|
|
اقتباس:
الله يجزاك الفردوس الاعلى من الجنه ارسلي رقم التوصيل للمعصره على الخاص(h) |
بسم الله الرحمن الرحيم
الأخت اللي تسأل عن علاج للحبوب الدهنيه لا ستخدمين أي شيء روحي لدكتوره تحلل لك و تصرف لك المناسب لأن البشره تختلف من شخص لشخص لكن فيه حاجه بسيطه وكمان متوفره في كل بيت تخفف الحبوب و تصفي البشره اللي هي المره خوذي منها شوي نقعيه بمويه دافيه و بقطنه أمسحي وجهك بمويتها و خليها ربع ساعه بعدين أغسلي بشرتك و الله يشفيك أن شاء الله ........................................... الأخت اللي تسأل عن صبغه للجسم عزيزتي خطر عليك تحطين ماده كيميائيه على كامل جسمك السموم يمتصها الجسم بسرعه عن طريق الجلد و فوراً على الكلى أنت كذا ممكن تسببين لنفسك تسمم لا سمح الله لكن أذا لمنطقه صغيره مثل الحواجب أنصحك بالصبغه الشفافه نفس اللي يحطوها المشاغل جداً رائعه و ما يصير الشعر أصفر ولا يكثف الشعر لكن لابد من أختبار الحساسيه قبل الأستخدام بيومين و الله يدلك على اللي فيه خير أن شاء الله ................................................ الأخت اللي تبغى فساتين لزواج فيه عند جرير أكثر من محل منهم لمسات طيبه فيه حجات نعومه و أذا ميزانيتك تسمح فيه ثلاث فساتين لأيلي صعب تنوره سوداء قصة سمكه و فيها موديل من الأسفل و فوقها بلوزه خيال قريبه جداً للتصاميم الفكتوريه أسعارها 2400 ريال و2500 ريال و2800 ريال و فيه مانغو عنده فساتين نعومه مررره و سعرها مناسب للميزانيه اللي حددتيها بالنسبه لصبغة الشعر أفضل شيء ويلا عصار و فيه جواته علبة مظهر اللون ما يحتاج بروكسيد أخلطيهم مع بعض و أصبغي شعرك فيه أذا تبين بني فاتح أختاري أفتح درجات البني وأذا أشقر رمادي غامق شوي أختاري أشقر متوسط و الأفضل تستعيني بمختصه علشان ما تتورطي روحي شهد فيه هناء أنصحك فيها و الله ييسر لك أمورك ............................................... الأخت اللي تسأل عن خيمة الساونا هيا ما تنحف لكن تنحت الجسم تخلصك شوي من السيلولايت و تنظف بشرتك و تفتح المسام لكن عيبها الوحيد مع مرور الزمن يتوسع مسام الجسم علشان كذا الأفضل حمام بخار خفيف و بالتوفيق عزيزتي ............................................... زيت السمسم موجود في بريده عند محل لبيع المنتجات الفلسطينيه جداً رائع لكن مع الأسف ما أعرف موقع المحل بالضبط |
ممكن مساااااااااااااعدة
انا شعري خفيف :eek5 مررررة وسمعت عن رغوة تكثف الشعر اللي تعرف تسدح لي اسمه :)
وابي شي يكثر شعري وااااالله انه يكسر الخاطر يفشل مررررررة:mad: ماينفعله شي اللي تفديني واالله له دعوة من القلب :eek5 انتظر ردودكم على احر من الجمر: 12 |
اللي يكثر الشعر زيت الحلب وعن تجربه وترى مايطلع بشعرك ريحة حلب _ دعواتك
|
انا بنتي مافي احد اخف من شعره والحمدالله بفضل الحنا طلع يجنن
بس مو اي حنا جربت كل من قال انا حنا الا هذا غييييير فيه زيت وانا مازيت شعره |
السلام عليكم
يابعدي انتن كلكن تكفن ودي اعرف وشلون يسون البنات بشعورهم اذا كان الشعر مقصص من فوق قصير وشلون يصير تقل منقز على سنع !! <<<< فهمتو ولا اعيد شرحي الكشخه الله يرزق الي ترد كل ماتتمنى |
اقتباس:
وش ها حنا الله يخليك وين القاة وبكم سعرها والله اني محتاجه تخيلي شعري خفيف وناعم وش صار:i125:bad انتظرك ردي |
اقتباس:
|
بنااات شرايكم بمشغل جوثن من ناحية قص الشعر وكم اسعارهم وياليت اللي تعرف رقم المشغل ترسله لي وشكراً لكم .. |
اقتباس:
:i125 آي صبغه ضروري يكون فيهآ بروكسيد آسم البودره ( بلوندر ) :f: |
لكل اللي ردو علي (f)
واللــــهـ ي جزاكــم الف خير |
بنات تعرفون محل يبيع بجايم رجاليه رخيصه وحلوه ؟
محل ساعات نسائيه حلو ورخيص ؟ |
حكم تشقير الحواجب ....
من اراد التاكيد فليسأل لان الامر والمسألة مهمة للمسلمين فتوى رقم ( 21778 ) وتاريخ 29/12/1421 هـ الحمد لله وحده والصلاة والسلام على من لا نبي بعده ، وبعد : فقد اطلعت اللجنة الدائمة للبحوث العلمية والإفتاء على ما ورد إلى سماحة المفتي العام من المستفتي مبارك صالح ، والمُحال إلى اللجنة من الأمانة العامة لهيئة كبار العلماء برقم ( 7868 ) وتاريخ 19/12/1421 هـ وقد سأل المستفتي سؤالاً هذا نصه : ( فقد انتشر في الآونة الأخيرة بين أوساط النساء ظاهرة تشقير الحاجبين بحيث يكون هذا التشقير من فوق الحاجب ومِن تحته بشكل يُشابه بصورة مطابقة للنمص ، من ترقيق الحاجبين ، ولا يخفى أن هذه الظاهرة جاءت تقليداً للغرب . وأيضا خطورة هذه المادة المُشقّرة للشعر من الناحية الطبية ، والضرر الحاصل له ، فما حُـكم الشرع في مثل هذا الفعل ؟ أفتونا مأجورين ، علماً بأن الأغلبية من النساء عند مناصحتها تطلب ما كُتِب من اللجنة ، وتَردّ الفتوى الشفهية فنرغب – حفظكم الله – إصدار فتوى . سائلينه سبحانه عز وجل أن ينفع بها ، ويحفظ لهذه الأمة دينها . إنه ولي ذلك والقادر عليه ) . وبعد دراسة اللجنة للاستفتاء أجابت بأن تشقير أعلى الحاجبين وأسفلهما بالطريقة المذكورة لا يجوز لما في ذلك من تغيير خلق الله سبحانه ولمشابهته للنمص المحرّم شرعاً ، حيث إنه في معناه ويزداد الأمر حُرمة إذا كان ذلك الفعل تقليداً وتشبهاً بالكفار أو كان في استعماله ضرر على الجسم أو الشعر لقول الله تعالى : ( وَلاَ تُلْقُواْ بِأَيْدِيكُمْ إِلَى التَّهْلُكَةِ ) وقوله صلى الله عليه وسلم : لا ضرر ولا ضرار . وبالله التوفيق . وصلى الله على نبينا محمد وآله وصحبه وسلم . اللجنة الدائمة للبحوث العلمية والإفتاء الرئيس عبد العزيز بن عبد الله بن محمد آل الشيخ عضـو عبد الله بن عبد الرحمن الغديان ة نَقَلَهُ الشيخ/ عبد الرحمن بن عبد الله السحيم عضو مكتب الدعوة والإرشاد ( للامانه الفتوى منقوله من اخبار بريدة ) |
اقتباس:
|
| الساعة الآن +4: 04:27 PM. |
|
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.