|
|
اتوقع حاطين الورقه علشان البنات يدخلون الصعوبات ويتركون التخلف لأن اغلب البنات اختاروا تخلف عقلي
ويبون يخففون من التخلف يابنات لأحد يغير تخصصه وقسم انهم نصابين كل الاقسام يدخلون تخلف عقلي |
والله كل شي جايز..
واصلا ما فيه احد بيغير مساره اللي هو عاجبه ومستخير عليه الا اذا اجبر بشيء رسمي.. |
وحده من البنات الي حاطه الاعلان
لازم بنات نتاكد من موضوع الاقسام عشان تصير شهادتنا مقبوله وبالنسبه لمنسوبات الدبلوم من مشرفات وغيره ماعندهم خلفيه عن الانظمه الوزاريه لازم نتاكد من وزاره التعليم الي تعرف احد تتاكد من الموضوع وكلامهم هم ماهو مضمون بيمشون بس القرار بالجريده واضح وحدد ومن وزاره التعليم يعني كلامهم حطوه على جنب |
ان شاء الله بنسأل ونتأكد
مشكوره اختي على المعلومات |
اهلين ياصبايا
كيفكم وش رايكم وش اختار محتااااااااره لحد الحين ما كتبت المسار؟؟؟؟؟؟؟ وعلى فكرة استاذة شروق تقول فتحو موهبة وتفوق وش رايكن ......؟ |
والله مادري و الدكتوره فوزيه قالت غريبه يابنات ماتدخلون هالقسم لانهم يوزعون البنات المتخصصات بهالقسم على المدارس العاديه .....
هو حلو بس اني مستخيره على اعاقه عقليه ومرتاحه الحمد لله .. |
صحيح يابنات من قوانين لقبول بدبلوم التربيه الخاصة وخاصة اعاقة عقلية ياعربي يارضيات او رياض اطفال وعلوم ولي تبي تتأكد تكتب بقوقل شروط القبول التربيه الخاصة بس دبلوم الي هنا مهتموا الا بالفلوس قبلوا اول شي كل الكليات تربوي وغير تربوي والتخصصات كلها والمفروض محدد بس همهن جمع الفلوس ولا انا يالي محليت عند ملكاوي اخذ 18 و4 اسئله محليتها وفوزيه سؤال محليته وخذت عشرين لعب بلعب حاشرينا بهالقاعات ولا مطلوب ومحدده الوزارة قبول 150 بنت بس بس هم وسعوها ولا وازيدكم فيه بنات شفتهن بس بالامتحنات مادومن ابد معنا جو امتحنوا بس واكيد الي بتاخذ مرتبة الشرف او الأوائل هم الوسطات لازم نطالب منبي اوائل لأن كل دعوه غش وتسهيل |
السلام عليكم بنات وحلو اننا نتجمع هنا ويكون لنا راي
واضح من اسمي اني معترضه ومقهوره على تعاملهم معنا اختبارات وبحث ورا بحث وكل يوم يطلعون بفكره بحث جديده ورضينا اما انه المشرف على الدوره ولايصحح زي الخلق والناس ليه ؟؟؟؟؟؟؟؟؟؟؟؟؟؟؟؟؟؟؟ وحده او ثنتين يمكن اخذه الدرجه الكامله من 260 طالبه تخيلو العيب بنا او به ؟ اكيد العيب به ونبي لجنه تصحح اوراقنا تخيلو بنت تسئله سؤال ويروح يفتح دفتره عشان يجاوبه هذا اسمه دكتور والبنت مابقى الا تصيح وقعدت معه تهارجه بالمايك ربع ساعه وهو يقول غلط اجابتس طيب يعامله باسلوب مهب يسكته وهي تهرج ولاهب بنت بس الا بنات وكلهن معترضات يوم قلنا نبي الورق قال عندي محاضره هذا يتهجج بس ماغير اننا نوصل للعماده اننا نبي يكونون لجنه وتصحح اوراقنا حرام تعبنا يضيع ومهب بس حنا الي معترضين تخيلو وحده من الدكتورات تقول انا مكلمه الدكتور سفيان تقول منب حاطه اعادة اختبار للي مااختبرن اعمال سنه قال خير والحين جايه لمه شروق وتقول الا تحطين اختبار للبنات الي مااختبرن مافي اي تعاون بعد بين طاقم التدريس كل الهرجه فوضى *فوضى والا هذي كوم وقولة انه في تسجيل دبلوم تربيه خاصه مكثف يعني سنه وحده يعني وش يابنات يخلصون معنا الي حنا نكرف سنه ونص هم سنه ويمكن بعد يعينن قبلنا طالبين 150 وسجلتو 260 تقريبا الضعف وكل هذا عشان القروش وقضينا الحين جايين تبون بعد يتخرجون معنا ؟؟؟؟؟؟؟؟؟؟؟؟؟؟؟؟؟؟؟؟؟ بنات جاوبن الله يعافيكم |
والله اني ماتوقعت الدبلوم كذا أبد
بصراحه ضاغطيننا ضغط وكل يوم بحث انا ودي ادري وش يبون بالبحوث ولا بحث دكتور اسماعيل اللي ماادري وش قصته عجزت افهمه خطوات كثيره وصعبه اللهي يعيننا بس وغير كذا اشوف بنات كثير يغيبون وجو بالاختبار وبعده اختفوا مدري وش سالفتهم لايكونون انتساب وانا مدري وغير كذ1 ليش ماقالوا لنا ان الاقسام المطلوبه رياضيات وعربي ورياض اطفال مهب يوهقوننا ويخلوننا نروح نتسلف ونتعب انفسنا وأخر شيء لاوظايف ولا يحزنون وبعدين بصراحه اليوم درجات الارشاد مره ضعيفه واغلب البنات حالين وأخذين درجات مهب زينه بصراحه شكلي بنسحب وقسم اني تعبت لا والاختبارات بعد اسبوع مايمدينا نكتب لابحوث ولا نذاكر للاختبارات ولا شيء |
اقول يابنات شكلنا مع الدبلوم نبي نقول ياليل ماطولك ونبي نرددها بعد
اجل سفيان شفتن درجاتوه وشو كذا ((شكلها تحدى ولا وشششووووووووو......... الله يهدية كانه قاصدها معقوله ما حلين (((والا هو ما صحح )) حرام عليه والله نكرف واخرتها كذا.... والمشكله هو المشرف على الدبلوم (رحنـــــــــــــــــــا فيهـــــــــــــــــــــا) بنات الا ماتدرون عن بنات اختوه كم درجاتهن ؟؟؟؟؟ مير ما اقول الا الله يهديه الله يهديه (وحسبنا الله ونعم الوكيل..................) والله منقهره |
حسبي الله ونعم الوكيل عليهم كان نتحمل ونضغط علي انفسنا بس هالدبلوم الجديد ولاهو مضغوط يبدون الترم الثاني لمده سنه ونص يعني بيخلصون بعدنا بترم و التقديم معنا الله لا يوفقهم كانهم يلعبون بنا لقو ناس تدفع وطمعو بالفلوس ما نقول الا حسبي الله عليهم |
السلام عليكم ورحمه الله وبركاته ...
المؤمن الحق لا يكون همه في الاختبارات أن ينهي دراسة ملزمته أو كتابه لكن يتعدى إلى أن يلتجئ إلى الله بأن يريحه حتى بعد الامتحان ويرزقه الرضى ...دعواتي الصادقة لكم صاحباتي بالتوفيق والقناعة والرضى عن الحال... أما عن حديثكم االمتشعب جدا فلي رأي آخر فيه وهو * المسارات لها تخصصات مطلوبة : هذا فعلا وهو ما أعلنه ديوان الخدمة المدنية مسبقاً فمسار التخلف العقلي يقبل ( رياض الأطفال + لغة عربية + ورياضيات وعلوم ) وأما مسار صعوبات التعلم فيقبل ( لغة عربية + رياضيات ) ومسار التفوق والموهبة لم يحدد تخصص معين ..., لكن هذا لا يعني أنه لا يريدون إلا هذه التخصصات وإنما لها الأولولية _ ومعنى الأولوية يعني هم في التعيين أول وعند الحاجة الأقسام الأخرى ) فيا عزيزاتي اللوم ليس عليهم في هذه النقطة وإنما عليك أنتي يامن قررتي الدخول في هذا الدبلوم دون السؤال والتحري فيما سوف تقبل عليه . المؤسف والمحزن <<<:i121اللي يرفع الضغظ:bad>>>> هو ربطهم لفتح تخصص الموهبة بعدد محدد منذ متى ونحن نعيش باللامبالاة بحقوق الآخرين ..يعني بكل سهولة بعد مضي شهرين تقريباً وبكل ؟؟؟؟؟؟؟؟؟ يتبجحون بقولهم ( عفواً العدد ما اكتمل ولا نقدر نفتح المسار ) مع العلم بأنه عند توقيع العقد لم يحيطون بعلمنا عن تلك المسألة ....أما أنا إذا تذكرت أننا عرب.. زال من عقلي العجب ..:confused: ما أقول إلا حسبنا الله ونعم الوكيل ربي ألهمهم الصواب وارزقهم حسن اتباعه و ونقي أنفسهم من حقوق الآخرين , فإنهم إخوتنا يضيرنا ما يصيبهم ..أصبحنا ألعوبة في أيدي غيرنا . * الطالبات اللاتي لم يأتين إلا متأخرات : هذا وقت قبولهن وربما ليس هو الخيار الأفضل ..فاحمدي ربك أنه تم قبولي باكراً لكي تنتظمي في الدراسة وتتابعي بجدية من البداية . * الدرجات في الامتحانات : لله الحمد والمنة على النتائج المثمرة للمجتهدة وعزائنا لمن لم تحقق الدرجات المرضية لكنها حتماً هي الخيرة لها وقد تكون غائبة عنها وتظهر لها في مستقبلها . وأما د.ربدي ..فهو تعارض كثيراً مع الطالبات ربما لعدم إجادته كيفية التعامل مع الطالبات وهو أمرا اتوقع أنه جديدا عليه - وسيأخذ بلا شك دروساً من هذه التجربة وتبقى مخزون خبرة لديه - وهو بكل صدق يطمح للمثالية في التعليم بينما الجمهور - الطالبات - تعودوا على الطرق التقليدية فكان هذا التصادم و الاحتدام القوي بينهما .. وامتحانه كان واضحاً جداً وأبدعنا في الإجابات بطرق لا مثيل لها ...وابتعدنا كل البعد عن قضية الحفظ التي ينبذها .. لكن تفاجأنا بتصحيحه الغير منطقي جدا جدا وأقولها بملء فمي اعتماداً على مناقشته لإحدى إجابات الأخوات فهو فضح نفسه بنفسه وأملي أن تكون بادرة خير له وأن يكون حديث الأخت معه لفتة تنبيه له لأنها كانت محقة في كل ما تقول معه . * وأما بالنسبة لي فلن أقف إلى هذا الحد معه سوف أطالب بإعادة تصحيح فأنا أتعامل معه كعضو تدريس كغيره وليس مشرف الدبلوم وإنما الإدارة هم من يتعاملون معه باعتباره مشرف الدبلوم . وسأطلب منه هو ذلك ولن اتنازل عن حقي إلا إذا منعني ظالم أو مستكبر - ولن يكون ذلك بمشيئة الله مادمنا هنا - اسأل الله لي ولكن التوفيق وأن يحقق لي ما أريد وماهو أفضل . |
تعقيباً على من تريد أن تعلم كم درجة ابنة أخته ..
فأقول اطمئني ..اطمئني ..أنه مهما تعالى الإنسان وتعارض معك ولم يتعاون معك فأنه لن يتخلى عن مبادئ دينه وقيمه الراسخة .. فمهما تحاملت على الدكتور لكن يبقى أن لا نشك أبدا في مصداقيته وعدالته ... فكل ما يعمله الدكتور لا يعلم بخطأه فلا يمكن أبدا أن يكون يعلم بذلك فهو يعامل الجميع بنفس الطريقة ... فأنا متأكدة أنه يريد التعليم الأفضل لكن للآسف لم يستخدم الطريقة السليمة ... عموما درجة ابنة أخته متدنية جداً << أقل مني بكثير - عاد أنتي وشي درجتس:09:>>ويؤسفني أنها تكون ذلك ليس لعلاقتي معها لكن لأنها مجتهدة فمن حقها أن تطالب بدرجة أعلى مثلما تأملين . |
ايه صدق يابنات د_ الربدي خسف كل الطالبات بالدرجات
معقوله كلنا مانعرف يعني ولا وحده اخذت 20 من 20 اعاى وحده 18 بس يمكن طالبتين والله انه ظلم وقهر وانا اول ماطلعت من الامتحان جلست ادعي له ومتاكده اني مجاوبه صح 100% بس طلعت نتيجتي 10 والله حرااام وظلم واتوقع انه مب هو اللي مصحح لانه لو هو كان اخذ على المفهوم لازم يابنات نصير يد وحده ونطالب باعادةتصحيح للاوراق ولانسكت عن حقنا اما بالنسبه للمسارات الترم الثاني راح تكون فيه دفعه جديده للطالبات ويكون فيها مسار سمعي وبصري يابنات اللي تعرف وشو المطلوب بالبحث حق الدكتور اسماعيل رجاء رجاء تكتبه .. |
| الساعة الآن +4: 03:43 PM. |
|
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.