|
|
|
أسأل الله ان يعوضها بمن هو خير منه
لان الزوج الي بالشكل هذا الحياة معاوه ما فيها امان كل يوم والثاني اذا زعلت عليه السندرلا (الزوجه الاولى ) بتكون الطقه في هالمسكينه لذلك خليها تاخذ كل شي من البيت ولا تبقي له شي والي ماتبغاوه تتصدق فيه للجمعيات اهم شي ماتخلي له حاجه(قهرني اسلوبه هالجبان) |
بنات ساعدوني انا مخطووووووووبه
السلام عليكم
حيا الله بنات بريده والجميع بنات بريده ياحبيلكم بستشركم موووضوع اوجع راسي صراحه وما ادري وش اسوي ولا عندي خوات كبار انتم اعتبركم مثل خواتي انا عمري 20وانخطبت كم مره بس اردهم احس توي صغيره على الزواج وجاامعه مرره صعبه اما هذي المره خطبوني 2امي وابوي قالوا خلاص مو بتله تردين الناس بعدين محد يجيك وكذا الاول يقرب لي لكنه كبري يعني انا وياه ندرس جامعه ولا وظيفه ولا شي اكيد ابوه يبي يصرف عليه وملتزم الثاني مايقرب لي متخرج يدرس بالجامعه عنده بيت وملتزم ايضا وحافظ القران ابوي يبي قريبي وامي البعيد وانا محتاااااااااااااااره واحس ما ابي اتزوج الحين وش اسوي شورا علي الله يجزاكم خير ويوفقكم(f)(h) تكفووووووون ردو علي اعتبروني اختكم وتبون الخير لي (h) |
انا من رايي ياعمري انك تاخذين البعيد الله يوفقك استخيري |
انا رايي انك توافقين على البعيد اذا كان ملتزم وقبل هذا كله استخيري (ماخاب من استخار وما ندم من استشار )وبعدين عمرك زين مو صغيرة انا متزوجة عمري 18 سنة وكملت الجامعة انتساب والحمد لله تخرجت يله بالتوفيق
|
وعليكم السلام ورحمة الله وبركاته أولا: لا تجوزالخطبه على الخطبه ثانيا: أعرف كثير تزوجن بعمرك وتخرجن من الكليه بمعدلات مرتفعه جدا وبعدين هذا يعود على قدرتك لتحمل المسؤوليه من مسؤوليه بيت و زوج ودراسه و أطفال و...الخ ثالثا : أنتِ فكري بالمناسب لكِ أنتِ الناس ما يقدرون يحكمون لأن القرار لك انتِ وأهم شي استخيري + الله يوفقك وييسر أمورك |
ياحبيلك أستخيري والله يكتب لك اللي فيه الخير ويتمم عليك .. آمين ..
|
وامك وابوك صادقين اذا دايم تردينوهم لا مايصلح والله يوفقك دعوااتك |
جزاكم الله خير اللي ردوا والله يسعدكم ويحقق امانيكم
الي تقول لاتجوز خطبه الرجل على خطبه اخيه ما احد يدري عن الثاني كلهم يحسبوني مو مخطوبه وجزاك الله خير طيب الي يقول البعيد ليه وش السبب واللي يقول القريب مثل ابي سبب يعطيكم العافيه متخرج يدرس بالجامعه <<<<<هنا ما اقصد يدرس اقصد استاذ يعني بشده مكسوره على الراء اتوقع معيد او كذا الله يسعدكم دعواتكم الله يكتبلي الي فيه خير يـــــــــــــارب |
انا انصحك بالبعيد تقولي ليش ؟
اقولك 1 فيه مميزات ممتازه جدا يعني ماشاء الله دين ودنيا 2 مشكلة الاقارب انه تتداخل الامور والاخبار بينك وبين حمولتك تخيلي يكون فيه سالفه انتي مخبيته عن حمولتك ماتدرين الا هي واصله وجايين هم يعلمونك فيها :eek5 3 زوجك اذا كان بسنك ماهو حلو ابدا فغالبا تتحول النقاشات واختلاف الاراء بينهم الى مشاكل وبما انك تقولين احس اني صغيره اجل ايش رايك بخطيبك هذا ماتحسي انه صغير ؟؟؟ هذا رأيي وانتي حره لكن حبيت ادلوا بدلوا لانك طلبتي المشوره بالنهايه ان قسم الله لك زواج من البعيد فقولي له ان شادن شجعتني بالزواج منك والله الله بالهديه السنعه وان تزوجتي القريب تكفين لا تجيبي لي طاري تراي ماقلت شي :d:d: 12: 12 |
أنا أقول البعيد أفضل لك وربي يوفقك طيب الي يقول البعيد ليه وش السبب أولاً ..ع قولتك البعيد موظف يعني قادر يصرف عليك وعلى البيت لو بغيتي سوق طلعة سفر يكون أقل شي يقدر يوفر لك متطلباتك ولاتنسين الزواج مسؤولية و بعدين يجيك أطفال بالمستقبل مين راح يتحمل مصاريفهم غير الأب أما لو كان القريب .. ماعنده وظيفه فانتي ترضينها على نفسك أبوه يصرف عليكم طيب فرضاً وافقتي عليه هل بيستمر أبو الولد يصرف عليكم صدقيني بيطفش وانتي ماراح تتهني بعيشتك بيكون كل ريال محسوب عليك حساب عسير وماراح يتوفر لك كل الأشياء اللي تبغينها وثانياً .. ترا الكبير يدلل .. أما اللي كبرك راح يشوفك أكبر منه ويعايرك بنت خالتي أخذت واحد قريب لها وبعمرها تقول دايم يقولي أنتي كبيرة ويشوف نفسه عليها أنه هو صغير وهي كبيره مع العلم أنهم نفس العمرررر بس الرجال يبغى له وحده أصغر منه بسنوووات معليش طولة بالكلام لكن القرار لك .. وبالتوفيق بإذن الله وطمنينا عنك |
مشكووووووورين كلكم على الرد الله يسعدكم ويوفقكم ويسكنكم الفردوس الاعلى(f)(h)
شادن هههههه ياحبيلك ضحكتين ابشري ان شاء الله بالهديه اذا كتب الله الله يكتبلي الخير يــــــارب اقراء لامي ردودكم تقول ايه صادقين ماتبي القريب خخخخخ هع طيب بنات وشلون استخير بدون صلاه <<<افهموها:d ادعوووووووووووولي بالتوفيق والله يكتب الخير |
الله يوفقت ويسر أمرك..
يحبيلك أستخري في صلاة في دعاء للأستخارة..وتبين تعرفين أكثر أكتبي في قوقل دعاء الأستخارة. عن جابرٍ رضي الله عنه قال : كان رسول الله صلى الله عليه وسلم يعلمنا الاستخارة في الأمور كلها كالسورة من القرآن ، يقول إذا هم أحدكم بالأمر ، فليركع ركعتين من غير الفريضة ثم ليقل :اللهم إني أستخيرك بعلمك ، وأستقدرك بقدرتك ، وأسألك من فضلك العظيم ، فإنك تقدر ولا أقدر ، وتعلم ولا أعلم ، وأنت علام الغيوب . اللهم إن كنت تعلم أن هذا الأمر خير لي في ديني ومعاشي وعاقبة أمري » أو قال : « عاجل أمري وآجله ، فاقدره لي ويسره لي، ثم بارك لي فيه ، وإن كنت تعلم أن هذا الأمر شر لي في ديني ومعاشي وعاقبة أمري » أو قال : « عاجل أمري وآجله ، فاصرفه عني ، واصرفني عنه، واقدر لي الخير حيث كان ، ثم رضني به » قال : ويسمي حاجته . رواه البخاري. |
^^^^^^
جزاك الله خير الله يسعدك قريته بس ما حسيت بشي دعوااااااااااااتكم ربي يكتبلي الخير |
| الساعة الآن +4: 08:12 PM. |
|
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.