|
اللهـــم لــك الحمــــد علــــى نعمـــــة الإســــــلام0000
بارك الله فيك عزيزي أبو لجيـــن000 وجعل كل حرف سطرته أناملـــك في ميزان حسناااتك000 وجزاك اللـــه عناا كل خيــر 00 |
روايات ..
لا كالروايات .. أبو لجين .. أنا أقرأ ما تكتب .. و كأني بجانبك .. بل أكثر من ذلك .. كأني ظلك في الليل و النهار .. حفظك الله و رعاك .. |
أشكر أبو لجين على القصص
واللهم احفظ اخونا ابو لجين والله ماقصرت معنايا قصاص وان شاء الله ماتكون حزين |
أبو لجين
ياغالي حفضك الله في حلك وترحالك أتابع قصصك الجميلة بكل شوق محبك أبو سليمان |
أخي ابو لجين....
أشكرك على هذه المشاركه الرائعه , وبتنويرك لنا بتعرفينا على طبيعة حياتهم الهابطة والرخيصة. وأما الجواب على سئالك يأخي الغالي فهي : أن حيات الغرب تحكمها الأنظمة الوضعية , وهذه الأنظمة تحكمها مبادئ. ومن هذه المبادئ (الحرية في إستخدام الحق الشخصي ,مادام هذا الحق لا يتعلق بالنظام العام ولا يمتد الى حق شخصي آخر). فالجسد حق شخصي , ولصاحبه ان يفعل به ما يشاء. اما التجارة وترويج البضائع , فهي متعلقه بالنظام العام و للدولة تقيد صلاحيتها. أرجوا بان تكون ايجابتي وافيه... ...............وجزاكم الله خيراً................. |
عزيزي أبو لجين
الله يرجعك بالسلامة : 12 بس أخي ابو لجين كثيراً من أصدقائي ذهبوا إلى نيوزلندا لتعلم اللغة الانجليزية لكن المهم في الامر اني أريد ان اسئلك لماذا ذهبت إلى نيزلندا ولم تختر بلد اخر:confused: :confused: :confused: :confused:
|
أبو لجين أعادك الله إلينا سالما
لن أنساك أخي الحبيب وانا بنتظار قصصك وموقافك الجميله |
السلام عليكم ورحمة الله وبركاته .. قبل كل شي ... ما تلاحظون إن كل رد أسلم فيها ولا أشوف إلا أشكل .! :p ثاني شي ... كل الشكر للشباب على هذه الردود المشجعه مع مافيها من دعوات أخويه تدل على الإخاء في الله .. جمعني الله وإياكمفي دار كرامته ... وكما أشكر أخي الغالي شرشبيل على هذا التحليل ... وهو الصواب والله أعلم ... فنحمد الله على هذه النعم العظيمة التي وهبنا إياها .. ألا وهي نعمة الإسلام ... حيث أن كل أمرٍ فرض على المسلم هو خير له في الدنيا والآخرة ... حيث أننا نشعر بالسعادة الداخلية قبل الخارجية عندما نؤدي أي عبادة أوحتى بعدما نفرغ منها ... سواءً كانت صلاة أو صيام أو غيرها من سائر العبادات فلله الحمد والشكر على هذه الهبه العظيمة .. أسأل الله لنا ولكم الثبات على دينه ... وأن يختم أعمالنا بلآ إله إلا الله .. محمد رسول الله .. اقتباس:
الكلام حولها يطول .. إلا انني سأختصرها لك في عدة أمور ومنها :- 1- البعد عن العرب . لأنها تقطع في القطب الجنوبي .. 2- المعيشه رخيصة ( مقارنه بالدول الأخرى ) 3- الجمال في الطبيعة ... وأهلها الذين تميزوا بأنهم أفضل الشعوب الغربية ( على ما أظن ) في التعامل مع العرب والمسلمين ... تقريباً هذه سر رحلتي إلى هذه الديار ... وأي إستفسار سأجيب عليك بإذن الله مع إعتذاري الشديد على عدم الإفاء بسؤالك ... لكن أنا كتبت هذا الرد من المعهد .. وليس لدي وقت .. خاصةً أن جهازي الشخصي متعطل تقريباً ... فمنك السموحه ... ============================ حلقة اليوم هي " بعض مواقف التي لا ينساها أبولجين في نيوزلندا " الموقف الأول " القطار " عندما قضيت الأسبوع الأول في كرايست شيرج ... كنت مع أحد الشباب السعودية ( اللي جاء معي ) وكنا فعلاً " ندربي روسنا " لأننا كنا في مكان لا للعربية مجال ...فأنت ولغتك .. ========================= فاصل ========================= أذكر مره قصة واحد راح يدرس في حدى هالبلدان الغرب ... وما كان ( يفك الحرف ) <<< شرواك ( :D ) شرواك الطيب ( :i121 ) المهم .. يوم وصل .. شاف الأمر مهب اللي أنت تبي ... يعني ما يقدر يسوي شي إلا باللغة .. فكان يتعامل مع الناس ويطلب منهم وكل شي عبر الإشارات .. يعني ( تقل أطرم ) وبعد فترة من الزمن .. حس إن لسانه بدأ يثقل من عدم ( الهرج ) ... المهم صار يروح في الشوارع وكل من قابله قاله يا حمار ( أعزكم الله ) .. ويبتسمون له لأنهم ما يدرون وش يقول ... وهو يسلي نفسه بهالطريقة ... عاد يوم قابله واحد .. وقاله يا حمار ... رد عليه ذاك الرجال وقاله : الحمار أنت وأشكالك ( :i121 ) قال : أنا حمار بس وينك من زمان ( :p ) ========================== إنتهى الفاصل مع إعتذاري ========================== ويوم من الأيام .. رحنا للساحة ( كثدرال سكوير ) وهو مكان أغلب سكان كرايست شيرج و يمرونه يومياً ... المهم .. شفنا القطار اللي يدور على مباني قديمة .. يعني عادي جداً وغير كذا بطيء مره .. يعني سرعته مثل اللي يمشي على رجليه ( الله يكرمكم ) ويوم شفنا اللي يركبون ما يدفعون شي .. يعني يجلسون وبس .. ( إشتغل هالحضرمي :D ) قلت لخويي : وش رايك تبي نركب .؟ قالي : وش تسوي فيه ملل .. قلت : على الأقل نريح فيه شوي من المشي وتغير جو .. قالي : يالله على قولتك .. ويوم ركبنا .. وبدأ يسير ... جانا اللي يشغل في القطار وقال : الله لا يهينكم 12 دولار .!!! يعني 35 ريال تقريباً صحيح إن المبلغ زهيد .. بس والله حرام عليه ربع ريال .. لأننا من قبل نتهاوش على إننا ركب ولالا يوم كنا نظن إنه ببلاش ... عاد تم تسطير المذكور أعلاه :D =================================== الموقف الثاني " الجواز " =================================== طبعاً تعرفون وش قيمة الجواز حقك إذا كنت خارج الدولة ... فكيف إذا كنت في دولة لا سفارة ولا حتى قنصلية ... يعني لو ضاع الجواز .. مالك إلا الهند تقبلك ( :D ) المهم مره رجعت من المعهد وكان جواز السفر معي في مخباة البنطلون ( تصدقون إني لابس جنز ..!! :o ) لا حد يقول خكري الحين ..( :i121 ) يارب لك الحمد .. الثياااااااااب وبس :S ^ ^^ ^^^ طيب لا يكثر وكمل :i121 سم سم ( :eek5 ) المهم يوم وصلت للبيت ... فرغت الأغراض من البنطلون وعطيتها أم البيت علشان تغسله .. المهم بعد حدود ساعة إلا ربع .. تذكرت شيء ..!!! طبعا عرفتوه ( :re )... نسيت جوااااااااازي في مخباة البنطلون الخلفي :eek: ... والله شفت كل تضاريس الأمراض ( إنخفاض في الضغط و حرارة و دوخه .. حتى دوار البحر جاني من القهر :( ( ) طبعا أنا الصدق جاني إنهيار مهب صاحي ... يعني وش بسوي الحين ... حتى تصدقون ما قويت ولا أروح للغسالة الحق عليها .. طحت طيحه المحبط ع السرير ... يالله ... والله مصيبه ما أنساهاا .. حتى أنا شايف الغسيل وهو يدخل في الغسالة .. يعني ما عندي ذرة أمل ... والله الذي لا إله إلا هو ... إني متأكد إني ما طلعته .. الصدق ... جلست ادعي ربي وأقول ( اللهم برحمتك أستغيث ) وأكررها مع إني مدري هل هذا الدعاء المناسب لها ولالا وبعد تكرار هذا الدعاء .. جاني بريق أمل .. ولكنه أمل محبط ... بس والله حسيت بشيء يخليني أبحث عنه في غرفتي ... بس أنا متأكد إني ما طلعته .. ولا أذكر شي غير إني فرغت الأغراض على ( التسريحه ) ... قمت أدور يمين ويسار وأنا تقل مهبول من كثر ما إنفجعت ... ورحت للسرير ... وهو المكان بعيد عن مكان تفريغ الأغراض .. يعني مافيه أمل بعد الله إني ألقاهاا ... رحت للسرير وأنا أكرر في هالدعاء ( اللهم برحمتك أستغيث ) .. ويوم رفعت الوساده ( شي ماله دخل بس شي فيني دفعني لها ) المهم يوم رفعتها وألقى جوازي تحتها ... والله يا سجدة شكر سجدتها ما أجملها .. بتلت ساجد من الفرحه ... والله يا احبه ... إني ما أذكر حطيتها أبد .. خاصة إن الوقت ما مضى عليه ولا ساعه ... يعني صعب انسى .. بس هو وربي توفيق منه وحفظه ... اللهم لك الحمد والشكر ... ================================= الموقف الثالث " قطع الشارع " ================================= طبعاً من العنوان تدرون وش السالفه ... ( :D ) كنت في أول يومين لي في كرايست شيرج ... ( أبرمج ) راسي على الشوارع والسيارات .. يعني كل شي عكس ... ( أجزم إن مليون سعودي مات هناك ححح ) لأن السيارات كلها دركسونها يمين ... وخط السير متعاكس .. يعني بدل ما تمشي بالسيارة يمين الشارع تمشيبها يسار الشارع ( الحمدلله إنك ما تسوق يابولجين :p ) ============================== فاصل قصير ============================== أذكر قبل قبل سنتين على ما أظن رحت لإندونيسيا .. ويوم ركبت من المطار مع التكسي ... صرت أنا يساره .. يعني مكان السواق اللي عندنا .. وأول مره في حياتي أركب مثل هالسيارات ... ويوم مشينا .. خذ يا ضحك .( :D ) كلما خطمت علينا سيارة .. أضغط برجلي ( الله يكرمكم ) ع الصاجة اللي تحت .. متعود إني أفرمل ( :p ) ========================== إنتهى الفاصل ========================= المهم ... يوم جيت أنا وخويي ( رحمة من الله إنه كان معي :oo :p ) وقطعت السيد الأول .. ويوم وصلت للرصيف اللي بين السيدين .. ناظرت الشارع ولقيته ماشاء الله فاضي .. وكملت المشي أبقطع ... طبعا خويي خقلني خقله اليييمه وقالي إنتبببببببببه ( :eek: ) أنا ( قريت بالريوس ) من الروعه :D ويوم ناظرت يسار ( عكس الإتجاه ).. إلا و هالسيارات والله ما بيني وبينها إلا يمكن 20 متر ... وهي جايات مسرعه .. يعني بغيت أصير ( كشنه بدون ملح :p ) طبعا لا تسألون عن شعوري .. لأني اللي أذكره إن شعر راسي ما نزلته إلا بالأوكسجين ( :p ) من الروعه اللي جته طبعاً مهب مره ولا مرتين .. والله كثيره تصير لي مثل هالمواقف ... ولولا الله ثم هـ(الورد) كان تشوفون الإعلان بوفاتي هنا ... بس الحمدلله على حفظه لي .. أسأل الله أن يحمانا وياكم من كل شر ... >>>>>>>>>>>>>>>>> بتبع |
نكمل =============================== الموقف الرابع " أنا و المغولي " =============================== تعرفون المغوليين .. اللي يولدون وتكون أشكالهم وحده تقريباً ... ودائماً ما يعمرون .. يعني يموتون سريعاً ( على حد علمي ) ... الغريب هنا ... أنني أشوف شيبان وعجائز وشباب وفتيات من المغوليين ... وسبحان الله ... كيف مد الله بأعمارهم :confused: .. والغريب ايضاً .. أنهم مجانين .. يعني ( عليهم حركات مدري وش تبي ! ) أذكر مره كنت طالع ع الباص ... وجلست ولقيت اللي قدامي مغولي ( ركبتي بركبته ) يمكن عمره بهالثلاثين ... المهم صار يناديني ويكلمني و أنا تجاهلته .. لأنهم يشغلونك بقرقهم وليت قرقهم واضح .. يعني كلام مبهم ... ويوم طولت وأنا ( صاد عنه ) صار يضغط بيدينه على ركبتي .. يحسبني ما إنتبهت له ... أنا ما أبي أعطيه وجه لأني أشوف بعض المواقف محرجة مع غيري ولا أبي أتورط معه بمواقف محرجه ... ويوم ضغط على ركبتي ( ما رديت عليه ) وصار يصوت ويرفع صوته ( يعني قد إن الناس إنتبهوا لنا ) قام وعطاني كف يحبه قلبك .( :eek: ) أنا الصدق إنهبلت :i121 :i121 ... ويييييييييييييين :bad ... والله إحراج .. وش تسوي مع هالمهبول :mad: ... أنا رديت عليه وأنا معصب وقلت له ( ماذا تريد ) وأنا ماسكه مع ( خلاقينه :D ) وأنا عارف إني أنا الخسران بردي بس إنفعلت مع هالكف ... وش تتوقعون سوى بعدها .؟ قام يضحك علي ... <<<< طلعت أنا المهبول عنده :42 الصدق .. جاني إحباط .. أول مره أتعامل مع مهبول ... وبعدها رجعت لآخر الباص .. معلناً بعدها ( لا للجلوس جنب هالمجانين ) اللهم لك الحمد والشكر على نعمة العقل <<<< بس ولو هزأك هالمهبول ( :p ) ============================= الموقف الخامس " تضييعي مع الطالب الياباني " ============================= طبعاً كما تعلمون .. إن معي في العائلة طالب ياباني جديد توه جاي عندنا من أسبوعين تقريباً ... ويالله يالله يتحدث باللغة الإنجليزية ... عاد أبولجين رحمه ... شافه ( بس ما غير يدربي هالراس ) وقلت له لآزم إني أحببه لي لعلي أقدر أرغبه في الإسلام :D ... المهم قلت له ( هل تريد أن نذهب للنهر .؟ ) هز راسه بالتأييد :re << تسنيبه يقول وش يبي ذا ( :p ) المهم قلت له يالله نطلع .. وطلع معي وحسيت إنه يمشي وهو ما يدري وش أنا قلت له ( :D ) بس يالله ... كملت أنا وياه متجه للنهر اللي عندنا ... يمين ويسار يمين ويسار لين وصلت <<< تسنيبك مانتب راجع على خير ( :D ) المهم ( مغطت به ) كم كيلو لين حسيت إنه قصر <<< الله من زين هالدعوة ( :i121 ) المهم يوم جيت أبرجع .. شفت شارع تسنه حقنا .. وكنا قبل لا تغيب الشمس بشوي ... المهم يوم مشينا .. وحسيت إنه بدأ يخاف شوي <<< يا حول ياهالياباني ( :D ) المهم يوم وصلت لآخر الشارع ... عرفت إني مضيع ...!! :i125 عاد قلت له مهب هذا الطريق ... نبي نرجع مره ثانيه للنهر علشان نرجع لطريقنا :rolleyes: ... هالياباني هو بس درى إني ضيعت .. قام يقولي ( على حد ما فهمت منه ) بليز أنا خايف رجعني لليندا :( <<< عجيزتنا ( :D ) قلت له : لا تخاف تعال بس <<<<<< تسنيبك ما خفت بعد ( :p ) المهم رجعنا وصار كل شوي يقولي يالله خلنا نركض <<< تدري إنه منتهي من الروعه ( :i125 ) ( والصراحه . كرايست شيرج في الليل أنواااااع الوحشه ) <<<<< أفا يابولجين ( :cool: ) ^ ^ ^ جعلك ما تمشيها في الليل ياللي تضحك علي ( :D ) المهم يوم وصلنا للشارع حقنا ... هو بس عرف هالياباني الطريق ... قام يركض تسنه ملحوق ( :p ) ويوم وصلت للبيت ( طبعاً سبقني ) أشوفه يشرح للأم السالفه ( الحمدلله إنه ما عرف يعلمها الصدق :re ) وقالت لي وش اللي صار .. قلت له إنه خاف من بُعد النهر <<<< أموت بس أشوفك تشرحلها ( :D ) تسنيبك كأنك واقف عند المدير وأنت ما حليت الواجب <<<< اللهم لا تهزيء ooo1 ================================= المواقف السادس " الهيتر حق سريري " ================================= في المره القادمة سنكمل بعض المواقف ... والسموحه منكم ع الإطاله وع الكتابة بالعامية ... وسأحاول تنزيل الصور من جهازي اليوم ... لكن .. أتمنى أن لا يتعطل كعادته ... والسموحه منك ع القصور ... والسلام عليكم ورحمة الله وبركاته محبكم في الله أبولجين |
أبو لجين .. يا بعد قلبي الحقيقة إنك مليت علينا هالمنتدى وناسه بمذكراتك الجميلة .. وأسلوبك الرائع وبصراحه ضحكتن بسالفة المهبول والكف :p الله يردّك لنا بالسلامه |
يابو لجين
أنا بنتظارك ومشتاق لموقفك أشد الشوق أبو لجين تكفى لا تتأخر علينا الله يخليك |
وعليكم السلام ورحمة الله وبركاته :)
دخل مزاجي هالمغولي يا أخي كان صرت كريم وعطيته خدك الثاني هع أما هالياباني من قلب ضحكت عليه ياحول تلقاه مذرق من أي واحد عربي وبعدين تلقاه غصب على خشمه رايح معك يعني يفكر إنه ما له راي ثاني .. تعرف قبيلك عربي :) حسيت إنك بغيت تضيع اللغة قدام هالعجيز الله يهديه للإسلام والياباني بعد :) بانتظار الحلقة القادمة ولا تجي وتقول مره ثانيه بتله أسلم ولا أحد يرد خخخخخخخخ صاحب السم العسلي |
ما أقول إلا ماشاء الله على هالأسلوب يا أبو لجين ،،
أسلوب أروع من الرائع صراحة ،، بس قعدت أضحك على سالفة المغولي يوم صفقك بكف ، حسيت أنه وجهك صار أزرق :rolleyes: من قوة الكف ، وبنفسجي علشانك مستحي :o ، وأخضر علشان وجهك حساس :D ،، بس الحق حق ، مواقف ولا أروع ،، وكلمات رائعة ،، يعطيك ألف ألف عافية ،، ونحن بانتظارك ،، ودمتم سالمين ،، |
شكرا لك ابو لجين الله يرجعك بالسلامة
الموج الازرق |
| الساعة الآن +4: 01:57 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.