ياعالم انتم متاكدين من هالخبر انا حاليا ادرس بجامعه القصيم واختباري القران الاسبوع الجاي انا اتكلم عن قسم انجليزي مازالو يحفضون القران ويدرسون تجويده بكل الخطط القديمه والحديثه ؟؟؟؟؟؟؟؟؟؟؟؟؟؟؟؟؟؟؟؟

حسبنا الله ونعم الوكيل

إنا لله وإنا إليه راجعون

ااابشركم مادة القران سوف يتم اضافته الى الخطه الجديده
هذا الخبرر من العميده الدكتورة هدى الغفيص -جزاها الله عنا ألف خيرر-

هذا خطة من الغزو الفكري .. الحمد لله انا غاسلة ايدي من الجامعات يضيع عمري وانا اكرف
واخرته اجلس بالبيت .. ادخل معهد الله من فضلك يارب .. اللهم ثبتنا على دينك ياحي ياقيوم

طيب ايش المشكلة

في الابتدائي في المتوسط في الثانوي فيه تخصص قرآن مع مكافآت

بصراحه الغاء المادة في الجامعة فيه دعم للطالب بالتفرغ للمناهج العلمية الاخرى

اضف الى ذلك انها مادة ثابتة لا تتطور ولا تتغير القران هو القران والتجويد هو التجويد يعني ليش التعقيد

لو كنت بالجامعة لافرحني الخبر ليس كرها في القران والعياذ بالله بل كي اتفرغ لمواد اهم بالتخصص
والله من وراء القصد

ابو شرين تدري وش الي قاهرني انه فيه ناس فزعت على هالخبر وهي ما تفتح المصحف الى من رمضان الى رمضان بعد زين...
عاد لا تفهموني غلط انا اكثر وحده فرحانه اني ادرس القران بالجامعه >>ومن عمل عمل فلنفسه<<يعني ما يحتاج اتكلم عن اني احب القران وبالحكي حب القران بالغيره عليه وهذا شي لأسف يحز بالنفس بالكليات انا شفته بنفسي القران ماله اي اهتمام والله العظيم والله العظيم اوراق المصحف متقطعه لدرجه وحده من الدكتورات اجنبيه الجنسيه ولاهي حتى من بلد عربي لما شافت هالمشهد تقول وشلون يصير عندكم وانتم بلاد الحرمين..يعني وش الفايده اذا الواحد حفظ القران كله وبافضل تجويد وهو ما عمل باخلاقيااااااته ولا حتى احترمه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ت را كلامي مو معناه اني ما اايد حفظ القران بس انا اقول الحفظ لحاله ما يكفي
ادري اني طلعت شوي من صلب الموضوع بس شي حز نفسي وحبيت اقوله وبصراحه استغرب هالتناقض
وعشان اكون اكثر مصداقيه الي احسه من بعض الردود مو الكل انه مجرد تشفي بجامعاتنا ومن جد فيه بعض الردود الله يجزاكم خير طالعه من قلب صادق وغيور على دينه

:oo لاحول ولا قوة الا بلله ان شاء الله انه مو صحيح

من جدكم ترحمون حاطين مشكله وهي اساسا مافيه مشششششكله قالوا بالخطه الجديده مافيه قران وهو فيه وقالوا بالخطه القديمه مافيه قران وهو فيييييييييه


الله يرحم حالكتم

انا العام متخرجه وحفظت سورة البقره كامله ..
كان كل سنه ناخذ 12 وجه تقريبا.
بس معقوله احذوفه لان بدء تقريباً من 4 سنين؟

بس على فكره كثير من الطالبات يحملون القران معهم بسبب التجويد الذي لم نتعود عليه من صغرنا او ينجحن بس مقبول نفس حالتي؟