|
|
|
تقرير موفق ..
.,. ايه اجل هذي سبب تسمية ابو حسين ., :113: اقتباس:
|
ما شاء التقرير مهبوووول
والله يعينك ويصبرك الاربع ايام ذي ان شاء الله ترجع سالم غانم البس الي يتبطح عندك خل ابخربط عليك يمكن انه بس جني مسلم اذا شافك يتبطح يمكن يبيك تعطيه محاضره ولا شي خخخخخخخخخ وهذا والله اعلم<< كتبه الشيخ البراق:113: والله يوفقنا لما كل هو خير والسلام عليكم |
اقتباس:
فارس الفرات تصدق يوم شفت خشته اشتهيت شواية مع الرز :bad الحمدلله على السلامة يابوفهد ياخي ماندري وشلون نتحمل ماصدقت خبر تعرفنا على واحدن منا وفينا :eek5 وندهن رجليننا وحلوقنا فكس كل ماجينا ننام :106: تقول عجايز تبدا الغرفه تعايط من ريحة الفكس يالله من فضلك:d عز الله انك فقيدة :eek5 بنتظار التقرير يالغلا بس انتبه شكل خط الرحلة لندن - الرياض - الحاير او الهيئة :d |
وينك يابو خروش ..
تبي تط التقرير الحين ولى اروح انام .. |
اقتباس:
اجل خذني جيتك هي :d لو تجي هنا تعرف وشلون تميز اعتقد كسبت 4 او 5 % تقريباً في ضل شهرين ولاتحسب انك إذا جلست 4 شهور يعني 10% :d لا البعض منهم هم يكلم الباقي اهم شي البداية بداية اللغة والتعلم انا تعرفت على شخص تم سنه يدرس وقطع 4 او 5 مستويات بالمقابل اعرف شخص كان معي بالفصل له 8 شهور وهو في مستوايي يعني توه يروح للمستوى الثالث فهي تختلف من شخص لآخر وصعبة تقرر انت او تخلي احد يقرر فهي تبقى اجتهاد شخصي اجل بلبل:d لا تبي تصير لقلق :d اي بلبل تكفا اقول احمد ربك :d اقتباس:
حنا نسوي اللي نقدر عليه وعسا الله يتقبل اقتباس:
اولاه خويا واحد يدعي ان الطيارة تفوتن والثاني يدعي اني اطول والثالث يبين ادخل السجن :d ولو ماحد نزل تقرير قالوا تأخرت وينه ههههههههههههه مهابيل انتم ولا تتهيبلون :d تنسيم بريدة ستي إلى الأمام:d اقتباس:
انواع التلطيس تصدق اني مانب احب التلطيس والتدهين لكن رجلي من المشي توجعن وهذا من حظك :d والله انت الفقيدة يالبي وناااااااااسه اقول يالبي خل تنزيل صورك وقصصك على حسب الأيام وتقريري زين ياقلبي يالله شوي وينزل تقريري محبكم/أبو فهد |
^
^^ ... Gary Wait |
السلام عليكم زينتي اني عجل :d :d طيب تبونا نبدأ بالرحلة .. رحلتي إلى برايتون .. إلى برايتون الشقيقة :d الساعه 10 الصباح رحلتي قمت مبكر وافطرت ورحت تقضيت من ASDA وتكّيت عند الباص نصف ساعه عشان مايفوتن لأن ابو حسين سبحان الله نحس :d إذا كلمت عليه صارت مصيبه هالمرة قلت مانب مكلم لين اوصل عشان اضمن وعسا الله يستر بعد :d ههههههه المهم وهذا باصي .. انا اخر واحد بعد لأني خليتهم يركبون كلهم ايقالي ماهمن ونسيت اخذ محل زين:mad: http://www.albjadi.net/uk/18/01.jpg شوفو الباص فل وجلست بجانب شخص :d وش اسوي هم قعدون :d يقولون زحمه وانا اخر واحد فل الباص http://www.albjadi.net/uk/18/02.jpg الطريق ساعتين حتى (مطار هيثرو) من ثم إلى برايتون لازم نغير الباص http://www.albjadi.net/uk/18/03.jpg وصلنا المحطة http://www.albjadi.net/uk/18/04.jpg هذا سابتكوا حقهم:d http://www.albjadi.net/uk/18/05.jpg والله واتّكي مارحت ابد قلت عشان اركب الأول واختار مكان على كيف كيفي :d والله جلست واقف نصف ساعه ===>> تعال تعال وشلون (جلست واقف) فهمنا ياخي :d يعني جالس ومتركي وانا واقف :d إلين قالوا يالله اركبو انا قدامي 5 تقريباً وكلهم معهم شناط يعني يبي يبطي دوري خطمت على طول وقلتله: نو لقج مي :d (مامعي شناط) قال: اوريت قو :d (لابأس هيا) والله واتنّدح اول واحد وادور لي مكان حلو قبل ماحد يركب وياخذه :d احسبهم مثل ربعنا والله واتمعن بالأماكن واتمعن وادرس المكان شوي قلت بس :d اخر مكان حلو اللي هو هذا http://www.albjadi.net/uk/18/06.jpg اولاً / فيه ثلاث كراسي عشان لابغيت انام ثانياً / بجانب الحمام ثالثاً /المسافه بعيده بينك وبين الكرسي اللي قدامك .. تقدر تمدد على كيفك .. رابعاً / فيه ستارتين .. تختار معين تويق :d http://www.albjadi.net/uk/18/07.jpg فعلاً..اخترت المكان وحطيت شنطتي بجنبي عشان ماحد يقعد بجنبي والله وادق على ابو حسين (طبعاً بما انه نحس :d .. دقيت عليه الحين لأني ضمنت المكان والباص الحمد لله) زاد ياربي ماخبرت ان الباصات تروح عن وتفوتن إلا يوم عرفت ابو حسين :d راح عن قطارين وباص :d لكن الحين يوم ضمنت المكان قلت ادق على ابو حسين ابلغه ما امداو يرد .. إلا جان واحد دقري كبر راس ابو مهند مرتين :d كبيرررر قالي .. فيه احد هنا (يقصد الكرسي الثالث) قلت :لا تفضل :d اعرف اني ماقدر احط عيني بعينه يخوووف لو يحجرن ماحد دري :d يوم جلس شوي يوم ناظرت وجهه امر ادوخ من الروعه بديت ما اشعر :d لو يقولي بوووووو كان اهج مع القزازه :d قلت هذا من تكليمي لأبو حسين الله يقلع بليسه المشكلة وشي ؟ هم ثلاث دقر اشكالهم زي حقين اللي يلعبون سله :d كبارين واحد جالس بجنبي واحد جالس قدامي يمين والثالث قدامي يسار بعيدين وتكلمون :d هم يبونن اوخر .. لأن المكان هذا ياخذ ثلاث اشخاص وحاول بي يلمح قلت بقلبي (وانا اخاف يسمعن بعد) :d معصي انا اللي جاي الأول :d اشوى يوم مشينا ويروح قدام الدقري واخذت له صورة من بعيد وعساي اسلم :d شوفوه اللي يمين حاط راسه على القزازه http://www.albjadi.net/uk/18/08.jpg هذا هوتيل المطار فخم بشكل خيااااااااااااااالي http://www.albjadi.net/uk/18/09.jpg من ضمن الأشياء اللي اشتريته جلكسي وفيشار وماء كنت عجل يوم اشتري يوم شفت الماء واثر فيه صورة(فراوله) وانا اكره شي الله يكرم النعمه (الفراوله) يكوش جلدي لاشفت احد ياكل فراوله :d شي نفسي هو مادري كيف فالماء صار فيه دعاية للفراوله والله ماشربته :d ماشربت ماء إلا بمغسلة ابو حسين :d http://www.albjadi.net/uk/18/10.jpg مزارع خيول الله يخلف عندنا يالله تلقاهن وهم يرعونهن :d http://www.albjadi.net/uk/18/11.jpg http://www.albjadi.net/uk/18/12.jpg من العجيب ايضاً تراي اي شي اشوفه اسجله بالمفكرة عشان اذكره واكتبه لكم :d هماي بالباص والباص رفيع .. اشوف السيارات الصغار :d .. انواع الفضايح هذي سيارة كشف .. لأن اليوم شمس وفيها مجموعه من الشبيبة :d احد يخاويهن :d ناقصهم واحد بس :d http://www.albjadi.net/uk/18/13.jpg شفت بالسيارات اشياء ماتنقال :d خاصة لاصار رجل ومرة :d شلق بصل ماعندهم وقت والله المشهد يتكرر بكثير وانا لفت انتباه كثرته تقل ماعندهم بيوت يتسترون :d امر أخر واعجبني طريقة تربيطهم لأولادهم لازم كل بزر اقل من 4 سنوات له جالسة خاصة بالخلف او الأمام يجلس فيها ويربط بحزام الأمان ولا يقول شي البزر مسكت :d ودك تحطه عند بزاريننا المشكلة ان بزاريننا ودهم يمسكون الطاره مهب عاد تربطهم :d الحمد لله وصلنا وانا اتجهت لأبو حسين الآن http://www.albjadi.net/uk/18/14.jpg لقطة حلوة http://www.albjadi.net/uk/18/15.jpg ايضاً مدلعينهم يجيبله نقطة البيع عند كرسيه :d http://www.albjadi.net/uk/18/16.jpg كان الزحاااام شديد جداً في السكوير كأنك بلندن http://www.albjadi.net/uk/18/17.jpg تصدقون .. ماباقي إلا الاحرام ويصير المسعى :d http://www.albjadi.net/uk/18/18.jpg ياكل موزه طحت به :d ههههههههههههههههه ههههههههههههههههههههههههه والله ياهو مايعرف ياكل :d http://www.albjadi.net/uk/18/19.jpg الصورة ماوضحت:41 http://www.albjadi.net/uk/18/20.jpg وقفت ونزلت وجاكم ابو حسين يمشي تلريون :d شوفوه هو اللي يركض جاي http://www.albjadi.net/uk/18/21.jpg بدا يويق :d http://www.albjadi.net/uk/18/22.jpg سيكل ثلاثي من يبيه :d http://www.albjadi.net/uk/18/23.jpg جلسة رومنسية http://www.albjadi.net/uk/18/24.jpg الجو برد وامطرت شوي لكن الشي الغريب مافيه عندهم (لابرق ولا رعد ) ليش؟ 8 8 8 برق ورعد شكلهم حراس كابتن ماجد :d المهم هاج البحر وبدا يقرب مع اننا تبي تضلم العين بدا البحر يقرب قوة قلت ابكشف البحر واشغل مخي ويكتر مخي قلت انا اراويك يالبحر واخذ حصاته شلافيه عشان اخليه علامه :d http://www.albjadi.net/uk/18/25.jpg عشان اشوف الماء هل ياصل الحصاته ولا لا http://www.albjadi.net/uk/18/26.jpg تصدقون ضيعت الحصاته :d ههههههههههههه http://www.albjadi.net/uk/18/27.jpg رحنا لم المحلات المؤقته وشميت ريحة كأنه ريحة كرشة شايب برمضان مدوده ومروحه واشوف واثره قطع جبن :( http://www.albjadi.net/uk/18/28.jpg كباب خنزير اللهم لك الحمد http://www.albjadi.net/uk/18/29.jpg ابو حسين وحنا نمشي شهق شهقه قوية واثره ياحول شاف زمزمية لأنه ماعنده زمزمية :d http://www.albjadi.net/uk/18/30.jpg والله ويشتغل الرجال ويروح يسألهم :d متحمس:d وده يشري زمزمية بس مالقا الصانع عندهم :d http://www.albjadi.net/uk/18/31.jpg اظلمت العين وقلت لأبو حسين وش رايك نلعب بلياردو قال قداااااااااااااااام يلعن ابو ورا ياشيخ :d صورة ابو حسين وهو يضرب http://www.albjadi.net/uk/18/32.jpg صدوا ياجماعه :d مادريت ان هذي صورتي نزيت :d http://www.albjadi.net/uk/18/34.jpg هذي لعبة الرقص نسأل الله السلامه والعافية :d http://www.albjadi.net/uk/18/35.jpg بعض العاب المرح :d لعبة الوشسمه :d http://www.albjadi.net/uk/18/33.jpg انتهاء هذا اليوم وهو يوم السبت على خير ولله الحمد وموعدنا معكم غداً مع تقرير دسم ليوم الأحد بإذن الله جزاكم الله خير ولاتنسونا من دعواتكم محبكم/أبو فهد |
http://www.albjadi.net/uk/18/19.jpg
ههههههههههههههههههههههههههه ههههههههههههههههههههههههههه ههههههههههههههههههههههههههه والله أنك ما تخلي الواحد بحاله :113: أجل الحصاته ضاعت :113: مهبوووول أبو فهد ننتظر تقرير باتسر :) |
هههههههههههههههههههههههه طررررررررطعة http://www.albjadi.net/uk/18/34.jpg ما أدري , بس أحس أنه صورة استفزازية لأبومهند :d خاف ربك أبوفهد لاتتطنز بأحد :d |
^^^
ههههههههههههههههههههههه ههههههههههههههههههههههه وراكـ تسذا مكوكي :d يا عيباهـ بس :d |
http://www.albjadi.net/uk/18/34.jpg
ماشاء الله يا ابو فهد كل هالرجل هذي لك !!.. >>>> مايعرف ينحت ابد ننتظر التقرير القااادم بأحر من الجمر ,, عاد تصدق يابو فهد >> شبك علاقة خخخ>>> ودي تقعد اكثر من ثلاث سنين علشان تعطينا تقارير وصور .. شكرا لك |
غديت مليح بساعة العصر يأبو فهد ,, :113: |
http://www.albjadi.net/uk/18/34.jpg ماشاء الله لا اله الا الله صدق من قال انك مفصل سلم ياحبي لك يابو فهد بانتظار المزيد من الصور وبانتظار رجعك من هناك بالسلامة ياغالي |
| الساعة الآن +4: 08:12 PM. |
|
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.