|
اقتباس:
نفس الرأي أما رهبة الزواج فلابد منه |
اختي كفايه جروح
الافضل تكلمينه لان في الوقت هذا اهم شي لتعرفين عليه ويتعرف عليك _ هو زوجك الحين اذا كان الشاب ثقه ليش اكبر الموضوع _ انا سألت شخص عن موضوع المكالمات في هذه الفتره وهو شخص متخصص العلاقات الاسريه والزوجيه قال مافيها شي وهو الافضل انا ما نصحتك الا عن تجربه _ نصيحه منى استفيدي من هذه الفتره استفيدي من المكالمه في طرح المواضيع الزوجيه او قرأت الكتب المتخصصه في العلاقات الزوجيه وغيرها الكثير ولا تكون المكالمات كثيره خصصي بينك وبينه يوم او يومين في الاسبوع استفيدي من الوقت في قرأت الكتب او دخول مواقع متخصصه في العلاقات الزوجيه راح تستفيدين كثير عن تجربتي _ الشاب اقدم على الزواج لانه يريد ستر نفسه ويريد الزوجه الصالحه والسعاده في النهايه اتمنى لك حياة سعيده ودايم بحفظ الله ورعايته |
انا بصراحة مستغربة؟!
صرنا حتى الحلال اللي احلة الله ورسوله نطلع فيه مليون علة؟!! اللي يقول يشك فيك والله يقول ان استجبتيله فهذا دليل على انك معتاده على هالشي؟!! هذا ان دل على شي دل على ان العادات والتقاليد هي اللي تتحكم فينا وليس ديننا وشرعنا هو مايحكمنا؟! وفي المقابل فيه تناقض واضح يطرح امامنا عدة تساؤلات؟!! شي بغيت اذكر فيه الشباب اللي مايأيد ويعتبر استجابة البنت دليل على اعتيادها او تساهلها,, وهو كيف تشك بإنسانة طاهرة وعفيفة لمجرد استجابتها لمكالمتك,, وبنفس الوقت تناقض نفسك وماعندك اي مانع تتزوج امرأة من اي جنسية ثانية وترضاها ام لأبنائك رغم انه الله اعلم كيف كانت طريقة التعارف ثم الزواج بينكم؟!! وفي المقابل كثيييييييير على بنت بلدك الطاهرة العفيفة ان تستجيب لشيئ شرعه الله ورسوله فقط لمجرد انها قبلت ان تحادث شخص لاول مرة تكلمه؟!! وعلى فكرة البنت اللعوب بستطاعتها تصنع العفة والظهور بمظهر الطاهرة اللي على نياتها وماتعرف شي لانها يوم قدرت تصنع علاقة مع رجل غريب وتخدع اهلها وتخونهم بدون مايحسون عليها بشي في المقابل بستطاعتها خداعك ايضآ فالأمر بسيط بالنسبة لها وليست محتاجة لمكالمتك حتى لا تشك فيها وتعرض حياتها الزوجية للخطر فهي بكل بساطة (شبعانة) من غيرك وحريصة وحذره معاك!! مشكلتنا اننا نضع اللوم على العادات والتقاليد.. ولا يفهمك غلط ولايفهمك صح!! وبالنهاية لم نعلم اننا نحن من صنع هذه العادات والتقاليد اللتي اودت بالبعض للشكوك اللتي لا اساس لها والطلاق؟! الا متى سنسمح لهذه العادات بستعبادنا والسيطرة والتحكم بنا حتى فيما احل الله لنا؟! وفي المقابل الناس اللاعبين العطشانيين للعاطفة لاقينها فهم مستجيبين لهذا الكبت ارضاء للمجتمع والعادات (فيما احل الله!) من هنا,, ومستمتعين آخر استمتاع (بما لم يحل الله!) لهم من هناك؟!! وبالنهاية يقعد فيها الناس الطيبين فينحرمون مما احل الله ويستغلها المكارين الخبيثين بما لم يحله الله! شي يعور القلب حقيقة:eek5 واتمنى تكونوا فهمتوني واستوعبتوا قصدي صح اما نصيحتي للبنات فالموضوع راجع لذكائك انتي بستطاعتك تحديد مايناسبك ويناسب حياتك مستقبلآ فلا انا ولا غيري يقدر يتخذلك اي قرار,, فأصابع يدك ليست واحدة ورأي اي شخص بيكون متأثر بحالته او تجربته الخاصة فلذلك شوفي نفسك وايش يناسبك واتمنى من الشباب والشابات ان لايكونوا عبيد لعادات وتقاليد نحن من صنعها وليس لديننا فيها شأن او اصل فنحن لبنة المستقبل ونحن من بستطاعته صنع مستقبل جديد نظيف يتحلى بحسن الخلق وحسن الظن والتربية السليمة الخالية من اي قاذورات واوساخ وشكوك وسوء ظن وسوء خلق فكل يبدا بنفسه كي نرتقي ونصعد لأعلى مراتب النجاح والتفوق وهذا لن يتحقق سوى بحسن الظن بالله سبحانه وتعالى فمن احسن الظن بالله فقد احسن الظن بالناس.. |
التكليم لايقدم ولا ياخر
الله يوفقك |
اقتباس:
:41:41:41 طبعا ما نعمم ولكن خذي الحذر أفضلك |
سوي الي يريحك
بس افضل بالنسبه لي انه مايكلمه خلوا السواليف والتعرف بعد الزواج اطعم وشعور الخوف حلو الله يوفقك |
ههههههههههه لاحول لله مكالمات وفيها منه بعد لو يجي يطق باب بيتكم اخذك ترى العرس وقصر وعزايم وخساير هاذي العادات اجبرتنا نسوي كذا انتي الان زوجته وبأمكانه ياخذك من بيت اهلك الحين يعني لازم تعذبينه ليوم العرس كلميه واستانسي واذا مااثث شقته بأمكانه يسئلك ويشاورك بالالوان والاشياء اللي تبينها فكووووووووووووونا من العادات الواحد حتى شوفة شرعيه مايشوف ولايكلم يفاجي بمخلوق غريب واقف امامه في ليلة الدخله |
اعتقد ان المكالمه ضرورة ملحه ليس من صالح الفتاة ان تلتقي بزوجها وهو شخص مجهول بالكامل المكالمة تعمل على تقليل الحاجز النفسي بينهم وتمهد للقاء يوم الزواج اما من يقول ان الشباب يشكون وما ادري ايش فمع احترامي هذا كلام عجز |
اقتباس:
إذا شك بي عقب العرس .. أبرك الساعات , أحسن لي ما أكمل مع شخص موسوس بس يشكك بي على اتفه الأسباب وعلى أشياء قد أحلها الله لنا كـ مكالمات ماقبل الزواج .. وهذا ان دل دل على انه هو يغازل :d (h) |
يا عالم وش هالتفكير ؟!! البنت تقول (( بعد الملكة )) هل أكلمة أو لا ؟ يعني زوجته .. ثم نتفاجأ ببعض الإجابات المتخلفة (( يمكن يشك فيك )) !!!!!! يا ناس ذا تفكير ؟ الحين زوجته ويقول لا تكلمينه يمكن يشك فيك .. أجل على هالحال بعد الدخلة وشهر العسل كله لا تعطينه وجه أبد ؛ لأنه راح يشك أنك تطلعتي مع شاب قبل الزواج :d .. آسف أختي على التعبير ، بس والله مقهور من هالعقليات ، وما أقول إلا الله يعين (( بنيات الحلال )) على هالعقليات المتحجرة . ونصيحة لوجه الله لك ولكل بنات الحلال اللي مقبلات على الزواج .. لا تسمعن لإملاءات المتخلفين الذين ما زالوا يفكرون بسطحية للأمور ، فإن لم تسعد الزوجة مع زوجها وإن لم يسعد الزوج مع زوجته ، فمتى سيسعدان ؟ فافعلي كل ما تريدين مع زوجك وانعمي بحياتك معه وقت شبابكما - طبعا دون تعد لحدود الله - ، فتلك الأيام لن تعود إليك ، فاغتنمي كل ثانية فيها وعيشيها مع شريك حياتك بكل سعادة . وفقك الله أخية ،، |
اقتباس:
هههه لا ياأم الموذي للحين ماأعرست قولي رايك:d |
اقتباس:
سلمت عزيزتي ع إبداء وجهة نظرك .. شاكره لك (f) |
اقتباس:
جُزيـت خيراً(f) |
اقتباس:
صدقتي غاليتي البنت اللعوب تقدر تتخفى بمنظر البنت العفيفه الطاهره حتى في مجتمع النساء هذا الشي ظااهر والله كلاااامك درر وعلى العين ومعاكي حق في كل كلمه حتى الحلال صار فيه تشكيك:bad الله ييسر آمرك غاليتــي(h) |
| الساعة الآن +4: 03:30 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.