هههههـ

وايظا الاشد قعاطه بين المدرسين مدرسين الصفوف الاوليه

خالي انتقل من مدرسه متوسطه الى ابتدائيه يقول مهب معقولين المدرسين

يقول اني شفت زيزمياتهم وبيالاتهم من باتسر جبت معي زمزميات وبيالات جدد وحطيتهن عندهم هع

مادري ممكن عجازين او قعيطيين

لكن الا تراء ان القعاطه يحق لهم

ياخي والله التدريس صعب لذلك لازم يصرف امواله بشي جيد ولا يضيعه فيما لا ينفعه او بش ماله داعي

وايظا الطبع يفرق اكيد به مدرسين كثارين عاديين جدا

لاكن قد يكون الاكثر بهم هذه الصفه

الموضوع وما يحمل صحيح من ناحية البخل مع المدرسين حدث ولا حرج ولكن بدون تعميم ولكن بنسبه 85 بالميه فيهم طمع و تزيد النسبه لكثرتهم ولتوارث هذا الطبع بينهم ولو عاشر المعلم غير صديقه المعلم لنفر منه الأخرين من هذا الشح وهذا الطمع لذا كثيرا ما نجد المدرسين يطلعون جميع وخاصه بطلعات القطه


مثال اذكر لما كنت ادرس بالأبتدائيه 85 بالميه من المدرسين سياراتهم خرده قديمه وغير قابله للتصليح والتجديد ودايم معه العده والأشتراك هههههه

مثال اخر اعرف مدرس يسولف لي يقول مسوين قطه لجل نفطر بالمدرسه ومشترين النواشف والجبن المالح والحلاوه بالكراتين من محلات الجمله ارخص لأن مدته انتهائه قريبه تكون ارخص اكثر هههههه تنسيم المدرس


مثال اخر يحكي فراش المدرسه يوم من الأيام تأخر المدرس اللي عليه الفطور راح يجيب خبر حار من الخباز وقرب جرس الفسحه يرن ولا جاء ونتصل عليه قال جيت عند الباب ولما سألناه ليش تأخرت قال رحت اشترى الخبز من شارع الوحده ارخص يبيع 4 خبز بريال لأن الخباز اللي جوار المدرسه يبيع 2خبزتين بريال معطل خوياه ومعطل نفسه ولا يدري البانزين له حقه ببعد المشوار ههههه ؟
والفراش يفطر معهم ولكن بشرط ان تقوم ببعض المهام مثل تغسيل السياره بالمغسله كل شهر طبعاً تغسل وخذ من هالمشاوير وطلبات الشراء للبيت كله لجل يحللون الفطور لأنه ما قط

مثال اخرطبعاً المدرسين قاطين للفطور كل يوم يفطرون جميع ما عدى الخبز الحار كل يوم على واحد
ومره غاب مدرس عن المدرسه ولما جاء وقت الفسحه دخل وافطر وطلع هههههههه لا تعليق


مثال اخر مره مدرس يدرس بالرياض وقال لصديقه بروح معك للقصيم ونرجع سوا يوم الجمعه قال عسى ماشر وين سيارتك قال لا بس بركنه عند الشقه > عادي شكله يتشحطط خميس وجمعه بدون سياره هههه قاله اوك ولما استمرو بالخط وجلس الراكب > ما غيره راعي الشحططه يقرى رسائل جواله على السائق قال له رسائلك حلوه ارسل لي كم رساله قال له لا خذ الجوال وانقله كتابه بدون ما ترسل قال انا اسوق كيف انقله قاله انا انقله لك هههههه ابوك يالتوفير

تنبيه المدرس طبعاً يعمل موظف مثله مثل غيره وللعلم هو اللي اختار الوظيفه ويعلم ما سوف يجده من تعب مثل باقي الموظفين .. ولا يجي يقولون حنا نتعب من البزارن ونحتسب الأجر طيب تحتسب الأجر لا تشتكي بكل مكان . انت تقبض حق التعب هذا مثلك مثل غيرك ولكن الفرق انك بخيل تبي زياده لجل كذا دايم تشتكي وتطالب وتهاوش وتشكى من التدريس . احمد ربك عندك خصم بحاجات كثيره وغيرك من الموظفين ما جاه الخصم هذا غيرك يقبض ربع راتبك ومكرم نفسه ولا يشتكي لأنه قنوع ويرضى بما رزقه الله ولا يتحدث مثلكم ويشتكي بغير حق ؟؟ ولأثبات عكس كلامهم انهم يتعبون من البزارن نادر ما تجد من يتقاعد مبكر بالمية الف واحد ؟؟!

بعض الردود تطغى عليها المجامله بشكل لا يصدق . ويخالف الواااقع والأمثله الواقيعه ترد عليه وتقول دع عنك المجامله وقل الصدق

اخيراً التوفير مطلوب ولكن بدون ما تجبر غيرك ان يفعل كما تفعل انت من حرمان النفس وجمع الأموال بالبنوك وتشتكي وتلوم الأخرين على شراء هذا وذاك عندك مثلكم واكثر منهم ادفع مثلهم او اسكت ونم على فلوسك وخلك حول قطة المدرسين اخوياك .
والأمثله كثيره ولا حصر لها والكل يعرفها ويشاهدها وخلك حول خصومات بنده . وحول اللي قريب انتهاء مدته . وحول الصناعه الصينيه اللي اسبوع وخربانه

شكراً على طرحك الواقعي لعل المدرس يتغير طبعه بعد مشاهده هذا الموضوع
وندعو الله ان يغير هذا الشح وهذا الطمع وان ينعمو بنعمته ويتحدثون بها
ولا يبخلو بحدود المعقول مثل الكثير من اهل العقل . لا نريد منكم كرماً يضرب فيه المثل ولكن ....؟!

كثير من الأعضاء نجد رده يخاف الطرح لجل يغير مساره