|
بصراحة البلاك والايفون ,,,اشغلت افكار الناس ,,وهوس الاكترونيات يمشي بعروقهم..
وبصراحة بالاجتماعات وغيرها ..مانشوف الا الكل ماسك البلاك او الايفوووون وساكت...!!! وبصراحة الكل مستاء من هالتقية هذي .. الموقف اللي صار لي ....كنا في اجتماع والكل ماسك هذي التقنية ... المهم شافتني وحده وطبعا كلللل بناتها معهم بلالالالاك قالت مامعكي بلاك يا..... قلت لاوالله قالت ماشا الله عليك.. وع من زينة دوده عقول الخلق... الله يهدي الجميع |
حنا بزمن العصر والتطور والتكنلوجيا إلى متى ما نتطور !!!! واحنا لآزم نواكب التطور :d |
اقتباس:
اووووكي ياعزيزي الجيلبريك سووه انت بالبيت والبرامج لا تحملهن صار خطر الحين ؟ :d |
انا اوافقك الرآي
واني والله اخاف على نفسي من البلاك بيري ولم اقتنع به ابدا .. البلاك بيري هذا اشد خطرا على الأطفال والمراهقين لما فيه من صفحات ومواقع لاتستطيع الدولة ان تحجبها ويمكن ان تظهر فجأة وانت تتصفح الإنترنت وهذا الكلام قالته لي فتاة ملتزمة واعية ونصحتني بان لاأشتريه >مافي مشاكل اشترولهم لكن انتوا بنفسكم شيكوا لاتخلون هم كذا بدون حسيب ولارقيب قسم بالله هالدنيا تخوف الله يستر علينا ويحفظنا من الفتن |
اقتباس:
وشدخل الوسواس بالموضوع يابنت الحلال والله ماتدرين وين العرب رايحه قال التقنيه ماقول غير الله يهديك بس |
اقتباس:
يالله لك الحمد انا اعي مااقول الله يصلحك |
اقتباس:
حنا بزمن الجهل الان |
اقتباس:
ياناس انتم وش فيكم قسم بالله صادق حتى التحديثات الي بالآيفون تجي على ايميل صاحب المحل صح ؟؟ انتوا انتبهوا وربي الحافظ |
اسمه الجلبريك وراه تغير اسمه :eek5
اقتباس:
وشلون تجيه التحديثات باللهي ولو تجيه فرضاً يقول هذي ماعلينا من الناس محمله لعبه كراش وهذا فلان محمل صحيفه سبق الالكترونيه وذي حصه محمله السنافر وهات من البرامج وين المشكله هو فاضي يشوف وش يحملون خلق الله حوبي لا مو صحيح انتي بنفسك تقدرين تسوين حساب بايميلك وتحدثين بنفس الايميل انا بس كنت بوضح لك ان بعض الناس تخربط مجرد توقعات وتنتهي القضيه اخونا ماقصر كان خايف علي شبابنا وبناتنا جزاه الله كل خير. ويجعله في موازين حسناته ووضح قصده البلا ببعض البرامج مو الجهاز:pooo1 |
اقتباس:
وين موقعه انا اعرف برامج شيطانيه تداهم اي ايفون دون علم الشخص الثاني ولا ابي اذكر اسم البرامج خوف من استخدامه واكون انا السبب الله يكفينى الشر |
وش دخل التحميل والتحديث من صاحب المحل .. ؟
ناس غريبه , كل يوم نصى نلاقي ناس شاطحين فوووق |
أخي الكريم ..
أتفهم موقفك .. وأختلف معك في الرأي فمسألة أن فرد أو مجموعة أستعملوا هذه التقنية بشكل خاطئ .. لا يعني هذا أن نعمل على رفض هذه الخدمة والمنفعة ومنعها نهائياً !! فكل شيء له ضرر ونفع .. والمستخدم وحده هو من يحدد هذا الشيء .. لا الشركة المصنعة ولا المجتمع ولا أي شخص كائن من كان .. وصدقني عندما قرأت العنوان تكونت لدي فكرة عن ما تريد طرحه ولكنني كنت مخطئ تماماً .. فقد توقعت أن يكون الموضوع عن خطر هذه الأجهزة وبالأخص {البلاك بيري} على أغلب الأطفال والمراهقين لكن ألتمس لك العذر بأن يكون قد حدث لك موقف سبب لك هذه الحالة من الرفض الكلي والقاطع لهذه الأجهزة .. أما عن وجهت نظري عن الفائدة من هذه الأجهزة عن واقع تجربة .. فأرى أن الأيفون فائدته الفعلية تتجاوز الـ85% من أغلب برامجه وتطبيقاته أما البلاك بيري .. فوالله أن كله مضيعة للوقت {لدينا فقط} وماساعد ع هذا هو شركات الإتصالات التي حصرت جهاز كـ البلاك بيري في خدمة وتطبيق واحد من تطبيقاته فأصبح ضرره أكثر من نفعه بكثير شكراً جزيلاً وأرجو أن تتغير نظرتك لمثل هذه التقنيات للأفضل .. |
تراااااااااااااااااااااااااااااااكم كل يوووم مطلعين لناااااا علة
اعوووووذ بالله وة |
اخي راعي الشوق
قرات موضوعك وعلى ردود من انتقدك ومن ايّدك نشكرك على تحذيرك من هذه الأجهزة ويعلم الجميع ان الجهاز اما نقمة او نعمة وهنا لم توضح الخطر بعينة وطرق الوقاية منه ليستوعب الناس مايدور في مكمنه > الخطر والعلة هو انفسنا من استغلالها اما بالحلال او الحرام .. ((هناك اناس من يعرف كيف يقتنيها ويحسن بها ويسخرها بطاعة الله .. وهناك من يعمل لأجل ملذاته وهواه كفانا الله واياكم شر الهوى وشهواتها واتباعها .)) ومكمن الخطر جهلنا وقل معرفتنا بها ولا نعرف كيف نتعامل معها مثال على ذلك :أجهزة التجسس والبرامج التجسسية والذواكر القابلة للإسترجاع بعد الحذف والأشعة الصادرة من الهواتف والواير ليس .. الخ ويدخل بها اليد الثالثة الخفية الخبيثة في استغلال النفوس الطيبة ونحن مغزوين ومحاربين من قبل أعدائنا هدفهم التضييع وتشتيت الأسر بهذه التقنية ، وقد سمعنا كثيرا عن هذه الأجهزة كالبلاك بري والآيفون وغيرها بأيدي شباب وفتيات ( جاهل او سفيه او فاسد ) من ناحية المعاكسات والإبتزاز والتصوير والمشاكل التي لاتحمد عقباه وتضييع الوقت .. لهذا يجب اخذ الحيطه والحذر في استخدامها والتعرف عليها اكثر وتثقيف ابنائنا وكيفية استغلالها وليس المنع بالبته .. فإن سخرناها في سبيل الله فهي مدعاة لرضاه في تحصيل الأجر والنفع وفقنا الله واياكم وسدد خطانا وان يسخرنا لطاعته كمثل النحلة لاتقع الا على طيب ولا تخرج الا طيبا وماقلته قابل للخطأ والنسيان فإن اخطأت فمن نفسي والشيطان وان اصبت فمن الله |
| الساعة الآن +4: 04:20 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.