|
اقتباس:
اقتباس:
حسبي الله عليگم الله يحطگم بمثل هالموقف يعني لو سارقة بتجي وتكتب موضوع !!! ردود سطحية وفيها استهزاء على الاخت والله يعينك يأأختي وينصرك على من ظلمك ويبعد عنك هالمواقف والتصرف الارعن من البعض عن أَبِي هُرَيْرَةَ رضي الله عنه قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ (( مَنْ كَانَ يُؤْمِنُ بِاللَّهِ وَالْيَوْمِ الْآخِرِ فَلَا يُؤْذِ جَارَهُ وَمَنْ كَانَ يُؤْمِنُ بِاللَّهِ وَالْيَوْمِ الْآخِرِ فَلْيُكْرِمْ ضَيْفَهُ وَمَنْ كَانَ يُؤْمِنُ بِاللَّهِ وَالْيَوْمِ الْآخِرِ فَلْيَقُلْ خَيْرًا أَوْ لِيَصْمُتْ )) أخرجه البخاري ومسلم |
اقتباس:
آمين بس لا تشره عليهم فيه كثير مثلهم بالمنتدى العلم نور والجهل ظلام الحمدلله الذي عافانا مما ابتلاهم به |
يختي الموضوع جدا عادي
بس انتي اتحسستي منهم حبتين يعني كان قلتي له هذا بنطلونكم ويمكن الصغار حطوه بالغلط انا اسفه ومشيتي وتركتيهم تصير هالمواقف كثير مرره علشان ابرد عليك وحده بنتها تأخذ العاب من محل جاكادي وتحشي بالعربية اذا تعرفينها اللى ع شكل سيارة الموهم ماحد منتبهه لها وادخلهم مكان الرجلين يعني ماحد يشوفهم لما طلعت الام صفرر جهاز الانذار ويدورون بالاكياس والعربيه يمررونها وتصفر ويناظرونها ما فيها شي اخر شيي جت البنت الصغنونه وطلعتها لهم هذي متعت الاطفال فبردي ع قلبك ووسعي صدرك وتعاملي معهم بسعة صدر وعلى فكرة مو من حقهم يجبرونك تدفعين قيمة شي موجود عليه المغناطيسه حقتهم لانك ما حاسبتي عليه |
الدين المعامله
|
وانا صارت لي المشكله
قعد يفتش الكيسه ساعه و اخر شي قال خلاص حرك |
ياناس يخافون تراهم عليهم مسؤؤليه :(
شدراهم انه ماهي سارقته انا مااقول انك انتي سرقتيه بس اقول يعني غيرك كثير يسرقون عشان كذا يخافون هذي شغلتهم :) ولاكن نقول لهم ان الدين معامله:41 ولاتمسكون خلق الله ويصير حديد متعلق ...الخ:oo وتفضحون الناس :mad: |
لا يضيق صدرك أجل اسمعي قصتي بتخفف عنك شوي.. خوذي نفس بأذكرها بأدق التفاصيل أنا ولدي عمره خمس سنوات واحنا داخل سنتر بونت حصل قطعة المغناطيس اللي يركبونها في الملابس حتى يدق الجرس حقهم اذا انسرقت الملابس سألني ولدي الله يحفظه وهو خجول جدا جدا يا ماما هذا المغناطيس حصلته طايح أبروح أعطيه العامل حتى يركبه بالملابس .. رديت عليه وقلت له يا ماما هذا خربان وحنا مستعجلين رجعه في الأرض كيفهم يجون ياخذونه هم بنفسهم قال أكيد ياماما رديت عليه وانا مستعجله أكيد الله يصلحك.. الولد الله يحفظه حطه بجيبة لما سمعني أقوله خربان .. المهم أنا ما حصلت شيء يعجبني في المحل وطلعت أنا وولدي وإذا الجرس يدق !!! أنا واثقة من نفسي لأني ما شريت منهم أي أغراض وولدي كذلك ما أشوف بيده أغراض !! دق الجرس ومير أسمع ذيك الصرخة من حارس الأمن ينادي وليدي ويقوله يا ولااااااد !!!!ولدي خاف وصار يركض اتجاهي هو خواف خلقه ولا أشوف حارس الأمن يركض وراه !!! وضميت ولدي وقلت للحارس خير انشاء الله شوي شوي وراك على الولد ؟ ومير يمسك ولدي من ايده ويقول وهو يسحبه لجهازهم أناأقولك هالحين ليش..ويمرر وليدي من عند جهازهم ويدق الجهاز مرة ثانية !!! ومير يضحك الحارس الله يهديه ذيك الضحكة والولد خايف!! قلتله هات أفتشه لك حتى تشوف !! قال الحارس الله يسامحه ها ها ها ا ا ا اي لا ياشيخة أنا أفتشه ووليدي بدا يصيح وفتشه وحصل المغناطيس الخربان اللي حصله ولدي طايح في الأرض ..بعدها قلت للحارس خلاص فكنا الله يسامحك كان ماصرخت بوجه الولد.. توقعوا وش رد قال ومن قالك انه خلاص باقي انت تمرين من عند الجهاز !!! تصدقون ذيك اللحظة خفت خوف مب طبيعي قلت لايكون متعلق بعباتي شيء من قراشيعهم ويدق جرسهم لكن الحمدلله مررت بسلام وانتهى هذا الموقف الصعب المحرج المخيف لوليدي اللي إلى يومكم ما دخل سنتر بوينت تبون الصراحة عاد الأسواق أبغض البقاع ونصيحة لنفسي ولكم لا ننسى الأذكار الخاصة بالسوق وكذلك الأوراد والله يحفظ الجميع |
صراحه استغرب من اللي يشرون منهنم كثير
لاني كنت اشتري من عندهم بعدين اكتشفت ان بعض بضاعتهم نفس بضاعة ستي ماكس بس انهم يدبلون السعر يعني شريت بلوزه من عندهم ب90 ريال واكتشف نفسه عند ستي ماكس ب35 ريال وبعدها صرت حريصه بقدر مــــأستطيع مـــأشتري من عندهم الا اذا عاد اضطريت |
حسبي الله عليهم انا اتهموني بسرقة قبعه قيمته 15 ريال بسنتر بوينت الدمام الله لايوفقهم
|
... صراحه موقف لاتحسدين عليه ابداااا انا اشوف باقي المحلات ومن ضمنها سيتي ماكس صارت لي مثلك وعااااااادي رجع الغرض ولا كان صار شي هو يعتمد على حراس الامن الموجودين محترمين ولا لا الله يهديهم |
اقتباس:
أنا عن نفسي ما ارتاح للمحل اللي به سعودي ارتاح للمحل اللي به أجنبي لأن أكثر السعوديين رافعين خشومهم تمزح معه يناظرك بطرف عينه يقول بنفسه تبي تشري وإلا ظف وجهك |
ياسنتر انه يجيب لنا قواشيش ولبسهم يحوم التسبد
|
موقف لاتحسدين عليه الله يهديهم
والاخ اللي يقول انه حارس امن ,, كون الجرس (صفر) ليس مبررا لكم ان تعاملوا الزبائن بهذه الطريقة كل الماركات اذا صفر جرسهم عاادي بكل بساطه نرجع له الكيس ويطلع القطعة اللي فيها المغناطيس ويفكها وكأن شيئا لم يكن.... ليييش؟؟ انتم كل هالتعقيد عااد بضاعتكم (خايسة ورخيصة مين بيسرق منكم؟؟؟؟؟؟؟؟؟!!!!!!! |
اول شي كان شيكتي على العربية قبل دامك عارفه ان معك بزران ومايدرون الصح من الغلط وثاني شي لو فيه كاميرات مراقبه ازين عشان اي تصرف مثل كيذا يعالجونه بسريه السكيورتي عبد مأمور صح انه موب لازم يجمهر الناس ويعالج الوضع بهدوء بس الغلط منك انتي اول وتالي ;) واللي تقول ماترتاح للسعودي لاصار يبيع وتبي فلبيني ولاهندي ليش ذولي موب رجال بعد ولا حرام على السعودي وحلال على الجنسيات الثانيه ماتوظف السعودي الا يدور لقمة العيش ماهوب عشان مقابل وجهتس : 12 وبعدين الموظف يجي يشتغل تمزح معه ليش اشتر وشف شغلك وخله يشوف شغله :d استغفرالله بس السعودي عدو للسعودي باتسر ان حدتك الايام على هالشغله وشفت هرج الناس والله لتكره عمرك احمدوا ربكم بس والسعوديين فيهم الخير والبركه ويارب السعوده تشمل كل القطاعات وتصير السعودية حقتنا :d |
| الساعة الآن +4: 10:51 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.