دلني على هذا الموقع.. قبل خمس سنوات تقريبا

ابو الطيب

وايضا زياد بن محمد

يالله أنك تصبح المسفهل ........ ياجعلك تسفهل بالجنة وأنت تشوف نهر اللبن بوجهك والحوريات يراكضن يمك ...........

يقول الشاعر :

أسفهل بعزلتك خلٍ وفي حتى الجنوني = واغرق الأسماع في دهشة خيال الواقعية

والله إني ما اسفهل بونس غيرك لو عطوني = قصر في حي المصيف و قصر في حي العلية

بس لا تيقظ سبات الهم وتثور سكوني = ثم أخلي باقي علومي وأدن الهاشميـــة

اللي دلن على هالتجمع المبارك موقعن يقاله قولل حيث اني سويت بحث عن تمر ببريدة وطلع لي كلامن انقليزي ....... ويومني نغزته طلع لي هالمجمع ذا وقالي ولدي عبيد أن هذا مندي تشارك به بالسواليف والعلوم .......... وقعد يحربش به همن سألن يقول وش تبي اسمك قلت له شايب بريدة .......... ويعلمن وليدي وشلون ادخل واكتب ................ بس انه الله يصلحه ماعلمن وشلون احط عكوس مثل الباقين .......... العلم أني دخلت لتجمع التمور وأشوف من هالعكوس والله وأشوف أبو علي وهو شايلن سطل السكري ولاقطينن له عكس ......... عقبه قلت لوليدي اكتب الكلام القلينزي بقرطاسه حيث اني ابتمي ادخل عليكم واسولف معكم كل ماخذت ماخذت .......... وهذي السالفة وهذا اللي طببن على منديكم بريده ...............

شكراً لك المسفهل على الترحيب .

لا أذكر إلا أني كنت أتصفح المنتدى قبل ست أو سبع سنوات ..
أو تنقص قليلا ..

وأتذكر موضوع للأخ شارع الضباب يطالب بتغيير اسمه ..

هذا ما أذكره ..

منتدى جأت إليه من باب الصدفة ولا يهمني أيا كان