بريدة ستي - [ حصريا ً ] وداعا لزحمة السيارات ( النصب ) في النهضة وتطبيق النظام الجديد

بريدة ستي (http://www.buraydahcity.net/vb/index.php)

- أخـــبـــار بــريــــدة (http://www.buraydahcity.net/vb/forumdisplay.php?f=66)

قال ايش قال يقعد بالثيل مافيه ثيل الا هذا وببعدين مهو وقت قعدات الجو بارد الا استعراض عقيم للفت الانظار ناتج عنن شعور بالنقص والفشل وعدم الاحساس بانهم شباب اصحاب هدف سامي في هذه الحياه اكبر من استعراض بجيب والا هايلكس لوكنت مسؤلافي المرور عندما تكون السيارات واقفه لامرت باصحاب السطحات بنقل السيارات الى الحجز على حساب اصحاب السيارات وحجز السياره بعد اخذ التعهد بعدم تكرار ذللك اومضاعفه الجزا

مشكور ع الخبر

اقتباس:

المشاركة الأساسية كتبها abo suliman (المشاركة 2020545)

نحسدكم على الحرية ..
ونحسدكم على الهيلوكسات المغبرة واللملمعة والمجلية :)
ونحسدكم على هذه الموهبة العظيمة ..
فلا تلمنا عزيزي عبودي .. فأنتم في مجال يحسدكم القاصي والداني :)

مرضك ياحبيبي ومرض الكثير من ( البزران ) ..:)
أكبر مشكلة نحاول حلها والبحث المتواصل لعلاجها ..

أوقف سيارتك في الطريق وأجمع ( شلك ) اصحاب الشنبات الخضر ..:)
واجلسوا على ( الثيل ) لكي يصفق لك .. الجميع .
على إبداعك ولمساتك السحرية ( في توقيف سيارة ) على جانب الطريق :)
ولاتسأل عن ( الدوران ) ولا عن ( تضييق الطرق ) ولا عن ( خقو على سيارتي ) .

,

حبيبي عبودي ..
لست موكل بك ..
حتى أقول (أنصب ) ..وبارك الله فيك لأن النصب أهون من ( الشيئ الثاني ) :d
فلا أعلم ماتفعل ولا أعلم من أنت ..
فقط لدي معلومة بأنك ( سفيه ) :)

ابادلك التحية .. صغيري :)

يا ابو سليمان ما شـآء الله عليك طريف جداً .. يا اخي انتم ودكم تصيرون شباب يا شيبـآن .. طبيعي ان المرء

لو يسأل وش افضل عمر لك ليقول لك عمر البزرآن ع قولتك يا كبيري ..

إذا تحسدونا ع هـآلشي.. وتشوف ولدك سليمان يبي يصير شبابي وتبي تبلى فيه >> هذا ان صرت متزوج هههههههه

والله ما غيرك المريض .. الحمد لله انا لي عقل افكر .. يا اخي لو تبي تعد الاشياء الغير مفيدة

لم وصلت لنهـآية .. لو نتبل نتكلم .. كل شي يصير مب مفيد .. والنصب مب مفيد ما اختلفت ..

لكن فقط هي فضآوة وونـآسه وش فيها .. انا الحمد لله ما انصب إلا وقت العطل ..وقت ما اكون مشتهي ..

والله يا ليت لو تصفقون لنـآ يا ( الشيبـآن ) كان كذا تخلونا نستآنس .. بس الاحظ ما شـآء الله عليك

خبرة شكلك مجرب ( الجلي والتغبير ) .. والله شكلك يوم معك هايلوكس 91 .. وانت تجلي وتغبر

ودورآن بالدآيري .. تفحيط وموذي العـآلم ...

انا اقصد ان الشباب ( ينصبون ) اهون من انه يروح للمقاهي وخرآبيطه ..

اما انا الحمد لله مانب رآعي هالآشيـآء ولله الحمد ..

وانا اعلم يا الشـآيب انك لست موكلاً بي وانا حر بالنصب .. فقط انت عليك بدق ( التحية ) لسيارتي ..

انا ولله الحمد اعرف ما افعل .. وانا وولله الحمد مانب رآعي خرآبيط ... ومن حفاظ كتاب الله ..

والحمد لله ع هالنعمة العظيمة ..

بس يالشـآيب والله ما غيرك السفيهـ .. الله يعين عيـآلك يالمعقد

سلملي ع سليمآن ..

وصبآحك عسل

مرورنا فاشل ..
ومن الاسوأ للأسوأ .. مايبونك توقف سيارتك .. طيب ولو رحت تلف وتدور وقفوك و قالو ليش تدور ..!؟

عاد من زين الاماكن اللي يرفهون الشباب فيها عن انفسهم .. !

ههههههههههههههههههههههههه هههههههههههههههههههههههههه هههههههههههههههههههههههههه

النصب اهون من التفحيط

شكراً على الموضوع

انا مع اخوي ابو يوسف هو صادق وش هالكلام:i121

يا شباب

انا اول واحد تلقوني بكرا واقف

وش هالكلام ما خلو شي الا قالو ممنوووووووووووووع :eek5

صادق اخوي النصب اهون من التفحيط

اقتباس:

المشاركة الأساسية كتبها abo yosef (المشاركة 2016701)

قرار فاشل ..

النصب فرجه و متعه و اي واحد يقول كذا و كذا ( اللي ما يطول العنب حامضن عنه يــ )

ابويوسف(h)

ماعلاقة المثل بالموضوع:d..؟

الحين النصب بس ممنوع ببريدة اجالي الوعد عنيزة هناك فيه تشجيع وكل شئ اما بريدة خله تنفعه المدير المرور الجديد

اقتباس:

المشاركة الأساسية كتبها الوابل الصيب (المشاركة 2018814)

أخي العزيز : أي الهوايات التي تريدهم يطورونها . . !

هل تريدهم يطورون هواية التغنج والهبال الذي نعيش به . . !
هل تريدهم يطورون هواية مل الأرصفة بالشباب الضايع . . !
هل تريدهم يطورون هواية التعدي على حرمة البيوت . . !
هل تريدهم يطورون هواية اهدار المال فيما لايفيد . . !

.. نعم هم يطورونهم في الغرب ولكن يطورونهم فيما يعود بالفائدة على الدولة وليس للتظاهر ..

لك ولمن يعارض هذه الفكرة سؤال . . ؟ ماذا لو كان بيتك في شارع النهضة بعد بقالة البريكي
هل ستؤيد جلوسهم وتوقيف سياراتهم وأهلك بالبيت . . وأعني أهلك وأقصد بذالك أختك وأمك وليس الرجال . . هل ستأمن جلوسهم حتى الساعة الواحدة والثانية ليلاً وأهلك بالبيت وأنت خارج البيت . . إذا كنت توافق على ذالك فعذراً سأقولها بكل صراحة لغيرة لديك .. .. .. ! !

بصراحة مؤيد لقرار المسؤلين ونتمنى أن تختفي هذه الظاهرة . .

لافض فوك
:p