|
هههههههههههههههـ
مهبول معين الف الحين وشلون يوم انه بالقارب وراه وجه مايصير لمك امااا (لااعبن عالي ) ههههـ ياحول يالمنخرش وانت ام الكزه الحين ابي اسوق ---------------------------------------- ولا البزر الي بساحة السبيكنق الكورنر << ايقاله يعرفه المهم انا مارقزت الا مع اليس وراوه ابو لحيتن طويله وشعرن مادري وشبه اسمع الضحكه الا مير البزر وزشيقول << ترجم تحسبنا نفت بالانقلش |
هـــأه اجل ابو فهد يبي يرجع
والله يانت كسل ياشيخ وراك ماتلحقه احس انكم وناسه الا مير شكل الموضوع يبي ينتهي |
[CENTER]لحظة الفراق صعبه:eek5
التقرير حلو بس آخره محزن:061: متــــــــــــــــــــــــــــــــــــــــــــــــ ـــــــــــابـــــــــــــــــــــــــــــــــــــ ـــــــــع |
ههههههههههههههههههه والله يأنت فلة الفلاتي .. واصل اوصلك الله .. |
,,
أبوفهد صورتك وأنت رايح تقطع القلب :eek5 أبوحسين مب معقول .. وشوله تروح للمسؤلين وتدبر له رحله .. والله يا أنت قهرتن :( يمكنّه خيره :d ننتظر أبوفهد واليابانيات بالمعهد :113: ,, |
من مبطي متابع... :)
بس عجزت ماأرد... على فكره مقطع الفيديو.. تقل اني عجزت افهم طريقة الفتح ..:) دبرنا بالطريقه الله يسعدكُـم |
يا شين لحظة الوداااااااع
ان شاء الله تلتقون مرة ثانية ابو فهد وين الصصور تراك تأخرت |
^^^
ايه والله تأخرت تحسب اذا رد ابو حسين يعني خلاص ما ترد هو بس يعاونك مهب تجحدنا عاد خلاص شكريات وشكرا ..! |
اهي اهي اهي اهي <<< متاثر بالوداع بينكم بانتظارك يابو فهد |
يعطيك العافيه أبو حسين ما أصرت يا ألبي بأنتظار المزيد تحياتي ألكووو |
ابو حسين تسيف تخلي ابو فهد يروح الحاله شكله الى الحين من قطار لقطار
والله من قله دل هناك |
فيه أحد معه ماء!..
:d |
الله عليكـ تقآآآآرير روووعه .. ( زحل - المنخرش - كيت ) كل الشكر به وحده اخطمت عرض |
السلام عليكم ورحمة الله هاي قايز :d كيف حالكم يا احباب اشكركم على المتابعه واشكر ابو حسين على التقارير الرائعه والتي غطت غيابي كنت قد انشغلت في الأيام الخوالي في بعض الترتيبات واللي زاد الطين بله ان الاب توب هنق وانحاس وفرمته الله ياخذ (الفيستا) ومن اسسه وأنا الآن عايش على الفيستا عس الله يخرجنا منه يارب المهم كانت الكاميرا كالعاده لم تنزل وصورة أهم الأشياء في الثلاث ايام الفائته وسوف انزلها هنا كمقتطفات فقط اما الدسم فقد راح :d بإجازة الإيستر وجبتلكم مقطعين بعد .. :41 نبدأ باسم الله هذي هدية للصباخ ماعندي إلا هذي الصورة للبنت فقط ! وعلى فكرة كانت البنت تقلد مشيي :d تتطنز بي يعني :d http://www.albjadi.net/uk/13/00.jpg لما فاتن القطار جلست على الكرسي لأني فحمت من الركض كل الطريق انا وابو حسين نركض عشان نمتسن القطار لكن ماقصر ابو حسين دبرلنا طريق ثاني وكان لازم ارجع لو مارجعت مارحت للمعهد لكن كل المور جت مزبوطه المهم في أخر يوم حصلت بعض التقليعات ههههههههه هذا شاطئ مدينة برايتون http://www.albjadi.net/uk/13/01.jpg لما ركبنا اللعبة الخطيرة http://www.albjadi.net/uk/13/02.jpg وجايبلكم مقطعين فيديوا للعبة ههههههههههههه http://www.albjadi.net/uk/13/03.jpg يؤيؤ http://www.albjadi.net/uk/13/04.jpg العالم كانهم يناظروننا هههههه http://www.albjadi.net/uk/13/05.jpg مقطع فيديوا على اليو تيوب http://www.*outube.com/watch?v=9nfb5deInt0 وهذا المقطع الثاني ايضاً بالملاهي http://www.*outube.com/watch?v=naRxJ4f3qBU ملاحظة/ بدل مكان النجمة (*) وحط حرف y بعدها توكلنا على الله لكن هذا اعترضنا هالمصلوخ وينشد :d http://www.albjadi.net/uk/13/06.jpg بعد مارحت وانا بالطريق من قطار لقطار صادفت واحد من الشباب من اهل ليبيا وشكله مروع :d انا حسبته من الأفريق الزنوج كل شوي يناظرن لأني جالس وراه وكل شوي يويز علي انا خفت بديت اتفقد وضعي :d يوم وصلنا المحطة قالي السلام عليكم قلتله (سوري) قال انا عربي السلام عليكم :d عجزت اصدق انه يتكلم عربي المهم ضحكنا انا واياو وهو مثلي فاته القطار وتبهذل عاد انا قلت لازم القطله صورة لكنه يوحش لو دري اني صورته لفعن :d همن مانزل تقرير :d صورة الشناط اللي واقفات عند كل محطه :d http://www.albjadi.net/uk/13/07.jpg المهم قلت وشلون اصوره ؟ هو اسمه طارق :d أناديه أستاز طارق :d همن يستانس قلتله تشوف البنت اللي باخر الممر ؟ قال وينه واخذله صورة :d http://www.albjadi.net/uk/13/08.jpg شفتوا وشلون خدعته قال وين البنت ؟ قلت راحت لأمه :d ===>>>> يحسبه اخوه فراس :d دري اني ازلبه :d بس مادري بالصورة عاد ارجعوا وتمقلوه زين هذا لو اطيح بين ايديه من يقدر يفكن منه ؟:d يالله يالله عفريته:d المهم كل ماوقف تأخرنا ماشينا وصلنا يمكن الساعه 10 ونص او 11 أخيراً وصلت وانا جوعااان من فطوري السبال وركض وجري ولا ذقت شي يوم وصلت وامشي لأقرب مطعم للبيت همبرقر وجلست اسولف مع صاحب المطعم يقولي توك جاي ؟ من بلادك :d قلت لا من لندن قعد يضحك .. قالي حلوة قلت لازم يصير معك ابو حسين ولا مهب حلوة :d اخذت العشاء وطلعت وانا اسحب الشنطة الساعه 11 يمكن ومافيه اصوات بالشارع هدوووء اصوات السكارى وازاعجهم فقط لكن ل\ما لفيت مع الشارع المظلم حق بيتنا هدووء مافيه صوت إلا صوت كفرات شنطتي شوي واسمع صوت وانهبل :eek5 والتفت واشوف بس اسود يلاحق شنطتي :d قلت يامسكين مابه شي الشينطه به ريحت شراب بهن فكس ومغلسات لو شميتهن كان كلبشون هبئت حقوقكم :d وامشي واتركه شوي ويلاحقن ملزم واثره يلاحق (الهمبرجر):d والله يانا سطل هههههه عطيته بطاطس عيا ياكله يقولي تحسبن من بساست الشامية :d اقول عطن دجاج قلت سم بس ابخذ لك صورة :d http://www.albjadi.net/uk/13/09.jpg حلت له قطعه وهجيت :d وللحين وانا هاج :d انتهى يومي الحمد لله بسلام بعد الغرابيل مقتطفات من الصور صور بني :d وش رايكم :d http://www.albjadi.net/uk/13/10.jpg والحين :41 هذا ماستطعت جلبه :d http://www.albjadi.net/uk/13/11.jpg بالسوبر ماركت :41 http://www.albjadi.net/uk/13/12.jpg الاحظ ان الهرجه عندم التؤم غريبين على فكرة لايضن احد اني اتنقى صور بزارين ؟ خذي زينه وهذي شينه ؟ هههههه ترا اي بزر بطريقي اصوره ليس للجمال او غيره :42 فقط يعجبونن البزارين :41 هذا في صب واي ايضاً توؤم:41 http://www.albjadi.net/uk/13/16.jpg بزر بالملعب مستقبل مزهر :d http://www.albjadi.net/uk/13/26.jpg انا بالسوبر ماركت رأيت منظر مضحك اكتشفوه :41 http://www.albjadi.net/uk/13/13.jpg هههههههههههههه علبة بيبسي ماكدونالدز طابقة 100% مع الوان منتجاتهم :41 حلوووة صورة لم أعرف طريقتها بالضبط لعل ابو حسين يشرحها لنا انا رأيت في ASDA السوبر ماكرت اكثر من خدمة للمحاسبة فهذي احد طرق المحاسبة . أعتقد متعلقة بالكاش والبطاقات الإئتمانية وزي كذا نلاحظ ان كل شخص يحاسب لنفسه http://www.albjadi.net/uk/13/14.jpg بعد عوتنا للبيت وجدنا صديقنا (البرازيلي جورو) سوف يغادر اليوم بااااي جورو فنراه قد جمعنا اليوم :d انا والتركي عشان نكتب على فنيلتنا كلام ذكريات انا ماصدقت خبر كتبت سوف نشتاقلك ياجورو مع تحيات بريدة ستي ابراهيم اليوسف:41 ابو فهد http://www.albjadi.net/uk/13/15.jpg وسافر جورو إلى البرازيل وأأخذت ايميله كي اتواصل معه من الغد ذهبت كالعاده للنادي وكان الجو كالعاده غاائم وممطر خفيف ولكن رأيت أشياء عجيبه هناك ساشرح لكم .. مثل ماتعرفون السبت والأحد إجازة وانا وصلت هناك الساعه 8 صباحا ضنيت مافيه احد لكن العالم وااااجد ذهبت للملاعب فوجدت التدريبات الرائعة للأطفال والأباء والأمهات يتجمعون ويشجعون لهم كل يوم إجازة كما أفادني أحد الأصدقاء هناك مقتطفات http://www.albjadi.net/uk/13/17.jpg بعذرهم ان راحت فيها السعودية ب 8 اهداف مقابل لاشي :d ياطعمه المانيا وبريطانيا واحد :d http://www.albjadi.net/uk/13/18.jpg رحتوا وطي http://www.albjadi.net/uk/13/19.jpg ذهبت لقسم الكارتيه ووجدت http://www.albjadi.net/uk/13/20.jpg تشيع من الأمهات رايته بعيني وهم دائماً كذا يوقضون اطفالهم دائماً بهذه الساعه حتى بالعطل ويستغلوا اوقاتهم ليتنا كسبنا منهم القليل من استغلال الأوقات بما يفيد وهذا طموح الأم الغربية ان يصبح أبنها لاعباً مشهورا او محارباً قوياً تختلف عن هممنا نحن المسلمين ولكن (أين الهمه) بغض النظر لما تصرف له http://www.albjadi.net/uk/13/21.jpg نعود مجددا للملاعب http://www.albjadi.net/uk/13/22.jpg 6 مدربين منتشرين يعلمون الطفال وأولاة امورهم هم من خلف الحديد لأنني نزلت لهم وقالوا لي ان هذا المكان الآن فقط للآباء هل لديك ابن؟ مثل ماقالولنا انا وابو حسين:41 فانظروا التشجيع http://www.albjadi.net/uk/13/23.jpg ملاعب الكبار http://www.albjadi.net/uk/13/24.jpg عادي خوياي :d http://www.albjadi.net/uk/13/25.jpg اخيراً بعذر كاكا إن طلع من عندهم :d يبي يشوت فاول الحين :d http://www.albjadi.net/uk/13/27.jpg |
|
أبو فهد الله يردك بالسلامة : (
|
اما يازين الارض يابو حسين هههههههههههههه صراحه ضحكت وش موهقك تركب شي يخوف تسلم الايادي ابو فهد وابو حسين على ماقدمتوه الله يردكم بالسلامه متابع بحماس |
بصراحه ياأبو فهد والله يا أنت مغامر تماشي هذا والله ياهو يوحش الحمد لله على سلامتك تقارير روعه:41 متــــــــــــــــــــــــــــــــــــــــــــــــ ـــــــــــــابـــــــــــــــــــــــــــــــــــ ــــــــع |
يؤ يؤ وش هالصور يابوفهد..
ورى الدقة كيف الحال :113:.. عموماً ينطيك العافية حبيب ألبي على هيك تغطيات حلوه.. شكرن لإلك كتيييييييييييير.. :d |
ابو فهد
تقرييييييييييييييير رررراااااائع ما شاء الله تبارك الله اقتباس:
:p شكرا لك ابو فهد :p |
,,
أبوفهد وراك ما عطيت الشاب اللطيف اللي من ليبيا رابط المنتدى خليته يتابعنا من خلال التقرير ..:d أغديه تحكه ايده ويضغط على [ التسجيل ] ! ما الظاهر يسويه :113: تحريك صورت كل بزارين لندن ولا باقي واجد :d متابعين حتى يفصلونك من المعهد :113: ,, |
والله تقرير فله
بس الصور نعاااااال مهب واضحات ابد تكفى شف لهن صرفة عجزت اشوف انا بصراحة شكرا ابو فهد |
والله بالنسبة للصور
انا مقلل دقتهن شوي عشان يخف الموضوع والصور لأن البعض يقول يالله تنفتح الصوره عندي وانا مادري ان البعض تهمه الدقه بقدر يهمه التقرير نفسه لكن الجاي واضح أبشر من عيوني يالبي |
أبو فهد ...
ياحبيلك وبس ... والله هالموضوع منتدى لحاله .. قسم بالله هباااااااااااااااااااااااااااااااااال الله يردك بالسلامة يألبي .. وهـ بس يالعصل . |
اقتباس:
أنت تدري إن أهم شيء عندي الصور.. :113: |
عاشتيامك أبو فغد يازين الأرض زيناه ههههههههههههههههـ تحياتي ألكووو |
واااااااااو تقرير رائع بس تصدق اني حزنت يوم افترقتو انت وابوحسين مدري ليش وانا اقرا حزنت شوي:eek5 ومتااابع |
متاااااااااااااابعين حتى عودتكم سالمين ،،، وننتظر التقرير الجاااي
|
الحمد الله على السلامه توقعتك تبي تضيع .
اثر بساستهم زي بساستنا وشي الثاني الغريب في الموضوع انك عطيته لحمه ما لحقته بنعله هع هع هع نبي الصور صح يابو فهد |
بنتظار التقرير الجاي
شكريات ابو فهد اند ابو حسين |
تقرير كويس .. يا أبو فهد
لكن العتب على دقة الصور اللي يدخل من إتصال ضعيف أقل من اللي يتابعون من dsl ياخي مهم جدا ً الواحد يدخل جو مع الصور .. على شان يعيش الواقع |
والله مبدععععععع لآخر حد
واصل أبداعك |
,,
أبوفهد طاح بالدبس .. بدا ما يرد علينا :113: وش السالفه :09: لا تصير طايحن لك بشله منا ولا منا .. ترا الدنيا تخوف هالأيام ! ,, |
متاااااااااشر ومتااااااابع نبي صور بدقة عالية :033: By the way, my tests were really great ooo1 |
ابو فهد اصبر ومن سار على الدرب وصل
اهلين ابو فهد انا عمك لا تفكر بالرجعه حتى تضبط اللغه ترى الايام تجري بسرعه ولا تفكر بالعوده وانت في البدايه ومن سارا على الدرب وصل اتمنا لك التوفيق والنجاح وتروح وتيجي بالسلامه : 12
|
ونحتري متى يجي أبوفهد :d..
|
لو مآيجينآ من هالموضوع إلا آن S n a k e رد .. مشتآقين لك ..
وووين الغيبآآآآآآآآآآآآآآآت ؟ آبو فهد .. آبطيت علآنآ .. :) |
هلا بالشباب واولهم عمي
جزاكم الله خير وشكراً يامطلع شمس وانا مدتي شهرين بس لو كانت اكثر مافكرت بالرجعه بتاتاً لكن الله يوفق يارب ياشباب انا معاكم .. لكن حوسه شوي ولا ماراح ابخل عليكم ولا فيه جديد للحين .. كل شي شفتوه ههههههه انا انتقلت لمعهد جديد لمدة اسبوعين معهد عسا الله يخرجنا منه عاد إن شاءا لله يوم الأثنين القادم سوف أباشر بمعهدي القديم (بيت) عاد تجي السواليف والقصص بالنسبة للمعهد اللي انا فيه الحين ماعتقد تبون صور له لنه كذا على بعضه شين ههههه لأني أضطريت أخذ (بقنر) ونرجع لبيت إن شاءا لله شكراً لكم |
|
ملاهي ذي الله يغفرلك هههههههههه
وشو ونهوبه راقي ههههه |
777
ههههههه نسيت إنك تصارخ فوق خخخخ |
هلا والله ببو فهد
والله مشتاقين لموضوعك عقب الهواش و معط الشوش تكفى نبي التقرير الجاي دسم قوة زينون وشكراً ..! |
حيا الله الزقرت اعتقد مافيه صور .. لأن كميتي نفذت بالكامل :d الله يصلحكم كل شي مستعجلين فيه لكن هناك خاطرة او قصة حدثت لي اليوم وأحببت أن أسردها لكم كلنا يعلم مما يتكون المجتمع الغربي والغير اسلامي بجميع الديانات باختصار للقصة (مابعد الكفر ذنب) الشعب الكافر نحن لانلومه مهما فعل من منكرات فمابعد الكفر ذنب ولكن نجد ان دينهم او دياناتهم تحتلف عنا ولكنهم يطبقون بعض الأحكام أفضل من أغلب المسلمين وهم كفرة فجرة انا سوف اتكلم عن حديث الرسول صلى الله عليه وسلم وكيف هو مطبق لديهم بالحرف الواحدة ونحن لم نعرف منه إلا ان نحفظ الحديث فقط قال رسول الله صلى الله عليه وسلم : ( من حسن إسلام المرء ترك ما لا يعنيه ) حديث حسن رواه الترمذي وغيره حصلت لي قصة فطبقتها على البعض ولكن بغير قصد ولكني تفاجأة بصراحة من حسنها وتطبيقهم لنا القصة نزلت اليوم الصباح عشان أشرب شاهي قبل اروح للمعهد نزلت شفت الغلاية مخلص الماء لكن مادريت إلا بعد ماشغلته فكانت تشتغل بدون ماء والحديد اللي جوا اللي يغلي الماء صار احمر من قوته هههه انا مانتبهت طاحت بلاستيكه بوسط الغلاية يوم دخلت ايدي كوتن الغلاية بأصبعي انا رحت وحطيت (سكر) على اصبعي لأنهم يمدحونه لين ترجع لينا المهم لما جت ووريته أصبعي توقعوا وش قالت ؟ أنا أتوقع 100% وش السؤال اللي خطر ببالكم (وت هابن) :d ماذا حدث لأصبعك ؟ صح لا مو هذا كلامه قالت لي تبي أحط لك شاش ولا أشوى ؟ أنا أستغربت من كلامها معقولة انا مسبق للجواب أصلاً :d احتري السؤال من باب الفضول قلتله ليش ماسألتين وش صار؟ قالت يمكن شي يخصك مو لازم اعرفه لو انت ولدي ولا زوجي قلتلك لكن حنا متعودين انه الشخص المجروح (هو اللي تكلم بدون سؤال) عشان مانحرجه يعني إذا هو يبي يقوله يقوله واسمع لكن يمكن شي خاص ؟ ليش أحرجه ؟ قلت شكله كلاكه :d شوي دخل التركي وقلتله ماقالي عسا ماشر :d قالي إذا كان جرح حط عليه (مطهر مادري وشو) ووراني اياو ماسالني من وين ؟ كيت وجيمي ماسالوني وهم اطفال وهم يشوفن اصبعي :d هل هذي الصفه تعتقدون انها خيالية ؟. ام عجيبه انا بصراحة أنبهرت وصدع راسي من هالأخلاق بغض النظر عن مايحصل عندهم وش رايكم .. أعتقد مايحتاج مقارنه ؟ في اخلاثنا في بعض الأمور فسارة تدري أن رجل بنت عمت خويتها قد طلق زوجته وحاست الدنيا لين عرفت سبب الطلاق أعتقد مافيه غريبة من كلامي :d ماحد يقولي تكذب مهب موجود الرجل لو ماجا للعزيمه قالوا أكيد طلق مرته أكيد تأخر ماجا شكله تزوج عليه :d أكيد ماجابه للعرس .. ماعنده ثوب أكيد ماجاء يزور امي لأنه ضرب ولده قبل خمس سنين ندخل بالأسباب طبعاً أنا أتكلم 90% من هالطباع عند البنات اللهم لك الحمد فنجد البنت تغلي ويضيق صدرها ولا تاكل ولا تشرب وش فيك حصيصه ماتاكلين ؟ صديقتي ماعلمتني انهم يبي يروحون لمكه إلا قبل شهرين طيب ياحصيصه وهم متى يبي يروحون يبي يبي يروحون في عام 2011 بعد الخبارات مباشرة بجمس خالهم علي الله مستعان ياحصبصه وانتي من وين جبتي هالمعلومات هي علمتن بس وش عقبه يوم طارت الطيور بأرزاقه تصدقين يايمه انه تدري قبل شهرين ويومين ولا علمتني إلا قبل شهرين ..؟ والله اني شايفته بالمدرسه ذاك اليوم وهي تدري ولا قالت لي هذي تسمينه صديقه ؟ اهئ اهئ خلين لحالي يمه مالي خلق زهقت من الدنيا ياسعد عبير مستانسه عنده خويات يهبلن أهبي مير عبير هذي ماكد تنمدت بحياته ابد الله ينكد عليه حياته دايم مستانسه حصيصه وش بك خلي الناس يستانسون يمه يستانسون وانا لا وش حيتهم ماودي أحد يستانس ابد وانا وش بي ما استانس كلن يحسدن يمه من عيون الناس الله يكفينا شرهم ---------------- هذا نموذج واقعي قسم بالله وفيه أدهى وامر من هذا أنا فقط أريد كل شي يمسك اخته ولا امه على جنب . ويقوله وش سويتوا بالعزيمه ؟ إذا ماسبت أحد أو قالت ان اللحمه ماطبخت زين ولا فلانه يوم كبرت خربت ولا الرز مريس ولا أي عذروب تعال حاكمن على كل كلمة قلتها لكم :bad إذا جت من زواج ولا مناسبه أسأل وشف النتايج انا مثلكم يالربع لاتحسبوني منزه انا بنفس مجتمعكم وتقاليده القبيحه القذرة لاتبين للناس مدى وناسك ولا رحت وطي وحسدوك انتبه تقول لاحد اني بخير انتبه تقول لأحد أن معي قرشين انتبه تقول لأحد عندي محلات ولا تراك تبي تروح لداهيه فنجد الكل يخفي وآية (وأما بنعمة ربك فحدث) قد اختفت لا الومكم فعيون الناس لاترحم لماذا وكيف نغير من انطباعاتنا هل تتوقعون تنجح ؟ في بريطانيا كيف تعرف بعض العرب؟:d تجده يلتفت بكل شي مايفوت عليه شي تقل مروحه قعادية هههههههههه ---------------------- قصة حصلت لنا انا وأبو حسين كنا في مطعم صن واي كانت خلفنا حرمه تطلب حنا نطلب كيف؟ ذس يس ثانكيو :d لما جت اللي ورانا وحنا نحاسب نسمح يس بليز همن يقوله احط لك م هذا تقول هي بليز بليز يسأل وهي ماتقول يس :d تقول بليز بليز بليز يمكن عدهن ابو حسين 9 مرات والله ان أشتغل وانا مبسوط تبادل البتسامات رائع بصراحة كل كلمة لازم تختمها (بليز) فيه شخص قابلته جاي من أحد مناطق السعودية يسمعني أقول للباص ثانكيو كل مانزلت او ركبت يقولي (لاتذل نفسك) هل كلامه صحيح ؟ معقوله هذي مذلة ؟ بالنسلة له يقولي أنا ماقوله كذا بأي شي قلتله انت جاي لك 5 ايام ان كملت اسبوع احلق رمشي ماودي اطول عليكم وقد طولت لكن شي بقلبي وطلعته الحمد لله .. شكراً لكم احبتي محبكم/أبو فهد |
الله يغفرلك ..
لي اقين ..هع |
,,
أبوفهد صدقت بكل حرف كتبته عزيزي .. ليتنا أخذنا منهم الأخلاق الرفيعه وتركنا العادات الرذيله التي أتتنا منهم ..! فهم يحملون أخلاق الاسلام وليسوا مسلمين .. ونحن بأخلاق الـ ؟؟؟ ونحن مسلمين وأحق بتلك الأخلاق منهم كل الشكر حبيبي أبوفهد .. بالانتظار ,, ,, |
،، اقتباس:
وقفة رائعة ... وليت كل من ذهب لتلك البلاد أتانا بالعظات والعبر والعلم النافع ... وليس الانخداع بمظاهر الغرب الزائفة والتحلل من الدين ... وفقك ربي لكل خير .. وأعادك لبلد التوحيد سالماً غانماً ، موفقاً مسدداً ... |
ايييييييه ... الله يخلف
أخذنا أخلاقهم وأخذوا أخلاقنا للإسف ..! جــزاك الله خــير .. كــلام في محلّه بالتوفيق |
بسم الله عليك ... اولاً
صدقت والله هذا نحن العرب , يقال اننا نبحث عن التطور , اي تطور عادات بذيئة ,لاتعرف معنى الاخوة في الله , والله العظيم السعودية,, بخير ,, ولله الحمدلله . اعجبني التوقيع ومؤثر . الله يعطيك العافية .. نحن معك .. |
اقتباس:
حلوهـ تذل نفسكــ . والله تخلف :d وهـ بس يابو فهد إشتقنا لكـ متابع ليكـ يألبي .. |
ياخي ليته على ذي ما يسالك
الحين ما يحترمك ولا تسنك تخلق يعني لو به طابور عادي يخطم عليك هناك تنظيم و إحترام الصغير مثل الكبير حنا الله يخلف بس والله انك تمنى الكفار شكريات ابو فهد |
ابو فهد الحين ترطن انجليزي احسن من بزرانهم ولا هم يرطنون احسن منك ههههههههههه |
والله صدقت يابوفهد بردك الاخير اما بليز قالته سبع مرات هههههههههههههه
ان شاء الله لنا لقاء بالقريب العاجل ابوفهد نبي صور موب معقولة خلصت الحصيله اركب m1 وخل وجهتك لم بوول اظن بوول اكبر من بورنموث نشوف من الصور الجدد :p |
إنه لمِمّا يتفطر الفؤادُ عليه حُزنًا وكمدًا أن أخذ الغربُ بتعاليم الإسلام الخالدة وطبّقوها - سواءً عن قصدٍ أم من غير قصدٍ - فـ عَلَوْا وسَمَوا شأنًا في أنظمتهم وعلومهم واختراعاتهم ..
أما نحن - أصحابُ الرسالة الإسلامية السامية - فلا نزالُ في مصافّ العالم الثالث .. وقفةٌ صادقة ابتدأها أبو فهد , وسنكملها معًا لنرتقي بأمتنا .. لنعاهدْ أنفسنا على الالتزام والعمل بنصوصِ وحْيَيْنا الخالِدَين - الكتابِ والسنةِ - , وأنا ضامنٌ لكم الرقيّ والازدهار ! فهل من عودةٍ صادقةٍ ؟! أرجو ذلك .. :) ~ |
طبعاً أنا أتكلم 90% من هالطباع عند البنات
اللهم لك الحمد فنجد البنت تغلي ويضيق صدرها ولا تاكل ولا تشرب وش فيك حصيصه ماتاكلين ؟ صديقتي ماعلمتني انهم يبي يروحون لمكه إلا قبل شهرين طيب ياحصيصه وهم متى يبي يروحون يبي يبي يروحون في عام 2011 بعد الخبارات مباشرة بجمس خالهم علي الله مستعان ياحصبصه وانتي من وين جبتي هالمعلومات هي علمتن بس وش عقبه يوم طارت الطيور بأرزاقه تصدقين يايمه انه تدري قبل شهرين ويومين ولا علمتني إلا قبل شهرين ..؟ والله اني شايفته بالمدرسه ذاك اليوم وهي تدري ولا قالت لي هذي تسمينه صديقه ؟ اهئ اهئ خلين لحالي يمه مالي خلق زهقت من الدنيا ياسعد عبير مستانسه عنده خويات يهبلن أهبي مير عبير هذي ماكد تنمدت بحياته ابد الله ينكد عليه حياته دايم مستانسه .................................................. ...... ---------------- هذا نموذج واقعي قسم بالله .................................................. .................................................. .............................. .................................................. .................................................. .................. .............تزويد الهرج ترى مهب زين مو كل البنات كذا.................................... ______________________________________ فنجد الكل يخفي وآية (وأما بنعمة ربك فحدث) قد اختفت لا الومكم فعيون الناس لاترحم ................................ماخفنا من العين حافظين ربنا............ .لكن مشكلةالناس انهم اذا عرفواان معاك فلوس قالوا اعوذ بالله معه فلوس ولاعمرنا شفنا عليه شيء يفتح النفس لوانك حاط كل زين الدنيا........................ _____________________ في بريطانيا كيف تعرف بعض العرب؟:d تجده يلتفت بكل شي ماايفوت عليه شي تقل مروحه قعادية هههههههههه .........................صدققققققققققققققققققققققق قت............ فيييه شئ حلو فيهم لاحضتوه بالصور نفتقده غالبا عندنا والمفروض حنا نطبقة اكثر لأن الاسلام امرنا فيه وهونظافة شوارعهم.........................شئ رهيب |
أبوفهد ياحلو..
ترى آخر رد لك اللي فيه القصة ماقريته لأنه مافيه صور :113:.. معليش اعذرن أنا أدخل علشان الصور :d.. صحيح إنك صديق وغالي وشخص أحبه وأعزه بس لا يعني هالشيء إني أجاملك :113:.. تحياتي لك يالعصل.. :d |
^^^
وش دراك ان به قصة اكيد قارية بإحتراء التقرير ابو فهودي |
.,,
^^ والله ويحجره :113: ,, |
ودي احط صور بس قضن هههههههههههههههههههه
انتم ماتخلون شي شكلي ابروح لم poole مثل ماقال زحل لكن الصباخ كلاك والله انه يقرا القصة كله همن يرد هههههههههههههههه |
شكرا يالمنخرش
يالمنخرش مأشتقت لأهلك وربعك ولبريده؟؟ احس انك خلااص ودك ترجع؟؟؟!! اقول يأأخوان ليش مانستقبل المنخرش بالمطار اذا رجع؟! |
تااااااااااااابع بانتظار المزيد ولا تنسى الصور .. من أسبوع وأنا أقرأ ماخلصت إلا اليوم>>يعننني مشغول ترجع بالسلامة |
الظابط
هلا بيك ياقلبي تحسبن ناصر الفراعنه ههههههههههههه انا سلمك الله أباصل المطار الساعه 12 بالليل تقريبا ومن المطار لبريدة مباشرة لاتصير بالمطار شوري عليك لأني تبي تصير الأخلاق حوسه ايه والله ودي ارجع لكن ربك ييسر ويعين ما احلى بريدتنا هلا بيك اسمك لحاله رهيب يوسع الصدر هههههههه ورحباً بك في موضوعنا المتواضع يامتواضع المتواضعون |
الله يوفتسزك
اي والله تراك ماحطيت لنا صور منذو فتره من الزمن الا مير لو تروح انت وزحل ذاك الشخص الحبيب وتكشتون مع بعض والله انه وناسه انا ستانستا وهو بالتقرير الا مير صدز ماعندهم بران <<<< لا تواخذان ياخوك تراي منب مثلك متطور لاكن صدز مابه مكان مافيه بيوت وبعيد عن الناس بذيك الديار ياخي تسانه مابه تسذا ياهي كسال وشلون يعيشون ذولاك سلام |
موضوعك رووووووووووووووووووووووووووووووووووووعه الله يجزاك خير والله يوفقك دنيا وأخره |
السلام عليكم
ابو فهد ممكن تسائل حقين المعهد كم قيمة الدراسه عندهم بدون ما تجي لم مكتب مثل لغتي ؟( بمعنى اني انا انسق الروحي اوراق القبول عندهم ) وممكن تسائل كيت كم ياخذون على الشخص في السنقل روم ؟ ربما يكون ارخص من المكاتب |
السلام عليكم زرزور كيفك اصلاً ماتستاهل المكتب ياخذ عليك فقط 1000 ريال واعتقد انك تبي تنذبح ولا راح يعطونك خدمات مثل المكتب لأن له علاقاته ثانياً لو بلشت هناك وانت مامعك لغة من تكلم ؟ لو حصلت لك مشكلة .. مع المدرسة او البيت .. منهو قبيلك ؟ ماعتقد انه تستاهل الألف يعني موفق ياقلبي ***** ندخل في التقرير الجديد :41 اعتذر عن تأخري لأنه مافيه جديد في هذي الأيام .. لأني مغير مدرستي والحين رجعت لها ابشركم والأمور والأوضاع للأحسن فالأحسن ولله الحمد والمنه الجمعه والسبت والأحد حصلت بعض التمشيات والقصص .. بما انهن ايام عطلة فحبيت اقصها لكم جميع هههههه كل مافي جعبتي والحين أعتقد ان القليلن فقط هم اللي يتابعون الموضوع واعتقد ان طفة الموضوع راحت خلاص فنتكلم على راحتنا اليوم :d استانسوا صرفت بعض الناس وقلتلهم الموضوع قضى :d وطلعوا خلاص جبتلكم بعض الصور عشان الصباخ مايزعل هو وسكسوكته وبعض القصص للي يحبون القصص نبدأ على بركة الله شفت محل مكتوب عليه (عمر الصمعاني* قصدي مكتوب عليه محلات كاميرات :d دخلت وبديت اتفرج وشفت كمبيوترات غريبة شوفوها http://www.albjadi.net/uk/14/01.jpg هذي سلمكم الله تجيبون ذاكرة الكاميرا أي نوع كانت وتحطها في مكانها المخصص تحت الشاشة وبعدين تستعرض الصور (قارئ ذاكرة) مثل ماتقولون ثم تستطيع طباعتها او نقلها او بفلاش او اي وسيلة نقل فهي خدمة رائعة فرأيت الكثير يستخدمها وهي مجاناً اقصد استعراض الصور مجاني عدسات على كيفك http://www.albjadi.net/uk/14/02.jpg بعدها طلعت انا وخويي لكوفي.. نخدش قبل نمشي http://www.albjadi.net/uk/14/03.jpg هذا الكاس (مدْيم) وهو اصغر كاس:d انا قلت هذا الصغير طيب وين الكاس الكبير يوم شفت الكاس الكبير امر اتفصخ ابطب :d جلسوا جنبنا عائلة محترمه :d احس انهم توهم جايبين عيال كل شوي يلعبونهم ويمطخونهم ازعجونا ولا بهم زود اللهم العيون آآه ياهن شي :p ولدهم الصغينوني ازين مابه عيونه http://www.albjadi.net/uk/14/04.jpg وهذا ولدهم الكبير :d ممكن سلف شعر لو سمحت :d ودي اعطيه المستشار :d http://www.albjadi.net/uk/14/05.jpg هههههههههههههههههههههههههه تخيلت المستشار شعره أشقر ههههههههههههههههههههههههههههههههههه والله العظيم عيا مخي يستعرض الخيال :d يقول مخي لم يتم العثور على المطلوب :d نرجع :d صارت الساعه 9 بالليل وغابت الشمس بعد ماصلينا قالي خويي وش رايك ؟ قلت قوه نلعب بلياردوا :d قال فيه خويي بالسكن (سويسري) يبي يجي قلت اوكي جاء خويه هو وسلسلته :d قلنا قوووه وهذ خوينا السويسري يصفف الكور http://www.albjadi.net/uk/14/06.jpg طبعاً معلومه بسيطة قد تخفى على البعض هنا في بريطانيا عندهم محلات تسمى (بار) معروف عندنا كما نسمع في السعودية ان البار هو مرقص خمور ودسكوا ورقص وفحش وأشياء ماتنقال لكن هنا لا البار انواع البار هو عبارة عن مكان (يباع فيها خمور) سواء في مطعم او بقالة او مرقص او ملهى يكون مطعم في النهار وفي الليل .. بعضهم يوقف طلبات الأكل ويشغل الديسكو ويفتح الخمور والبعض فقط يشغل الديسكوا مع الطعام والأكل موجود وكل شي على حاله فهي متنوعه وكثيرة مايمر محلين إلا تجد من هالنوع الشاهد محل البولينق او البلياردو يباع فيه الخمور مثل البقية لكن مو بالشكل الملحوض اقصد يكون فيه سكارى او كذا .. لأن كما سمعت ان بعضهم يشربون الخمور في هذه المحلات (لأنها رخيصة) ثم يذهبون للمراقص عشان يكفيهم للسكر هذي الليلة :d اللهم لك الحمد المهم .. طلبنا طاولة بلياردو متحمس خوينا :d http://www.albjadi.net/uk/14/07.jpg انا قبل ما أفوز على السويسري :d http://www.albjadi.net/uk/14/08.jpg لأن خويي السعودي .. لعْيب ماشاء الله عليه طخطخنا بلعبه :d فأنا أستقويت على السويسري السويسري ابو عيون حمر http://www.albjadi.net/uk/14/09.jpg حصلت لنا قصة مضحكة جداً مع هالسويسري وأنا ألعب معه بلياردوا يقولي انا حظي حلو اليوم قلت وشلون (معلومه / لديهم اعتقادات انه كل يوم يشوف وش حضه ووش برجه لهذا اليوم) :d قال اليوم طلع برجي هو (السطل .. أقصد الدلو ) هههههههه والله مادري وش برجه الشاهد يقول اني اليوم ابلقا وضيفه وفعلاً لقيت وابلقى فتاة احلامي لهذا اليوم هههههههههههههههههههههه قلت ماشاء الله .. وفتاة احلامك هذي بريطانية ؟ قال لا يقول الحظ انه يابانية قلت يلعن بليس الحظ :d ورب الكعبه هذا كلامه وش هاليابانيات اللي يجين بالحظ بعد ماخلوا لنا شي :d قلت اهاا حلو (مسيحي الرجال) الله يقويك :d المهم هذا الكلام وحنا نلعب ولاحظته كل شوي يحب السلسلة همن يجيب هدف :d همن يستانس يقول إذا حبيت السلسله تجلب لي الحظ :d قلت صدق والله طيب ليش ماحبيته يوم تباري خويي السعودي عشان تفوز عليه :d يالله هالحين قبل تلعب حبه خن نشوف انت تجيب هدف ولا لا قال مو على كيفي يحسبن عمري ثنين ولا مادري هو يحسبن اخوه الصغير ولا حدى خوياو :d يحسبه مشت علي هههههههههههههههههههههه اخيراً طلعنا من المحل الساعه 11:30 تقريباً قال السويسري بما أن الله جمعنا :d وش رايكم نروح للمراقص :d هههههههههههههه والرجال ملزم :d قلت شف يابن الحرا يابن الحلال :d أنا مسلم وديني يحرم علينا نروح للمراقص والملاهي هذي قال صدق ؟ قلت نعم قلت لخويي ادامك ساكن معه علمه خله يفهم عن الإسلام وهو ماقصر خويي ماشي معه قالنا حنا نروح بس لاتشربون دينكم يحرم عليكم الشرب قلت لا يحرم علينا الشرب والملاهي هذي طبعاً حنا موقعنا الآن في وسط المدينه وهي تجمع الناس بالليل والمراقص قلتله شوف لو تعطيني مليون باوند مارحنا مو الدعوا كيف يالبي :d المهم قال خلاص فهمت .. طيب انا يقول حظي اني ابلقى فتاة أحلامي الحين بالوقت هذا قلت لخويي قوه معه :d خلنا نشوف وش يصير لهالكلاك قال قدام رحنا ومشينا وراو وهو كل مامرت بنت يدقق به :d يشوف مواصفات الحظ متطابقه ولا لا :d قلت لخويي تكفا خلنا نقعد معه لين يمل خلنا نشوف وشي فتاة احلامه هالكلاك :d المشكلة اتكلم انا وخويي وهو بالوسط مايدري وش السالفة هههههههههههههههههههههههه نخطط له ونلعنه وهو يدربي دميجته :d هذي الصورة لأحد سروات المراقص عافان الله واياكم :d ==>> ومعه وجه يحطهن بعد :d انا جبت لكم الصورة عشان اعلمك ان مدرستي القديمة قدام بوابة المرقص بالضبط :d http://www.albjadi.net/uk/14/10.jpg عساكر بكل مكان ومعاهم باصات كل يوم يمسكون سكارى ويجلدونهم جلد ويركبونهم الباص تسمع اصوات الشرطة والإسعافات بالليل اللهم لك الحمد http://www.albjadi.net/uk/14/11.jpg المهم درنا وملينا قلت هاه مالقيته :d شكل حظك نعال أبو كريّم اليوم قال لا لا انا لقيت وضيفه اليوم تحققت اكيد ابلقى اليابانية قلت ماوالله تلقاه وانا معك :d جلسنا نصف ساعه عند حدى السيارات نحتري هههههههههههههههههه ياويلي فعلاً مصدق انا والله احسبه يبي يمل ولا يبي يمشي والله ملزم يوم راحت نصف ساعه قال شكل حصل شي غير معروف :d... حسيت اني اتابع فلم :d وشو الشي الغير معروف ههههههههههههههههههههه قال مادري بكرا نعرف قلت رح نم وش برجك بكرا وش يطلع وعطن خبر اغديك تفصل من العمل وتجيك اليابانية او تشتغل وتروح اليابانية وبعدين يمكنه خيرك بين ثنتين :d وابدا اولف عليه وافرك راسه هههههههههه قلت شف الكنيسه رح ادخله الليلة ليلة أحد يمكن يعلمك قسيسكم مادري منه :d هو تووه يحس اني اتطنز :d قال مشينا للباص ابروح للبيت :d ايقاله زعل عاد من بكرا .. انا نمت الفجر ولا قمت إلا العصر :d قلت لخويي ان زحل يقول ترا مدينه بول حلوة وش رايك قال قدام رحنا لم بول لكن للأسف بالليل وكل شي صاك اول ماوصلنا شفنا المدينه حركة كبيرة وفخمه وشي انتي يابورمث يوم نزلنا من الباص وحنا نمشي طن طن طن طن (حق سكت القطار اللي يصك الحديد) حسيت اني العب بحرامي السيارات :d http://www.albjadi.net/uk/14/12.jpg مر القطار من تحت الجسر قطارين حركات والله ياهم رهيبين http://www.albjadi.net/uk/14/13.jpg تمشينا وشفنا قواربهم وفخامتهم افخم من مدينتنا لكن مادري وراه مانسمع به http://www.albjadi.net/uk/14/14.jpg تمثال :d وانا متعنقطنبه http://www.albjadi.net/uk/14/15.jpg سادن اثمه مادريت بغا يموت التمثال نبلش به :d http://www.albjadi.net/uk/14/16.jpg لقطة للقوارب http://www.albjadi.net/uk/14/17.jpg أخيراً هذا مالدي .. ولكم بالجديد إذا اتى اني ما اغبيه أبشروا بعزكم احبابي باقي على رجوعي إن شاءا لله 12 يوم محبكم/أبو فهد |
تقرير خطيـــر .. ماشاء الله
وترجع بالسلامة إن شاء الله |
. |
والله تقرير حلو كحلاك << اجحده :d
احسبك اللحين ببريده , ترجع بالسلامه .. .. والله ياعليك شين سروال , لوتمشي بدون سروال استرلك ! :113: |
فارس الفرات
ههههههههههههههههههههههههههههه والله انك منسم اجل استرلي ايه صح اثر مفاتني طالعه وانا مادريت هههههههههههههههههههههههههههههههههههه اثري افتن اول مدحه أعجبتن من حيث لاتشعر هههههه شيكرن لك |
السلام عليكم يابو فهد اشكرك على التقرير الجميل
وترجع ان شاء الله سالما للأهلك واصحابك وممكن طلب صغير لو ما عليك امر الانشوه اللي بتوقيعك ممكن تنزلها بالمنتدى ولك جزيل الشكر |
حلو ما شاء الله ..
كم المسافة بين بورمث وبول ؟ :) |
صرااااحة رروعة
رجعت ساالما وحفظك الله من كل سوء |
هلا بكم والله
ابو نواف بتوقعي فيه ثلاث مقاطع ايهم تقصد ؟ طالب طب هلا بيك يالغالي اتوقع بينهم شارع ههههههه لكن من السكوير للسكوير ممكن 10 دقايق او ربع ساعه بالباص رابعه شكراً لك دمتم بود |
,,
والله يالسويسري حرم يطلع معك شكله :113: ما دري إنك من بريدة هالخبل :d متابع يا قلبوو ,,:) |
هلا والله ابطيت علينااا ياخي ههههههههههه
اما الكلاك السويسري مختارن يبانيه تسان قلتله هذا عقاب :d اجل بقى 12 يوم :eek5 تو الناس ياخي اقول استخر بس وخل عنك :d والله زينه بوول بس قهر الصور ليليه :S والنادي وش وضعه لاتصير بردت :) بما انك اجل بترجع بعد 12 يوم اللي يبي اغراض وإلا شي من بريطانيا يقول لابوفهد ترأ مايقصر ابد :d ترون فيه عطور ماتباع بالسعودية وريحتهن مره مره تمام وفيه بعض الاجهزة الالكترونيه ماتباع بالسعودية والساعات بعد افضل الساعات صناعه اصليه وارخص من الحميضي :) والايفون ارخص شوي من السعودية والكمبيوترات اثاث طوب احمر اي شي :d قولوا لأبوفهد :d |
هلا ابو فهد متاااااااااااااااااابعين لك ياغالي ترجع بالسلامة ولاتنسى حديث الرسول صلى عليه وسلم (( لان يهدي الله بك رجلا خيرا لك من حمر النعم)) او كماقال دمتم بود |
تقرير أكثر من رااااااااااااااااائع..
نسأل الله أن يردك سالما غانما.. |
مازلنا متآبعين ومتسلين ياحلو ..
الله يردك سالم غانم يارب .. اقتباس:
بنا اللي كافيا علشانك وتبي تاخذه معك ياولد اللذينا ؟! :( ياخي هالأيّام من زود الاشتياق لأبو فهد حلّمت انه جاي من بريطانيا وأنت تقول له اجلس :eek5 ! |
بدأ العد التنازلي لعودة أبو فهد ،، ماله داعي يتفلت ويصوّر أول ما يوصل الديرة يحسب الدعوى حبّابيّة مثل هناك .. عسى الله ييسر أمركم ويوفتسقكم ،، إلا عالطاري متى بترجع زحل ؟؟ |
هلا والله يا بو فهد
اجل بقى 12 يوم يقول زحل ان عندكم طوب احمر زين ابي الله لا يهينك دينتين . وبي كنب اكلاسيكي لونه موف على فسفوري وبه كشكش ازرق . |
http://www.albjadi.net/uk/14/05.jpg
هههههههههههههههههههههههههههه حرام عليك ـ يا خي شعري أملح من شعره بواجد يكفي إن شعره أصفرن يابس تقل رمثه بمجرى شعيب .. ! أنا شعري ناعم كالحرير .. <=== وووووووع تنسيم ،، عاشت أيامك يا أبو فهد ، و لا عمرك تكتب كم باقي و ترجع تراك تلهدن ، ما نبيك تجي ياخي حسافة التقرير .. ! |
اقتباس:
|
هلا بك ابو فهد
والله يا خويك السويسري تقل بس يا علية عيون انما ايه ودي بس الحسهن يقولن انكتبي ترجع وانكفاتح باب الطلبات صدز تسنهو صدز ابي الله يسلمك تاخذ جوال و ساعة وعطور ومن هالخربيط واحرص على الزين تكفى يا شباب ادعو ان ابو فهد تفوتة الطيارة علشان يروح لبول ويصور لنا بالنهار يالله يارب شكريات ابو فهودي |
ترجع بالسلامه إنشاء الله:)
|
اقتباس:
مهبول انت تراه ابعلم عليك ابو فارس واقوله وش انت تسوي بالحفلات :d تراي ستر عنز انا :d أيي يالله ياشباب اللي يبي شي من هنا يرخي باونده ترا كل شن عندهم الطيب 1200 ريال سعودي يالله يالله ورقم حسابي بالخاص ههههههه اللي يبي شي اقتباس:
حسابك صااار 5000 ريال سعودي غير شامل الضرائب :d حول ويجيك شكلي ابشتغل مع DHL ههههههه ياحبيلكم المستشار امحق من حرير والله مانتب بعيد عن شعري يمخش لو مالبس طاقيه ولا شي :d |
ابراهيم
اصورلك بول بدون ماتدعي انه تفوتن الطياره الله يجزاك خير ابشر والله لا اصوره لعيونك بالنهار اخليله يوم كامل بس اصبر للإجازة السبت والأحد فكنا هههههههه ابو نواف ابشر يالبي |
|
ترجع بالسلامه يابو فهد :)
ooo1 |
اقتباس:
|
تسلم ع التقرير :) وايام وترجع بالسلامه ان شاءالله : 12 |
ابو فهد عندي طلب
ابيك تصور عيون السويسري ماش مهب طبيعيات |
اقول عندي استفسار محيرني :d وين كيت ولينا وشلتهم :d وهل رجعت للمعهد ؟؟ وتاصل بالسلامة |
يعطيك العافية متااااااااااابع بقوة |
متااااابع معك من أول حلقة بس بصمت ,,, شكرا لك يالمنخرش والله أتحفتنا بالصور والقصص خاصة مع اليابانيات .,, والله ليتك تقعد سنة علشان تعطينا صور وقصص أكثر >>> بلاك ماجربت الغربة الله يعين عاد من بيكون مراسلنا من بريطانيا |
أبو فهد ..
عندي طلب الله يرحم والديك .. ودي ، تصور لنا حفريات ببريطانيا .. ودي أشوف وش الفرق بيننا و بينهم .. :) أدري أننا أحسن منهم بالحفريات ، بس ودي أقارن :) |
يالعصل مبطي ماشفت لك تقرير..
لكن هيّن ماش شكلك بديت تبرد.. اقول متى تبي ترجع للسعودية؟؟ http://www.albjadi.net/uk/14/09.jpg بعدين وراه عيونه حمراء هذا؟؟ تقل بسه :d.. المهم كثّر لنا الصور ياعصل.. :113:.. |
اقتباس:
اقتباس:
طلبك من عيوني :d اقتباس:
ايقاله يبي يشوقكم :d فيه تقرير كلام مافيه صور لاتمر يالصباخ :d إذا فيه صور علمتك :d |
السلام عليكم ورحمة الله شكلنا اليوم نبي نتكلم عن موضوعي او قصتين مدعومات ببعض الصور لأني من زمان ماحطيت لكم شي والمعذرة لأني لا اجد شي لأصوره ولكن مثل ماقال المستشار صور لنا الحفريات كذا القا شي اصوره ههههه لكن بالتقرير القادم خلونا نبدأ بالصو أول مثل ماقالكم زحل امس كنت امطار واجدواجد اتوقع يمكن كملت 20 ساعه ماياقف المطر إلا دقايق ثم يرجع قل للسويسري ماشاءا للهالدير تلثق مطر :d ماعلينا انا رحت للمعهد .. وهي تمطر لكن عى طول وصلت ولله الحمد واخذت لكم صور ترقة صورة ل يمكن 7 ساعات في مطر متوالي .. لنى تجمع للمياه :d في كل الشوارع بس هذا .. لاحظوا الشارع كيف بالوسط مرتفع عشان الماء يروح للمجاري مباشرة http://www.albjadi.net/uk/15/01.jpg شجر البرسوس حقهم :d http://www.albjadi.net/uk/15/02.jpg فاحت الريحة ام منالطر .. بشكل جنوني طلعت ريحة الورووود خلية بس ودي اشممكم اياه تخيل تقوم لصبح ثم تشوف على زازة السيارة القدامية وعى المساحات (ورود) :d http://www.albjadi.net/uk/15/03.jpg رحت بعد ماطلعنا لمطعم حلو انا وخويي نتغدى عه مناسب وشكله حلولبنا معكرون وبيتزا http://www.albjadi.net/uk/15/04.jpg منظر اطعم (ماعرف اسمه) بس انه بالسكوير توضون منه العالم يوم الجمعه http://www.albjadi.net/uk/15/05.jpg الطلب الأول يحطون كيسانهم بالثلاحة عشان مايصخن الببسي من الاصار حار http://www.albjadi.net/uk/15/06.jpg شقة خويي بعً حنا مشينا بالمطرماشقه لأنه قريبة http://www.albjadi.net/uk/15/07.jpg منظر من الدريشة للأمطر http://www.albjadi.net/uk/15/08.jpg بصراحة وأقولهكم صادق إن المطر يكسل ليته ببريدة كله http://www.albjadi.net/uk/15/09.jpg بعد ماطلعت من خويي وش اشوف طيفروعه قوووي قوسح :41 http://www.albjadi.net/uk/15/10.jpg هذي الصوة خرافية بصراحه جازتي:41 http://www.albjadi.net/uk/15/11.jpg إن شاء الله الصور أعجبتكم باقي على رجعتي بالضبط 10 ايام إن شاء الله اقتباس:
وخر عنه :d هههههههههههه بالنسبة للمعهد نعم رجعت له ابشرك والقصص بالطريق --------------------- الحمد لله رجعنا لم معهدنا وسوف نسير فيه :41 حصلت بعض الطرائف اليوم في المعهد كانت كالعادة الصباح تمطر .. ماشاء الله وتطلع من الحصة ولا كأنه فيه مطر إذا وقف المطر راحت البقع :d الموهيم يوم دخلت المعهد وأشوف بزر بالمعهد يكلم امه طبعاً ملقين وراو واعجبن شعره عاد وانا ماشي لمست شعره يعني (امسح عل ى شعره) ايقالي حنون :d يوم التفت واثره يابانية :d قسم بالله والله اني إني أحسبه بزر قلت سوووري وهي تناظر حمقه :d اثره اليوم جاي قروب أكبر قروب من كل الشهرين هذا القروب 22 شخص صكوا الكفي وخلوه لهم يكلمونهم عاد انا رحت للفصل ودخلت واثرهم خوينانا :d هلو اوثمن هلووو كلهم صار هايات الفصل :d هاي هاي المهم دخلت وصار صدفه مكاني بجنب يابنية حقتنا القديمة :d لا عادت ولا بارك فيك قسم بالله ماتتصورون وشلون مبلي بهالأدمية الناس تنجح وتروح وتجي وتغير مدارس وتغير فصول وهي متنبله :d عاد بدأ الدرس عن (المواصلات) يختلف عن ذاك الدرس هالمرة يعطيك صور باص قطار اندرقراوند تلفريك سيكل دباب سيارة ويقولون لنا كل واحد يحط علامة صح على المواصلاة الموجوده في بلده :d ولكمنا عنها كنبذة انا كان معي واحد سعودي جديد واللي يعجبني فيه ان إذا دخل الحصة مايتكلم ولا كلمة عربي إذا سالته يحاول يفهمني بالقلينزي:41 قال ماعندنا إلا سيارات :d كل هالخرابيط مهب عندنا :d عندنا تلفريك السوده فقط :d وكلهم تكلموا إلا حنا السعوديين :d اما الحصة الثانية وهي الأشد على نفسي كان عدد الوجودين 13 طالب وطالبة 3 سعوديين 2 دبي 1 قطر فانزويلا 2 سويسرا 2 جابنيز :eek5 فيه ثلاث مادري وشم برازيل مادري بالضبط المهم كان موقعي بجانب سويسري الله والعالم انه كبر جدتي هيلة :d انا حسبته مدرس اول مادخل جلس بجنبي ويوم دخلنا بالدرس لازم يصير لنا محادثات بالفصل يوم تكلم علي هالسويسري وادووووخ من الريحة طلعت من اثمه ريحة انقل مادري شراب عرق شكل لسانه ميت فاطس ومدود بثمه قسم بالله انصرعت حصتني بجنبي هالثور المشكلة ان اثمه يدخل بخشمي وهو يقول(بيبل) عاد تعرفون وشلون يطلع الهواء من هالكلمة :d بديت اتصدد لكن حوسه الوقع واطلع مرة للحمام واشوى غيرت مكاني :eek5 بعد ماتبنج خشمي من الريحة بديت مافرق بين الروايح للأسف :d توي جاي من الشارع وروايح ورود وحركات وصار مكاني بجنب يابانية ثانية :d سبحان الله ماتفرق بين الولد والبنت :d قاله المدرس قولي فلز تقول بلز فلززز بلززز صار الفصل تقل ذبابين كلهم وززززززززززززززززززززززز ززززززززززززززززززززز فلزززززززززززززززززززز بلززززززززززززززززز هههههههههه قال ردوا معي فلز فلزززززززززززززززززز فلز فلزززززززززززززززززززززززززززززززز قال هو (اورايت) يعني حلو :d قلت انا من بينهم (اورايت):d لأني أهوجس :d يوم ضحكوا كلهم خاصة اليابانية الولى مهب اللي بجنبي ماصدقت اني اغلط :d ماتت من الضحك :d قلت لو انا داري كان قايلة قبل ادخل الفصل :d حنا يالعرب أفضل ناس نطق لكلمات القلينزي كلهم دقروا بكلامات واجد كل الجنسيات مادري لسانهم لاف قوة موقف اخر رائع بنفس الفصل كان الدرس عن عادات البلاد وكان الكتاب والدرس ينص على ىالآتي بارات خمور وكحول تدخين قراءة سيارة يقولك هل يوجد في بلدك وماذا تفعل هذي إجاباته هل تذهب للبار؟ لا ليس في السعودية أي بار وممنوع هل تشرب في البيت او البار ؟ الكحول ممنوعه حتى في الفنادق واي مكان هل تدخن وكيف؟ التدخين منتشر بالسعودية وفي كل مكان حتى البعض يدخن في المستشفى (طبعاً كما يقول المدرس .. ان التدخين في بريطانيا ممنوع بكل الأماكن الخاصة حتى (المراقص) ممنوع التخين فيها) مطاعم مستشفى مدرسة بيت اي شي ممنوع فقط بالشارع ماهي أفضل الكتب اللتي تحب تقرأها ؟ القرآن الكريم :41 (المدرس نط الكلام ولا اي استفسار زي الثانيات ) :d مانوع سيارت والدتك ؟ :d الحريم لاتسوق وممنوع الوساقه عندنا لما تحمل من مشاكل ومادري ايش :41 رهيب خوينا أعجبني وجاء دوري وقالي المدرس وش اسم امك :i125 هههههههههههههههههههههههههه انا انحرجت وانصدمت :d وش هالسؤال ؟ مافيه احد منتبه لي إلا العرب بس يناظرون براطمي متى ينطقن :d قلت منيرة الحمد :d مونيره يس مونيره :d الهمد :d هههههههههههههههههههههههه ومشت عليه :d ومشت عليهم كلهم والله لو تدري امي منيرة ان هالسامجات يدرسن معي كان احلفت اني ما اطبه :d أخيراً سؤال المستشار سوف اصور لك حفريات وفيه حفريات لكن قليلة امس فيه حفريات عند المعهد ولكن اليوم راح الحفريات ماتجلس ولا يوم او يومين بالكثير لما رأيته لكن عندهم حفريات الآن في السكوير كبيرة مرررة ابجيبلك تفاصيل عنه ابشر :d محبكم/أبو فهد |
ننتظر جديدك بفارغ الصبر
وترجع بالسلامه إنشاءالله:) |
,,
يا سلام يا أبوفهد .. اقتباس:
اقتباس:
معلومه جديدة ..! :41 متابعين يا ألبي :) ,, |
| الساعة الآن +4: 01:59 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.