|
مع الأسف واقعٌ ملموس ومشاهد.. وقد رأيته كثيراً حين يتعنتر الرجل ويقول: مابقى ألا أنا تمشي معي وحدة ماعليه شراب يدين ..!! وأجده بعد الزواج يترنح مقلقساً خلف ذات الطرحة والعيون الكحيلة..!! عموماً هي تحدث من شخص لايقتنع بما يفعل تمام الإقتناع , وإلاّ لو اقتنع لكان لزاماً على الزوجة أن تنصاع لما يريد , وساذج كل السذاجة من لاتعرف منه معاني الأخوة في البيت , فلمن تلجأ الأخت إذا اعتازت واحتارت..!؟ مزيداً من التعقل , والتحرر من النضارة السوداء التي خلفها في أعيننا شيباننا تجعلنا نتعامل بـ أخوة صادقة .. ودمتم.. |
بين قوسين البنت الفاهمه والله ماتقوله شيء . يعني إذا كانت محافظة والله إنك تحطه فوق راسك . لكن بعض البنات الله يهديه تلبس نقاب وتطلع نص الخد . وكاحله ذاك الكحل . يلعن الحاله ذي ياشيخ وتجي انت رايح مع اهلك للسوق ولا لك من الشيطان طريق . ماتدري إلا اللي تضرب كتفه بكتفك . يعني ماتدري مثلا ..!! وإلا تجي وحده وتناظرك ذيك النظره الله لا يبلان . شينه وقوية عين . مره رايح لأسواق وجالس أتقضى للبيت . يوم طلعت وتطيح عيني على ذاك الجيب أثاري فيه بنات ثلاث . كلهن نقاب . وتضيع إعلومي . وتبتل تناظر وأجي وأصد ... آخر زمن الرجل يوخر عن البنات .. ويوم أخذت شوي قلت خل أبشوف هي تصد وإلا لا . وأجي وألتفت وأناظر . والله وتناظر إلى هالحين . يعني ليه بس .. طبعا قبل كم يوم أنا وواحد من الشباب جالسين نتهاوش إن هالوقت البنت ماتشيل عينه من الرجال . وقويات عيون منول يستحن يرفعن روسهن .. لكن الله يخلف . بس |
اقتباس:
وازيدك اهو ما سوى كذا الامن ضعف شخصيته... |
يآحبني لأخوآني فديتهم بس (h) |
والله حاله انتي تعاملين اخوك مثل معاملة زوجك .
|
احياناً البنت انواع العناد والغثاثة ثم اذا جاء زوجها تلقها طلعت سنعه وقنوعة ليه............ هذا الي ما افهمه .
لا واذا جت لم امها تلقى الرنين والتشكي ولما تسمعها تحسبها خلاص تبي تموت اليوم لكن سبحان مقلب الاحول اول ما يجيء خبر وصول الزوج يذهب كل ما قالت ادراج الرياح .............. هل هو مرض عند النساء ... |
اقتباس:
نتكلم عن أشياء يمنعها الواحد من خواته , وتصير حلال على زوجته .. ليش..!! إذا كنت بمسارنا أفهم أنك تطالب بتمييز تعامل الزوجة عن الأخت في اللبس (مثلاً)..!؟ يعني النقاب يجوز للزوجة حرام على الأخت؟؟ |
ياجماعة الخير ..... الشيطان اشد ما يكون حقدا وغلا على الزوجين .... فلا تقحمو الزوجة في الموضوع وهي غالبا شبه مجبوله على الغيرة من اخوات الرجل ... واقول لو ان كل رجل وجد زوجة بمواصفات اخته او امه لما سمعنا عن المشاكل الاسرية وغيره وذالك للطبيعة الانسانية .. اجل الزوجة تنفق ما وراك ودونك ... وما تجدها الا شاكية باكية من عيشتها ... واما اختك وامك يرضيهم (صحن حلا ) واقول خلوها على الله ..... عل الله ان يعصمنا |
حراام عليكم اناا اللي اسمع عن النااس اللي عندهم اخواان بالعكس عاادي بيت اهله صدق رااعي طلباات بس هذاا بته خيير ان شااء الله تمنعونه بعدين ياابعد تسسبدي مررته اكييد يبي يجيه نفسس الغثااء لاتظلموونه بعدين هذوولا الرجاال عزووبيه او متززجين كذاا طلبااتهم واالي تقوول مررته تناام هذوولا يبيلهن تصفيق <<هههههههههه
غريبه في بناات متزوجاات يناامن ولايباالن غرريبه اشكرتس اخيييتي |
والله الموضوع حلووو والي زاد حلاوته النقاشات لكن حنا والله حاصل عندنا العكس اخواني هم الي يقولون لي معقول اذا اعرستي تبي تبتلين تسذا اكيد تبي تغيرين وهالي تسوينه معنا مااراح تسوينه مع ولد الناس وهالطلبات والمنافخ تبي تخلينه اذا تزوجتي سبحان الله مفارقات ههههه |
المسئول عن خواتنا هو الوالد ولا اخوه اما اذ تزوجت مسئول عنه رجله بكيفه هي ورجله
|
موضوع رائع والله هاللي يقول برمضان ما اشتهي وهي موكلته تبن ههههههههه
انا من رايي ان الولد يغار على دينه سواء اخته او زوجته ..جزاك الله خير ياحول يا لاخت دايم بظلم ..خصوصا اذا صارت الام مع العيال دايم .. |
بصراحه لا ارى ان كلامك فيه من الصحه والسبب كوني اعيش مع اهلي ولم الزم اختي او والدتي بطبخه معينه او غيره ،
ان وجدت شيئاً فا الحمدلله وان كان لدي ملاحظات قلتها بكل احترام وان لم اجد فلن اسكت سيكون هناك ردة فعل من قبلي ولكن بكل تأكيد ردة فعلي مع زوجتي اكثر من اختي . لان الزوجه عمله الاول وقبل كل شئ ( خدمة الزوج ) . لذلك اقول لك : انا لا اتفق مع كلامك... هذا رأأيي ولك احترامي ،، |
88 بل العكس إن تطرقنا لأولوية العمل , فالأهل عملهم الأول والأخير وحتى الموت ( خدمة أبنائهم من كلا الجنسين ) والولد أو البنت تعاملهم مع أهاليهم أكثر ( ميانة ) و ( أريحية ) مقارنة بتعاملهم مع أزواجهم .. .. |
| الساعة الآن +4: 04:25 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.