[POEM="type=1 color=#333333 font="bold x-large 'Traditional Arabic', Arial, Helvetica, sans-serif""]ياصاحبي حبكـ برى حالي بزود = ما غبت عني يابعد كل غالي

آذكركـ لا شميت انا ريحة العود = و آذكركـ لا هبت هبوب الشمالي

آذكركـ لا بانت لي آزهور و آورود = و آذكركـ لا شفت القمر فوق عالي[/POEM]

[POEM="type=2 color=#0000CC font="bold x-large 'Traditional Arabic', Arial, Helvetica, sans-serif""]الصاحب اللي له في ضميري محبة = آرسله الآشواق جمله و تفريق

الله ينور له حياته و دربه = و يسقيه من حلو العسا صافي الريق

تشتاق له عيني و قلبي يحبه = وله منزله من دون كل المخاليق

آوله عليكـ و تحسبني مجافيكـ = و آغيب عنكـ و تحسب إنه تغلي

ماهو جفا يا صاحبي يوم ما جيكـ = مالي بغيركـ يا بعد كل من لي

لا والذي سواكـ ما آحد يجاريكـ = و غلاكـ ما خلى لغيركـ محلي

إن غبت بالوجدان شوقي يناجيكـ = و إن جيتني كل المشاعل تهلي[/POEM]

[POEM="type=1 color=#993366 font="bold x-large 'Traditional Arabic', Arial, Helvetica, sans-serif""]عروق قلبي لكـ دلال مباهير = صبيتها دله و دله ودله

و عروق قلبي لكـ حليب المغاتير = در البكار مداوي كل عله

حررتها من صافي الفكر تحرير = للصاحب اللي صاحبه ما يمله

مادري صباح الخير آو مساء الخير = بس الوكاد بوجهكـ الخير كله[/POEM]

[POEM="type=1 color=#990066 font="bold x-large 'Traditional Arabic', Arial, Helvetica, sans-serif""]بارسل لكـ آحساسي يمسيكـ بالخير = يقولكـ / مشتاق يا آغلى الحبايب

مساء , الغلا و الشوق و الورد و الطير = و إحساس ما ينساكـ لو كنت غايب[/POEM]

[POEM="type=2 color=#660066 font="bold x-large 'Traditional Arabic', Arial, Helvetica, sans-serif""]قليل في حقكـ إذا قلت آنا آغليكـ = كلمة غلا ما توصف إنسان غالي

لا الربع كافي و النصف يكفيكـ = آنت الغلا كله يا بعد كل غالي[/POEM]

[POEM="type=1 color=#663366 font="bold x-large 'Traditional Arabic', Arial, Helvetica, sans-serif""]ادري قليل الوصل مني خطيه = لكن الزمن مجبر إني آجاريه

آنا آشهد إن صورتكـ في القلب حيه = و إن رفيقكـ ما تغيرت مباديه

يا صاحبي خذ حياتي لكـ هديه = وإن كان ما يرضيكـ آمر ولبيه[/POEM]