بريدة ستي - تعال وشف المصايب اللي بالهبل في بريده

طالبة لكن(ربها)
السلام عليكم ورحمة الله وبركاتة
عزالله أنك صدقتي أنا سبق وأن عملت تحت إدارة أجنبي والمشكلة أنه يحمل شهادة دكتوراه وكنت أجي أعرض عليه أفكار ومشاريع وخطط عمل جديدة ويقول لي دي ما تنفعش في الشغل بتاعنا دي فيها وفيها وأنا يا غافل لك الله أصدق وبعد ثلاث أشهر أجده أخذ الفكرة وناسبها له ومطبقها عند الأدارة العامة ليه ؟ ؟ على الشان الأدارة العامة ما تعطي السعوديين وجه بغض النظر عن رواتبهم اللي يقصدونها عليهم يعني تطلع بمره أو بمذله والأجنبي الشهادة لله دبشه قهر وشلون أخذ دكتوراه ما دري والله أني شاك بالشهادة أنه غير صحيحة . بس عنده موهبة باللواقة ما شفت مثله بحياتي ومن مصايبه حتى أعيال بلده ما سلموا من مشاكله وهو ماله دخل به يعني ما هوب هو مديرهم . ورقعه( من تقاضي والقاضي خصيمك) ولا عندك أحد أوراق ثبوتيه من يثبت بالأوراق أذلال المواطن السعودي من أجنبي داخل بلده بس أبشركم عطيته درس ما راح ينساه طول عمره عطيته فكرة فيها مخالفه لنظام يعني تنفع في البلاد العربية لكن عندنا بالسعودية ممنوعة شرعاًَ ونظاماًَ وصارت المصيبة فوق رأسها وتحقيق معه وبالنهاية الأدارة العامة تجي وطلعه من المشكلة زي الشعرة من العجينة لو هو سعودية والله أن يقولون خله يصنق بمكانه . هذي كانت هدية وفاء مني قبل ما أنتقل من عنده