|
حجْ فرضكْ واقضبْ أرضكْ <<<هذا ماحصل لي شخصياً : )
السلام عليكم ورحمة الله وبركاته حيا الله بنات وعجز (منتدى بنت بريدة) :D الحمدلله كتب الله لي حجة هالسنة وحجيت فرضي يارب لك الحمد والشكر . وان سألتوني تبغين تحجين ثانية !! بقولكم : لا ’ عسى الله يتقبل حجتي والحمدلله . شوفوا بقولكم أحلى شيء وأسوأ شيء في الحج وإن بغيتوا قصة حجتنا كاملة أنزلها على حلقات علموني وأبشروا :D أحلى شيء رمي الجمرات شيء لايوصف يارب لك الحمد وأسوأ شيء الباصات اللي تنقلك بين المشاعر وااااااااو لاذكرتها يجيني ضيقة صدر وننتظر ردودكم ومدى اقبالكم على الموضوع:113: سلااااااااااااام عليييييييييييكم :) |
ماشاء الله تبارك الله الله يتقبل منتس ياااارب ويعيدتس اليه مره ثانيه ... اي والله انا احب المسلسلات ..طبعا مهوب اللي بالتلفزيون وع لا احب الحقيقيه ننتظر يومياتتس في الحج .. لك مني دعوة بالتووووفيق |
وعليــــــــــــكم الســـــــــلام الرحــمـــه هلا وغلا بمشرفتنا المزيونه حج مبرور وسعي مشكور وذنب مغفور تقبل الله منا ومنك اقتباس:
ياحبيـلك , |
بإنتزار الحلقاات يازوله ..! :113: |
الله يتقبل منتس جاري الاحتراء لقصة جحتكم سلاام |
وعليكم السلام ورحمه الله وبركاته ..
اهلاً وسهلاً .. عوداً حميداً ! حجا مبرور وسعي مشكور .. الله يتقبل منتس .. نــنــتـظــر ! سلامي لتسي .. :113: .. :) .. .. .. |
هوووووووووووووووع
ما شاء الله منتبارك حجك تسان قلتي لي اعلمك وشلون تحجين زي حجتي حقت خامس وناااااااااااااااااستون |
لااااااااااااااااااااااااااااااااااااااااااااااااا اااا والله>>بصوت عالي
الحج يجنن أنا أدعي ربي يفتح على قلب أبوي يبدأيحج كل سنه >>طماعه الحج يجنن الحج مخزن لمشاعر جليله لا توصف وبإذن الله بنزل مذكرات حجة اسلامي تقبلي مروري واختلاف الرأي ............................................. ^^^^^^^^^^^^^^^^^^^^^^^^^^^^^ |
انا معك ياطموحي جبال انا حجيت هالسنه والحج وووووووووووووناسه فيه روح عجيبه سبحان الله ولو يحصل كان كل سنه احج بس مهب على كيفي |
السلام عليكم ورحمة الله وبركاته اقتباس:
انتظريني بإذن الله جزاك الله خير :) اقتباس:
آمين .. الله يتقبل منا ومنكم الصالح من الأعمال يمكن بس أنا في الرياض :) ياملحك :D اقتباس:
حااااااااااضر:) اقتباس:
وجاري كتابتها بإذن الله :) اقتباس:
بإذن الله :) اقتباس:
ياليتي دارية قبل كان أخذنا كورس منك :113: اقتباس:
الله يكتب لك الحج وتحجين عام ورى عام بإذن الله وييسرلنا يارب وصدقتي انه مخزن لمشاعر لااااااااتوصف ومكان لبث كل مافي نفسك لرب العالمين وتجديد النية والمثابرة على العمل الصالح بانتظار مذكراتك عزيزتي :) اقتباس:
الله يبلغك حجة كل عام :) |
تعقيب ... بالنسبة للأخوين اللي حذفت ردودهم الأخ الأول : الأسلوب الذي لايخالطه قليل من المزاح المباح والمحبوب يكون ثقيل على النفس , والحمدلله قسم [بنت بريدة] يحتل أعلى مراتب بريدة ستي :) . الأخ الثاني : في الوقت الحالي أقول :لا , ولن ألعب على نفسي بقول نعم ..! وبالنسبة لقول أسوأ شيء في الحج وأسوأ شيء في رحلتي للحج فالمعنى واحد . |
حج مبرور وسعي مشكور تقبل الله منا ومنتس صالح الاعمال
بس بالعكس والله ياختي الحج يجنن انا يوم حجيت فرضي قلت عساي احج كل سنه والحمد لله حجيت العام بس اكيد مهب صايرتن زي طعم اول حجه |
ما شاء الله تقبل الله حجك يا بنت الشماسية مواقف الحج لاتنسى بانتظار مالديك |
انا هالسنه ماحجيت
تدرين ليـــــــش؟! قلت أحتسب الاجر وأقعد ببيتنا اوسع للمسلمين وأفحز مكان للي ماحجوا فرضهم وأترك فرصه لغيري يحجون :113: عاد كلن قالي اني يوم ماحجيت صار ضيــــــــــــــق وزحمه كلن جاء>> مشكلتي اني معلمه الناس أني منب حاجه وهم ماصدقوا خبر انكبوا كب بمكه يبي يحموون مكاني ..!!!! وتقبل الله منا ومنك صالح العمل |
"مقدمة" بسم الله والصلاة والسلام على رسول الله تمّ الحجز قبل شهر تقريبا على رحلتنا في الخطوط الجوية السعودية <<< يمكن البكستانية :113: المهم يوم دخل الشهر الفضيل اثرهم حاسونا بالتاريخ وصار حجزنا يوافق يوم 9 :eek5 المهم حاولنا منا ومناك وحصلنا حجز انتظار وحنا حاجزين بحجزين حجز 3 أشخاص وحجز شخصين , تأكد واحد من الحجزين والثاني لاء..! فقررنا اننا نروح كلنا بسيارة وقوم تعاونوا ماذلّوا <<< شوفوا روح الإخاء:D "يــــ8ــــــوم" طبعاً وصلنا منى يوم 8 لأننا يوم 7 نمنا في الطايف بسبب تعبي اللي أخرنا كلنا وبغوا مايحججوني بس اني متمسكة برايي واني بحج بإذن الواحد الأحد , والحمدلله قويتهم بس قالوا بشرط !!! تروحين للمستشفى ونشوف رأيي الدكتور إذا سمح لك بالحج ! ولاااازم تاكلين العلاج إذا صرف لك دواء .! المهم قلت ميخالف ورحت وصرفلي علاج وأكلت من ورى خشمي وأنا مرة كذا :eek5 ومرة كذا :( وانطلقنا إلى مكة بعد الظهر ومرينا الميقات ونوينا وطولنا .. يوم وصل التفتيش وحنا على أعصابنا مامعنا تصاريح بس معنا بطاقة الحملة :113: ونشوف كثير سيارات ترجع والحمدلله يوم وصلنا واحد أشرلنا قال امشو , والثاني قال تصاريحكم :113: ودوووس على البنزين ونجينا بفضل الله :D تصدقون واحد نعرفه مامعه تصريح لبس ثوبه على احرامه ودخل وصار عليه دم .., المهم ودخلنا مكه طبعاً ألحين بنروح للشرايع نوقف السيارة وعلى بال ماوقفناها وأخذنا أغراضنا ولقينا سيارة تنقلنا لمنى إلا وهي الساعة 3ونصف . وركبنا السيارة وانطلقنا لمنى ولا وصلنا الا الساعة 7 العشاء . وسبحان الله يوم شفت منى وشفت العالم والمخيمات والناس اللي جالسين بالشوارع على طول قلت : مثل اللي نشوفهم بالتلفزيون <<< لاحظوا الهدارة وين وصلت من الخوف اللي لاعب فيني:bad يوم وصلنا المخيم أثرهم شايشين العالم وطايرين وش السالفة وش فيكم .!!:confused:!!. قالوا بيمشون لعرفات .. عاد أنا واللي معي ياحبيلها طايرتن بوهتنا بالعالم سبحان الله :eek: لاااااا واللي يموت ضحك الشناط اللي معنا يقول بنروح لماليزيا ونجلس شهر :113: أكبر شنطتين في المخيم :D المهم وأروح للإدارة وأشوا يودونا لمكاننا ونحط أغراضنا ونروح نتوضاء ونصلي المغرب والعشا تقريبا ألحين الساعة 8ونصف . المهم جابوا العشا وقالوا بسرعه يالله الباصات بتمشي لعرفة ولا مشينا الا الساعة وحدة على الخبة لو ماخذتن لي غفوة ومريحة :079: ونركب الباص ونحرك وحدة ولا وصلنا عرفة الا الساعة 7 الصبح <<< قسم بالله تقل حلم أول مرة أركب باص كبير :061: غداً بإذن الله يـــ9ــــوم دمتم بخير :) |
اقتباس:
الله يتقبل ياخيتي منا ويخلص لنا الأقوال والأفعال:) اقتباس:
آمين وإياك جزاك الله خير صدقتي ماتنسى طول العمر أبشري إن شاء الله :) اقتباس:
أنا لقيت مكان فاضي وقالوا انه لآراسيل بتحج وهونت وقالت بتبرع بمكانه للحجاج :113: آمين ومنك يالغالية :) |
اقتباس:
ما أجملك وما أجمل طرحك المشوقْ ,, أجل هجيتوا ,, حنا ما هجينا بس جونا اثنين حليلين ،، قالوا خلاص روحوا بس ادعولنا تكفون كلكم <<< يا حول اكسروا خاطري:bad ما أجمل هدارتك فهي أضحكتني لكن أضنها هدارةُ ُ مؤقته كالتي تصاحبني أحياناً :D وما أجمل الفصحى إذا خُلط بالعامي :D:D:D ننتظر البقية ولنا حضور :D آخر ,, لكِ تحيتي / بلاقيسووووو:D |
بانتظار اكمال طريق المفاجات الحجية
|
وعليكم السلام ورحمة الله وبركاتة
حج مبرور وسعياَ مشكور الله يتقبل منكم اقتباس:
بس غريبه مشيتو لعرفه مبكرين ... ووصولكم بعد متأخرر !! احسن شيءعندي كان الباص اتفرج على ها العالم :) [با نتظارك ] |
الحمدلله على السلامة ومبروك الحج .. مشاء الله ! الله يتقبل منا ومنك .. ويقبل دعاء المسلمين ! شوقتيني لأيام الحج .. :eek5 ! على أني كنت بعيدة عن أهلي وكنت أول مره أفارقهم وكنت مره مره خايفة ! لاكن .. لها طعمها الخاص و أيامها أيام لاتنسى ! لو يقولون لي وش تتمنين !؟ قلت أحج فرضي .. وأعيد الأيام وأحج فرضي مره ثانية وأعيد الأيام وأحج فرضي مره ثانية ! اقتباس:
أذكر مرينا من عند قصر فيه ناس .. أنا وبنت عمتي ضحكنا ! قلنا : ناس رايقة .. بالحج زواج .. :113: ! بعد ربع ساعة .. قالوا يالله أنزلوا .. حنا المعازيم :113: ! صار كل مافي الأمر .. يكون من هنا الإستعداد للإنطلاق لـ مكة ! والحمدلله محد سمعنا وهدارتنا .. :041: ! < شكلها بتقلب الموضوع له .. :113: ! ننـتظر بقية الأحداث يا فتاة الإسلام .. :041: ! . |
الحمد لله على السلامة أخيتي الغالية حج مبرور وسعي مشكور وذنب مغفور ننتظر باقي الأحداث |
اقتباس:
ولك تقديري :D دمتي بخير :) |
اقتباس:
:) |
اقتباس:
آمين يارب ايه الله يساعدك تحجين كل سنه :D شكله ضيعنا السواق :113: |
اقتباس:
آمين منا ومنك يارب وجعلك تحجين عام ورى عام واثر العالم كلهم تصير فيهم هدارة بالحج :113: |
اقتباس:
آمين . وإياك ويتقبل منا ومنك يارب الصالح من الأعمال :) |
ما شاء الله .. تقبل الله منا ومنكم ...
كملي تحمسنا .:d.. إسلوبتس يهبل ما شاء الله .. :41 . |
اقتباس:
أبشري .. ترى اليوم دفا أخاف أذوووب :113: |
بسم الله الرحمن الرحيم "يـــ9ــــوم" طبعاً مثل ماقلت لكم وصلنا المخيم في عرفه الساعة 7 الصبح نزلنا وحنا ذابحنا النوم متدروخين :113: المهم رحنا ودخلنا مخيمنا وأثر فيه هذيك اللي تفتح النفس ياحبيلها ضيفتنا واستقبلتنا أحسن استقبال دخلنا وحطينا أغراضنا في أماكنا ، توضينا وصلينا الفجر وأخذنا فطور وأكلنا وشربنا يارب لك الحمد ، لأنهم موصينّا مانشرب قبل نركب الباص :D عاد ألحين ودنا ننام نرتاح شوي الساعة تقريبا 7ونصف الصباح , والله ويطييييير النوم مرررررره تعال يانوم تعال ياحلو بنام شوي تكفى الله يخليك والله ولا كني أنادي أحد كان الخيمة سمعت فهو سمع :113: والله ومانمت هذاك اليوم كله وبس طايرة عيوني بالخلق ودي أذكر الله اسبح ادعي اهلل عجزت تدرون وش سويت :D !! غمضت عيوني وعشت بعالمي وتركت الخلق للخالق اللي خلقهم <<< كرريها 5 مرات :113: يوم جا الضحى ويسون محاضرة تهببببل والعالم بس تدعي وتصيح الله يجزاها خير الداعية يوم جا الظهر ويجي الغدا وقالوا يالله تغدوا واشبعوا ولاتكثرون شرب والسبب معروف :D تخيلوا بنت الشماسية ارتفع مستوى الإيمان عندها والله ماتصدقون حسيت ان الإيمان توب ولله الحمد أنا بي خوف يكسر الحصى لو اشوف نملة تمشي مارتاح أبتل اراقبها وعيني عليها , يوم عرفه لاااا غير تخيلوا وقفت فراشه على راسي قالت وحدة بنت الشماسية فيه شيء على راسك <<< متحمسة بصوت عالي تقولي :D ,, رديت عليها قلت وين هنا ايييه بسم الله وخرتها بيدي ولاهمني :cool: وصلينا الظهر والعصر جمعاً وقصراً جماعة الحمدلله وكملنا هذاك اليوم بدعاء عسى الله يتقبله , المهم يوم جاء العصر قالوا يالله تجهزوا بنركب الباصات بنمشي لمزدلفة واللي به شيء ولا شيء تروح لهذاك مافيه وقفة :D ولبسنا عبايتنا ووخروا الحاجز بينا حنا والرجال وجلسنا متغطين حنا بجهة والرجال بجهة .. تخيلوا وحنا جالسين جت وحدة من العجز اللي تمووون بالحيل قالت لي : هيه قومي سكري الصحراوي متنا برد ,, قلت طيب أبشري وأقوم وأسكر الصحراوي يوم سكرته مادريت الا شيء خبز فوووووق راسي در دوووووب :113: تحسوني خفت لاااا ارتعت لااااا الوضع طبيعي جداً قلت بسم الله مادريت الا حمامة طاحت من راسي للأرض اثر اللي خابز علي حمامة وش كبره .. اللي معي قالت ماخفتي :eek: قلت لا يحول شكل الحمامة تعبانه شوفي ماتطير :eek5 ,, قالت الله يخلف عليك هذي هي أصلا ماتطير في نوع من الحمام مايطير :D وركبنا الباصات وجلسنا ساعة أو أكثر مامشينا وواحد قسم بالله تقطع قلبي عليه يدوّر امه مالقاها دخل عند الحريم ويناديها باسمها ويدور بالحريم مالقى يوم ركبنا الباصات ويمشي على الباصات واحد واحد مالقاها :eek5 عاد يوم جينا للرياض قلت لأهلي السالفة , قالت جدتي هو :confused: قلت وشو !!!! قالت هالحرمة تدرس معي بالدار العصر !!! وأنشب بحلقه قلت تأكدي اذا بدت الدراسة روحي اسألي عنها تكفين ياديدة ياحبيك وقالت أبشري وللحين ماردت علي اذا ردت لي بشرتكم إن شاء الله المهم نرجع لسالفتنا وحركنا تقريبا الساعة 7 من عرفه ولا وصلنا مزدلفة الا 11 ونصف في الليل وقفنا وريحنا وأكلنا وتوضينا للصلاة ,, جا أخوي وقال اسمعو زين ركوب في الباص مافيه بنمشي من مزلفة إلى منى ومن منى نروح نرمي الجمرة قلنا طويل وتعب قال مافيه ,, وكلنا أمرنا لله ومشينا بين هالبصات اللي تقل وحوش بسم الله علي ومشي ومشي ومشي اليييييييين وصلنا منى ومشي ومشي ومشي الييييييييين وصلنا الجمرة ورمينا وقسم بالله شعور مايوصف رمي الجمرات يهببببل الحمدلله ... ونرجع للمخيم وحنا تافلين العافية من التعب وندخل نتروش ونقصر من شعورنا وعلى طول رحت لفراشي وقريت وردي ونمت شكلي ماكملته من التعب أول يوم انام في المخيم من يوم 7 اللي نمنا فيه بالطايف والحمدلله نمت لي ساعتين وقمنا نصلي الفجر يوم العيد وكل عام وأنتم بخير :105::074::016::110: والبقية تتبع بإذن الله غداَ يـــ10ـــــوم دمتم بخير :) |
[[ تعال يانوم تعال ياحلو بنام شوي تكفى الله يخليك والله ولا كني أنادي أحد كان الخيمة سمعت فهو سمع ]]
وش شاربـة على هالظهـر ؟؟ :113: [[ تخيلوا وقفت فراشه على راسي قالت وحدة بنت الشماسية فيه شيء على راسك ]] ياسلام على القوة :113: [[الا حمامة طاحت من راسي للأرض اثر اللي خابز علي حمامة وش كبره .. اللي معي قالت ماخفتي قلت لا يحول شكل الحمامة تعبانه شوفي ماتطير ,, قالت الله يخلف عليك هذي هي أصلا ماتطير في نوع من الحمام مايطير ]] لالا بذي صدق قويـة .. بـس أكتشفـت أنتس رحومـه طالعه علي :113: ..... الصراحـة ودي أصيح أسلوبتس يحمس للحج ماشاء الله .., وأنتِ بخير وصحـة وسلامـة ..,’ :) بإنتظار البقيـة .., |
هلااااااااااااااا عبدتووووووووووون :113: ياحليل ردك وطريقة اقتباسك :113: طالعة عليك من شابه صديقته فما ظلم :113: ................. بنات تراي خلاص ماراح أكمل يوم 10 و11و12 |
| الساعة الآن +4: 03:15 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.