|
أنا الحين بالشهر ال9
بكريه ..... وبعيده عن أهلي الله يعين يعني عفسه وحالتي حاله معليش سامحوني يمكن ازعجكم شوي بس وش اسوي مالي الا الله ثم انتم حبيت استفسر عن أدوية النفاس كيف أقدر أحصلها اللي تعرف أحد يبيعه اوتعرف كيف تخلط لاتبخل علينا المفرش بعد تعرفون محلات تبيع مفارش حلوه او غريبه اللي تبون القميص ان شاء الله من النخيل فيه محل ماأعرف اسمه بس مكانه عند المطاعم بصراحه عنده قمصان رضاعه ذووووق :41 الله يسهل على الجميع" |
بنات
ابسالكن انا اراجع بمستوصف خاص والحين انا بالتاسع شلون اراجع بالمستشفى يعني وين اروح بالولادة وين اودي ملفى مااعرف ومتى اروح؟ الله يجزاها خير الي تجاوبني |
ياخزياه منتس زاد خابرتك(متفلفلة)تسرحين وتمرحين مالك بالغثا.. اوجعن راسي قسم .. |
محبة الجنان.. الأدوية مالي به علم بس شوفي نظام فيافي بالنت وسويه أنا سوته لي أمي بصراحة حلو ومفيد وللقميص محل فلور بالنخيل المفارش الحسون سنتر.. أوالخضيري- أرض القصيم .... وفيه عندي ديموس مفارش تدووووخ بس غالية فوق الألف أتمنى أفدتك.. |
همسات طفلة.. إذاكنتي تراجعين عند خآص ورحتي للولادة ماراح يعتبرون أوراقك شي وأنتي أكيد بتروحين وقت ولادتك يعني اذا بدا معك الطلق فهم راح يسوون لك تحاليل وسونار وكشف وغيره وانا كنت بخاص واخذت اوراقي للولادة بس ماعطون وجه جدعوهن بشنطتي والله يسهل عليك يارب. |
ومضة: تسهيل الولادة من الله وحدة لامن سواه ولكن الأخذ بالأسباب واجب ومن ذلك الورد وهناك كتيب اسمه(الإفادة فيما جاء من ورد الولادة)>>>رآئع وقيم جـــــــدآ ---------------------------------------- لتجهيزات المواليد::) سنتر بوينت-بيت الطفل(شارع الشاحنات-عندبندة) ------------ أسأل الله أن يلبسكن لباس الصحة والعآفية وأموركن كلها تسآهيل يآرب. |
أختي محبة الجنان
فعلا على ماقالت أختي دانوو فيه نظام فيافي حلو بس انا من ناحيتي أشتريت الأدويه من وحده قديمه يشترون منها خواتي إذا تبين رقمها ارسله لك عالخاص اللي ان اخذت هو عباره عن علبتين لهوم وعلبه شاهي اعشاب وعلبة اعشاب للتنشيف وعلبة أدويه مع القهوه واعشاب للنقوعه بس وكمان عندها تحاميل وغسول بالأعشاب بهارات نفاس وأعشاب للتمره واعشاب للحليب ووو اتمنى أكون افدتك اختي محبه الجنان |
اقتباس:
ياخزيااه بس متفلفله ولا تعلميننا ولا شيء :096: وه بس حبي لتس يااادنوو |
ياأختي همسات*خوذي ملفك من الخاص وروحي لم المستوصف الحكومي خوذي تحويل للمستشفي اللحكومي ع دكتوره تشوف فحوصاتك وتحددلك كل شى والله يسهلك حبيبتي
ويامحبة*انا جربت ادويت فيافي مرررررررررررررره رهيبه بس يبيله قياس الكميه صح قبل اطحن الادويه تراانا ناسبلي بس اضبطه ضبط والله يوفقك |
وانا معاكم ياكروشات طايره بوهتي انا بالتاسع وانتظر ولادتي الله يفرجلكم ويفرجلي
ومرا خايفه ماادري ايش اسوي قالولي كثري مشي طيب مين تنصحني باشياء الان وبعد مااولد لاني بكريه ماعندي خلفيه |
وووووووووووووووووووينكم ليه الموضوع هادي
|
أهلين تحكمني كيف حالك
بما إني مثل حالتك يمكن راح أفيدك لو بأشياء بسيطه تعرفين أخذت نصائح كثيره من الحريم الكبار كثري من المشي على الأقل لو 20 د باليوم يقولون إذا كان الطفل جالس كثري من الحبي والسجود فتره طويله عشان الطفل ياخذ وضعه الطبيعي طبعا مع الأستغفار والدعاء إن شاء الله ان ربي راح يسهل الولاده بعد النفاس طبعا الوحده لازم تهتم بالأكل والأدويه صح اهتمي بجسمك من ناحية الخلطات من الحين جهزيها ولاتنسي تشدي بطنك من اول يوم ولاده بالمشد ويمدحون الشماغ للبطن يقولون أفضل من المشد بكثير دعواتك اتمنى اني افدتك لو بشي بسيط*****:) |
اقتباس:
طيب حبيبتي وين فيه محل شيد؟؟؟؟؟ |
انتي تتصلي عليها وتوصف لك هي قالت لي انها بالشمال عند الرصافه ... بس ياليت احد يخبرنا عن اسعارها
|
اقتباس:
المشي والله ماامشي يوميا لا امشي على حسب المزاج اكسل والخلطات ان شاء الله بس تتوقعين التشققات الي بالبطن تروح والكرشه تخف <<<متعقده خخخخ والشماغ متى احطه اي يوم طبعا هين اذا عمليه مايحط الا بعدين بس اذا طبيعي متى تتوقعين طيب انتي كم اخذتي الان من التاسع ...ياليت نستمر نسولف |
اهلين اختي كيان مكان شكوشيد بالراشديات قريبه من البركه.......وعندها شكولاتات كثيره عنده لبناني وتركي وهولندي ومكرون وتروف فرنسي وموالح المانيه مااقدر اوصف لك لازم تشوفين الاشكال واكثرشي اعجبن التروف والفطر التركي واللبناني اشكاله بعدغريبه وكثيره اذا تبغين رقمه ارسله لك....
|
:)
أهلين أختي تحكمني كيف حالك بالنسبه للتشققات أطلبي من الدكتوره اللي إنتي تراجعي عنده تكتب لك كريم خاص للتشققات فيه انواع كريمات كثيره انا صرفت لي الدكتوره نوعين بالسابع والتاسع عشان يمديها تروح فيه عندك بعددهن جوزة الطيب تمدحها لي أختي تقول مره ممتازه تدهنين فيه بطك كل يوم وتلبسي مشد اما بالنسبه للشماغ إذا كانت ولادتك طبيعيه البسيه بعد الولاده مباشره والقيصري والله ماعندي خلفيه انا لي 8 أيام بالتاسع الله يسهل علينا يارب والله يحييك بأي وقت أختي نستمر بالسواليف حياك |
اقتباس:
محله بالشمال بعد البركة ع اليسار واسعاره غاليه بس تستاهل |
بنات كيف الولادة القيصري مؤلمة وايش اللي تمنيتي سويتية اوغلطتي فيه
|
اقتباس:
مرحبا ياقمر،،،الله يقومك بالسلامه وانشالله ماتحتاجين عمليه:eek5 انا لي اسبوعين والده قيصري الولاده القيصريه اكيد اصعب من الطبيعي والامها فظيعه بالاسبوع الاول بس اهم شي انك تشدين حيلك بالمشي وانتي مستقيمه يعني ماتحنين ظهرك عشان ينخاط الجرح مضبوط 2..اهتمي بالمضاد اللي يصرفونه لك بعد ماتطلعين من المستشفى عشان مايسبب لك التهابات او صديد بالجرح 3.. البسي مشد بعد العمليه باسبوعين ولاتخافين على الجرح وامشي كل يوم ثلث ساعه عشان الكررررررررش تروح : 12 اذا تذكرت شي رجعت:p |
اقتباس:
الشماغ ممكن يخفف من البطن بس مايخفف الترهلات افضل شي المشد النايلون:41 |
احن امراة بالعالم
وين سوووووووووووويتي القيصري بنج نصفي ولاكاااااااااامل ومن الدكتور؟ |
اقتباس:
انا استخدمت بالمرز بس ماجاب نتيجه مره وجوزة الطيب من وين اشتريها من العطار انا عكسك باقي 8 ايام واخلص التاسع:eek5<<< خايفه ههههههههه لا وغير كذا عندي حموضه مو طبيعيه احس كل الي اكله واقف بحلقي مرا اعوذ بالله وماغير اشرب جافيسكون تعبت مرره ماتهنى بالاكل... وحياك الله وسعتي صدري متابعه معاك |
اقتباس:
سويتها بمستشفى الولاده بنج كامل وهو احسن من النصفي لان البنج النصفي يسبب مشاكل للظهر بعد الولاده لانهم يعطونك الابره بالظهر اللي سواها لي الاستشاري ( سيد ) انتي اطلبي سيد لانه شاطر وهو رئيس الاستشاريين بمستشفى الولاده واذ ماحصل لك اطلبي الدكتور مامون او نبيل افضل الدكاتره للقيصريات بعد الله:41 وسلاااامتك ياقمرررر |
احن امراه بالعالم
البسي مشد بعد العمليه باسبوعين ولاتخافين على الجرح وامشي كل يوم ثلث ساعه عشان الكررررررررش تروح<<<<<<<<تصدقين انا لما سويت العمليه القصيريه ماشديت بطني نهائيا خايفه على الجرح |
اقتباس:
هو صح تخافين على الجرح لانك تحسين انه بينفجر اول ماتلبسينه:eek: بس لازم تجزمين عليه عشان ماتندمين بعدين خصوصا ان البطن بعد القيصريه صعب يروح بسبب البنج الا اذا اهتميتي تحياااتي |
احن امراه بالعلم
نسيت اسالك عن المشد النايلون وين احصله؟؟؟؟؟ انتظرك لاني ابطلع للسوق اليوم |
طيب انتي كم سويتي قيصري؟
لان انا حامل وخايفه من العمليه مره ثانيه |
اقتباس:
موجود بكل مكان انا اخذته من الحسون بس لاتاخذين اللي على شكل حزام خوذي اللي على شكل اندر وير:p |
اقتباس:
ياقلبي ماتشوفين شر والله يهونها عليك يارب توكلي على الله ولاتخافين ومعروف ان المره الثانيه احسن من الاولى لان بيكون عندك خبره من العمليه الاولى انا اول مره اسوي القيصريه واول ولاده لي،،، بس بسألك حبيبتي انتي ليش ولاداتك قيصري؟؟؟؟ |
بصراحه انتي اسم على مسمى الله يجعله اول واخر عمليه لي ولك ولكل من ماتبغى العمليه
انا كان السبب يقولوا ان الرحم مانفتح معي واحس انهم استعجلو علي سويت العمليه بمستشفى الولاده |
اقتباس:
تسلمين ياعسل :p يعني انتي مثل حالتي بالضبط ،، بس اكيد انتي عندك الحوض ضيق لان الحوض اذا كان ضيق ماينفتح الرحم كامل يعني لاااازم قيصري:eek5 |
لا ياقلبي ماقالوا الحوض وانا اتوقع انه برد اوشمم لاني كنت بكريه ولاتكبيت وزوجي يتعطر وانا في التاسع والمستشفى كان التكيف فوقي وانا اطلق يقولون اهلي ان هذا السبب
|
اقتباس:
تسلمين ياقلبي.. ياليت والله تعطيني الرقم اذا ماعليك امر؟؟ وهو محل والا وحده فبيتها؟؟؟؟؟ والاسعار كيف؟؟ |
طلبتكم يااهل الفزعااااااااااااااااااااااات
محتاجه والله مساعدتكم ابغى رقم وحده تاجر شغلات باالشهر ضروووووووووري الله يفرج على كل من ترد علي ويوفقه دنيا واخره وييسر امرنا وامره....... |
أحن امرأه بالعالم
قولي امين جعل زوجك مايشوف غيرك على المعلومات الله يوفقك |
اقتباس:
:p اميييين تسلمين ياعسللللللل :p |
احن امراة
طيب متى كان ولادتك اي شهر قريبتي ماله الاشهرين والده تقول بنج نصفي واللي اعرف النصفي اهون ضرر من الكامل ومامون وش جنسيتة لايكون اللي اراجع عنده الهندي؟ ولي حق اطلب دكتور اللي اعرفه حضك ونصيبك ماقصرتي ربي يسعدك والمشد وش نوووووووووووعه انا عند الحضرمي يصلح |
اهلين كيان....تأمري أمر .... شيكي عالخاص ارسلت لك الرقم....ومين الي وولدت في الحبيب خدماتهم زينه او لا....وتقدرين تختارين دكتوره الي تبغي ولا لا.....ومن احسن دكتوره عندهم....
|
اقتباس:
ولدت قبل اسبوعين،،وبالنسبه للبنج النصفي ماحبيته لان اختي سوت قيصريه بنج موضعي والى الان تعاني من الام الظهر ،،، الدكتور مأمون سوري،،، انا طلبت ((الدكتور سيد)) والمشد اهم شي مايكون قطن لان القطن مايشد خوذي اللي يجي على نايلون:41 تحياااااااااتي: 12 |
السلام عليكم
بنات كنت حابه اسأل انا توي داخله السابع لكن مالي بطن الا من تحت يعني ما احس انه كبير او منتفخ زي المره الحامل مادري اوضعي عادي او الى الحين ما يبدء البطن يبين؟ |
اقتباس:
عادي حبيبتي لاتخافين احسن لك عشان مايصير لك بطن بعد الولاده انا ماكبر بطني الا بالشهر الثامن يعني الى الشهر السابع وانا البس لبسي الاول ماتغير المقاس |
اقتباس:
اهلا كيان ..كيفك حبيت اساعدك هو غرفه في بيت اانا رحت لها قبل كذا يوم والاشياء الي عندها شيكولاته حلوه بس مو لدرجة انها مرا غريبه والسلال الي عندها تاجير يعني مثلا وحده مثل حالتي بتولد ودها تامن نفسها قبل مايصلح لان لازم تاخذينهم اذا ولدتي والي تبيعهم يعني مو للايجار عاديات جدا بس الي ياجرون حلوواات مررره والسلال الشيكولاته ماتشيل السعر الي هي حاطته ترى برغم اني فنانه بالشيكولاته واعرف واضرب ولااسمي بس ماادري انا شايفه مثل الي عنده عند محل لا وب120 تخيلي وغير كذا ماادري انا صراحه ماوجبتن الشغاله هي الي فيه وكل شيء تقول لحظه اسال مدام تقل حامة كبدي وعندها موالح وفطاير ومعمول ملون برغم ان خالتي تقول عندهم مدرسه من عنيزه تقول المعمول 50 حبه ب60 وهذي علبة التمر ب100 ماادري احسها فرق وانا يمكن همي الاول والاخير اني الاقي سلال غريبه ابغى اشتري ماابغى اجار علشان كذا يمكن ماحصلت غرضي |
اقتباس:
اصلا راح تلاحظي تغير اسبوع بعد اسبوع ااهم حاجه المستشفى يطمنونك عن وضع البيبي وكمية الماء المحيطه بالجنين وكذا الباقي لاتهتمي الله ييسر لك ويهون عليك وعلي |
بنات الله يسعدكم
ابغى ارقام لتاجير شغالات مررررررررررا محتاجتهم الله يسعده الي تساعدني |
اشوى والله كنت خايفه لان وحده قالت ليترى يصير تحجر يعني بس يكبر تحت
وشكورات يا حلوات |
محل ديليشز عنده شكولاته مثل شكولاتة شيد وارخص |
والله يااحن امراءه كنت توي بقولها بس سبقتيني ديشليز نفسه بس ديشليز نفس السعر 180 بس قصدي ماتسوى اعنيلها وادخل بيوت
لا وبالسوق الداخلي يالبيه |
انا ابغى احد يعرف مكان يبيع سلال تقديم فخمه الله يعافيها الي تقولي والله لا ادعيليها
|
اقتباس:
يمكن رفعو السعر:confused: |
اقتباس:
خلاص راحت موضة التوزيع بالسلال،،، ممكن انتي تبدعين وتحطين الحلا والفطاير بخشبيات او التحف المصنوعه من فخار او رخام موجوده عند لايف ستايل روووعه |
يابنات انا باقي اسبوع ويخلص التاسع واولد يمه خايفه والله ماانام الليل من الهم لكن ان شاء الله ربي يهونها بس بغيت اسالكم عن المشد انا المره اللي قبل استخدمت المشد الاندنوسي كل الاربعين بس مو من اول يوم لانه ينزل الارحام يوم صار لي عشر ايام بصراحه نفع معي حلو بس مشكلته لفه وربطه وكل شوي يرتخي زابسالكم عن هذا المشد اللي تسولفون به وش سالفته النايلو ووين القاه وكم سعره
ولكم جزيل الشكر |
ايه انا عارفه يااحن امراءه
انا مااقصد السلال بالمعنى الاصح اانا اقصد اي حاجه للتقديم انا عارفه انه الان مثلا تجيبي زي الاطار الحلو الفخم وتحطين فيه شيكولاه فخمه وكذا ولا فازات اشكال حلوه ولاصياني غريبه بس انا ابغاهم وين كل الي احصهم يكون اشكلهم عاديه ولاعارفه انو السلال من القهر القاهم عند ابو 10 لو حبيت بس انا ابغى حاجه غريبه يكون ديكوره غررررريب فهمتيني |
اقتباس:
والمشد والله ماادري انا ودي بشيء مجرب برغم الي حولي وامي يمدحون الشماغ يقولون ممتااااااز جدا بس كاني ااحترت وودي بالنايلون مو عند الحسون يقولون ويلا خلينا نسولف ايش عندك |
مشكورة احن امراة لو صار بالي سؤال برجع لك خخخخخخخخخخخخخخخ
تحكمني قناعاتي ترى الموضه الصياني الجلد روووووووووووعه |
اقتباس:
انا متحمسة لشوكو واحبطتوني شفت شغله بزواج احد جرب محل دلع |
هلين حلمي المآستر لايحبطونك روحي لشيد وشوفي انا ااخذه من ديشيليز ومن شكوشيد..... ديشيليز انوعه محدده وجدا عاديه تخيلي مارس وشكولاته عاديه......وشيد اللبناني اشكال كثيره فيه الي تحطيه مع الكابتشينو وفيه مع العصير وفيه من كثر ماقالت لي مااتذكر اسمائهن فيه شي اسمه تارت فريز وفراوله مع العصير وبراونيز وشي حشوته زي الكيك واشياء كثيره ومن غير التروف التركي شي بالتوت البري والكراميل.....انا يوم اروح لها طلعت لي صاحبة المعرض.وبالعكس جدا اعجبن وخبيت اهلي عنده....اذاانتي كد رحتي لشارع الثلاثين بالرياض احس فيه منهم كثير الي هو محل شيد...
|
وين مكانه هالمحل بالضبط
|
اقتباس:
|
اه اسفه شوكو بالشمال اتصلي عليها وتوصف لك
احسبك تقولي وين ديشليز |
اقتباس:
طيب حبيبتي وين احصلهم |
تكفون بنات ساعدوني عطوني ارائكم ماادري ايش اسوي الاستقبال محتاره ومشتته افكاري ايش احط وايش اسوي انا عاينت محلات وشفت بس احترت وماعندي صياني ايش الحل
|
تحكمني
خير الامورالوسط انتبهي لحالك اشوفك مهتمة بزيادة بالتقديم لايجيك شيء ياعمري الصياني الجلد شفتهم عند الهزازي بالرياض واتوقع عند العبداللطيف الاقتصادي وشفتهم عند نفيل اللي بشارع الشاحنات صياني بني جلد ومقسم انا ناوية اقدم شوكليت فاخر وكب كيك وكوكيز والفطاير ورق عنب والكبة طبعا بشوف محل بتفنن فيهاويمكن معمول |
اقتباس:
شوفي حبيبتي فيه افكار جديده ممكن تضيفينها مع التقديم مثل اللبتون اللي باسم المولود او الشكولاته على حروف اسمه وفيه البسكوت اللي يطبع عليه صورة النونو ممكن تقديمنه مع الكابتشينو اول مايجون ضيوفك لاننا بالشتاء لازم شي دافي يعني احلى من العصير بس للاسف كل هالاشياء مافيه احد يسويهن ببريده :oo يعني لازم تتعبين بالطلب واذا تبين كاسات الكابتشينو موجوده عند العبداللطيف اللي يجي صحنهن فيه مكان للبسكوت جنب الكاس مرررره حلوات وفيه كمان علب المويه اللي يجي البلاستر برضو على اسم المولود:d يسويهن محل دفادف وبسسسسس هذا اللي عندي،،،،،،،، يالله عاد الله الله بالدعوه الحلوه: 12 |
اقتباس:
ممكن تعطيننا رابط اوشي للي يسوون اللبتون باسم المولود؟؟؟ بنات فيه فانتوم بعنيزه محل نسائي عنده شوكولاتات غرررررريبه مره اذكر حطيت منه بحفلتي والكل يسال عنه... |
اقتباس:
وانا مهتمه بالتقديم اكثر لان كذا كذا اهلي شارين صواني حلوه علشان حنا مسوين مطبخ جديد يعني 2 في واحد ولا لو على الصياني كن استاجلات وخلصت بس انا ابغى حاجه تجلس يستفاد منه بكل مناسبه الكب كيك من وين بتاخذيه طيب |
اقتباس:
|
أهلين تحكمني قناعتي
انا بصراحه عندي افكار كثيره للتقديم بس من يوم دخل التاسع وبدا الخوف نسيت كل التقديم والضيوف بس حبيت أسالك انا بعبي شكولاته من شارع الثلاثين بالرياض بس محتاره من اي محل اعبيها وفيه محل استديو الشكولاته يكتب لك اسم المولود على الشمولاته فكرت اسويها وودي اقدم شي بعد القهوه والشاهي مثلا قهوه امريكيه او قهوه فرنسيه اللي عند الرفاعي واقدم معها كوكيز احطه بفازه وودي بشي ثاني اقدمه مع الكوكيز بس مادري وش احط زياده |
تحكمني قناعتي
بس انا رأيي ان الكابتشينو يتقدم أخر شي اتوقع افضل والله من الزمل 24 ساعه صاحيه مايجيني النوم كل مااوجعني شي قلت ابولد بالنسبه للولاده اللي على وشك ولاده وين وين قررت تولد انا عن نفسي بولد بالقصيم الوطني |
اقتباس:
عنده صياني جلد روووووعه بس اظنها للأجار وعنده كب كيك يجنن طعمه حلوووووو مررررره الحبه بــ3ريال بس تراها صغيره شوي..ربي يسهل عليك |
مساء الخيراااااات
كيفكو ياحوامل؟؟ بنات بسألكم انا اراجع عند مستوصف أهلي..وحالتي تتطلب تحاليل واجد خلال فترة الحمل قالت لي الدكتورة افتحي ملف متابعة حمل اوفر لك.. صحيح اوفر لي افتح؟ ولا احسن كل ما رحت ادفع...واللي كد فتحت ملف متابعة حمل تقول لي وش يشمل؟؟ والله يسهل عليكم يالغوالي |
اقتباس:
والظاهر انه يشمل كل شي من تحاليل وسونار كل مره والتحاليل مو كل مره على حسب الحاجه موفقــــــه حبيبتي.. |
بسومة تميم.. الله يهوون عليك..أنا بحملي فتحت ملف من الشهر3وطبعا خصمت لي حق الشهرين اللي راحن لان كان معي فقر دم وانخفاض بالظغط وصرت احتاج للتحليل كل شهر.. وكان يشمل: تحليل الدم والبول+الكشف السريري+5أشعة سونار>>تحددين أنت الأشهر اللي ودك تسوين فيها السونآر هذآ اللي أذكر!ّ قدآمك العآفية ومآتشوفين شر |
ونسيت..
بالنسبة للتوفير هو أوفر بكثيررر لانك كل مرة راح تدفعين للدخول ع د وكمان ع الكشف الأهليات ياكلونك ويجحدونك.. |
الف شكر يالغاليات ماقصرتوا...
طيب دانو أنا اراجع عند دكتورة زينب تراي رحت لها بناء على مدحك لها باحدى الصفحات والحمد لله حلوة...بسألك متى علمتك بجنس الجنين؟؟ وتحسين تصلح لحالات ارتفاع الضغط؟ ووش قصدك وش الفرق بين الكشف السريري والسونار.. كثرت عليك الاسئلة بس تحمليني... |
اقتباس:
انا مثلك رحت بعد عند المستقبل وهبلت بي وقالت لي الماء شوي عند الجنين وطارت عيوني وعطتن حبووب شحنه هههه ومير يقولن لي خواتي روحي بس عند المستوصف الحكومي وخليهم يحولونك لمستشفى الولاده وررحت زي ماقلن لي خواتي وفعلاً الماء كان طبيعي والحمدالله واموري الحينماشيه تمام واراجع عندهم وانتي بين فتره وفتره روحي وشوفي الجنين اذا عدا تبي تعرفين نوعه اوشي انا رحت مره عشان اعرف نوع الجنين والله يسر امرنا كلنا |
ام حمد انا اراجع بالمستوصفااات الحكومية وشكرااويهتمون فيني خصوصااني ععندي انيميا مستديمة اذا تعاملك معهم لطيف هم كذالك يصيرون معك لطيفين .........................امادواالنفااااس اشتريته من وحدة اسمها ام فيصل دواها متكامل اونظيف ماشاءالله جربته...................وتصدقين اني ادعي له اوكل من شفته حامل مدحته له اذاتبين رقمة علمين ارسله لك عن طريق الخاص اوتولدين بالسلامه بالنسبه للي معها دم في بداية الحمل اونزول المشيمة ,,تطحن حلبة اوتسفه اوتشرب عليهاماء مجرررب يثبت الحمل |
الله يعافيك حب لأخيك ماتحب لنفسك ........ارسلي لي رقم ام فيصل الله يجزاك خير ,
|
اقتباس:
انا مثل حالتك شوفي انا صراحه بالنسبه للشيكولاته بقولك من وين اشتريته وين استديو بالرياض هذا وفكرة القهوه انا مثلك مفكره بس ماادري ايش احط بس اتوقع تركيه وراح احط معاها بسكوت شفت شكله بملكة وحده من صاحباتي تقول مرة اخوي جايبته سالتها والى الان ماردت اول ماترد اخبرك ياحبيلك احس فيك اشياء كثره مني |
اقتباس:
ومرا انا شايله هم الله يهون علينا يااارب انتي يمكن علشان البيبي الثاني فعارفه كل حاجه مو مثلي ماادري وش السالفه بسلم نفسي مثل الذبيحه :eek5هههههههههه وبالنسبه للولاده عالارجح القصيم الوطني والحين انا ضايق صدري معاي نزيف تكرمين ورحت قالت اذا جاك الطلق تعالي لان يوم اروح بس معاي نزيف والحين انا محتاره خايفه يصير شيء ايش رايك كد صار لك |
اقتباس:
ايه شفتهم بس للايجار ايش الفايده وشفت الكب كيك مايشيل 3 ريال اشتري تشيز كيك من القباني ب5ريال اصرف<<< وجهة نظر امين تسلمين لابداء رايك عساي مااذوق حزنك يااارب |
اقتباس:
انا صراحه سويت بكج متابعة حمل بس مو في القصيم بس اريح صراحه واوفر لك لا وهنا بالقصيم مرا رخيص انا بقولك ليه اوفرلك اول حاجه كشفيه كل مره يمكن خلال حملك تاخذي الالتراساوند 4 مرات تحاليل ببداية الحمل وبعدين في الشهور الوسطى وبعدين فيه تحاليل بالشهور الاخيره ولاسمح الله طلع فيك التهابات تحتاجي اكثر من مره مزرعة بول لاسمح الله عندك سكر حمل كل هذي الاشياءشوفي لماتدفعيها بس لما يكون متابعه افضل لك لا وهم يصيرون حريصين مو كل مره تحليل تحليل يمسكون انفسهم مايسون التحليل الا ويكونو متاكدين انك تحتاجينه وبالاول والاخير انتي كسباااااانه وتخيلي اي يوم قبل موعد مراجعتك صارلك مضاعفات بس تروحين تدخلين ماتدفعين انا صراحه ايده مرهه بس اذا كنتي موظفه ولاشيء افضل لك الحكومي لان الاهلي ماييعطونك اجازه والحكومي افضل اذا كان عندك لاسمح الله مضاعفات بدائيه بالحمل من الاولى يكون حكومي وبالنسبه للمبلغ اذا كنتي ماعرفتي الا من الثالث وطالع عادي يخصمون المبلغ من الي دفعتيه وتدخلين ضمن المتابعه الله يسهل عليك ياارب والمسلمين اجمعين واي حاجه انا حاضره |
اقتباس:
اما الالترا ساوند ماتسويه الا بشهور معينه وتزاد على حسب حالتك واحيانا بناء على رغبتك وبنسبه محدده خلال فترة الحمل اتمنى اني اصبت ولا مانع من انتظار الاخت دانو لابداء رئيها الله يسهل يااارب |
حبيبة فهد برسلك عالخاص موراضي يبدو انك مانعه هذا الشيء..
|
أهلين تحكمني قناعتي انا كنت مانعته بس عدلته غريبه انه ماقدرتي ترسلين لي
محل استديو الشكولاته بشارع الثلاثين بالرياض اذا حبيتي يكتب اسم المولود او يطبع صورته على نفس الشكولاته مررررررره شكله يجنن والناس الى الحين ماطاحوا بالفكره وبعدين فكرت اني اقدم مع الشاهي ماعمرك شفتيها بعض الناس يحطونها بالزواجات مكسرات باكياس صغيره مغلفه وربوطه بشريطه اللون اللي تحبين خلينا على اتصال بصراحه احس انك نفس اهتمامي واعجبتيني بالنسبه للدم اللي نزل منك يمكن ان شاء الله بعد يوم او يومين بالكثير تولدين هذي احتمال تكون السداده الرحميه يعني اللي تسد الرحم وغالبا ماتنزل قبل وقت الولاده بيوم او يومين بس الحين ارتاحي علشان يكون عندك طاقه للولاده ولاتروحين اول وايبدى فيك الطلق والله ماغير يعذبونك او يعطونك طلق صناعي والله يموت الطلق الصناعي انا استعجلت ورحت وعطوني طلق صناعي لكن المره ان شاء الله بصبر الله يهون على الجميع |
طيب بنات ياحبيلكم محل استوديو الشوكولاته كيف اسعاره؟؟؟
واذا عطيتهم الصوره متى يكون الطلب جاهز؟؟ وبما اني فبريده عادي اطلب منهم ويرسلونه والا لازم اروح لهم؟؟؟؟؟؟؟ |
lالله يعطيك الف العافيه
|
اقتباس:
للاسف ياقمر ماعندي رابط بس اذا تبغين رقم اللي تسويه وهي ترسلك عينات على الايميل : 12 |
الف شكر يالغاليات ماقصرتوا...
طيب دانو أنا اراجع عند دكتورة زينب تراي رحت لها بناء على مدحك لها باحدى الصفحات والحمد لله حلوة...بسألك متى علمتك بجنس الجنين؟؟ وتحسين تصلح لحالات ارتفاع الضغط؟ ووش قصدك وش الفرق بين الكشف السريري والسونار.. كثرت عليك الاسئلة بس تحمليني... هلآبك أختي.. شكلك غلطانة أنا ما ذكرت د\زينب ولاجبت طاريه! بس الحمد الله أهم شي ان اللي رحتي له حلوة. أنا كنت عند د\حنان- الكشف السريري.. تشوف لك حجم البطن واذا معك الام الظهر او الصداع واذا كنت حابة تكشف الأجزاء الداخلية إذاعندك التهابات .. وقالت نوع الجنين لما كمل 4شهور |
ودي آفيدكم بس آخاف تباركون لي وتتحمدون لي بالسلامة :113: لذلك من البداية بقولكم إني مجرد نآقله لكم لا آكثر :d بالنسبه لشغل بنت الباحوث رهيب بس ماعنده وقت على الآسعار :d , وآحلى شيء الكب كيك بس صغير بالحيل تستحين تقدمينه ومبالغه بسعره .. المفروض تكبره وماعليه ترفع سعره :113: صورة الطفل من وجهة نظري آحس قديم تحطينه مع الهدية أفضل لو تكون بطاولة التقديم أو بالمدخل أو بنفس المجلس وتكون ببرواز فخم .. علاج النفاس آم يوسف خطير علاجه كل شيء تبينه تحطه لك حتى المطازيز لو بغيتي وآظن تعجن معه حلب < وراكم وراكم :113: وتختلف آسعارهن من 300 إلى 700 ريال .. التشيز كيك والآمواس وورق العنب مافيه مثل الآرياف .. |
مرحبــــــآآ بنـــــــــات
شخباركم ؟؟ وشخبار الحمل معكم :) |
كروشات بسألكــــــــم عن انواع السكر الي يقدم للضيوف والي يجي مغلف باشكال او بماركات الي تعرف محلهن تقولي الله يجزاه الجنه والولاده الميسرة يارب :d:41
|
مرحبا اخت متفائله ارسلي رقم ام يوسف الله يوفقك
|
أهلين ياكروووشات ماتدرون عن اختنا تحكمني قناعتي من يوم قالت معي نزيف ومن يومها مادخلت لاتكون ولد ياليت تطمنونا عليها
|
ياليت تقولون لي الدكتوره حنان وزينب بأي مستوصف بأسرع وقت ودي اروح لها لاني الحين طلع التاسع وماولدت ودي اروح اشوف |
معليش دانووو
صرت ملخبطة بينك وبين ...ديوان... حبيبة فهد...دكتورة حنان بعيادات المستقبل .. وفيه دكتورة زينب بالطب الشامل .. |
اقتباس:
ياليت والله ياعمري تعطيني الرقم.... |
اقتباس:
ارسلت لك الرقم ع الخاص ياعسل: 12 |
اقتباس:
مشكــــــــــوره وماقصرتي.. |
بنات الان انا بالاسبوع27 يعني اصير باي شهر بالضبط وبأولهوالا بالوسط ولا بالاخير
ياحبي لكن |
| الساعة الآن +4: 12:58 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.