|
|
السلام عليكم
الحين الدكتوره نائله وشو البحث اللي تبي؟؟ واذكر عطنا خطوات لبحثه ؟بس نسيتهم ياليت ياأخواتي تذكروني فيها والله يوفقنا جميعا |
صباح الخير بنات
حابه استفسر بخصوص دبلوم التربيه الخاصه هل هو تابع لكلية المجتمع والاايش؟ ودي اسجل بهذا الدبلوم واكيد الترم هذا راح علي اقدر ابدأ من الترم الثاني ؟ ياليت تفيدوني بنات بخصوص التسجيل كيف لان ماعندي خلفيه عنه الله يجزاكم خير وينولكم كل ماتتمنونه لاتطنشوني واللي بتساعدني لها دعوه بظهر الغيب ان شاء الله |
هلا وغلا ب "لوى فيتون"
والله أسألي عمادة خدمة المجتمع رقمهم 3834424 وهالدبلوم تابع لجامعة القصيم والله يكتب لك الخير وكل البنات سجلوا عن طريق هالرقم ولاتنسيني من صالح دعائك .. |
اقتباس:
وتستاهلين الدعاء :) |
فيه الترم الثاني دراسه من جديد ؟؟
ابغى اعرف ضروري |
السلام عليكم
والله ياوحيدة زماني ما اتوقع بس اتصلي على الرقم وراح يخبروك الخبر الأكيد ان شاء الله حنا طالبات والله ماندري الله يوفقكـ بناااااااااااات وش صار على اختيار المسار؟؟ اشوف البنات اغلبهن تخلف عقلي ...,, |
انا اخترت تخلف عقلي اغلب البنات اختارو تخلف يقولون افضل من الصعوبات بس انا نفسي بالصعوبات احس له مستقبل ودخلت علي شان البنات |
يابنات السنوات الجايه وتبدأ من السنه الجايه بيفتحون بكل مدرسه صعوبات تعلم وفي بريده بس فيه وحده متخصصه والباقي على البند الساعات ومو متخصصات الخبر جبته من الديوان وكمان من قسم التربيه الخاصه بالرياض بالنسبه لأعاقه الفكريه معهد واحد ببريده وكله مليان من معلمات الرسميات ولا فيه الا وحده بند ومدارس الدمج يمكن 12 مدرسه بعد مليانه رسميات محولات من تعليم عام ولا فيه أمل يرجعونهم و15 مدرسه على البند بس وأزيدكم من الشعر بيت البنات الي كانوا على بند العام وكانوا يدرسون أعاقه فكريه وتعينوا هالسنه بتعليم العام بيرجعون مع نقل الدخلي هالسنه لأن عندهم خبره الخبر جبته من مشرفة التربية الخاصة وتقول المتخصصات أعاقه فكريه بالقصيم 5 بس ثنتين استقروا ومهب راجعين والباقي ينتظرن النقل بالنسبه لتدريس صعوبات تعلم أحسن لك غرفه خاصه وتدرسين من 3 حالات الا اربع رياضيات او قرأءة أو أملاء كل طالبه عشر دقائق ومالك دخل بانشطة المدرسه او تعديل سلوك التربيه الفكريه مسؤلة عن فصل الفصل فيه من 8 الى 11 بنت وكل بنت لها خطه تدريس تدرس لحالها وعليك تعديل سلوك وانشطه وطابور واشياء كثيره لا وبعد فيه حوارات جانبيه بالصحف والوزاره مستفادوا من الدمج وبوا اشوفهم يسحبونهم من مدارس التعليم العام الحين بدوا بالعيال بالجنوب أنا اخترت صعوبات انتم شنو اخترتوا |
ولله محتاره مدري وش ادخل دخلت اعاقه عقليه وانا ما قتنعت تكفون اللي تعرف تقولي وش ادخل |
بنات اليوم قريت اعلان وأنا على السريع قبل لا أطلع بالدور الثالث ..
بس اللي فهمته ان قسم تخلف عقلي يدخلونه بس رياضيات ورياضيات وعلوم ورياض أطفال ولغه عربيه وقسم صعوبات تعلم يدخله اغلب الاقسام قريت كثيره مره من الاقسام رياضيات اجتماعيات وحاسب واقتصاد وهذا اللي اذكر وهذا ضمن تصنيف الوزاره على ما قالو البنات .... |
يعني الاقسام الباقيه مايبونهن
وش السالفه ؟؟؟ |
لا ياحبيلك
هذا الللي قريته يعني التخلف بس اللي كتبتهن سابقا .. وصعوبات تعلم كاتبين اقسام كثير ........بس والله ماقريتهن كلهن لاني كنت بطلع واتوقع ان كل الاقسام تدخل صعوبات .. وما اتوقع ياخذون على كذا تدرين ليه؟ لأنهم شاورونا بالبدايه وكل وحده كتبت مساره بس مادري شرجعهم وحطو الورقه اللي قريته اخر الدوام ؟ |
أهاااااااااا
أنا سمعت بهذا الكلام من البنات ومن الأوراق اللي مثبتينها بس ياخبر بقروش باكر بلاش نشوووووووووووف السبت ان شاء الله وش يجزمون عليه *** |
انا تخصصي تغذيه تكفووون بنات وش اختااار محتااااااااااااااااااااااااااااره
|
| الساعة الآن +4: 03:57 PM. |
|
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.