ياحليلكم تخيليكم بقهوه طين النقاش حاامي الوطيس.

والزحمه ماله حل الا هالشيبان والعجز اللي يطيعون أعيال,

وقبل يفقش يشتريه سياره .وسببوا زحمه

وراء ما يجحزون هم وعجزهم بالقرعاء.

اشبكم يالقصمان زعلانين عشان سكنا ببريده

من حبنا لكم اخترنا بريدة من بين مدن المملكة

الله يحيتس نورت بوجودتس ماعليتس منهم يعني انتي بتسببين زحمه بس هاه موب لارحتي لديرتك سبيتينا :d(f)

:dبسراحه كلي فخر اني من بريده
(h)
وبعدين مايسب بريده الا واحد غيوووووور
يكفينا فخر اننا منبع العلم والبطوله واكبر دليل ان مدينتنا طلعت وزراء وومشايخ واغلب المناصب العاليه ورجال الاعمال قصيميه:41
عاد كل اللي يتطنزون هالقصيم واهلها وخصوصا اذا كانو من برا نجد لو تجي تسالهم وشي اصولكم قالو بكل فخر بريده وهم اصلا مايعرفون وش بريده بس تلقاه يعرف واحد يعرف احد من معارف اللي يعرفون جيرانهم:d
لانهم يعرفون ان بريده اصول صح فالكل يفخر بالانتماء له
يكفيكم ان اهله رجال لا نخيت الواحد منهم طق الصدر وفداك بكل ماعنده ·
لان اهلها يمثلون عائله وحده واللي يمس غيرهم يمسهم:41
كل هذا وماتبغوننا نحسد:p
انا معكم انه فيها اشياء مو زينه بس الاشياء هذي كله بس شكليات والا واقعه شي الكل يحسدنا عليه:eek:

وه بس يالبى ابوي واخواني وكل من يمثل بريده(h)
ربي يحفظنا ويجعلنا دوووووم يد وحده ويبعد عنا كل من فيه شر:mad:

نقعد بدون مستشفى واسواق ....الخ
عاد هذا الناقص ترى بريده مدينه موب قريه

حبيبتي وه من يحصله قهوة الطين اللي تكلمين عنه يالله من فضلك براد ووناسه وسوالف وفلة حجاج مع شاهي خادر بذاك البريق :d اطلق شي السراحه
بعدين حدك حسني الفاظك يوم تتكلمين عن من طلعنا على هالدنيا:i121
بعدين ياقلبي هذي الدنيا وش تبغينهم يسوون يشترون لعيالهم حمير وسياكل :mad:
وبعدين اللي انا اشوفه والمعروف ان الواحد مايعطي ولده سياره الا اذا وصل لمرحله صار كفو بانه يمسك السياره وبعدين يا ماما انتي مو احرص من الاب والام على ولدهم وراح تخافين عليه اكثر منهم:confused:
واذا كنتي شأيفه بزر او بزرين ماسكين السياره انتي تعرفين ايش ظروفهم:mad:
يمكن ابوهم متوفي وامهم ماعنده غير الولد وتلقين ماعنده اخوان يخدمونه وش تبينه تسوي بهالحاله تجي تشحذ اخوانك وتمنن الناس عشان يوصلونه:(

احسن كلمه قلتيها بكلامك ( القرعاء ) فز قلبي لما جاء طاريها ديرت ومنبع خوالي(h)
ولولا البعد والمسافه والخدمات اللي موجوده ببريده كان مالقيتي احد هنا كل الناس وده تبعد عن جو المدينه وتروح تعيش بالمزارع وتشم الهواء الطلق اللي يشرح النفس لكن الشكوى لله...
وسوف نظل نعشق برييييييييييده بكل مافيها من عيوب :109:

كلام سليم 100 %


اتفق معك وبقوه مدينة بريده لابد وان تكون خليط بين كل الفئات والحضارات وهذا من صالحها وصالح المنطقه وخير دليل لاحظوا مدينة الرياض ومدينة جده والمنطقه الشرقيه هذه كل خليط من الفئات والحضارات وشاهدوا تطورها الهائل :41

اي مدينه تكون زحمه يقل فيها الحسد والعكس صحيح فالمدن قليلة السكان يكثر بينهم الحسد والمدن كثيرة السكان والمختلطه من جميع المناطق يقل فيها الحسد بشكل كبير

الحسد في بريده اكثر مما هو عليه في المدن المزحومه والمختلطه كالرياض وجده والشرقيه
وخير دليل الحسد لايكاد يذكر في تلك المدن !

ولكن بريده ولله الحمد في السنوات الاخيره بدأت تستقطب نوعا ما الحضارات والفئات من جميع المناطق وان شاء الله نرى بريده مثل تلك المدن وافضل


اي مدينه ينتشر فيها الحسد يفر منها الناس :bad

الله يحييكم اللي يحب بريده بريده ترحب بكم

بس كلامي للي ينكت ويستهزيء ببريده وشعب بريده

وتلقينه يحلم يكون من سكانها

مرة أخرى حللتم أهلا ووطأتم سهلا

؟؟؟؟؟؟؟؟؟؟؟؟؟؟؟؟؟؟؟؟؟

مالك الا خشمك لو هو عوج
وشنسوي مره نكره الديره بسبب يقع
واذا ابعدنا عنه نوله عليه
هههههههه مالنا حل

لا قصده توزيع الخدمات العامه !!
وهذا وجهي ان جاء احد بريده :d

انا اقول وش مطلعكم من بيوتكم .اللحين تقولون زحمه وحاله وكل واحد يقول الشارع لي ان اقترح تروحون وتجون على سياكل عشان تقدر تشيل السيكل معك لابيغيت ترقى الرصيف.اجل المطاعم يادفع البلاء والبلاوي الناس ماعندهم مطابخ ببيوتهم .به واحد لعوط وش رايكم نكلمه عشان يلعط الزحمة وتنخف شوي....تصدقون عاد مرت ابي غرض بالاسكان مت ماوصلت مساقط وكل واحد يجدع الموتر علي مرة والله العظيم تقل يطلبونن شئ ش هالعالم الدايخة..
العطلة جاية وتبي تكثر الزحمه بس نصيحتي لاحد يطلع من البيت الا مظطر اماء مريض اوبين الحاية والموت والا يبي مقاضي للبيت والا لاتتطلع الا الظهر لأن الزحمة اخف شوي والناس ماتطلع الى بعد الاخير تقل خفافيش.........................................بري دة ليس لها مثيل ...............بريدة غير ......بريدة مخاريش........بريدة يحول اللي مالة بريدة........بريدة بردي على الارواح..........بريدة عاصمة الشرق الاوسط