ههههههههههههههههههه
بس وشو زد رصيدك؟؟؟؟
تحمست ودي اشوفه مثل امك

هههههههه ياحبي لامك سلم لي عليه..

وش سوت يابرايت الاخير اكيد تحمست من يأخذ الجائزه... وعساه ماصحت يوم قضى البرنامج ..

ابن الاسلام ..


حبيب البي .. امي درست بمحو الأمية ..
بس يابعدي هي ..
انا مولود وهي بثلاث محو امية .. وتخرجت انا وهي بثلاث محو الأمية ..



والى هاللحين تقول .. تسيف تسذا عجزت افهم هالمدرسات ..
اقولهن ماهنا فرق بين السبعة والثمانية .. شقلبي 7 تغدي 8
عاد من حيني ماجازلي شكلهن .. تقول اللي حاطهن مغصوب ..


ويقولن لي مايخالف هن تسذا مانقدر نغيرهن ..
قلت له .. وراه .. شوفي الانقليزيات وش حليلهن كل واحد يختلف عن الثاني ..


وأومير .. بسم الله علي .. تنبط بي ابلة التوحيد ..

قالت لي .. استغفر الله انتي معجبه بالكفار ..


قلت له .. ياكافي ياأبله نورة والله لو انتي شايفتن خامتن حداهم ..

انا اقول ارقامهم وش زينهن ..





قالت لي .. شوفي ياحصة انا ابقعد هاللحين وابناظرتس ..
قلت وراه يادافع البلا بساسة .. وشواله تبحين بي وابح بتس ..
لي سنين ودنيين بهالمدرسة تناظرينن واناظرتس ..
مافطنتي الا هاللحين ..



قالت لي .. لا .. ابناظرتس يعني اتناقش انا وانتي ..


قلت له .. اها يالله .. وش عندتس .. احطزي بهذا قدامي ..


قالت لي .. انتي تقولين الارقام الانقليزية مايتشابهن صح ..
طيب شوفي الستة والتسعة .. مثل السبعة والثمانية عندنا ..
اذا قلبتيهن يتغيرن ..



قلت .. ايــــــــــــــــــــه .. والله انك صادقة يابنيتي ..

مير وش حليل سبعتنا وثمانيتنا خفيفن دمهن ..
مهوب مثل تسعتهم وستتهم .. درابي وطالعن منهن عصيان ..



سامحين يابلة نورة ..




وسامحن انت عااااااااااااااد يابن الاسلااااااام مسكت بك خط ..
بس تعرف فاااااااااااااااضي يالبي ..



ونسلم عليك ..




سي يو ..

هههههههههههههههههههههههههههههههههههه ياحليله أمك يآشييخ

الله يخليه لكم يآآرب

إلا لمعلوماتك .. : ترى الأصل الأرقـآم الإنجليزيه هي كانت ارقآم عربيه
وأرقآمنا الي نستخدمهـآ هي الأرقــآم الهنديه :)
أما الارقـآم الأنجليزيه الأصليه .. هي الي موجودهـ بسآعات أومكس .. الي xii وتسذا
لكن بعد الحرب العالميه الأولى تغيرت الأرقــآم

أبحث للإستازدهـ

شلقة ..

مشـ......ــرفنا ..




يابعدي انت .. اجل تبي يستضيفونه بالكوفي ..
بالكوفي والا بالرقعة .. <<((== ينكت لاارجده بطراق انثر حواجبه ..


اجل تبيه تستضاف هنا ..

والله ياهي تبي تفهم وش يقولن له ..
بوحك يا ام مدحت اثار شجوني ..
روحك اجمل من زهرات الزيزفون ..



مشكور يالبي ياشلــقــة ..




سي يو ..

عـ :
وين باقي الاسم ..

بس تصدق ان اسمك بوه معنى بليغ .. ( عــ نقطتين ) ..

( عـ : ) يعني هذي عين فاضيه مابه الا نقطتين ..
تعرف يالبي العيون هاللحين مابهن شي .. مثل عين ام سبعه بالأحساء وطقته ..




المهم يالبي ..
اجل جدتك متابعة للي يطبخون ..

أعلمك بعد .. بعض اللي يطبخون ودك تمسكه وتلحطه بالملااااااااااااس ..
مايعرف ولايقطع البصل .. والطماطة تنفغص بإيديه .. تروح ويقضي ( ماه ) من الفغص ..
ماايبقى الا القشر .. وانواع الكآبة ..



يابعدي انت .. مشكور يامال الثانكيوا ..

والله يخلي لك جدتك ..





سي يو ..

هههه يا حليلها نفس سالفة زوجة جد امي متحمسه مره ماتنام الا ا\ا خلص البرنامج عيالها قالو صرتي تشوفين شباب زد رصيدك اكتر مما تشوفينا

ماشاء الله العجز يكتبن رقعة :d

والله موب بسيطات العجز

أجل قضا البرنامج :eek5

كل هالعالم تهرج به

مير من اللي فاز ووش جاه :09:

هههههههههههههههه
شكله منتهيه خخخخخخخخخخخخخخخ
الله يحفظه لك ..