|
اقتباس:
ابغـــــــــى ازيدك معلومه مافي اي موظفه الا وعندها خادمه...ونفسها ربات البيوت معنتاه انه مافي ان شاءالله تقصير...على كذا اغلب المتزوجين يسهرون وجلستهم في بيوتهم ماتعدى الساعتين من غير فترة النوم..والتدريس والتربيه ومتابعة الاولاد على عاتق ربة البيت على كـــــذا ياموظفين ثلاث ارباع الراتب من حق الزوجه...وعلى فكره انا علاقتي بثلاث ارباع اسر بريده والكلام اللي اكتبه واقعي ... واخيـــــــــرا شاكره مرورك... |
مو مع الرجال اللي يأخذ من زوجته أبد اذا هو يكد الليل والنهار وراه مايصرف والنفقه واجبه عليه مو على زوجته الا عاد اذا هو بحاجه راتبه مايغطي من عيوننا مانقصر بس اذا هو زود فســـق لو والف لا انا أولا انا اللي اتعب.... ملاحظه: بعض الموظفات الله يهديهن يصكن على دراهمن مادري وشوله يجمعن .... مادري وراه مايعيشن يومهن تلقاه تستلم فوق العشره وماتنفق ولا هلل المفروض تخفف عن زوجه بالوقت هذا المعيشه جدا صعبه مو مثـــل قبل..... الا اذا تجمع لحاجه مثل تبني بيت اي شي اهم شي تستثمر هذا غير وشي ثاني.... |
اقتباس:
شرفني مرورك... |
اقتباس:
اهلا بالطله الحلوه... وصدقيني انا معاك بكلامك..بالنسبه للموظفه التي تجمع راتبه وخاصة لغرض شراء بيت او ماشابه ذلك.. زي مانتي عارفه الرجال مالهم امان بغلطه واحده اطلعي عن بيتي ومع السلامه...وقتها وين بتروح وخصوصا اذا كان معها اولاد ابوها بيتحمل شهر شهرين وبعدها تظهر علامات الملل وانا لاعمم لكن الاغلبيه والاخوه نفس الشي... وانـــا من هذا المنتدى اوجه رساله الى اختي الموظفه حاولي بقدر الإمكان ان تدخري جزء من راتبك....نصيحه حتى لو كنتي باول بدايتك... واخيرا...اتمنى لكي اختي بحياة هادئه... |
مو من حقه يأخذ قرش واحد من زوجته الابرضاها هي هذا تعبه مو اي كلام واذا كان راتبه 1500او2000اعطيه ماحسده بشرط يكون يستاهل ولاينكر المعروووف
|
أنا ضـــد
وخايفه من رجال هالزمن أختي ماياخذ من راتبها بس مايصرف عليها ولا على عياله هي تشتري ملابس لها ولعيالها وهو عليه البيت واحتياجاته مع العلم ان حالته الماديه ميسوره ولله الحمد بس مايعطيها ولاريال حتى لو اخذته منه كتبها بورقه وقال اطلبك واطلبك.......... وراتبه يالله على قده.. الله لايرزقن من نوعية هالرجال اللي ياخذون الرواتب أتعب وأشقى بالأخير لغيري قــــهرررر أعطيه على كيفي وأشتري له هدايـــا وأسلفه بس لاياخذ راتبي الف شكر على الموضوع الرائعه |
تساعد بالبيت من كرمه هي لكن ياخذ لا
|
معصــــــــــــــي والله ,,
يكفى اذا صرت موظفه نص اغراض البيت اجيبها ,,خلاص راح يعتمد علي بكل شي ,, وكثير من الموظفات كذا خاصه المدرسات ’’ |
انا عن نفسي لا اوئيد اعطاء الزوج الراتب ولا جزء من الراتب
حتى لو كان الزوج عاطل لانه ماراح يبحث عن عمل وعنده من يصرف عليه على الزوجه ان تحتفظ براتبها لنفسها لانها قد تحتاجه تتعب المراءه واخرتها ياخذه بارده مبرده ولا هو عيب اذا كان راتب الزوجه اكثر من الزوج بعض الرجال يحقدون على زوجاتهم بسبب الراتب ويمكن ياخذه ويروح يتزوج عليها وهي المسكينه يروح راتبها مهر للجارته واااااااو يالقهر:(:(:i121 |
اقتباس:
انا قلت رايي مجملا ولست مثلك تعرفين ثلاثة ارباع اسر بريدة كيف تشبهين كلامي عن حياة اسرية بعمالة ومتخلفين يبدو انك تسمعين بمثل هذه الامور ولم تستوعبيها جيدا لان كلامك صراحة يحتمل اكثر من معنى ايهما تقصدين لا ادري. وبعدين الشغالة لايعني ان الزوجة قامت بحقوقها تجاه زوجها اولا ثم اولادها وانت تطرقت لاشياء ربما بطريقة غير مباشرةوهو فترة النوم اذن الرجل لايريدمن زوجته الموظفة الا فترة النوم؟؟ هذه مشكلة ولو صدرت من رجل لاتهمناه باتهامات لاحصر لها لا اريد أن اطيل بالموضوع لحساسيته وانا قلت رايي لاني ادرك حقوق الزوج التي لن تستطيع الزوجة الموظفة القيام بها لانها لن تتحمل اعباء العمل والبيت اكيد طبعا وبذلك الزوج امام امرين اما الصبر على هذا الحال وهو اشبه بالمعجزة والمستحيل الا اذا ارضي بمبلغ بتراضي منهما او الزواج من ثانية وهذا هو الاكثر اتمنى منك الرجوع الى ثلاثة ارباع بريدة اللي تعرفينهم حتى تتاكدي من صحة هذا الكلام تاكدي ان المراة بحاجة للرجل والرجل كذلك لانحمل طرف على الاخر التفاهم قبل كل شي وان رضي المظلوم فهذه حياة يلزم التضحية فيها خلاصة الكلام انني لاارى ان يأخذالرجل من راتب زوجته الا برضاها لااخفيك اانني اكتب هذا الكلام وقد حاان وقت الصلاة ولي عودة ان شاء الله |
اقتباس:
نعم انا اؤيدك ليس من حقه... تشكــــــــــرات على ردك... |
اقتباس:
ياهلا وسهلا فيك حبيبتي... لاتخافين ياقلبي ولا يحزنون... انتي اعرفي كيف تتصرفين وتتعاملين مع زوجك ان شاءالله... لإن الرجال احنا يالموظفات اللي خربناهم... فيه مثل وارد بس للآسف ماعملن فيه:زوجك على ماعلمتيه وولدك على ماربيتيه... يشكراوتشكرقائل المثل.... وبالعكس لايكون تصرف زوج اختك عائق على زواجك بالعكس بعض الرجال ونعم بأخلاقه وحرصه على زوجته... واخيــــــــرا...اتمنى لكي حياة زوجيه هنيئه وربي يسعدك .... |
اقتباس:
|
اقتباس:
وياقلبي مو بس المدرسات اي موظفه... حتى الخالات ياخذن منهن... تحياتي لكي... |
| الساعة الآن +4: 03:29 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.