|
يعني السؤال الاهم ليش ماتعلمت ببيت اهله؟؟
شاكر لك تعقيبك لأنه منشخفه ماعنده وقت :d <<بإختصار |
لوآنـآ رجل مـآبي الا وحده تعرف تطبخ اجل اخذ رفلى ابلش به معليش بنآت نكون صريحين يقول تقول مانتثون : مهما تكن طبقة الفتاة الإجتماعية فالعمل المنزلي ضروري لها مع آني منب ذآك آزود بطبخ بس اعبر الحـآل رز مكرونه ولااششياء ذي اما مطازيز وجريش نو |
ياخي مدري موضوعك يضحك مدري ليه ..
المهم .. صح فيه بنات مايعرفون يطبخون لكن السالفة تراه سهله جدا يعني أنا أحيانا بعض الأكلات اللي ماعمري سويتهن أسأل أمي وتقوله لي شفهي مرة وحده وخلاص عرفت ولاأفتح كتاب الطبخ واطبق بالضبط .. يعني الموضوع مايستاهل .. وإن كان إنحديت بالمره وإنزنقت بوحده ماتعرف ولاتبي تعرف ولاهي بطابخه رح كل عند أمك ولا بالمطعم وإلا بإفطار صائم >> تراوه بس برمضان .. وهي خله تموت جوع لين غصب تعرف ^^ بس ترى السواقه مهب مثل الطبخ .. الطبخ تقدر تعلمه بس السواقه شلون تعلمك لأنه ممنوع نظاما ^^ وإذا على السواق تراه بتشقق من الوناسه وبتقول عمرك ماعرفت تسوق بس هات السواق ^^ أجل مجتمعنا مع الفتاة >> كثثثثثثثثثثثثثثثثثثثثثثثثثثثثثثثثثثثثثر منه .. شكرا على الطرح المرح .. إلا بسألك هم الناس لاراحوا يخطبون يسألون هي تعرف تطبخ ؟؟ علشان لاإنخطبت بسأل هو يعرف يسوق ^^ |
:)
اقتباس:
شاكر لك تعقيبك اقتباس:
ماقولك انه ماهمن بطني بس اقولك انه مابي وحده ماتعرف تطلخ علشان العواقب يعني اكبر همي العواقب يارب تفكرين زين وموهب تقرين ردي مرة وحده سرعه نسخ ولص وتردين شاكر لك تعقيبك اقتباس:
اقتباس:
مشكوووور شاكر لك تعقيبك اقتباس:
|
مساء الخير عليكم كلكم طبعاً الموضوع اخذ طاقته بالردود و99%مايعرف يرد ولا اصلاً ماقرا الموضوع وباين من ردوده انه داخل يرد بس علشان يطاطي اهم شي بالحياه الزوجيه تعلم الزوجه للطبخ وهذا مايعني ان الزوج ماهمه الا بطنه صدقوني واللي تبرر انه ماتعرف تطبخ واذا تزوجت بتتعود هذا عذر اقبح من ذنب ومعليش واذا زوجه عاجبه ان زوجته ماتطبخ معليش ماعندك شخصيه اجل مثلاً اذا عزمت اهل زوجه بيصير كل الاكل من برا ولا اذا جت تطلع كل يوم بيمر على الارياف ولا اذا تقهوت ببيته هي وزوجه بس بياكلون تمر مع القهوه<<لاوالله مره ايييييييه صح نسيت شلون يتقهوون وهي ماتعرف تصلح قهوه(يمكن تقول لامه تسويله قهوه) شف دير بالك لاتتزوج الا على وحده عارفه الطبخ من الى<<كلامي موجه لصاحب الموضوع وخل اللي يقولون ماهمك الا بطنك نشوف وش يطلعن زوجاتهم بعدين والله يعينكم على اكل المطاعم بس افتحوا ملفات بالمستشفيات من شان بطونكم كل التحايا لإنسان من بني آدم .... |
اقتباس:
بعد ياحبيبتي خلينا نكون اقعيين وش ضاره هي تكون حسنة المظهر عند زوجه وتعرف تطبخ وللسانه ودك تاكلينه اذا تكلمت واخلاقه عاليه ومعطيه زوجه جميع حقوقه<<احمدالله عز وجل انني اسعى لسعادة زوجي اياً كان هو بالرغم انني لن اتزوج حالياً ولكن اتكلم عن مستقبلاً مشكله والله قال ايش قال مايلزم الطبخ للزوجه اقول بس لاتتزوجن وتفشلننا عند رجالكن واللي يقول اذا حبيته عادي لو ماتعرف تطبخ عذراً فقلد بالغت لانه مستحيل تجلس على آكل مطاعم وهي مو اسبوع ولا شهر ولاسنه بتجلس معه لا طول ما انت عايش وهي معاك وانا انصحك بعد انك ماتخاطر وتتزوج وهذا هو تفكيرك انسان من بني آدم الاسف لك على بعض الردود لمن هن من جنسي لان فيه احد يضيع عقله عند الرد:eek5ماعليهم شرهه |
استغرب من من يقول مايهم تعلم البنت الطبخ قبل الزواج
الطبخ مب مهم اجل ايش المهم !!!! اذا طلع الزوج من الدوام يوقف بالشموس يشتري له غذاء والا يمر اهله ويتغدا عندهم حاله حال العزوبي وعلشان ايش علشان دلع او عجز اذا البنت ماخدمت زوجها بالطبخ بايش تخدمه لاتقولون غسيل وكوي لا اظن وحده ماتعرف تطبخ تعرف تغسل او تكوي او تنظف البيت الحياة الزوجية تعاون وشراكه فكما الزوج يكد ويعمل الزوجة عليها خدمة زوجها بما يحقق السعادة والراحة وفق الله الجميع لما يحب ويرضى |
اخوي انسان من بني آدم
شكلك ماقريت ردي بس بجاوبك مع اني ما جربت وجوابي من الي اشوفه"من وجهت نظري" انا لو الموت ما اجيب شغاله الا اذا صار زوجي يحب الاطفال"عندي كم طفل 6-7" اما 2-4 لا عادي وحسب البيت الي بسكنه اذا كان كبير او لا اما اكل المطاعم لا اكرم الله النعمه اولا انواع الوساخه والمواعين ماتنظف هذا غير اذا كانوا يغسلون الاكل او لا او يغسلون القطعاعه والسكين والمواعين والاكل قبل الطبخ او لا فكلتا الحالتين"الشغاله والمطاعم" لا ما افكر عساني اتحمل اكل من المطعم اذا جابوا اهلي او اجتمعنا او طلعنا عند احد والطبخ انا لي ادين واعرف اطبخ الحمد لله اطبخ لا اخلي ولد الناس يتشمت فيني او يتطنز فيني ويكفي اني برفع راس امي وابوي انه بنتهم تعرف تطبخ وتطبخ لولد الناس والي ماتعرف عندها التلفزيون تقوم الساعه 8 الصبح تفطر بيض اوجبن وخبز او اندومي وتغير القنوات من قناه لـ قناه واذا ماعندها دش"ستالايت" عندها التلفزيون القناه الاولى تكفي تجيب برنامج عن الطبخ كل يوم وفيه كتب طبخ والايام الي تكون بين الملكه والزواج اقل شي بيكون 2.5-4او5 اشهر تتعلم كل يوم او كل كم يوم تتعلم طبخه وحده تكفي وتعدينهم لحد ماتتقنهم واذا كان عندها نت تاخذ طبخات من النت او تقول للي عندها بالمنتديات واهم بيساعدونها وماراح يقصرون اقل شي بتساعدها 1او2 حتى لو تراسلهم على الخاص او اذا كانت فيها عجز او مالها ماعندها"مافيه" وقت اذا تزوجت تطلب منه يحط نت اذا كان ماحط او ماعنده نت واذا دخل النت"حطه"اهي تدخل وتدور بالمتديات وقوقل"Google"اكتبي اي شي تبغينه وتلقين كم موضوع وكم صفحه وانتي ادخلي اي موضوع ان شاء الله كل المواضيع الي طلعت لك"فيه" واخذي الي تبغينه ونصيحه للي ماتعرف تطبخ مو لازم يكون ببيتها خبز وجبن تطبخ ان شاء الله تسوي اومليت او عجه بيض او حتى فطور متاخر حتى لو كان دوام زوجها بدري على الساعه 6.30 او 7 الصبح تقوم قبل الاذان تصلي وتقومه وتسوي الفطور لاتعدلت هذا اذا كانت ماتعرف ومساله الخبز والجبن تنساه صحيح انه نعمه وانه مافيها شي حتى الطباخين يسوونه بس لاتعدلت وعرفت تطبخ كل اسبوع او كل كم يوم تجيب الا اذا كان اهي تحب تفطر على خبز وجبن او خبز وبيض كيفها اهي الي ناكله بس زوجها مو ملزوم كل يوم خبز وجبن او خبز وبيض او حتى اندومي اجل ليه اهو جايب لها اغراض ومقاضي من البقاله والسوبرماركت الا على اساس تطبخ له واعرف كذا وحده مو وحده ماتعرف تطبخ ولا ماقد"ماعمرها"دخلت المطبخ ويوم تزوجت اطبخت وصارت تعرف تطبخ بس مو دليل ومو كل وحد تقول بصير مثلها لاتزوجت لا يوم انك ببيت اهلك تعلمي قبل تتزوجين وارفعي راس امك وابوك وخلي ولد الناس الي اهو زوجك يمدح فيك وباكل ويمدح باهلك واذا كان الي متزوجته او بالاصح الي بتزوجه"زوجي" يحب الطبخ ويحب يطبخ يا انه يساعدني بالطبخ او يطبخ يوم او يومين بالاسبوع مو عيب ولا هو حرام اذا الزوج ساعد زوجته مو بس بالطبخ هذا اذا كان الي بتزوجه يحب الطبخ ويحب يشتغل او يحب يطبخ بس اما يجيني واحد"واحد من اخواني او الي بتزوجه" مو لم الاهتمام يعني اهتمامه بنفسه وجسمه وشعره بجهه واهو بجهه ثانيه ويجيني شعره كدش او مو كل يوم يترش"يتسبح" فـ الله يعافيه يحلق ويتسبح ويتنظف ويلبس بدله نظيفه قبل يفكر انه يساعد او يدخل المطبخ بعدها يدخل المطبخ او حتى يشتغل اذا كان حاب يساعد او حتى يطبخ وحتى لو مو يساعد بشغل البيت او يطبخ او حتى يساعد بالطبخ يحلق الكدش ويهتم بلبسه وجسمه ونظافته ولبسه وكل يوم او يوم ورى يوم يتروش مو عيب الولد كل يوم يتروش ترا النظافه النبي اللهم صلى وسلم عليه موصي عليها سواء اولاد اوشباب او رجال مو بس البنات والنساء"الحريم" |
اقتباس:
|
اقتباس:
|
اقتباس:
اي والله عاد بالله وش فايدة الزوجه لو ماتطبخ وبعض البنات تقول ليش حنا خدامات نشتغل لهم ايييييييه اقولها خدامه لزوجك مو لاحد ثاني واعرفي انه هو جنتك ونارك استغرب انا من اللي تبغا حياته الزوجيه وناسه وروحه وجيه صدقيني كل ما ابدعتي بحياتك وبتعدد الاصناف كل ماحبك زوجك اكثر والزوج يحب انه تكون ماينقصه شي عن حريم اخوانه او الحريم الثانيات شُكراً اخوي على تعقيبك لكلامي على ان بعض الاعضاء ما اعجبه;) كل الشُكر لك |
اذا ماتعرف تطبخ تقعد عند اهله"مايخلونه تطبخ"والله من الاداب
والرجل لاخذ فكره عن المره يبتل يطنز به اعرف لكم وحده ماعرفت الطبخ الا عند زوجه وطبعا زوجه عارف عنه ماعرفت الا بعد كان عندهم دوريه في بيتهم والا جمعة رجال في بيته قامت السنعه وزينت من الاطباق "المقبلات" هو حاط براسه انه متعرف جاء قاله وين القهوه وين ووووووووووو وش المره اللي متعرف ومن الكلام والتطنز والله الى يومكم هذا يطنزبه الحمد لله والشكر وش بيضرتس لا عرفتي تطبخين عند اهيلتس وترفعين راستس والدينتس واللي ماعرفت الا بعد مايجيه الا المذله والمشاكل"ناقصين" وش له يلقى علي بشي مايسوى مشكوووووووووووور اخوي على الموضوع المهم لدي |
اقتباس:
غدا سوف يسمحون لسعوديات الزواج من الخاارج..وبتصير مووضه عند البنات وعجبا هذي حطه بمخبااك. وبالنسبه لطبخ..مااعتقد فيه بنت ماتعرف تطبخ |
اقتباس:
:eek: ليش انا اخذته علشان يطبخ لي .......... والطبخ مهم ان البنت تعررفه واهم شي الأساسياات |
| الساعة الآن +4: 04:23 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.