أنا من وجهة نظري الرياض باقي شوي وتكون مثل ((دبي )) من ناحية السكان أجانب !!! :oo

أنا ياجماعة الخير من سكان الرياض ..
والله ما شفنا إلا الشقا ..
جيراننا ماأدري منهم ولاعايلتهم ..
إذا جيت تروح لسوق .. لازم تروح الساعة 9 الصبح علشان تقدر تاخذ اللي ببالك ..
لأن العصر ماتقدر ترفع عينك الا تجي على وحدة لابسة حجاب يبي له حجاب ..
الحدائق مليانة بالمرة .. ولازم نصير وسيع وجه علشان تختار مكان ..
..
أنا الصراحة أبرجع لبريدة خلال سُنيّات ..
بعد أن مكثنا فيها منذ 1413 ..
والحمد لله على كل حال ..

أنا عن نفسي من سكان بريده.
من ناحية الدوران: الرياض بلا منازع..
مناحية سعة الصدر: بريده ((حبي الاول والاخير))..

اقتباس من مشاركة سليمان 2004
أنا من وجهة نظري الرياض باقي شوي وتكون مثل ((دبي )) من ناحية السكان أجانب !!!
انت ما درين ان الرياض يحاولون يغيرون اسمها الى <<البطحاء>>2

.
.
.
..>>A.

الرياااااااااااااااااااااااااااااااااااااااااض وبس
وبريييييييييييييييييييييييييييييييييييييييييييييدة خس
بصراحة الحياة بالرياض احلى بكثير وايضا مجتمع متفاهم
الرياض بلا مقارنة

اذا اوضاعك متازه اسكن بريده ونام مرتاح من دون ازعاج وزحمه من الرياض صح الرياض يصلح للاتجار والاعمال والعلاقات وغيرها لكن نصيحة بريده وباس

بريده احسن مافيها وجع راس ولا زحمه
والرياض احسن علشان السوق ولا يزعجونك اهلك بكل مناسبه يبون الرياض
علشان الاسواق تصير قريبه
انا اقول اقضب ارضك وصل فرضك احسلك

أسعد الله مساء الجميع بكل خير....

طبعا أنا من أهل بريدة وافتخر بذلك...و مشاركتي في الموضوع هي من واقع تجربة سكن بالرياض استمرت قرابة 6سنوات بحكم العمل هناك....

الرياض السكن فيها والعمل ممتع بحكم التطور السريع فيها ...ويستطيع الانسان يفتح اي مشروع او محل برأسه ويكسب بإذن الله بسبب ((كثرة السكان فيها وتعدد أعراقهم ومشاربهم))....وتنافس جميع الخدمات فيها لتقديم افضل خدمة لكسب الزبائن ناهيك عن أنها العاصمة وفيها جميع الوزارات والمستشفيات والعيادات والخدمات المتطورة جدا التي يحتاجها الانسان فهذا لايستطيع احد إنكاره....والناس بالرياض كلها غافلة يعني مافي(( حسد)) وماعندك أحد يتبعك ويتصيد أخطاءك....الجميع مشغول بنفسه فقط....

ولكن السكن بالرياض فيها عدة عيوب من واقع تجربة وهي كما قال الاخوان الزحام بالشوارع فتخيل عندما تريد الذهاب لأي محل يجب عليك التخطيط له :09:

وكذلك العيب الآخر إذا كنت مثلي من المستأجرين للبيوت بالرياض ....هناك غلاء فاحش بالايجارات تخيل شقة صغيرة بحي السلام او المنار مثلا ايجارها يقدر ب18الف ريال وربما اكثر.....:eek:

عيب آخر من الناحية العملية بالرياض الناس تأتيك من كل مكان يعني شغال منكرف طوال الوقت...اما إذا أنت معلم فلا تستغرب أن يكون عدد طلاب الفصل الواحد قرابة 45 طالبا .....ولاتستغرب عدد طلاب مدرسة واحدة ب1300طالب:i125


أما بريدة العزيزة على قلبي والتي اعيش فيها حاليا فهي عكس ماذكرت سابقا ...وإن كانت تسعى للتطور بصورة كبيرة خلال الاربع سنوات الماضية وارجو لها ذلك...إن شاء الله

الشكر لأخي كاتب الموضوع......

((( الراصد)))

برييييييييدة لحااااااااله . . .

النفود بجنبك لاضاق صدرك رح اقلب وتعااااال>>>> خخخخخخخخخ


مع اني ساكن بالرياض وزحمة العالمين بس الشكوى لله
اذا بغيت تروح للكلية تمشي الساعة ثلاث >>> مايعرف يبالغ خخخخخخ

عن تجربة ؛ بريدة هي الأفضل وبكثير ، الرياض مقلقة جدا في أمور كثيرة ، تجعلك تشعر بالتوتر ملازمًا لك ، أعتقد أن الرياض تصلح للزيارة فقط ، لا للسكن .

السلام عليكم ورحمة الله وبركاتة
ابودجانة من سكان مدينة الرياض
يوم كان صغير كان يتمنى السكن في بريدة


لكن يوم كبرت تغيرت الأحوال
أصدقاء اإلى الدفنة اجمعهم من يوم انا صغير
وبكل بساطة اروح واخليهم


المهم الوالد عازم على الرحيل إلى القصيم

وانا منلحس ماادري وش اسوي


طبعا الرياض افضل من ناحية المعيشة
القصيم افضل من ناحية الراحة

للناس فيما يعشقون مذاهب ............. أنا عن نفسي لا هذه ولاهذه أنا أعشق قريتي