|
|
اقتباس:
الله يعافيك ويعافينا جميعا ان شاء الله أنا أتابع عند الدكتوره كفايه بمستوصف الفليو بس ماأخذت برنامج متابعه وماادري كم بصراحه كل زياره أدفع لهم.. حنان والله ماجربتها ولا أعرفها بسألك كم كان السكر عندك وانتي حامل وهل وكملتي التاسع ولدتي طبيعي ؟؟ وش رايك بمستشفى الولاده انا ناويه أولد عندهم؟؟ حبيبتي بالعكس خذي راحتك بالاسئله أنا تحت أمرك أحنا هنا عشان نفيد بعض ... |
اقتباس:
الحمد لله أكمل التاسع مع انهم يقولون لازم نولدك قبل بس اتركهم أماولادتي الاخيره فولدت لسبع شهورلأني كنت معي مويات من بدايةالاشهر أماالولاده بمستشفى الولاده أناأولد عندهم وهو توافيق على حسب الدكتوره ونفسيتها بس بصراحه زين من ناحية توافر الاجهزه والنظافه والله يسهل عليك يارب والله كان ياصل 200 أحيانا180مع اني أخذ أبر لأن السكر مع الحمل يرتفع عن قبل تخيلي أدري اني حامل قبل ماأحلل من السكر ياصل250على الريق واذاأخذت الابرينزل حاجه بسيطه الله يشفينا ومرضى المسلمين ليش ماتفتحين ملف أحسن لك يكون أقل من كل مره تدفعين |
أم لين توي أشوف 177هذا عندك سكرنسبه بسيطه
ربما سكر حمل بس احتجبي وماتشوفين الاالعافيه حبيبتي |
زهرة الرمانه
مشكوره ياقلبي وماقصرتي والله يشفيك ويشفينا ويسهل ويهون على كل الحوامل يارب |
ام لين اذا عندك سكري حمل افضلك تراجعين بمستشفى الولادة
روحي لمستوصف الحي وخليها تسوي لك تحويل انا عندي سكري حمل واراجع عندهم مره حلوييين اللي تسال عن القصيم الوطني ترقدت عندهم علشان جتني اعراض ولادة مبكرة مره حلوييين واهتمام وحرص وكل شوي يجيك الدكتور او الدكتورة ومره كانوا مهتمييين فيني والولادة عندهم طبعا قيتها 4000 وفيه خصم 200 او 300 اذا زوجك موظف واذا انتي موظفة تكون 3200 تقريبا انا لسى متردده من القصيم الوطني والحبيب بستخير والله يختار لي الخيرة المباركة زهرة الرمانة انا السكر يرتفع احيانن 200 و 170 وخايفه ياثر بالنونو انا اول مره اخذ انسولين بهالحمل قبل كان حمية وماكان يرتفع كذا هل كان يرتفع عندك السكري كذا والنونو يصير طيب طمنيني |
ام حمادة
الله يسعدك وماتشوفين شر أنا عندي موعد بعد اسبوعين عند الولاده بس أنا ماتابعت عندهم ولايدرون انه عندي سكر حمل ماأدري اذا رحت مستوصف الحي يحولوني و أروح للطوارى أو انتظر الموعد ؟؟ |
ام حمادة
اذاعندك سكرحمل نصيحة لاتالدين باهلي الحكومي افضل لك ولطفلك الاهلي مايصلحون الاللولادة الطبيعية |
ام لين اذا عندك مراجعه بالولادة والاطفال خلاص بلغي دكتورتك وتسويلك تحاليل
والتحويل خوذي من المستوصف التحويل ووديه للعيادات الخارجية ويزينولك موعد متفائله الله يجزاك خير هذا اللي مرددني عن الحبيب او القصيم الوطني انه وضعي مو طبيعي الله يسهلها من عنده |
متفائله 2
ممكن الرقم الله يجزاك خير؟ |
بنات وين احصل اشعة فوردي ؟
وان حصل السعر يا حبي لكم |
أم حماده أناكنت أخذ انسولين ويرتفع نفسك كل مره يزيد الجرعه
هلحين ماحللت لانه لسا ماجاء موعد الدوره بس حاسه اني حامل لان السكرمرتفع على الريق 235أو225 تخيلي وانا صايمه........توقعون لواحلل بالبيت يبين وانا لسا باقي خمس ايام على الموعد؟؟؟؟؟؟ ورايكم وين افتح ملف ؟وش رايكم بحنان اللي بالمستقبل بكم فتح الملف؟ وحنان اللي بداررامه؟أنتن وين تراجعن؟ الله يعين والله زمله للسكر؟؟؟معليش طولت عليكم الاسئله سامحون |
ام احمد انا سويته عند حنان بالمستقبل 400 وكان فيه خصم سويته 350
ومعه سي دي فيديو و صور وفيه بالحبيب بس صور وب 600 والقصيم الوطني مرة سالتهم قالوا ماعندنا سي دي له زهرة الرمانه ياعمري الله يعينك على السكري ياارب انا حملي دائما مايبين الا متاخر بعد الدورة بعشر ايام كذا بس انتي اذا صار حمل بدري يبين جربي بتحليل المنزلي وشوفي وحنان بصراحة تهبل ماشاء الله بس نوع الجنين دائما تغلط فيه اول الشهور يعني من الشهر الثامن او السابع يطلع صح لكن قبل اغلب اللي اعرف قالت لهم نوع وطلع باخر الشهور نوع ثاني ولا بصراحه هي طيبه وتعامل وفهم وفتح الملف اذكره ب 900 طيب ليش ماتراجعين بمستشفى الولادة انا اراجع عندهم حريصين باللي عندها سكري حمل طيب بسالك وين كنتي تولدين واخبار نونواتك حلوين وهل يجيهم انخفاض اول ماتولدي ياختي النت والناس يروعوني ترويع من السكري والانسولين والجنين |
حبيبتي أنا دائما أراجع عند الحكومي
بس اتبهذل على بال مايحطون لي موعد وحملت قبل كم شهر وكنت اتردد عليهم ابي موعد وبهذلو بي ماعطون وبديت اروح للاسعاف وتناظرن قلت ابي تحويل لحق السكر وتعطين مواعيد وانا سكري مايتحمل اتاخر ولااعطتن موعد للدكتوره واروح لمستوصف خاص عشان السكر ويصرف لي ابر ثم صار معي دم خفيف وانا مراجعاتي بالاسعاف فقط بعدين رحت كذا دكتوره كشف قالوا مافيه نبض سقطيه......وسقطته والله لايوريك نزفت بالبيت بغيت اموت والحمدلله على كل حال عشان كذا زهقت منهم قلت خلاص اروح لاهلي واراجع عندهم للحمل والسكر ولااتبهذل بس بصراحه الحبيب زين بس غالين فوق الالفين شوي وكلن يمد حنان بالمستقبل بس وشلون يعطون مواعيد محدده ولاتجين ترصين وكان المراجعه ب900طول الحمل حلو بس يبقى حق السكر واولادي الحمد لله مافيهم شيئ الا بنتي وحده ولدتها عندها سكرواجلست بالحضانه كم يوم وطلعت وولدي الاخير ولدته لسبع شهور بس تدرين منين من الالتهابات والله اعلم انااكره الكشف واخاف واتحمل الالتاب وهذا خطأ بس انت اذا كنت محتجبه وتاخذين انسولين لاتخافين هم يخافون السكر يكبر الجنين بس حاولي لاتأكلي حلى والارز والخبز الابيض والله يعينك ويسهل لك معليش كتبت قصة حياتي |
هلابتس ربي يسلمك ويجزاك خير يازهرة الرمانة
بالعكس ماقصرتي كتبتي كل اللي ابي تعرفين السكري وسوسته ايوه الحبيب فتح الملف 2400 والقصيم الوطني 2000 وعطوني قائمة للاشياء اللي بيسوونها لي ببرنامج المتابعة وقالولي اذا فيه زيادة مثل السكري لازم تصيرين تدفعين زيادة للمراجعات شوفي انتي افتحي ملف وبرنامج متابعة بالمكان اللي ترتاحيين فيه مثلا عند حنان بالمستقبل وحنان تعطيك مواعيد بس ولو زحمه شوي الا الصبح حلو ومافي زحمه وروحي لمستوصف الحي وقولي لهم انا حامل ويجين سكري بكل حمله واخذ انسولين وسويلي تحويل للمستشفى لانه اقرب لي على طول بتعطيك بموعد من بكرا تسويين تحليل واذا شافته مرتفع بتحولك على طوول وخلي مراجعاتك عند الخاص لين يجي موعدك بالحكومي انا اذكر كنت براجع بمستوصف الحي قلت اقرب وعندهم سونار اريح لي بس الدكتورة لما شافت سكري صايم 136 على طوول كتبت لي تحويل للمستشفى لانه حلو اهتمامهم بالسكري وغير كذا مصاريف السكر وتحاليله والانسولين والابر غاليين يحوسون الميزانية حوووس يوه يالتسقيط متعب مجربته ربي يعوضك ياكريم ياعمري بنيتس جااه سكري الله يعظم اجرتس ويشفيه يارب ياكريم |
| الساعة الآن +4: 04:29 PM. |
|
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.