بريدة ستي - جميع إستـفسارات ومشاكل التسجيل والقبول في جامعة القـصيم

بريدة ستي (http://www.buraydahcity.net/vb/index.php)

- أخـــبـــار بــريــــدة (http://www.buraydahcity.net/vb/forumdisplay.php?f=66)

السلام عليكم الله يعافيك انا مكتوب اليوم الاحد 16-08-1432هـ الموافق 17-07-2011م من الساعة 09:00 ص إلى الساعة 02:00 م
مكان تسليم الوثائق : اقرب مكتب بريد سعودي
وش يعني والا الحين ماارسلت اوراقي للبريد وربي اني بحاله ماايعلم به الا الله
ردوووا علي الله يعافيكم

اقتباس:

المشاركة الأساسية كتبها رقبة زرافة (المشاركة 3092304)

السلام عليكم ورحمة الله وبركاته
الله يجزاكم خير اللي عنده أي خلفية ومتأكد يرد علي
الحين اللي طالع قبوله ومكتوب فصل الدراسه الفصل الدراسي الثاني يعني الترم الأول مافي شئ ؟؟؟وطيب اذا حولو البنات يمين ويسار مايصير فيه اماكن للي يبون الفصل الأول وكيف نطلب الدراسه للترم الأول وين نرووووووووح
ساعدونا الله يجزاكم خير بخبر أكيد

ماأعتقد أنك تقدرين تقدمين للترم الأول .
لكن استفسري من الجامعه .

اقتباس:

المشاركة الأساسية كتبها || cherry (المشاركة 3092568)

سؤؤال ضروري !
=(
تكفوووون صديقتي موعد تسليم اوراقها يوم السبت اللي راح
يعني بنفس اليوم اللي طلعت فيه نتيجتها
وهي ما امداها
وراح عليها اليوم !
يعني ؟!!!!
وش تسووى ؟!
تكفون ردوا وربي مضيقه صدري =(
-
وشيء ثاني
رياض اطفال .. وين ؟
غيروا مقرهم
وعلم نفس .. للحين بكلية التربيه اللي عند الشريعه والدراسات الاسلاميه .. ولا غيروه للمليدا
والقانون وين مقره الله يعافيكم ؟ كما هو بكلية الشريعه ؟
والشريعه .. هو بكلية الشريعه .. بس فيه وحده من صديقاتي داخله شريعه ويقول لها المقر بالمليدا !!
واخيراً الدراسات الاسلاميه .. هي بكلية الشريعه .. لكن مكتوب بإستمارة القبول انها بكلية العلوم والآدآب :s
وجع راس
تكفون جاوبوا ..
صار فيه تغيير بالمقرات ولا لا !!

1/ ترسلهن اليوم أو بكرا
2/ رياض أطفال وعلم النفس في كلية التربيه بالمنتزه
3/ تقصدين قسم الأنظمه .؟ نعم كما هو.. بكلية الشريعه
4/ نعم .. الشريعه والدراسات بكلية الشريعه.. وماعليكِ من المقر المسجل .

اقتباس:

المشاركة الأساسية كتبها جوري~ (المشاركة 3092610)

السلام عليكم
انا قبلت شريعه الحمدلله. مثل مابغيت
بس حبيت اسال صدق الشريعه نقلت للمليدا
او لا. يعني ادرس كليه الشريعه والدراسات الي بالصفراء
تكفون الي يعرف يرد علي

كلية الشريعه كما هي.. في الصفراء .

اقتباس:

المشاركة الأساسية كتبها في عز البردحبك يدفيني (المشاركة 3092653)

موعدك كان أمس.. لكن عادي إرسلي أوراقك اليوم أو بكرا

مهم /
الأوراق المطلوبه للقبول /

1- موعد تقديم الوثائق والذي تمت طباعته من الإنترنت >> اللي هي " إستمارة مواعيد القبول
2- استمارة القبول التي قمت بطباعتها من النظام الحاسوبي بعد تعبئتها عند التقديم >> " طباعة طلب القبول "
3- أصل استمارة الثانوية العامة + ( 2 ) صور منها.
4- ( 2 ) صور لبطاقة الهوية الوطنية للطلاب أو سجل الأسرة للطالبات
5- ( 2 ) صور شمسية ملونة 4×6 (يكتب الطالب اسمه الثنائي خلف كل صورة) للطلاب فقط
6- إحضار موافقة جهة العمل للطلاب الموظفين في القطاع الحكومي.
7- ملف خاص للطلاب فقط (متوفر في صالة القبول)

سؤال اخير :$
علم النفس غيروا مقرهم يعني ؟؟!!!!
معقوله
لانهم اول كانوا مع الانظمه والخ ..

ضروري

>> صديقتي تبي تستفسر لانها علم نفس ..

-
اللي ردوا علي
بريداويه وغيرها .. الله يوفقكم وييسر اموركم ياارب ,,
مشكورين ق1

السلام عليكم
صديقتي الى الحين ماقبلت. مكتوب قيد الدراسه
يعني تصير انتساب. او عادي يتاخرون في القبول

انا الا الان مكتوب قيد الدراسه ومن اليوم الظهر مايفتح الموقع معي وش يعني اني خلاص مافيه امل ادخل كليه انتظام والانتساب متى تطلع دفعتهم تكفون ردووووووو بسرعه

السلام عليكم
بسألك اخي حاني الروح
من يطلع قبول الطلاب الله يجزاك خير
ومتى ينتهي ؟
وهل يلزم حضور نفس الطالب لتسليم الوثائق ؟

للحين قيد الدراسه!!!

صباح الخير

من يوم اعلنو القبول بجامعة القصيم وحنا ندخل الموقع ويقولنا قيد الدراسه !!!!

سؤال هل فيه احد مانزل له قبول للحين زينا او خلصو وقبلو

الكلام باالنسبه للعيال

الحزن خيم باالبيت كله ننتظر القبول

الله يجزاكم الجنه ويوفق الجميع

نعم اختي
اخي يدخل ويظهر ((قيد الدراسه ))

نفس الحكااااااااااايه

اقتباس:

المشاركة الأساسية كتبها || cherry (المشاركة 3092709)

سؤال اخير :$
علم النفس غيروا مقرهم يعني ؟؟!!!!
معقوله
لانهم اول كانوا مع الانظمه والخ ..

ضروري

>> صديقتي تبي تستفسر لانها علم نفس ..

علم النفس ماغيٌروا مقرهم.. لازالوا في كلية التربية .

اقتباس:

المشاركة الأساسية كتبها جوري~ (المشاركة 3092767)

السلام عليكم
صديقتي الى الحين ماقبلت. مكتوب قيد الدراسه
يعني تصير انتساب. او عادي يتاخرون في القبول

ممكن تكون إنتساب .

اقتباس:

المشاركة الأساسية كتبها استغفروالله (المشاركة 3092777)

دفعة الإنتساب إحتمال تنزل مطلع الإسبوع القادم أو قبل بحول الله .

اقتباس:

المشاركة الأساسية كتبها قليل من البشر مثلي (المشاركة 3092903)

نزلت دفعه ,, واليوم إحتمال فيه دفعه.. وباقي دفعات ..
وماأعلم متى ينتهي ..
بالنسبة للتسليم.. عادي يسلمهن عنك الوالد و أخوك .

الله يوفقك أخ حاني

انا متخرجه اكثر من5سنوات و لله الحمد تم قبولي وصارت عندي إستمارة قبول وباقي إرسال الاوراق

انا قصدي هل قبولي الآن في النت يعتبرقبول أم بعد التدقيق في اوراقي يلغونه

مع العلم أن وضعي الاجتماعي مطلقه قلت ربما أعتبرت مستثناة ولذلك قبلوني

اخي حاني الروح
جزاك الله خيرا على حسن تجاوبك
واكيد عادي يسلم احد بدلا مني؟؟
المعذره على الازعاج