي بالشهر الخامس
وش اعطيه مع الحليب ضعيف اشوووووووي ومتى يبدا يقلب ويقعد |
اقتباس:
الينسون النقوعه الكمون الحلب الينسون للماغص النقوعه والله ماادري بس اشوف لعطيته اولدي يرتاح الكمون للحراااره الحلبه داامك بنفاس مررره حلوه كانت امي الله يخليه لنى تعطي اولدي بس ماعلمتن قلتله وراه معلمتين قالت انت بنات الوقت اخاف يمه يصير فيه ريحه لجو يجون اضيوف تعطر اثيابه قبل يلبسهن بساعه عشان يبرد والله ما اذكر احد شمه ملاحضه تحطين فيه سكر علشان يطيقه الطفل خليه يربص اقل شي نص ساعه |
اقتباس:
ربصيله نقوعه مررره حلللوه :41:41 لا تسمعين كلام الناس لقالو مضره انا اعطي اولدي الى الآن الله يحفضه من كل مكروه وحط معه ينسون ملاحضه ملعقة اصغيره ينسون و ربع ملعقة نقوعه لتكثرين و سكر عطيه عند النوم :099: |
اقتباس:
اجل تعطينه اعلاجات المستشفى الي ماتدرين وشبهن لا وبعد صناعه امريكيه انا مامعي الا واحد وعمره 5ش مااحب اعلاجات المستشفى اخذ كلام العجز:022: الله يحفضهن ريخليهن لنى آآآآآآمين يارب |
اقتباس:
ادهنيه بزيت زيتون ولا تكدينه يرجع لكدتيه لسبحتيه افركيه بيدك بس لت قشعينه اقتباس:
لحطيتي فكس ماكنك طعمتيه حطي فازلين |
اقتباس:
زيت الخروع خليه تصير جوعنه بلمرره وجيبي حامت اديد وعطيه ملاه مرتين تجربتي وزين شي تعطينه اول ماتولدين قبل تعطينه اي شي |
اقتباس:
حطي معه سكر وينسون |
الله يجزاكن كل خير
انا اعطيه مره وحده باليوم خضارمطحون واحياناً اذا فطنت عطيته برتقاله بس مع ماء واحليه بسكر جليكوز والله شكلك صادقه اكثر حليب انصح مع اني شريت نفس حليبه بس حق الامساك بنااااات الي تسال متى يقعد حطيه بالقعاده اللي بلاستك ابصغيره عند بيت الطفل احسن شي للي تبي ولده يقعد بسرعه واذا كبيره عليه يميل تردمه بمفرش ورى ظهره وع الجوانب لاتقرب القعادات اللي عشكل جلسه اللي اسفنج صافهن بيت الطفل اول ماتدخلين ترى مايقعدن الطفل بسرعه انا جربتهن كلهن البلاستك احسن وانظف واخف وارتب |
اقتباس:
دوري سرسره بلكامل عشان تناضرك وتزين الفضخه وكانهي تناضر الباب سويبه كذالك |
أمــــــــــــــي عاصمـــة روحــــــــــــي
ياحبيلـــــلك والله انك منصــــــــــحه الاسئله الي تجاوبين عليه له فــــوق السنه . :d شوفـــــــي الصفحه الاخيـــــــره به استفسارات للأمهــــــــات (f).. |
يابعدي يا امهات المستقبل ومبروكن عليكن ما جبتن ويتربون بعزكم
طيب شيكوا علينا بملف الحوامل عشان تفيدوننا باشياء جربتوه الله يعطيكم الصحه والعافيه ويخليلكم ما جبتوا ويرزقكم برهم امين |
اقتباس:
انا اعطية تمره ووخر قشره ثمن الطبخه و اشخله احط فوق المشخاله منديل ثمن يصير فوق المنديل اتمر اخذه ووكله والمويه اشربه بعد اتمره وعطيه عصير مانجو ازود عليه ماء رقم1 يهون الماغص قرع و بطاطس احط معهن اشوي لبن عشان يلينن وعطيه بعد ينسون مع ذرة نقوعه كل ماجا ينام عشان ينام نومه طعمه انشاء ربي شوفي غيري حليبه الى ابتاميل بس مو علطول اتغيرينه عطيه مره من حليبه ومره من ابتاميل لمى يقضي حليبه |
السلام عليكم
يا الله حيهن كيفكم وكيف بصابيصكم حبيت اسالكن وش طريقتكن بسيريلاك ولدي عيا يتقبله حطيته له مثل الحليب وسعت الحلمه شوي جربت سيرلاك الفواكه شرب شوي اما شيرلاك الارز عيا كلش اعرف بعض الامهات يحطنه مع الحليب يعني ينقصن ملعقه وحده من الحليب ويحطن عنه سيريلاك خصوصا با الليل عشان يشبع ويطول بنومه انا ودي اسوي ها الحركه بس خايفه يكره الحليب وابلش وش رايكن وشي الطريقه الصحيحه واي نوع اعطيه ومكيال وشلون ويصير اخلط نوعين مثلا الارز مع الفواكه |
اللي بتغير حليب ولدده تبدى بملعقه ثم ملععقتين ثم ثلاث وكذا
يعني ثلاث ملاعق من الحليب رالاول وملعقه من الحليب الجديد وبعدين الرضعه الثانيه ملعقتين من الحليب الاول وملعقتين من الحليب الجديد وكذا |
مساء الخير
وين الناس ..ركدين ها اليومين ابسألكم تقضيتو شتوي لعيالكم وش شريتو ومن وين نبي تفاعل عشان نفيد بعض |
لآ وآلله مآتقضينآ ,,
|
لاوالله لسا وماشريت لبنتي لبس كثير عنده مجموعات اخته اللي اكبر يدفنه بالليل قلت اخلي الشراء للبس الشتوي .
من عنده حل لبنتي بس تشرق هبلت بي..وش تتوقعون السبب لو عطيته ماء او حليب نفس الشي مع اني احط له قطرة بخشمه قبل ترضع. |
هلا اختي كتكوته
انتبهي لحلمت الرضاعه حقته تراه تجي مقاسات يمكنه كبيره عليه وتدر بقوه او انه متوسعه وحاولي ترفعين راسه حطي مخده تحت رجلك وانتي ترضعينه وما تشوف شر |
مساء الخير بنات
ابسالكم خالتي ولده فيه حساسيه في صدوره وعمره شهرين عادي تعطيه حلب ذا مو زين وش طعطيه ردولي ظروري بسرع وقت الله يسلمكم |
الحــــــــــلب انا اعطيـــــــه عيالي من النفاس وبسم الله عليهم ماضرهم ...وبعض الناس يقولون مايصلح الا عقب سنه
اصلنا من لاكبر ماراح يطيقه ... |
مرحبا
ابسال وش اعطي ولدي بليل عشان يطول بنومه عير الحليب طبعا لان الحليب ما يشبع ولدي عمره ثمان شهور |
اخلطـــــي حليب بسريلاك عشان يكون ثقيل ويشبــــــــع ..ولا عطيه زبادي ...
|
مساء الخير،،، ياليت اللي عندها معلومه عن خلع الاطفال تفيدنا وتطرح تجربتها وكيفية التعامل معه بعد العمليه والتجبير واهم شيييي تقول مدة التجبير كم جلس ؟؟ تحياتي،، |
كل عام وانتن بخير
بنات ياحبي لكن ابي حل لكحة ولدي لدرجة انه يستفرغ وخصوصاً بالليل ولا اذا صار توه شارب حليب عمر ولدي ثمان شهور والزكام جننن |
هلا احن أمراه
بخصوص الخلع اذكر وحده من قريباتي بنته كان عنده خله سوت له عمليه وجبروه شهرين تقريبا وهي على السرير با الصاله ما تحرك وحاطه عنده تلفزيون الام مع الوقت مانتبهت مخليه البنيه على جهه وحده وهي تناظر الللي عنده والتلفزيون مع الوقت حولن عيونه واضطرت تسويله عمليه للعيون قلتلك عن ها النقطه عشان تنتبهين للوضع وتغيرين الجلسه بين كل فتره |
ام احمد انا ولدي كان كذا بديت ادلجه بزيت زيتون وزنجبيل وفلفل اسود وشوي فكس وفازلين اسخنه وادهنه
ووديته للفيحاء اللي بشارع الثلاثين دكتور اخصائي اطفال صرف له شراب ومضاد الحساسيه والكحه والحمد الله صار أهون ومن بدا البراد ما سبحته بيصير له اسبوعين ولا راح اسبحه ألا بغسطس الجاي:i125:eek: |
مرااحب يا حلوات
حبيت اسال وين اللقى لولدي مثل اللي بصوره هاذي http://im17.gulfup.com/2011-11-07/1320704441551.bmp |
اقتباس:
تسلمين يالغلا فعلا فيه ناس نبهوني ع النقطه هذي عشان كذا صرت احط بنتي مقابل التلفزيون مباشره مو ع جنب اللللللللللللف شكر حبيبتي(f) تحياتي،،، |
اقتباس:
فيه وحده اسمها ام عمر تبيع التنكري للاطفال واشياء ثانيه غريبه مررررررررررره للاطفال مثل المفارش والبتلات وكل اغراض الاطفال خطيرررررره بس غاليه :oo لكن يستاهل وعندها تنكري احلى من اللي في الصوره مقاسات من 6 شهور الى سنتين انا اخذت لبنتي الباندا سعرها 500 ريال برسلك الرابط الخاص فيها عالخاص اخاف يحذفونه الاشراف،،،، |
الله يعطيك العافيه ومشكوره على الموقع
ويارب تتعافى بنتك وتشوفينه تركض قدامك |
اقتباس:
وفيه بالحسون بس مهب كشخه قوهي36 ع سعرهن حلو وعند نكست بس بالرياض هنا مافيه |
اقتباس:
انا حطيت فازلين قلت اخاف الثانيات يحشرنه زودن ان به حراره ولوز |
عســـــــــــى خير ...انــــــــــا اخذته لبنتـــــــي من الحسون قبل خمس سنوات من االحسون
ماتذكر سعــــــره لكن مب غاليــــــه وغسيــــــل ولبس ماتغيرت ابد للحين عندي وعند مذركير نفس الخامه بالضبط لكن افخم الموديل فوق الميــــــــه .. |
هلابنات
انا ولدي يبي يتم تسع شهور وتوه بس يقتلب والجلوس كود انا اجلسه مايجلس من نفسه ولا يحبي ولا طلع سنونه وسعابيل ماتوقف مادري هالشي طبيعي ولا لا والشي الثاني ابي علاج للكحه له اسبوعين وهالكحه مع بلغم وانتم بكرامه والشي الثالث ابي دكتور اطفال زين الله يجزاكم بالخير |
هذه اول مشاركه لي بهذا القسم
لكن من بهذلتي مع البلغم وماخليت شي ماجربته دون فائده وشوفني وحده من اهل حااائل بعد حيي قالت المستشفي مايفيدونك بس يعطون علاج مهدئ شوري عليك اذا رجعتي سوي هالوصفه وان شاء الله يشوف ولدك الراحه وهي كالتالي ملعقه كبيره من منقوع المر ملعقه عسل اصلي ملعقه من ليمون ابو زهيره تقصد الصغيروناااات كلهم بالتساوي ووقت النوموعلى الريق الصبح والله يوم عطيته استفرغ الله يكرمكم بلغم والحفاظه مليانه مخاط وصار علااااجي لصدر هو وماغير ادعي للحايليه ادعو لي بالفرج |
من تجربتي لبنتي شراب سولان يوقف الكحه ع طول تحياتي،، |
انا بنتي عمره شهرين ونصف
بس البراز عنده ثلاث او اربع مرات باليوم وبرازه الله يكرمكم معه مخاط ماادري هل حليبه هو السبب ولى وش السالفه |
اقتباس:
|
بنات ابغى ملابس اولاد كشخة ولبس للطلعة قطعتين ( بدل ) او ( شيالات)
لعمر شهرين الى 6 شهور ما ابغى ثقيلة او صوف ابغاها خفيفة شوي توقعون القى عند سنتربوينت ولا ردتاج ولا سيتي ماكس او في عنيزة .. الله يجزاكم جنات النعيم ويبارك فيكم |
جمـــــــــــان كل المحــــلاات الي ذكرتي لبس الاطــــــفال حلــــــــــو ناعم عندهم لكن سنتر بوينت منهبــــل من تالي بالاســـــعار >>بخصوص البناتــــــــي مادري عن الولادي..
|
جمان
انا يعجبن للولادي سنتر بوينت وستي ماكس |
جمان
اللي تبينه عند نكست بنخيل |
السلام عليكم
ياأخوات ولدي عنده إلتهاب من الحفاظات عمره ٢٢يوم ومن طلع من المستشفى وفيه الالتهاب ابغى شي يخفف عليه ابي شي فعال وسريع |
اختي علاج التهاب الحفاظات عصار اسمه كيناكومب من الصيدليه
مره وحده وتلقينه مختفي |
نسيت اقولك خوذي المرهم مب الكريم
مرهم كيناكومب |
جنتــــــي غاليتي ...عندي لكـ طريقــــه للحـــرق تجنن وحــده بوحده ...
جيبي كاس زيت زيتون +علبة فازلين وسط+كـــسرتين مـــره+شوي خواجوا=واطبخيهن عــلى النـــارشوي ثم حطيهن بعلبه>>>>وترا بيماسك عشان الفازلين واستخدميـــــــه بعد كل تغييـــر وعـــلى فكره ..لازم ماتخلين الحفـــاظ فتره طويله عليـــه كل 3ساعات غيري له لو ماوسخ واذ وسخ على طول غيري له لأنه لسى جلده حــــساس ومايتحمـــل... |
اشكركن أخواتي على الافاده
بس انا استعملت كريم كيناكومب وليس المرهم اصرفته لي الدكتوره رحاب بمستشفى الحبيب وحطيت منه تقريباً ثلاثة ايام ولا شفت فايده والناس قالوا الكريم هو المفيد والمرهم مايفيد فاشكلهم عطون العكس |
شوفي يا قلبي
أستخدمي ميبو ما غيروه حق الحروق يهببل وراح تدعيلي |
اقتباس:
|
مشكوره اختي
بس انا حطيت فيه ميبو تقريباً ثلاثة ايام ولا شفت أي تحسن الاتهاب عميق وصاير بقع حمراء عميقه ويطلع منه دم احيانن الصراحه يقطع قلبي اذا غيرت له |
اقتباس:
مانفعني الاهو والله بنتي كان فيها زي التسلخات واستمر على سودو بس مااطول بالتغيير كل بين فتره وفتره اغير البامبرز علشان مايزيد الالتهاب زياده والحمدلله مرتاااحه مره لسودو جربيه يمكن ينفع لطفلك |
اختي الي ولدك فيه تسلخااااااااات
انا ولدي مافيه كريم او مرهم ماجربت له ولافاد لانه تكرمين معه سهال بس ذكرت لي وحده زيت الزيتون والنشاء اخلطهن مع بعض حتى يصيرن زي الكريم وادهن فيهن التسلخات مع كل تغير والحمدلله راح التسلخ جربيها وادعي لولدي بالشفاء |
السلام عليكم
الله يسهل عليكم وتفرحون بالنونو ويقومكم بالسلامه امين يارب بنات من جربت الولاده تبع مركز الاعمال بمستشفى الولاده اللي تدفعين لهم ويحطون لك عنايه خاصه اللي جربته وتعرفه عنه اي شي تفيدني الله يسهل ولادتها يارب وشو افضل الدكتورات تبعه |
نبــــــض الفؤاد ...حبيتي الله يقومكـ بالسلامـــهـ
لكــــن الظاهر ان هالطريقـــــه الغـــوها الحين ..ودامك دافـــعه دافعــــه روحي خــــــاص افضــل |
بنت عز
مشكوووره ياقلبي الله يوفقك متأكده انهم الغوها واسعارهم ارخص من الخاص |
^^
والله هــــــذا الي سمعـــته وعـــشاان تتأكدين خوذي الرقم من السنتــــــرال وشوفي ,, والخاص انــــاا جربت الفريح ب2000 حلـــــوين واسعارهم معــــــقولـــهـ |
اقتباس:
السلام عليكم انا استخدم <كيناكومب> اول مره راح اتحسين فيه مررره ممتاز ويارب يشفي وليدك |
تسلمي يابنت عز الله يوفقك
قهر كنت ناويه اولد فيه الله يسهل لي من عنده وييسر لي الولاده وكل الحوامل الله يهون عليهم |
السلام عليكم
بما اني عادتكم مثل خواتي ابسألكن ولدي عمره اللحين تسع شهور وأتعبه ا لتسنين با الحيل والى الان ما طلعت سنته وبس يصيح طول اليوم ويبي اي شي يعضضه حتى بعض الاحيان ياخذ ايدي ويعضضه وانا افركه بمحلب لحاله يقلون يجيب مفعول اكثر من اذا خلطتي معه شي ثاني وش رايكن وش يسكن عليه ويخفف ها الصياح تعبت والله |
^^
المحــــلب لو تخلطين معـــه مره وشوي كمـــــــون افضل عــــشان االشمـــــم وفيه بالصيدليه جــــــل خاص بألم التسنيــــن .. ومايشوف شر الصغيرون...... |
الشر ما يجيك
والله يجزاك خير |
بنات يليت تقولون لي ايش مكونات النقوعه الي تعطى الاطفال؟؟؟
أسألوا امهاتكم او جداتكم........ ولكن الف الف شكر |
| الساعة الآن +4: 04:11 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.