|
بصراحه استغرب من رد بعض الاخوات مثال/واللحين بنات الثانوي سبقونا بالزواج وحنا حاقرينهن سحقاً ليه سحقا؟؟ وش الغلط في الموضوع؟؟ استغفرالله واتوب اليه |
الاستخاره
ثم الاستخاره ثم كلام الطبيبه وانا لا ارى في ذلك حرج ولامشكله من عدم اخبار الزوج |
متفائلة //
بصراحة مواقف مهب موقف :s مصدقات هالحريم لابدن يتسرسرن تقل عندهن سالفة << كره مالي خلقهن ثقيلات دم هالأشكال ,, أعوذ بالله إللي يشوفهن لابدن يهمقن يقول يخططن لبرامج نووية خطيرة والنهاية خرط فاضي ,, المشلكة أغلبهن طقوا عليهن رجالهن حريم وهالأسرار ماأدري وش خانتهن يوم يخفنهن عنا مالت عليهن مير ,, ــــــــــــــــــــ ألف شكر ,, |
ههههههههههههههههههههههههههههههه يا حبيلتس يا انكسار
جزتيلي وجازلي هرجتس انا معتس وبكل قواي العقليه مأيده كلامتس <<؟؟ الصراحه الصراحه لازم: 1- البنت تاكل حبوب علشان : - تستانس بهاللبس الي تقطعت رجلينه ورجلين امه وخواته لين زينو جهازه - تسنانس بجسمه اول عرسه قدام رجله لان يا عالم يا عليم وش بجيه من التشققات والسمنه والكرروش - تضمن مستقبله مع هالرجل ..لان الرجل ما يبان الا مع العشره لو تكلمينوه سنين ما بين لين تعيش معوه. 2- واذا اكلتهن لازم عليه : - تكشف قبل العرس وتاخذهن من دكتوره لا تخربط من راسه او من خواته المعرسات كل وحده جسمه يختلف ترااااااا - تكشف كل 3 شهور وتسوي راحه بين كل 3 شهور توقف شهر <<هذا اذا كان الرجل يدري.. واتوقع انه بيدري لانه بيهرج معتس بهالموضوع اكيد عاد ان صار من عيالين هالوقت ما يبون بزارين وبيستانس خيره من الله ..بس ان صار حد وهبل بتس الله يعينه يا حول ..بس لو انا منه اكلهم وهو ما يدر ي بس اهم شي تكشف على روحه بشكل دوري ليييييين تتركهن .. واذا كان الرجل سنع وخايفن عليتس ما خلاتس تاكليهن الا شهر بس ..واتفقتو عقبه على طرق ثانيه بس بالاخير لازم تاكلهم سواء رضا او ما رضا |
اقتباس:
ههههههههههههههههههههه حلوه 3شهور الاولى وراه ياويلي شغاله هي؟ يعني اذا ماصلحت يطلقه هههههههههههههههههههههههههههههههههههههه الشغالات هم بعد 3شهور مايبدلون هههههههههههعععععع |
السلام عليكم ...
ياأخوات الله يهديكن لاتخربن بعض على أزواجهن!!!:eek5 وحدة أكلتهن أسبوع واحد بس وجلست سنتين تتعالج عشان الحمل ... طيب وإذا حملتي بدري وش اللي تغير؟؟؟:(:( الحمدلله ماإنكسر منك يد ولا رجل ؟؟؟:oo وإحمدن الله على هالنعمة ..... واللي تبي تاكل الحبوب تتناقش مع زوجه بأسلوب حلو ولين ..وإذا ماإقتنع الشكوى لله .. ترضى بالأمر الواقع .. الله يهديكن قولن آمين ..: 12 |
أنصحك تأكلين قبل العرس بشهر وتستمرين عليها وبعد شهر العسل تتفقين وزوجك
إذا تبون الحمل تتركيها ولا تطولين فيها يعني ماتوصلين حد السنة من 8 شهور وأقل عشان ماتسسب لك مضاعفات .. أما إذا كنتوا غير متوافقين فبإمكانك تتفاهمين وإياه على الاستمرار عليها بس ماتاكليها من دون إذنه .. وقبل استشيري طبيبتك ضروري وخليها تصرف لك المناسب ويمكن ماتصرف لك شي يعني يمكن يصير عندك مناعه طبيعية ماتحتاجين مانع .. معليش كثرت عليك بس والله حاسه بمعاناتك .. |
هلا اخيتي نصيحتي لك اسال مجرب ولا تسال طبيب ترا ما حد نافعك كولي حبوب بالخفا انا اكلتهن لكن طاح بي وانا اخذ الحبه وكلهن جدعهن بالمغسله وقال :ما عندي حبوب وانا ما تزوجت الا ابي عيال (يعني بس مصلحته) وياليتي اخذه حبوب لكن قدر الله وما شاء فعل لو ما توفقتي تبلشين ببزر /اويطلع فيه عيب بعد كم شهر زي الشغالات اللهم لك الحمد لكن الشغاله سنتين وتروح وذا عشرة عمر والله طيعي شور وخوذي حبوب لا يدري واحسن حبوب نور دات ماهن قويات ولا يسببن شي . واتمنى لك التوفيق والسعاده. |
والله انه ماعندي ماعند جدتي بس تسذا رازه ووجهي >>> استفيد للمستقبل البعيد @_@
انكسار الاماني >> والله ان هرجتس تسنه هرج امي ابد تقووولين امي نزيت احسب امي مشاركة بالمنتدى وقلت جاحده*_^ جــــــــــــــــــاو....... |
هااااااااااااااو انتي تقولين هو انا آكل // و الا كم شهر آكل ؟.. لااااااااااااااااازم تآكلين .. بس لا تطولين بهن يعني اكلتيهن 3 شهور و تركتيهن تحملين بعد شهر ونصف .. و اذا اكلتيهن 6 شهورو تركتيهن تحملين بعد 3 شهور <~ يعني بعد نص المدة اللي كنتي تاكلينهن عرفتي .. و بالتوفيق .. |
تفائلوا بالخير تجدوه
الحمد لله على نعمة الأطفال والله ما يعرف قدر هالنعمه إلا فاقدها وليش دائما تتفائلن بالشين أجل وش فائدة النظره والمكالمات والسؤال قبل الزواج كله عشان ترجعن تسيئن الظن والله الحمد لله كل اللي أعرفهن ما قد إستخدمن هالحبوب إلا بعد الطفل الأول وبعضهن بعد الثاني وأنا من وجهة نظري إن إذا كان في فكري الطلاق على قولكن ما تدرن عنه أتطلق بطفل أحسن من لا شيء من كثر المطلقات اللي تزوجن الحين البنات قاعدات بالبيوت مو المطلقات خليها تتطلق بطفل أبرك لها بكره يكون عزوه وسند لها أحسن من ترجع بلا شيء على الأقل وعلى فروضكن السيئة معي طفل وإلا طفله يسليني ويسعدني أحسن من لا شيء وكمان حاجه ثانيه أصلا كلها كم شهر وتملين منه وتنتظرين الحمل وإذا شفتي الضنا وبتزيد سعادتك وسعادته ودايم أقل لأخوي اللي ما تزوج ( يقول ليش مستعجلين على الزواج وغثا البزارين أقول له شف أخوك ( أبو ـ ـ ـ ) إذا رجع لبيته ينسى الدوام والهم والتعب إذا شاف ولده ) صدقوني بكره إذا رزقك الله بالضنا تقدرين كلامي للعلم أنا غير متزوجه بس عندي بنت تسوى الدنيا وما فيها كنت إذا رجعت من الكليه بعد التعب والطفش ألقاها تنتظرني وأول ما تشوفني تفرد يدينها تضمني والله أنسى كل التعب ( إقتراح بنت بريده المفروض تغلق برقم سري للبنات فقط أتوقع هالموضوع بيشكك الأزواج في زوجاتهم خصوصا اللي لسا ما حملت بيروح يفتش في أغراضها من غير ما تدري يمكن يلقى حبوب منع الحمل خخخخخخخخ ) |
حبيبتي .,, من خلال تجربه ’’
كوليها ..قبل زواجك باسبوع تقريبا,,و خلال الاشهر الاولى من زواجك لان ماتدري عن حالك,,, وخليك صريحه معاه احسن ,, لان راح يكشفك خلال ,, ست شهور او 3 شهور,,, لان صراحه اذا طولتي فيهن ,, لاسمح الله يسبب عقم .... او تاخر بلحمل.. وفيه موانع غير الحبوب ,, |
أنا بقولك ومن تجربه.
تزوجت وأنا أدرس في آخر سنه بالكلية ولا أكلت لا حبوب ولا شي ولا حملت إلا بعد 4 شهور وبعد ماولدت بديت آكل حبوب واللحين بنتي عمرها سنه ونصف خليت الحبوب , لذا رأيي يالعزيزة لا تاكلين ولا شي , وإذا على مسألة عدم التوافق , يابنت الحلال وكلي أمرك لربك وبعد ماتتزوجين إستشيري زوجك, وترى المشاكل مو شرط تسبب الطلاق والله إلى يومك هذا وأنا ولله الحمد أنواااع المشاكل بس أنا عايشه مع مبدأ السفه والتطنيش ماسمعتي باللي يقول:طنش تعش تنتعش |
انا مابعد اتزوج
بس انشاء الله عن قريب :p وصراحةً انا مانيب ماكلتن شيء |
| الساعة الآن +4: 04:22 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.