غادة //
يعني فيه أحد يكتب بإسمه ويعبر عن مشاعر غيره ؟ أكيد يعبر عن مشاعره هو وأنا كذا ياشيختي .
وغير هذا ترى مهب كل البنات يروحون ويجون ياكثر اللي مصكوك عليهن ولاقلت أنتِ بس فيه واجد غيرك .
لذا هذولي دايم يتشفحن الزواج علشان الروحات لكن اللي متعودة مايهمها ولاتقولين طعم غير وإلا مهب غير مايفرق يعني المطعم بيتغير عن قبل ماتتزوجين .

على العموم هذي وجهة نظري أنا أفضل الأطباء وبإذن الله بناتي وعيالي كلهم بطب << خليهم يجون :113:

’’

طالب طب //

لايهمك ألفاظ بعض الأعضاء ترى والله ثم والله إنهم يحسون بالنقص الرهيب ويحاولون يقللون من شأن الأرفع منهم .
واللي يقول أغلب من في المجال الطبي غير ملتزمين بالعكس أنا اللي أشوفه كثير من الأطباء ملتزمين .
وياليت تقول لهم الفرق بين خريجين كلية الطب والكليات الثانية بحكم إنك مطلع على الصور .
كلية الطب عددهم بسيط ومع ذلك نطلع منهم 5 , 6 ملتزمين والكليات الثانية مالاحظنا هالشيء والصور خير دليل .
(( طبعاً أقصد التخصصات اللي في فرع المليداء )) << اللحين يجون ويقولون طلاب شريعة واصول وووو هذولا خارج ردي .

,,