الف الف

الحمدلله على سلامتك

وتتربى بعزكم ان شاءالله ...

:41:41:41:41

بسم الله تجربتي مع الدكتوره انصاف بالحبيب
في البدايه بالنسبه للمراجعات انا كنت اروح بالفتره الصباحيه وما كان زحمه لكن في رمضان كنت اروح بعد التراويح وبعد رمضان اضطريت اني اروح في الفتره المسائيه وكان فيه زحمه وخصوصا للاشاعه

طبعا الدكتوره انصاف كانت شييييييييييييي دكتوره طيوبه وبالها طويل وشرحن صدره بالرغم من الزحمه عنده لكن اذا دخلت عليه كأ مافي غيري عنده من سعة الصدر الله يوفقه ان شا الله ويسر له امره

والولاده الحمدلله طبيعي وكانت حنووووووووووونه مررررره معي وكانت اذا جت تكشف علي ماتوجعن ولااحس به زي الدكتورات الثانيات وانا بغرفة الولاده اذا جن يكشف تقل يحفرن


بس عندي ملاحظه على المستشفى عموما بصراحه هم عنايه قمه في الروعه لكن عندهم مشكله حسيت انه قاعده تنفر الناس منهم وهي ان بعض الدكاتره يستغلون هالمرضى بهالاشعه والتحاليل اللي فوووف الحاله يعني ما تلزم وطبعا اذا شككوا الواحد بصحته اكيد يبي يسوي اللي يطلبونه حتا لو هو عارف انه ما بوووووه الا العافيه
والا وش رايكم

على فكره انا ما لاحظت هالشي عند الدكتوره انصاف بالعكس الاشاعه انا كنت اقوله خوذيه لي وكانت تقولي الشهر الجاي احسن عشان ما نكلف عليكي لانه الشهر الجاي ضروري اسويها

طبعا انا اقصد العيادات بشكل عام من تجارب الحولي
وانا عن نفسي بنتي قطعوها بالتحاليل وصارن ايدينه خضر من كثر التحاليل اول ما جبته وكل اللي ولدوا معي وحولي كانوا مسوين لهم نفس الحركه انا لما طلعت للبيت قالوا لي بكرا لها تحليل بكرا طبعا انا خفت على بنتي والكل قالي لاتودينه بس يبي يفرفرون قليبه بهالتحليل والظاهر هو عشان الصفار ......يختي الصفار من طلعت الدنيا والبزران اول اسبوعين يصفرون
طبعا زي ما قلت لكم كل اللي ولدوا معي عندهم واللي ولدوا حولي كانوا قايلين لهم نفس الكلام

سلام بنات . انا ولدت في مستشفى سليمان الحبيب صحيح المستشفى فخم ونظيف لكن خياطتهم مش ولابد طبعا انا طلبت ساجيلا لكن ماجت اللي جت وحده ثانية باكستانية اسمها ايتراات . انصحكم بالدكتورة نوال بالفريح كثير يمدحونه واذا كتب الله لي وحملت مرة ثانية ان شاالله اروح له

اختي نونو ام البدوره

الحمدلله على سلامتك والف الف

مبرووك العروسه تتربى بعزكم ..

اسمحيلي اختي بعض الاسئله

ولكي مني جزيل الشكر ..


تكلفة الولاده ؟ ورايك بخياطة انصاف

وهل هي خياطه داخليه وخارجيه وهل

عطتك بنج للمنطقه اثناء ماتخيطلك ؟


ومدة الاقامه وهل النونو بعد الولاده

يكون عندك ؟


اذا انتي مو بكريه وسبق جربتي

مستشفى الولاده والاطفال ياليت تذكري

الفروق ؟؟


والله يعطيك العافييه

وجزاك الله خير على ماذكرتيه

من تجربتك بالحبيب تقديري

لشخصك الكرريم ..

الحمدلله على سلامتك اختي

ومبروك ماجبتي ..

صحيح الفريح فيه دكتورات يمدحونهن

بس مشكلته مو مكتمل ولافيه حضانه وانتي

عارفه الوحده ماتضمن وش يصير معها ..


طيب اختي هل انتي بكريه والخياطه

هل كانت داخليه وخارجيه ؟

وليش ماولدتك ساجيلا على طلبك ؟


والله يعطيك العافيييه ..

ان الله اراد بولد عندهم

السلام عليكم
انا والده بالحبيب
نصيحتي هجوا من من مستشفى الحبيب خصوصا د. هاديه جميل
واذا قالولكم خياطة تجميليه تراه خررررطي يقولون لكم تجميلي عشانه كبس بس لكن الخياطه من برا فقط
وللي تبي تولد بالحبيب نصيحتي لاتروحين الا لدكتوره سمعتها زينه ومجربه

هند القصيم ايه انا بكرية والخياطة من برا ولا طولت وهي تخيط يعني اي كلام ودليلي انفتحت وحدة من الغرز بعد يومين .وماادري ليه ماجت ساجيلا طلبناها وقالوا ايه الحين تجي ولما ودوني غرفة الولادة جتني ايترات وماشفت ساجيلا إلا من بكرا

وعليييكم السسسلام والرحمه ..


ياليت اختي تذكرين تجربتك بالتفصيل


عشان الكل يستفيد ،، والله يعطيك العافيه ..

الله يعطيك العافييه اختي على الافاده

اعتقد انه الدكتورره ايترات جديده بالمستشفى

لانه اول مره اسمع فيها ..

ويسلموو كثيررر ..

هند الدكتورة مو جديدة انا والدة قبل سنة ونصف. رأيي ماانصحك فيه ابدا
شوفي الوفاء او الفريح واهم شي اكدي عليهم بالخياطة قبل تولدين لا تغلطين غلطتي