بريدة ستي - ::: من اللي بيودينا اليوم للسوق :::( البنات و السوق )

بريدة ستي (http://www.buraydahcity.net/vb/index.php)

- ســاحـة مــفــتــوحـــة (http://www.buraydahcity.net/vb/forumdisplay.php?f=2)

- - ::: من اللي بيودينا اليوم للسوق :::( البنات و السوق ) (http://www.buraydahcity.net/vb/showthread.php?t=241736)

اجل النكته اخوي يقول ان كان تبون السوق قومون الصبح الساعة 8 ولكم الى الظهر <<كثر الله خيرك طويلة الروحة
وين يالاخو بتودينا للبطحاء والله حتى البطحاء مايفتح ثمان

لكن مانقول الا الله يصلحكم ويسخركم لنا<<وجه مطلع لسانه

بعيد عن مدح النفس بصراحه ماطيق شي اسمه سووووق
اذا صرت متضايقه وحالتي حاله عرفو الي حولي اني طالعه لسوق

وفيه كثير من نوعية الي ذكرت

اصراحه السوق للى عنده اطفال الله يعين اناا موب ذاك الزود لطلعت السوق واحب اذا طلعت وانا بالسياره مادور على كل المحلات واحب اطلع الصبح عشان مافيه احد وماانغث الى اذا جاء مصروف ملابس العيد قبله باربع ايام اكره السوق كره بس مضطرين ويارب يتوب علينا

موضوع يستاهل النقاش.

مرحبا ..
أعجبني طرحك للموضوع .. و خاصه بنات القريات .. ليه عاد .. أو مسكت معك !!

شووف .. المسأله بنظرتي .. أنا ..
و ممكن توافقوني ..
السوق الداخلي ... أو الوسعه يااه و ربي اياام مضت ..
اقولكم .. قبه رشيد و ما حولها .. الكل يتسوق و يشوف أموره ..
قضيتنا .......

بالمولات .. عثيم و نخيل ...
صار الوضع .. يوم أربعاء و خميس ما عندنا طلعه .. خلاااص للمول
هذي اشوفها ..
بنسبه كبيره بعوائلنا .. ..

اقتباس:

المشاركة الأساسية كتبها هنـادي (المشاركة 2723829)

ماشاء الله هذا وانت ماتحب التنبيش وشلون لو تحب التنبيش >>عاد صرفه هذي هههه

هي مره وحده بدخول الشتاء

ومره وحده بدخول الصيف..

و مع المناسبات مرة ... إلى هالحد مافيه مشكلة ..
شكراً ,,

اقتباس:

المشاركة الأساسية كتبها كنافه (المشاركة 2723901)

وينتس عن بريده شكلتس من زمان عنها اللحين كل شارع به سوق صار اشد من الرياض الله يعين

اه شف انت قلت من هواة التمشي ترا فيه بعضهم الحمدالله والشكر (بلوى )ترا ودايم باالسوق0
ويرجع للرجل اللي ماله شخصيه:eek5

وشف اذا كنت تعتبرها ظاهره مااتوقع ان شاءالله 0

يعني الحل الأفضل إن الواحد يرفض أحيانًا ..؟
هذا اللي فهمته ..

اقتباس:

المشاركة الأساسية كتبها ريم الجزيرة (المشاركة 2723924)

استغفر الله
كثير من الناس كذا الحين
يبي يتمشووون يروحون للسوق يبي يجتمعوون يروحون للسوق :eek: اعوذ بالله وش دعوى يعني مايقدروون يعيشوون بدون السوق من ضروريات الحيااة

من علامات التبرج والسفور كثرة الذهاب للأسواق
و ابغض الأماكن الى الله السوق

خوذي حاجتك وروحي
على فكره ترا فيه منتزهاات وشاليهاات واستراحات قضن الأماكن علشان اروح للسوق اللهم عافي المبتلى ولاتبلانا

تشكراااااتي

الأسواق الآن للأسف فيها كل وسائل الترفيه ..
عشان كذا صارت زحمة .. أنا أقصد الأسواق الكبيرة في الرياض ..

اقتباس:

المشاركة الأساسية كتبها البيااان (المشاركة 2723929)

***الله عزوجل يقول (أومن ينشَّــأ في الحلية وهو في الخصام غير مبين) طبيعة البنات يحبون الزين فمظطرين يواكبون التغير والتجديد <<بخلاف العيال ثوب وشماغ والحمد لله يعني ما يحتاج التكلف <<والبنت غير الولد تحب الزين بكل شي ...أما كثرة السوق فأنا أشوف ما فيها شي اذا كانت روحتها بالشهر ثلاث مرات أو أربع ؟؟؟لأنها بالمره الأولى من واقع تجربه ما تشتري الا لما تشيك على السوق تاخذلها فره ثم تروح بعده وتشتري ..وبعض البنات ذوقها يكون صعب فتظطر لكثرة روحتها السوق يعني أنا اعرف كثير لما تتقضى ما يعجبها الي عندها تروح للبحرين تتقضى <<<وبعدين الولد يفرح انه يخدم أهله!! بكرا اذا تزوج تلقاه معسكر بالسوق.. الله يوفق الجميع

لا حتى العيال الحين عندهم موديلات بالثياب ,,
و التزين مافيه شيء ، لكن التمشي بالسوق هو اللي فيه شيء ..!
و اللي يذوقها صعب الله يجزاها خير لازم تراعي الظروف ..

اقتباس:

المشاركة الأساسية كتبها تغيب الشمس بيوم حلمي (المشاركة 2723930)

والله أنك صادق الحين صايرات البنات كل يوم بالأسبوع يجتمعن باسوق هن وصديقاته ومره مع بنات خلاتهن ومره مع بنات أعمومتهن وهكذا ويبتلن
ياخي مايملن من السوق أنا الحين لارحت مره باشهر أو باشهرين مليت وطقت كبدي منه

عااااد حتى أنتم ماتقصرون الوحده لابغت تروح لسوق مره وحده باشهر أطلعونه بطاعونه تقل نطلب أرواحكم

نقطة مهمة جداً ..
و بالنسبة للي ما يودون أهلهم للسوق .. صحيح بعضهم مخطئ ..
لكن بعضهم من اللي شافه .. يعني الروحة تصير ساعة .. و سبحان الله بقدرة قادر تصير 4 ساعات ..
هذا يصير كثير ، بل أنه هو الأصل .. :bad
شكرا ..

اقتباس:

المشاركة الأساسية كتبها طبعي ذبح غيري (المشاركة 2723973)

الحمدلله فـ هو قد رزقني كرهـ الأسواق ..
ولكن في الحقيقة أنتم يـ الإخوان بعد طلعة الروح تذهبون بنا إلى الأسواق
ودائماً تقولون :.أنتم يالبنات ماتشبعون من الأسواق ))
وكانت تلك المرة التي ذهب بنا إليه قبل الـ 3 أشهر ..
×.×.×.×.×.×.×
و ربماآ من خرجت إلى الأسواق لـ ترفه عن نفسها لاآ يوجد مكان ترفيه لها إلا السوق
ربما تكون هي لاآ تدرس و الاجتماعات العائلية ناآدرة ..
فـ الأسواق أعتبرهاآ مكان إزعاج وليست تسلية أبداً .. ومن يعود منها يبقى طريح الفراش لـ يومين وفعلاً أستغرب من الفتاة تلك التي تنام و تستيقظ بهاآ ..
أماآ الذهاب لـ السوق لمرة آخرى لـ الترجيع أو التبديل فـ هذه تسمى حالة طارئة ..
فمن الفسق أن أدعها مرمية في ( الدولاب ) أذهب وأتي بـ غيرهاآ أفضل ..

الصمصاآم ..
جزاك الرب خيراً

من أجل هذا .. الأفضل في التسوق أن يكون في الصباح .. أو بعد الظهر ..
يعني في أوقات يقل فيها الناس .. و لا يمنع في تلك الأوقات الهادئة من الجلوس
في المطعم و التسلية مع الأخوان و الأخوات ، و تمكين الأطفال من اللعب .. شكراً ..

اقتباس:

المشاركة الأساسية كتبها ورقـة خـريـف (المشاركة 2724002)

موضوع مُمتع بالنسبة لي .. ودّي أرد بإختصار بجملة ( أصابعك مب سوا ) لكن مايطيعني قلبي أسكت هه

وسأرد بطريقة الند للند :)

http://center.jeddahbikers.com/uploa...2940824991.jpg

ربما ذلك .. لكن البنات يختلفن

الشاب والإستراحة
شي مُقدّس ومبدأ لايُمكن التنازل عنه

واجب وفرض بعد

إذا كان الوالد هو اللي يصرف بالبيت .. وش خانة الولد بالبيت ياكل ويشرب ويلبس ويطلع << فندق 5 نجوم!
يعني مثل ماأتعب بشغل أكله وشربه ولبسه .. يوديني للي أبي
بعدين شغل البيت أنا اللي أتعب أما هو فالسيارة هي اللي تمشي .. هل السيارة بتوجعها رجلها مثلًا ..!

الجدول هم اللي يحطونه .. يقول أنا أبوديكن بس دورن من يرجعكن!

وإذا كان فيه أكثر من أخت يحطون جدول أنتِ اكوي ملابسي وأنتِ سوي أكل وأنتِ ....الخ

شلون يعني تبون البنت تشيل العباية عند صاحب المحل وتجرّب الملابس مقاسها أو لأ
أكيد إذا رجعت للبيت بتقيسها وتشوف تناسب أو لأ

ضياع مرّة وحدة! هه
إذا كان يطلع يوميًا للإستراحة كثيرة على البنت تطلع للسوق ولحاجتها مرّة كل 3 شهور !!
ويرّفّه نفسه كل يوم وإذا طلبت منه أخته أبروح لصاحبتي قال لأ مب لازم !!!!!

وااو تبديد طاقات! .. وشغل البنت بالبيت ملاهي مثلًا ..!!

////////////////////////////////////////

أخي عبدالله .. كما للشاب حاجات ووقت للترفيه البنت لها أكثر بحكم إنها بالبيت 24 ساعة!

وفقك الله

أهلا بك أختي ..
و أنا لا أحارب الطلعات للسوق ,,,
إلا إذا تكررت بشكل مزعج ، و لم تحدد بأوقات ..
و أما سالفة الاستراحات ، فهي كذلك خطأ ..
و الاستراحات و الشباب موضوع آخر .. ربما أكتب عنه بنفس الطريقة ..

أيها الكرام : أعتقد أنه يجب على الرجل وجوبًا سواء كان أخ أو زوج أنه هو من نفسه يبادر للترفيه عن أهله و خواته ، و لكن كذلك ما يوافق على كل طلب في الطلعات ، إلا إذا بيسددون فاتورة جواله المقطوع :d أقصد .. إلا إذا جاءت تعليمات من الجهات العليا كالأم او الأب .. هنا ينتهي الكلام ..

اقتباس:

المشاركة الأساسية كتبها أحلى صبية (المشاركة 2724038)

اتوقع فيه حل اللي هو تحط لهن جدول يوم بالأسبووع تقضي حاجاتهم
مثلا الأربعاااء اطلع من العصر ولا يردكم الا لا صكرت المحلات...

هذا افضـــل حل أما مسأله كل يوم فهي صعبه.,,,

ممتاز .. التنظيم طيب .. بس أنا أفضل التسوق الصباحي ..
شكراً لك ..

اقتباس:

المشاركة الأساسية كتبها * شــــذى * (المشاركة 2724044)

.

موب من موآضيعكـ = )

..

وش أنا قايل الله يدفع البلا ..
ظاهرة اجتماعية تحتاج نقد .. مثل غيرها من الظواهر ..
بس هالمرة بالعامية ..!