الدعوه ما هي بالجمال بالدين و الاخلاق

طيب اسمعوا السالفة
مرة واحد من أهل شقراء تزوج قصيمية ومستانسة إنها ما تزوجت قصيمي لأنها تخاف يتزوج عليها وحدة ثانية وبعد فترة الرجال تزوج زوجة ثانية !! طار عقلها وقالت وشلون تتزوج ثانية ؟! <----- هاجتن عن القصمان :)
قالها اصلا أنا مآخذك لأنكن يالقصيميات متعودات إن رجالكم يتزوجون عليكن :) .

^
^
^

يمكن يكون هذا سبب من الأسباب :)

أبشركم بحثت عن كلمة <<< مندقمات >>> .


مأخوذهـ من الدقمه وهي قطعه في سلف تشغيل السيارهـ ، فا معروف أيام الددسن
والهايلوكس دقمة السلف تخرب على طول ، وما تخرب الإ مع الشباب والشيبان الحارين
ومن الحرارهـ اللي فيهم يمسك المفتاح ويحطه بالسلف ويعلق يدهـ بكل قوهـ الإ بيشغل
السيارهـ اذا ما أنكسر السلف من حرارته علشان تسذا أقتبست مندقمات من الدقمة اللي
تخرب بالسيارهـ من الحرارهـ والجلافه طبعا أيام زمان بس الحين ما فيه سلف يخرب
الإ نادر أو يمكن قلوا الرجال الحارين اللي يقومون ويقعدون كل البيت بنظرة وحدهـ بس
يدرون أنه زعل رجل البيت :)

فا مندقمات يعني مار عليهن رجال حارين و فاهمين الدين ومستانسين بحياتهم
مخلينهن حريم من جميع النوآحي تعرف تتصرف بوقت الشدايد وشلون تصرف حياتها ومتربيه صح .

الحين يطلع علينا أحد يقول الدين بكل مكان ندري بس أغلب القصمان
حريصين على الدين ولا يهونون بآقي رجال الدين بباقي المنآطق .

************************************************** *****

وبالنسبه للقصميات والطلب عليهن لأن الناس تشوف بعينها القصيميات بكل مكان
وين ما تروح القصيميه وبكل مكان تصير هي سيدة المكان وهي اللي تجمع الناس
سواء جيران أو أقارب أو زميلات بأماكن العمل حتى بالمنتديات والموآقع .... الخ .

المهم أنهن شقرديات من جميع النوآحي (( دين + ذمرهـ "ربة بيت" + أخلاق ))الإ ما ندر
وليس تقليل بالمنآطق الثانيه يوجد بنات ما شاء الله عليهن بس قليلات ما يقارنن بالقصيميات .

بالرياض مثلا ، تحصل حي كامل ما يعرفون بعض بس اذا سكنوا قصمان عندهم
تحس أن الحي ينتعش ويبدون يتعارفون وزيارات وتكون فيه جلسات أسبوعيه
وتعارف بين الجيران بكل أطيافهم ومناطقهم والسبب القصمان اللي سكنوا بجنبهم .

علشآن تسذا القصيميات يملن العين والشباب يحبون البنت المتفاعله مع المجتمع
والفاهمه للحياة والمتفائله بحياتها وقنوعه بإرادة الله ولا تبحث عن المستحيل بقدر
ما تبحث عن أرضاء ربها و الوناسه مع الناس والتداخل معهم بكل عفويه .

والجمال جمال الروح .

تقبل مروري .

دغـــــــدغــــــــة مشاعر البنات ههههههههه اي دغدغه الله يصلحك
الحين ماشفت الردود وشلون يقولون انهن مهب جمال ,,,
بعدين وشحنا بلا النساء ولا شي اخي. ولكن بهذاالموضوع مادغدغنا ولاجبنا لهن خبر ..

أنا مع ............,,,,.ماهنا ذرابة,,,.....................

الجمال في كل مكان والي طلب الزواج من القصيم
بقول الخطابه وممن الي سمعت عنهم ان ببنت القصيم ترضي بالقليل والمساله ماهي جمال وبس
بس الان ماعتقد النظريه تنطبق علي بنات القصيم كليا و والله يستر علي الباقي البنات الي يظرب بهن المثل بجمال الروح والحشمه والطاعه وراح الله يخلف البنت الحين ماهي مثل بنات الاول الا من بعض ماقل والله يستر علي الجميع وهذا مومعمم علي الكل البنت زمان تتكل الام عليها في امور البيت وتربية اخوانها ومسؤليات تكون كده واكثر وتحي الضيوف وتسقبهم بفواه وترحيب وتتمني كل يوم عندهم ماقالت وشوله وليه والحين نوم كل النهار وهواش وكسل وتبي اربع وعشرين ساعه في السوق ولاضايق خلقها تبي تتمشي وهي كل يوم طالعه وهذا موعاجبها وهذوي وشوله كل يوم جاين ومفاضيه تتطبخ خلنا نجيب من المطعم معليش هذا الكلام ماجبته من عندي
والله ومأقول هذا الكلام منطبق بس في القصيم في كل مكان والله المستعان

اجمل مافي الكون النجديات(القصيميات) وكلن يرى الناس بعين طبعه فاذا صاروا اقاربك شينين لا تعم وتقول القصيميات شينات

وانا معك بهذا الشي يكفي انهن يشتغلن كثير ويكرم الرجل ويعزنه على العموم كل مكان بالدنيا
فيه شي زين وشين الله يبارك بالجميع.

وشكل الربع اللي برا يبون هالدين الله يصلح بناتنا اجمعين ..
والنعم والله ببنات القصيم..

اكسير تسلم للمشاركه

هلا بالغالي انتظر رجوعك ياقمر ..

والله والنعم بالشهارنه كلهم مادري هي صح شهارنه تجي ولا لا ..
والله تستاهل دوري له قصيميه ,,

القرمه شكرا للحضور ..يعني هذي مدحه للقصيميات يالله مشيها ...