|
اقتباس:
أشكرك أختي الفاضلة برنسية نعم جئنا لنبحث عن المتهم لنشخص أسباب ودوافع تهمته فإذا نجحنا بتحدد المتهم ولو بنسبة ولو 70% فإننل نسير بالاتجاه الصحيح لوصف دواء لهذه المشكلة فإذا قلنا جدلا أن بعض أخوات الزوج هن من يقحمن أنفسهن ويتدخلن في تسيير حياة أخيهن مع زوجته وذلك عن طريق أمهن لقلنا يا أخوات الزوج وخاصة اللاتي لم يتزوجن وبعض المتزوجات أصلحن ولا تفسدن علاقة أخيكن معكم بعدم التدخل في شؤونه ولا ماذا فعلت زوجته ولا أين ذهبت ولا لماذا تأخرت ولا لماذا سافرت ؟ وكثير من الاستفهامات العجيبة التي لا تنقطع سواء كانت مباشرة وهي قليلة ا, عن طريق الأم التي ترضي بناتها غالبا وقيسوا على هذا زوجات الأخوة مع أزواجهن وتدخلهن في حياة أهل الزوج وغيرهن ... |
السبب ان الرجال صارت حريمهم توديهم وتجيببهم
لان قبل قديم كان فيه مشاكل بين الحريم بس الرجل مايعطى زوجته وجه ويرتفع عن سفاه الامور اما اللحين الرجل لقالت اخته لامراْته كلمه قام قاطع اخته ويدخل امه بسالفه |
اقتباس:
دايم هاالمقوله مع الحموله ولدنا تغير ! واذتزوجتي راح تفهمين حكيي لك(f) |
المراة بكل تأكيد هي السبب في المشاكل !!
قد يقول قائل الرجل هو السبب حيث انه هو الذي يسمع كلام زوجته !! طيب نعرف ان الرجل يسمع كلام زوجته لكن انا اقصد الرد على سؤالك يكون بكل تاكيد المرأة فقط !! لان المـرأة هي أسااس المشكلة وهي اللي تنبش المشاكل ملاحظة لا يفهم كلامي إلا العقلاء فقط |
لالالالالالالالالالالاتعليق
|
رجاءا رجاءا رجاءا
لاتقولون الحريم (فقط) قولوا الحريم بمجتمعنا عشان ماتظلمون نساء المجتمعات الثانية لاشك ان المرأة بمجتمعنا اكبر علامة استفهام شفته بحياتي ماادري هي وفية ولانذله ماادري هي حنينة ولاشر منزل ماادري هي ضعيفة ولاقوية بصراحة تناقضات مالها اي تفسير عندي المرأة بمجتمعنا عدوة المرأة وفاء لامثيل له مع الرجل ونذالة لامثيل لها مع بنات جنسها سواء كانوا زوجات اخوانها او خوات زوجها او او ... عاطفة وتفاني عجيب مع الرجل وشر وتخريب مع بنات جنسها واقرب مثال على ذلك تعاطف المرأة مع زوج بنتها وحثها بنتها له وتخريبها على زوجة ولدها وتحريضها لولدها عليها ضعف منقطع النظير مع الرجل وقوة وافساد وبجاحة وتخريب مع بنات جنسها تناقضات عجيبة المرأة (بمجتمعنا) هي سبب شقاء المرأة الأم اللي تربي ولدها انه مايحترم زوجته وانه مايكون رجل الااذا نكد عليها هي السبب في شقاء امرأة مثلها الاخت اللي تفسد بين اخوها وزوجته هي سبب شقاء زوجة اخوها الزوجه اللي تفسد علاقة زوجها مع امه او خواته هي سبب شقاءهم اذا المرأة هي عدوة المرأة (بمجتمعنا طبعا) وهي سبب شقاء المرأة والرجل ماهو الاابن المرأة وهي اللي تربيه على ماتبي ..... صحيح المرأة سخيفة جدا بمجتمعنا لكن من الملام ؟؟؟ انا طبعا مااوجه اللوم كله على المرأة ... لأن المجتمع اقنع المرأة انها ناقصة وعادي اي شي تسويه بخلاف الرجل اللي اقنعه المجتمع انه رجل ولازم يرفع نفسه عن سفاسف الأمور حتى المشايخ اقنعوا المرأة انها ناقصة والرجل لازم يرحمها ويتحمل نقصها !! وهذا طبعا سبب سخافتها وضعف عقليتها حتى المرأة نفسها تلقاها تقول عن نفسها انامره ماعلي شرهه !!!! ولاهذولي الحريم ناقصات!!! بالعقل امرأة هذي نظرتها لنفسها وش تبي تتوقع تصير؟؟؟؟ هذا هو الواقع من وجهة نظري ..لكن مالحل ؟؟؟ مشكلة المرأة بمجتمعنا انها تعتقد ان مشكلتها انها امرأة وان كل حريم الارض زيها وبكذا لايمكن للمرأة انها ترفع من تفكيرها وانها ترفع سقف اهتماماتها لأنهاامرأة فقط .... اقتباس:
,, تقبل مروري ,,, |
في نظري أغلب السبب في المشاكل النساء لان بعضهن عند اي مشكله أو كلام غير مقصود أوإذا أضربواولده( طبعا يكون لعب بين الأطفال )علطول تزعل وتقول خلص منيب جايه أبدآ للأجتماع
وتروح لزوجها وتقوله كل الي صار بتفصيل هذا هوالغلط . المرأة العاقله والي تفهم ماتروح تقول أي مشكله لزوجها تحول بقدر المستطاع أن لايكبر الموضوع علشان أمر مايستاهل. المفروض من المرأة هي التي تحث زوجها على زيارة أهله خاصة إذاكان أهله متعودين عليه وعلى الزوجة تقدر هذا الشي مهما كان هذوله أهله. أنا ميقهرني إلا الزوجه ألي تقول لزوجها وشوله تودي أهلك (يعني لمشوار أواي مكان)! |
هلا بالبي سااااااااااامي .. بريدة .. حبيب البي .. المشكلة يشترك فيها الجنسين جميعاً .. ولعلي الخصها لك بالآتي .. * الرجل .. اذا ( ارخى ) إذنه لزوجته أو خواته .. وعمل بما يقولون له دون مايتأكد .. * غيرة المرأة .. سواءً الزوجة او خوااااااااااات الزوجة .. اذا دبت الغيرة بين هذولي .. فأبشر بالدبور .. يبداء الحقد وتبداء حياكة المؤمرات .. وتشوف فنون التظلم والكيد .. وأظن حلها بيد الرجل .. اذا كان الرجل حكيم ثق انه يبي يخرج الى بر الأمان .. اما اذا صار رقلة وطار بالعجة .. والله ان يخلنه يمعط شوشته بالشاارع .. ولعلنا فقدنا بهالوقت الحكمة .. والرجال اصحاب الرأي والفكر .. وفقدنا المشورة .. بحجة العيب او الخجل .. فالنصيحة تنشرى لو بالفلوس .. اذا صار عندك مشكلة خاصة اسرية .. فعليك بأهل الاختصاص وعليك بأهل الرأي .. مافيها شي اذا طرحت مشكلتك عليهم .. صدقني اذا هو صاحب رأي سيكون ايضاً كاتم للسر .. وماراح يفضح بك بين خلق الله .. فا انا اقول معظم المشاكل اسبابها مشتركة .. ولك الشركة .. قصدي ولك الشكر .. سي يو .. |
السبب واااااااضح
تدري ياحبيبي وش السبب اللي يخلي الحريم تكثر مشاكلهن ,
وتوصل المشاكل لرجالهن ويتكارهون وهم مالهم دخل , السبب : حريم منول افضل لانهن دايم بالبيت تشتغل ولا تطلع الا بالشهر مره (الفقر) ,,,, اما اللحين ماتشتغل بالبيت عنده شغااااله تربي العيال وتطبخ وتنفخ(امهم صايره) وطلعات اربع وعشرن ساعه ,,, يعني فاااااضيه ,,, كذااا يبدأ ابليس يشوف شغله ,, ويبدأ التلفون يدهر,,,, وش لون مرأة ولدكم؟؟؟؟ وش صار على عمتك .؟؟؟ وقالوا..................... هذا السبب . اتمنى اني وصلت فكرتي...........................ز البروفيسور |
وفيه رجال اشد من الحريم بالتصرفات
اعرف اثنين اخوان مااحد يبي الثاني ع شان زوجاتهم ماتبي بعض هذولا يسمون رجال لو هم رجال كان مامششتهم حريمهم كل واحد يكره الثاني.. ؛؛ ـــــــــــــــــــــــــــــــــــــــــ |
اخي الكريم الله يجزاك خير ترى اجتماع الرجال غيييييير عن النساء لاصار ما سلمنا من الغيبة والنميمة في مجتمع مصغر مثل مجتمع المعلمات تبي العائلة الفاضلة بكل حريمها وبناتها يجتمعون ولا يحصل شي طيب اذا كان بينهن مشاكل وش السواة ؟؟ يعني بكل اجتماع يقعدن يتلاآآآججن ويسبن بعض ... فشلنا منهن .. والا كل وحدة تاخذ له مكان بالمجلس ومعه مجموعته وهاتك يا ضحك وتطنز على الثانية ومجموعته صار بدل مالناس تجتمع تستانس ... تطلع من الجمعه قرفانه وترجع تسب وتلعن العبرة مو بالاجتماع ... بالألفة اللي تحصل من وراه والقلوب اذا تصافت والله ما حصلنا غير هوشات وكلن تبي تميز نفسه بلبس الغالي والعاري وهاتك ياذهب واكسسوارات وبناطيل وفساتين عارية وتنانير قصيرة وحلويات ومعجنات وأكلات مصاريفه تقص ظهر الرجل وش الفايدة من هالاجتماعات بالله اذا على صلة الرحم ليش ما يجتمع الابناء وزوجاتهم والبنات وأزواجهم فقط مع الاب والام كل جمعة أما باقي الاسرة من خوال وعمام وما تبعهم فيترك أمرهم للمناسبات متى ما جا وقته أما اني كل شهر بشوف نفس الوجوه ونفس المشاكل ونفس وجع الراس فهذا مستحييييل |
نعم من النساء وبالتحديد الجذيعات ولاّ الكبار نادر مايقع منهن شي ,, لكن البنات هن يطّيرن الناس وأهلهن مع على الشيلة << وهذا اللي يؤجج نار الفرقة ,, |
الا أغلب المشاكل من النساء
|
الحريم الله يكفينا شرهن.. إذا غارت سببت مشـاكل ما الله بها عليم.. الله يرحم حالنا بس.. النساء أكثر أهل النــــــــــــــــــــــــــــــار.. يااارب رحمتك وغفرانك.. شاكرة لطرحك |
| الساعة الآن +4: 12:14 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.