|
ياحياه عيني يالكتكوتات مافرحن بهالعطله بالشهاده والله لو هي مسويه ببنتي كذا لااخليها ماتعرف ارضها من سماها هالرديه ......
اطبع شهاده من النت وعطها بنتك قلها انك جبت الشهاده وعطها هديه خلها تستانس بالعطله ... ولا تخليها كذا بس تفكر بشهادته ... |
اقتباس:
شنهي الأسلوب هذا في اي مدرسه تعلمتي هذا الأسلوب اقول ليت اهلك عندهم غيرك يعرفون كيف المخاطبه والأسلوب روحي تعلمي أسلوب وبعدين تعالي سوي نفسك محاميه عنها ولا اقول غير حسبنا الله ونعم الوكيل اتمنى النظر في هذا الموضوع والتحقيق فيه من قبل الجهات المختصه |
[لمسات حنونه;أصالة عن نفسي ونيابة عن جميع منسوبات المدرسه نصيحه أعدلن عن النقل شكل إدارة هذه المدرسه تعمل بالنظام صح بصح أنتن أتيتن إلى هذه المدرسه بعد مدارس أهليه وقرى ماتعودتن وشو العمل لازم تعلمكن النظام بحذافيره وإلا شوي عليكن سجن ابو غريب همكن تلاحقن تحسين المستوى؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
للأسف أتكلمي عن نفسك وليس نيابه أيتها المتعلمه ؟ المدارس الأهليه هي من أ خرج تلك الأجيال وكانو في قمة الأدب والأحترام واتمنى ان تأخذي منهم عبره في الأسلوب والأحترام وعدم رمي الأخرين أعلم بأنك من لهم صله بذالك ولكن اتكلمي عن كيف تتقني الأسلوب اثناء المحادثه للأخرين ابو محمد اتمنى ان لايتوقف موضوعك حتى ايصاله لمن يهمه الامر بذالك |
اخواني واخواتي من شاهد الموضوع او من رد عليه انتم شاهدتم رد من ينتمي إلى إدارة المدرسة وكيف اسلوبهم وطريقة كلامهم هذا معنا وامام الملاء فكيف باسلوبهن مع الطالبات وبالمدرسة حيث لايشاهدهن احد فانا ارفع نفسي عن الرد عليهن هنا وسيكون الرد انشاء الله عن طريق المرجع الإداري فانا كما تقول أباء متخلفون فانا اقول يكفي ان ينظر إلى ردود الاباء وردودك ايه المساعدة او المديرة ويحكمون . مع العلم انه اتاني رسائل خاصة باشياء كثيرة بالمدرسة وانا لاريد التشهير او الحديث فلست مسؤول عن شيء سوائ الاسائة للطالبات فقط . وانا لن اشتكي بايديني ورجليني كما قلتي بل بورقة لمرجع المدرسة الاداري فان لم اجد جواب اذهب لاعلى منه حتى تعرفي الرجال اذا قالو فعلو وفي الاخير اشكر كل من شارك باسلوب تربوي راقي كما اشكر ذوات الاسلوب الغير راقي لانهن وضحن كيفيت اسلوب إدارة المدرسة وطريقتها |
يا اخي يا ابو محمد
بنتك لازمت المدرسة عام كامل بالمريول ما المانع عندما تذهب في اخر يوم بنفس اللبس؟؟؟ انا لست في صف المديره في قتل الفرحة في قلوب الاطفال و لكنني ارى أن تغيير الملابس فيه شيء من قتل الفرحة في قلوب اطفال شاء الله ان يكونوا أبناء عوائل فقيرة أو أبناء أناس بخلاء أما فرحة إبتك بلبس الجديد فهي مسئوليتك أنت خارج المدرسة و يدب محاسبة مديرة المدرسة على الإسلوب و ليس على المنع دمت بخير |
اقتباس:
من حق المديره الطلب من الطالبات بعدم لبس فستان او غيره و الحضور بمريول المدرسه ترا فيه ناس ما يقدرون فقراء و تنكسر خواطرهم اذا شافو غيرهم لابسين و كا شخين و هم لأ ليش نفكر بأنفسنا بس راعوا اللي حولكم أنا مدرسة و لمست الشي هذا بين طالباتي لازم نراعي الفروق المادية بين الطالبات و نحط حدود للتزين بالمدارس اللي تبي تلبس و تتزين تروح لعرس و لا استراحه و هذولا اطفال نفسياتهم تتأثر بأبسط الأشياء |
مدارس البنات للاسف تخضع لمزاجية بعض المعلمات
|
الى الاخوة من يتكلمو ان ابنتي لبست فستان لتتباهى او غيرة اخواني واخواتي انا لم اشتكي من لبس الفستان انه صح او غلط انا اتكلمت بالاسلوب الذي قمنى به ازاء من لبس الفستان وارجعو للب الموضوع انا تكلمت عن الاسلوب والقسوة ياجماعة الامر ليس بلبس او عناد او انها تلبس او لا تلبس انا اقول التصرف نفسة كيف كان عندما لبس اغلب البنات فساتين لوتصرف باسلوب وبرحمة فانا اتسائل ماهي الفائدة من هذا الاسلوب والقسوة فقط ؟؟؟ |
اقتباس:
نحن معك قلب وقالبا ومن الواضح انا الرد الغير العقلاني ياخي ابومحمد يدل على انها لاتجيد لغه الحوار فمابلك بالاطفال الذي يحتجون العطف وليس الهيجان والمديره او المساعده بان اسلوبها من خلال ردها اتمنى منك ان تضع موضوع اخر اخي ابومحمد تخبرنا باخر الاحداث ولك تحياتي وتقديري |
اوه بس عز الله ماعندها مدرسه تطلع السيب براسه
|
قولوا ماشاالله والله العظيم ان مدرسة بناتي قمة بالمعامله اتجاه الطالبات والمعلمات المدرسه الابتدائيه الخامسه لتحفيظ القران المديرة لبابه المشيقح ماشاالله عليها بناتي وحده بصف رابع والثانيه باول والمساعده الله يجزاه خير نوره الرقيبه والله العظيم انهن قايمات بالمدرسة قومه كل يدعي لهن ماسمعنا شي يضيق الصدر من ناحيتهن اخلاق والله اخلاق لاتفوتكم هاالمدرسه
|
اقتباس:
قرأت ردك ولم أقرا اسمك وبعد موافقتي لردك ذهبت لأقرأ أسمك فوجدت الرد والأسم متوافقان بارك الله فيك فأنا أوافقك الرد |
لعلنا نقول لكل جواد كبوة
انا كذلك خرجت علي ابنتي وهي مرعوبة ترتعد فرائسها من كونها حضرت للمدرسة وعليها فستانا كما هي العادة أيام النتائج
ومع الاسف الشديد التليفون مشغول ( ربما السماعة مرفوعة ) اختي مديرة المدرسة آمل ان تكون هذه كبوة جواد |
( قال يافرعون من فرعنك .... قال مالقيت من يردن ) المعلمات واولياء الامور هم من سمح بهذه المهزله ... ليش يسكتون على هالتصرفات ؟؟ ليش يستسلمون ؟؟ لاتقلون ايش نسوي ؟؟ مبنى ادارة التربية والتعليم الكل يدله .. وباب المدير العام مفتوح للكل ... مبنى الاشراف التربوي الكل يعرفه ... كتابه مقال بمنتدى او جريده ليس بحل للمشكله ... مافي تعميم ينص على منع لبس الفستان ايام الشهاده .... ومافي تعميم ينص على حجب النتيجه او منع استلام الشهاده .. بالعكس ... التعاميم تنص على وجوب معاملة الطالبة معاملة حسنه .. وتنص على اتباع الاساليب التربويه وادخال الفرحه الة نفس الطالبه .. كذلك تنص على الابتعاد عن اساليب التحقير ونبذ العنف ... مافعلته المديره يعرضها للعقاب هي والمساعده لانها سببت الم وعنف نفسي للطالبه ... على جميع المعلمات الاتحاد ورفع خطاب الى ادارة الاشراف التربوي واداره توجيه وارشاد الطالبات وتسليم الخطاب مناوله يدا بيد ... كذلك على اولياء الامور رفع خطاب للمدير العام لتقف هذه المهزله ... الى متى نحتفظ بمديرات عجائز لايعرفن من التعليم سوى الروتين والتشدد والمنع ؟؟؟ التعليم تطور ...والي ماتقدر تطور من المديرات تترك المكان لادارات شابه توافق التطور والتعليم التربوي . يامعلمات انتن على صواب ... من ايش تخافن ؟؟ مابيد المديره اي شي تقدر تسويه لكن ... بالعكس انتن تقدرن تشيلنه من مكانه وتكون عبره للمتخلفات الي مثله ... نحن نسعى الى حماية بناتنا من العنف .. الى احتواء طالباتنا .. الى زرع الثقه بأنفسهن .. الى فتح باب الحوار الهادف معهن ... الى تخريج جيل واعي ومتعلم ومتربي ... مو جيل جبان ... فاقد الثقه بنفسه .. جيل منحرف يفتقد للحب والعطف والحنان ... لكم حبي مرشدة طلابية |
| الساعة الآن +4: 08:18 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.