رائع ..



طيب وناسه هناكـ .. :d

الظاهر بقى 6 أيآم على الرجعه ..

كفيت ووفيت يالمنخرش

بانتظآآآر الصور

وترجع بالسلامة يالبي

الله على التشويق والإثاره :113:


بالإنتظار :)



ooo1

اخوي المنخرش اسفة على الدخلة الغلط بس انا ما قدر ارسلك رسالة خاصة عشان ما عندي مشاركات في موضوع مهم ابي اكلمك فيه :)

شكلك منتب جاي وش الي ودك لم حقين الاسلحة شكلهم يبي يخلونك تنطق هناك ولا يصكون عليك ويحطونك فيغرفه معزوله يخافون ان بك انفلونزا

مواغقس

هلابك يالبي

ارسلت لك رسالة انا

يالغالي



يالله انتظروا اليوم التقرير إن شاءا لله

السلام عليكم ورحمة الله وبركاته


آسف على التأخير:042:


ملاحظات :d

الأولى / بعض الشباب يظن اني مبسوط في بريطانيا كما ذكر لي أحدهم بالماسنجر
وقررت انبه على هذه النقطة

فانا أغلب كلامي عن إيجابيات بريطانيا والدراسه فيها

ولكن الحقيقية لا

فانا لو كنت ابسافر مرة أخرى ماراح أفكر أجي هنا نهائياً
وانا لم أذكر السلبيات تعرفون ليش؟

لأن المنتدى والذوق والمكان لايتناسب فهي أكبر وأكبر بكثير من أني أستطيع حتى ذكرها لأعز أصدقائي
فانا مجرد ما افكر (أخجل) مما يصنعون

-فشبابنا هناك الأغلب قد بدأ بالتدخين
والتعرف على فتيات والكلوبات والشراب
وهذا شيء أمام عيني ولست أقول ان احد قال لي

-البعض غير اسمه إلى جورم مادري جارم
لسبب انه تأثر في الغرب
-البعض منهم يخلوا خلوات غير شرعية ولم يحسب لها حساب
فقد انتشرة هناك وكأنها عاده كأنه أحد أصحابه
-ومن المعلوم ان دولة كهذه هي اكثر وأكثر حرية بالعالم
فتجد حتى (الشذوذ) حمانا الله واياكم
قد جهزت لهم الدولة كل مايوافق شذوذهم من أماكن وملهيات
والشذوذ عندهم أنواع ليس فقط (رجل لرجل) نسأل الله السلامه
بل النساء هن اشد طغاء وبلا
-نجد الإعلانات الفاضحة في كل مكان
-نجد المغريات والملهيات والمرغبات

فأنت في دولة متحرره
مغترب
لايعرفك أحد

وليس هناك رادع إلا من تمسك بحبل الله .. وحافظ على الصلاة والأذكار

أنا لم أذكر لكم قصص ونماذج فإني أنا شخصياً اتجنب تصوير وتقارير كثيرة جداً عن هذه الأمور
وبعض الشباب يعرف عن هذا
والذي راح هناك يعرف ايضاً

لايظن احد ان بريطانيا سياحة ودراسة ووناسة ولا فيها معوقات..لا

تخيلوا/
نموذج بسيط سأضطر إلى ذكره مع انه مخجل بعض الشيء
وهذا أقل وأقل وأقل بكثير
مما نشاهد ونرى

فأنتم اعتبروا هذا النموذج نسبة بسيطة لايلفت انتباه
ولو حصل لدينا في السعودية بأكملها لوجدت الأستنكار بكل مكان


النموذج/

في الكلاس المدرسي
بالفصل
كان النقاش يدور حول (اللقاء)
أي
بالكتب فيه صورة رجل وامرأه (رسم طبعاً)
يتكلمون

-هلو
-هاور يو
-ويريو قو
-فاين

ثم
يشغلون المسجل لكي نستمع للنطق الصحيح وطريقة الحوار
سمعنا طريقة ولكن في الأخير
جاء صوت :d

صوت التبويس في أخر اللقاء ..!!
لأنهم عادتهم..ان الرجل لاجاء يودع المرأه عند مفترق الطريق او الباص
لازم يبوسه.

وهم جايبين الصووووت قوووي جداً

انا بصراحة انصدمت اول ماجيت

لكن المشهد تكرر وصار عادي اعتدنا عليه :d

لكن هذه صورة واحد وسهله لاتشكل شي بالنسبة لهم

ولو ناقشت المدرس لاستنكر من كلامك لأنه شي تفاه
مثل السلام لدينا


فانا أمر الآن بظروف عصيبة

ولكني أونس نفسي
وأتلهى بالدراسة والتقارير والشباب
ولكني انقل لكم صورة انني مبسوط على الدوام :d
ولكن الواقع غير هذا
فأنا بأمس الحاجة لدعواتكم
جزاكم الله خير




انتهت الملاحظة :d


اما الملاحظة الثانية وهي

الصور جعلتها بدقة عالية جداً

يعني تحملوا لين تطلع جميع الصور


ملاحظة اخيراً

أشكر أخي وحبيب البي (الفارس)
لأنه زبطلنا ايطار جديد مع انه متاخر
لكن جزاو الله خير :d




لنبدأ


لتس قووووو



--------------------


حبيب البي المستشار
طلب حفريات :d

ولكني كل ماتذكرت حفريات ألقاهم شايلينه

يعني يحفرون اليوم
بكرا شايلينه :d
لكن ابشركم امكنتهم الحين

http://www.albjadi.net/uk/17/01.jpg




http://www.albjadi.net/uk/17/02.jpg



هذي بيت اللي بجنبا شوي ويخلصون :d
ثلاثه اللي يشتغلون من صغره

يشغل مسجل الشيول بالدسكوا ويشتغل
مطر وبراد ووناسة :d
http://www.albjadi.net/uk/17/03.jpg





رجعت للبيت
عشان ابضبط عفشي قبل اروح لم أبو حسين

وشفت البانيو الجديد طحت به :d
حاطينه بغرفة نومهم
http://www.albjadi.net/uk/17/04.jpg



ركبت الباص ورحنا للسكوير

وهذي لوحة تبين ارقام الباصات اللي تمر من هالمحطة
باص رقم 2
رقم 2 اي او بي او سي
كلهن يمر من عند شارعنا :d
سبرنق رود
اما 3 و 5 هذولي يروحن لشارع للشارمستر
http://www.albjadi.net/uk/17/05.jpg





البحر
مبسوطين العالم
شمس اليوم
http://www.albjadi.net/uk/17/06.jpg




ابو محمد
بنفس اليوم خلصت الحفريات حقتهم :d
http://www.albjadi.net/uk/17/07.jpg




قالي خويي:
وش رايك نبي نروح نشري اغراض للسويسري هو وحبيبته :d
قلت: قدام

حبيبته من مدينه بآسيا ماعرفه

شينه الحمدلله والشكر :d بس انه مدرهمه :d
والسويسري مايبيه بس عشان دراهمه :d
اللهم لك الحمد


عاد دخلنا المحل

وفيه اغراض ومفارش حلووووووووووة


http://www.albjadi.net/uk/17/08.jpg



خقوق :d



هذولي كراسي مريحااات
تقدر تشكلهن على اللي تبي
http://www.albjadi.net/uk/17/09.jpg




هذولا وين إمامهم ؟. :d
هذي حقات اللحية ومادري وش رغواتهم وبلاويهم
لكن يحلق وهو يصلي لازم :d
http://www.albjadi.net/uk/17/10.jpg






النجر حقهم
حلو
ازين من نجرنا:d
http://www.albjadi.net/uk/17/11.jpg


مجسمات حلوووة
http://www.albjadi.net/uk/17/12.jpg





لاتفوتكم اللي نيمه بالطريق :d
http://www.albjadi.net/uk/17/13.jpg




خلصنا من الأغراض
والسويسري يقول فشيلة اشيل الأغراض والناس تشوف الوسايد معي ... اخجل
وهو مامداه مبوّس قدام على العالم :d
الله لايقلب بنا
عليه شين فطرة هالسويسري :d

http://www.albjadi.net/uk/17/14.jpg





يوم رحنا للبيت
شوي ويجي بسّنا الأسود قسم بالله:d
http://www.albjadi.net/uk/17/15.jpg



قالي خويي :ياخوي كل عمري اجي ماشوف البس
انت بك بلا :d
ويبدأ يتبطح البس :d
http://www.albjadi.net/uk/17/16.jpg



ياناس بديت افتقد روحي وش بي انا ؟
:d:d:d:d:d:d:d


مهب معقول تبطحه :d
http://www.albjadi.net/uk/17/17.jpg




طلعنا للباصات
وهذا ديك رومي جديد :d
http://www.albjadi.net/uk/17/18.jpg





كالعاده :d
http://www.albjadi.net/uk/17/19.jpg




وانا راجع دخلنا انا وخويي محل

تصدقون لقيت ماكنت ابحث عنه

جبن سايل

هم ماعندهم جبن سايل

لا وازيدكم

كل منتجاته من السعودية
حلووو المحل تنسيم

http://www.albjadi.net/uk/17/20.jpg




لايفوتكم الفول

http://www.albjadi.net/uk/17/21.jpg





معمول هرفي

إهداء للصمصام: 12
http://www.albjadi.net/uk/17/22.jpg




حلاو قديم
ايام الطفولة

لايفوتكم البسكوت اللي يمين

http://www.albjadi.net/uk/17/23.jpg

اخيراً انتهى التقرير


وأبشركم فيه تقرير الليلة أيضاً إن شاء الله

وهي بداية رحلتي لأبو حسين



لأن التقرير هذا قديم ولانزلته

قلت نمشيكم كم ساعه :d



محبكم/أبو فهد

خــووويـــال التقــريـــر ماشاء الله كالعادة
وملاحظاتـك في محلّــهـا ..عاد الحمدلله هانت مابقى إلّا 4 أيــام إن شاء الله
أعان الله كل من أغترب من أبناء المسلمين في كل مكان

جـــزاك الله خيــراً

هلا بيكك والله يا حفرياتهم فخمة
ودوك الصبات كبار حقاتهم
والعمال فخمين مهب مثل حقيننا
اذاصار بجمب بيتكم حفريات
ما تقدر تدخل المسجد من ريحة الكنادر
بس ما قلت لنا وشلون السويسري لقا حبيبتة
هههههههه والله ينا مت ضحك
يوم شفت الحلاو والله يهو قديم بس مبطي ما شفتة
بذا إلا الحين العليان يبيعة يا زينة اضا صارت شوشتة ملونة
كريات ابو فهودي بإحتراء رجعتك إلى بريدة ومن ثم إلى السجن

تووووحفه هالتقرير


الله يردك سالم غانم

عندي استفسار أبو فهد

أنت تقول إني يوم سافرت قدرتك الانجليزيه ضعيفه وقدرتها بــ 5%

ىلآن وبعد شهرين من الاغتراب بديت ترطن انقلينزي ...؟؟؟

وكم نسبت الرطن عندك ..؟ :d