بريدة ستي - جميع إستـفسارات ومشاكل التسجيل والقبول في جامعة القـصيم

بريدة ستي (http://www.buraydahcity.net/vb/index.php)

- أخـــبـــار بــريــــدة (http://www.buraydahcity.net/vb/forumdisplay.php?f=66)

اقتباس:

المشاركة الأساسية كتبها تعبت اشقى (المشاركة 3111939)

نقلته للي محتاجين طلب إستثناء وماأبي منكم إلا دعوه بالتوفيق والقبول
طلب الاستثناء

ولي أمرك

يروح للجامعه ثم يروح لمكتب الصادر والوارد لمعالي مدير الجامعه ويكتب خطاب عندهم مع صورة الشهاده وحسن السيره والسلوك

ثم يقولون له راجعنا بعد كم يوم او اتصل ثم اذا وافق مدير الجامعه على طلب الاستثناء ألف مبروكـ

الله يجزاك خير ويعطيك ماتتمني ع الخبريه
بس الله يعافيك اي جامعة يروح لها ولي أمري أنا لي أكثر من خمس سنوات

ادعولي تتيسر اموري
واجيب استثناء

آخوآني آنآ للحين مآجآني شي مآدري يقبلوني ولالا نسبتي 77 ويمدينى آختآر حآسب في آي مدينة آختآرهآ؟

الحمـــــــــــــدالله استرجعت لي كلمة السر
الحمممممممممممدالله
شكرا لك يالحاني الروووح

اقتباس:

المشاركة الأساسية كتبها Đгeαm (المشاركة 3113012)

الله يجزاك خير ويعطيك ماتتمني ع الخبريه
بس الله يعافيك اي جامعة يروح لها ولي أمري أنا لي أكثر من خمس سنوات

آآآآآآآآآآآآمين

الظاهر جامعة القصيم ماغيره اللي تطلع صورته بموقع الجامعه
الله ييسر امر هالإستثناااااء لي ولك و ام صبا وشموخ ...

اقتباس:

المشاركة الأساسية كتبها رووح مبعثره (المشاركة 3112282)

:eek5
السلام عليكم ..,
كيفكم ان شاء الله بخير (h)

اهلين (h)

شباب وصبايا(f)

حبيت استفسر عن القبول بجامعه القصيم انا مسجله فيها ولما طلعت نتيجه القبول

طلع لي ملغي ماادري ليش:eek5

ياليت تفيدوني بمعلوماتكم عنها وربي ماادري ليش طلع لي كذا (h)

ياليت تخبروني بااسرع وقت اذا ممكن :eek5

هل شهادتك من خارج القصيم .؟

اقتباس:

المشاركة الأساسية كتبها روزانا)) (المشاركة 3112317)

اخوي حاني الروح .

الله لايهينك اخوي مقدم وهو خريج ثالث ثانوي شرعي ونسبتة التراكمي 89 والقياس 78 مقدم تربية خاصة ولا قبل الى الحين مع العلم ان زملائة اقل نسبة منه وقبلو ويقولون اكتفى القسم . وهو بالتسجيل لم يكتب النسبة لانه عنده اختبار كان غايب عنه ولعدم وجود العلامة الحمراء الالزامية ..؟؟ ارجووكك وش الحل

معيار القبول هي " النسبة المكافئة " وليست المركبة .
ولحساب النسبة المكافئة .. المثال كما في الصورة التالية /

http://www.buraydahcity.org/naser/%d...%a7%d9%861.jpg

اقتباس:

المشاركة الأساسية كتبها دانيه (المشاركة 3112870)

السلام عليكم
لو سمحتو انا لما طلع قبولي مكتوب
السبت 22/8 من الساعه 9.00 صباحا :confused:
وكاتبين اخر موعد للتقديم 15/9 الى الساعه 2.00 :09:
وانا ماقدمت اوراقي للبريد الى الحين على اساس انو عندي فرصه الى 15 رمضان بس قالولي البنات انو موعد تقديم اوراقي هو الاول وشلون يعني انلغى قبوووووولي ولا كيييف :eek5 :081:

لا.. عادي ترسلينهن بكرا .

اقتباس:

المشاركة الأساسية كتبها حنونه في زمن قاسي (المشاركة 3112933)

السلام عليكم
كيف اعرف ان اخوي انقبل ب قسم بليز خبروني

لانه مسافر وبيشوف وشلون عشان يجي للمقابله
او يرسل اوراقه

إذا كان طالع له موعد.. يروح لصالة القبول في اليوم المحدد له
وهناك يحدد القسم اللي يرغب وعلى حسب نسبته .

اقتباس:

المشاركة الأساسية كتبها DAUGHTER OF QUEEN (المشاركة 3112980)

االسلام عليكم أخي حاني الروح أشكرك أولا ع صبرك لمساعدتنا والله يجزاك خير يا رب ..
لكن إنت غلطان بوصف الكليات لأنك تقول كلية التربية اللي بالمنتزه وذكرت الاقسام اللي به (بصفحة 57 المشاركة رقم 795 ) ..وخطأ الاقسام اللي قلتهن مو موجوداتن به هي به أقسام علميه بس (فيزياء كيمياء أحياء رياضيات ....)
وبالمشاركه اللي بصفحة 54 تقول إن الانجليزي مع العلوم الطبيعيه ( يعني قصدك بحي المنتزه صح !؟) طيب أنا سألتك مره عن الكليه اللي به الانجليزي قلتلي إنه بالاسكان ( يعني مو مع العلوم الطبيعيه ) ..
وأنا الحين إحتست وييين أروح وين أدرس إنجليزي ؟؟!! ( كليه الادبيه بالاسكان أو الكليه العلميه بالمنتزه )
وأتوقع إنك محتاس بإسم الكليات مع مواقعهن من كثر الاسئله ..

والله لم أجد كلمة أشكرك بها على مساعدتك سوى أن أقول لك
جعل الله الجنة موطني وموطنك و الفردوس داري ودارك وأسأل الله أن يغفر لي ولك
اللهم إجعله بميزان حسناتكـ يارب ونفع بكـ الامه ..وشكراً لك أخي .

فعلا.. ربما أنني أخطأت في بعض المقرات .. شكرا لتنبيهك .
عموما ,, سأحاول أن أفصٌل وصف المقرات مع الأقسام شرحآ صحيحآ وأضعها في رد مستقل في أقرب وقت بحول الله .
لكن قسم الإنقلش الأكيد أنه في كلية العلوم والآداب في الإسكان .
اللهم آمين ولكِ بالمثل.. شكرا لدعواتك الطيٌبه .

اقتباس:

المشاركة الأساسية كتبها الدعساي...؟ (المشاركة 3112983)

عندي سؤال:

الحين ليش موقع الجامعه حاطين لي نسبة القياس66
وما أقدر اغير النسبة.؟
واعلى نسبه جايبه 72

وللمعلوميه المعدل حق الثانويه يطلع73

واذا اخذنا نسبة القياس 72 يطلع المعدل النهائي 72
واذا اخذنا نسبة القياس66 يطلع المعدل النهائي 70

اتمنى الافاده باسرع وقت

الجامعة يضعون لك نسبة القياس الأعلى .
والنقطه الثانيه للأٍستفسار مافهمت عليك .

اقتباس:

المشاركة الأساسية كتبها Đгeαm (المشاركة 3113012)

[size=4]
بس الله يعافيك اي جامعة يروح لها ولي أمري أنا لي أكثر من خمس سنوات

المقر الرئيسي في المليداء .

اقتباس:

المشاركة الأساسية كتبها دكتور حزن (المشاركة 3113640)

آخوآني آنآ للحين مآجآني شي مآدري يقبلوني ولالا نسبتي 77 ويمدينى آختآر حآسب في آي مدينة آختآرهآ؟

تفاءل بالخير .

حسبي الله عليكم ونعم الوكيل
ياناس وش الظلم هاذا اختي معدلها 98.4 ويقبلونها في قسم ماحطت رغبتها فيه !!!! ؟؟؟ قسم دراسات إسلاميه ولا بعد إنتساب حسبي الله ونعم الوكيل هادا الظلم بعينه يعني لازم تصير عندها واسطه علشان تدخل القسم اللي رغبتها فيه
الله يورينا فيهم اليوم الاسود ويرينا فيهم عجايب قدرته يارب
وفيها بنات معدلاتهن اقل منها وقبلن في اقسام افضل من القبر اللي حطوها فيه آسف قصدي القسم

ودآم انتم بخير أنا بخير
ولله ماحنا بخير يابو متعب

سؤال عاااااااجل

احد قريباتي تم قبولها في الانتساب .

هل تستطيع التحويل الى انتظام في بداية الدراسه واذا انتسبت الترم الاول واخذت معدل ممتاز او جيد جدا هل تستطيع التحويل ؟

ماهو شروط تحويل الطالبه المنتسبه الى الانتظام ؟؟

ننتظركم جزاكم الله خير ........

السلام عليكم
الله يعافيك اخوي حاني انا ارسلت اوراقي للبريد ولا اعرف وشلون اطلع
رقمي الجامعي...

لكل العابرين من هنا ..
كُلٌ ماأتمناه منكم.. أن تخصوني بدعوة صادقة في آخر ساعة من نهار الجمعة ..
إدعوا لأنفسكم.. . ولوالديكم ومن تحبون... وإدعوا لي .. فقط هذا ماأريده
ومساؤكم أجمل .

88888
والله أخي حاني الروح دعواتي لك يوميا ليس بليلة الجمعه فقط ..

الله يجعل ما تعمله بموازين حسناتك ياارب ..

سؤال عاااااااجل

احد قريباتي تم قبولها في الانتساب .

هل تستطيع التحويل الى انتظام في بداية الدراسه واذا انتسبت الترم الاول واخذت معدل ممتاز او جيد جدا هل تستطيع التحويل ؟

ماهو شروط تحويل الطالبه المنتسبه الى الانتظام ؟؟

ننتظركم جزاكم الله خير ........

اقتباس:

المشاركة الأساسية كتبها راشد ابو رسلي (المشاركة 3114056)

هذا معدل الثانوي صح.؟
طيب كم نسبته الموزونه .؟

اقتباس:

المشاركة الأساسية كتبها العنيد555 (المشاركة 3114442)

التحويل إلى إنتظام على ماأعتقد يكون بعد دراسة سنة
ولازم تجيب معدل مرتفع .

اقتباس:

المشاركة الأساسية كتبها متستطعبنيش (المشاركة 3114491)

السلام عليكم
الله يعافيك اخوي حاني انا ارسلت اوراقي للبريد ولا اعرف وشلون اطلع
رقمي الجامعي...

روحي هنا /
http://srv.qu.edu.sa/qu/init?toApp=1
بعدين > نتائج القبول
وللمعلوميه.. الرقم الجامعي مايطلع لك إلا بعد ماترسلين أوراقك بـ 3 أو 4 أيام .