بريدة تاج راسي

ياحب بعض الناس للعنصريه
طيب أنت من وين؟ بريده!
بريده بالقصيم وبريده عاصمة القصيم وبعدين
ترى الدعوى كله كليجا (همبرقر يابس)
تحياتي : بريداوي خالدي

والله ياهي تنفقع كبدي لاقالوا عنصرية!!ياعالم ياااااااهووووووووووه اذا تبي تلغون او يلغون اسم(((بريـــدة))) يجب عليكم الغاء اسماء المحافظات الثانية وعدم رزها في وسائل الاعلام (جميع محافظات المملكة)!!!يعني لو صار مهرجان بالخرج تقولون مهرجان بالرياض وتهضمون حق الخرج واهل الخرج امام كل من يسمع بالمهرجان.....>>>معقولة
طيب ماتنفقع مرارة اعقل انسان ببريدة وهو يتصفح جريدة الرياض عدد 15535 تاريخ غرة صفر
ويقرأاسماء المعلمين المتميزين ويجد امام معلمي بريدة لفظة القصيم ومعلمي محافظات لاتكاد تظهر عبر الخريطة يضعون اسم المحافظة مع العلم ان لنا ولهم ادارات تعليم مستقلة مثلنا مثلهم
لو كنت فاضية نزلت صورة الموضوع (جدول طول بعرض نزل فيه هذي الاسماء القويعية,الافلاج,صبيا ,المخواة,عنيزة,الجوف,الزلفي,الليث,المذنب,الخرج...و غير ذلك)))وعند وضع معلم بريداوي يكون مع كلمة القصيم ويكون السياق غلط وفيه غموض مثلا المعلم سليمان التويجري ـــثانوية عمرو بن العاص ـــــ القصيم
وهكذا كتبوا مع جميع المعلمين والمعلمات!!!!
شكلنا لو نستضيف كأس العالم يمكن ينصفنا الفيفا ويعترف بنا ؟؟؟؟؟؟
اللي ينتمي لبلد شيء طبيعي يتحمس له ولانسينا الجزائر ومصر وبعدين ترى هذا من الوطنية للسعودية اولا وبريدة ثانيا (الوطنية انتماء وهذا الحاصل الان بكتابتي)وشكرا لمن عنده حس ولاشكر للمعارضين وهم موب فاهمين السالفة.

(f)(f)بريده عاصمة القصيم(f)(f)

كلنا عيال علي ..

اللي خرب سمعة القصيم بريده ما احد يواطنها من الاتين من المناطق الاخرى اللي يحبونه صدق عنيزة والبكيرية والمناطق الاخرى التابعة للقصيم اما بريده ما احد يحبها والسبب اهلها

دائما اذا جاء اسم بريدة يقولون القصيم

والحل اما ان نغير اسم بريدة الى اسم القصيم او تعدل هذه الاخطاء ويحذر من تكرارها

الان مستشفى الحبيب كاتب مستشفى الحبيب بالقصيم

والله اننا بدينا نحس ان القصيم هي بريدة اذا هذا المقصود خلاص خلونا نسمي بريدة القصيم

او نقف بكل حزم مع كل عنصري حاقد عليها

بلاهم يرتعبون من أسم بريده هههههههههههههه

كلامك سليم 100%
الحين نشوف المحافظات التابعه للقصيم يكتب اسم المحافظه بمهرجاناتهم بالخط العريض والقصيم لا يذكر
المفروض المهرجانات والاحتفالات المقامه في بريده تكتب بأسم بريده
وبالنسبه لردود البعض بأن هذا الكلام عنصريه بالعكس اي شخص يحب ديرته بريده يتمنى يرى هذا النجاح منسوب لمدينتنا الغاليه بريده
الله يحفظ لنا بريده ونشوف فيها التطور والتقدم والتميز للأعلى والافضل دائمآ ان شاء الله

صح لسانك وسلمت اناملك اختي